吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 六合彩得主女兒網上揭秘　4千字詳述父母中獎後性情劇變 ...

自由講場今日: 2794|主題: 1347943

收藏本版

回覆發帖

返回列表

跳至頁

查看: 5900 | 回覆: 42

六合彩得主女兒網上揭秘　4千字詳述父母中獎後性情劇變 [複製鏈接]

12 3

elbar

公爵府

積分: 25302

1^#

發表於 25-6-5 09:29 |只看該作者 |正序瀏覽 |打印

一名自稱六合彩中獎得主女兒的網民，近日在網上發文分享家中獲獎後的轉變，透露父母中獎後性情大變，至今仍向部分親友隱瞞中獎事實，她還對父母「冇畀金錢蒙蔽雙眼」表示欣賞，帖文曝光後引發熱議。

事主於周日（1日）在Threads平台以近4千字發文講述「我屋企中六合彩X獎嘅經驗」，並提到為保護私隱，她使用的是非個人主要帳號，而有些事實是改動過，並非完全真實，主要是想分享感受。她強調分享目的非炫耀，而是「純粹想感謝主耶穌，天公作美」。

她憶述，中獎那年自己就讀小學三年級，妹妹讀幼稚園K2，原本一家四口居住於居屋，因父親賣樓替爛賭姑媽償還高利貸債務，最終搬到爺爺嫲嫲的公屋居住。

"嗰陣時六個人就喺呢二、三百呎嘅屋入邊生活，當時父親因為學歷唔夠俾人bully（欺凌）而辭去工作，家庭主要收入為母親擔任洗衫工作的每月一萬餘元薪金，再加上我爺爺（每月）幾千（元）嘅退休金（唔知有冇攞綜援）就撐起我哋呢六個人。"

她表示，在某個暑假或開學時，父親說「今次六合彩有好多錢，佢想搏一搏」，但母親反對擔心父親會像姑媽那樣沉迷賭博，兩人為此爭吵，最終父親仍偷偷買六合彩，「叫我揀一個數字，又叫我阿妹揀一個數字」，但那期六合彩沒中，這是事主父親首次購買六合彩的經歷。

她續說，後來父親找到新工作，全家人包括爺爺嫲嫲也一起外出慶祝，父親為慶祝找到工作，提議買六合彩，「因為今次累積獎金好似好多，驚喜係今次我阿媽應承咗。」

一家6口每人各選一個號碼下注

事主記得當時在元氣壽司店慶祝，6人各自寫下一個號碼。她形容當時與妹妹「勁興奮」，既能吃壽司，又像在進行某種神聖儀式。

"首先係我阿爸撳咗一個數字，跟住就到我阿媽，之後就我阿妹，傳過去對面就係我，我再傳畀隔離嘅嫲嫲，我嫲嫲再傳畀爺爺，最後我爺爺撳完最後一個數字畀返阿爸。

事主回憶選號時的心情，「我記得我嗰陣時撳數字嘅時候，隻眼好似比一個數字吸引咗咁，跟住就撳咗落去，完全冇嗰啲咩要struggle好耐嘅感覺。我哋每個人都好快咁撳咗一個數字，呢個感覺我記到嚟而家（雖然而家冇再中過笑死）。」

對獎時父親突然走進廚房找媽媽

攪珠當日，事主指父親拿著六合彩彩票觀看直播對號，

"佢每出一個Number，我就問爸爸有冇中。第一個出嚟，我同阿妹好興奮咁問：「有冇中、有冇中、有冇中？」我爸爸話有！我哋即刻企晒起身好興奮。跟住到第二第三個，我爸爸都話有，佢個「有」已經唔係興奮咁簡單，係充滿着wtf嗰種嘅「有」，我同我阿妹完全係當地板，喺跳彈床咁樣喺度跳，互相擁抱住對方。"

當第六個號碼開出，「我同阿妹即刻問有冇中有冇中，點知阿爸唔理我哋，佢行咗去廚房搵媽咪。」隨後事主指嫲嫲似乎察覺什麼，馬上抱住她們說「冇中到啊。」

之後，「阿爸阿媽出嚟......阿爸好失落咁話淨係中咗$1000，阿爸講完之後，我同阿妹都冇繼續深究」，但其實父親隱瞞中六合彩，因事主後來發現家中財政突然變得寬裕，「洗費比平時大咗，又話諗住俾阿妹讀私立小學」。

事主表示父母至今未有透露當年中獎金額，「反正就多到財富自由」，並指後來他們有投資銀行股，買了三套房，一套自住兩套出租，部分捐款給流浪貓狗救助組織，將10%薪水捐給醫管局，且持有大量銀行卡。至於父母隱瞞中獎實情有苦衷，主要是避免給嫲嫲太多錢，以免最終被爛賭姑媽騙光。

父母仍全職工作為保持低調住普通私樓

她又透露，父母現在仍保持低調生活，未因中獎退休，反而繼續全職工作，從事醫療服務性相關行業，「仲話要返到65歲」，「我都好欣賞佢哋冇畀金錢蒙蔽雙眼。」她表示，目前一家僅住在普通私樓，「如果由咁窮變住豪宅，係人都睇得出，夠住就OK啦。」

父母中獎後性情劇變

她談及父母中獎後性格巨變：

"即係以前我爸爸真係好惡，係會攞衣架打我哋嗰啲，媽咪都會......我爸爸之前講嘢超級大聲，我媽咪都係嗰啲大聲公，咩都周圍同人講。中咗六合彩之後，爸爸穩重咗勁多倍，講少咗嘢，仲要每次都講得好細聲，好溫柔。而我媽咪由E人（外向）變得超級I（內向），I到係一有放假就唔會出街嗰種。"

她特別指出，父母中獎後開始失眠：

"不過講到最大改變都係失眠問題，佢哋話自己個心成日囉囉攣，攞住呢筆錢好唔安穩。慶幸我哋一家四口嘅關係都係照樣咁close！！都係好有愛。"

事主認為父母過去真的很艱難，他們值得現在擁有的一切。

網民好奇中獎徵兆

帖文曝光後，有網民詢問中獎前「是否有徵兆」，事主回覆第二次買六合彩中獎當日「超開心」，父親找到新工作，難得全家一起吃壽司，覺得整件事非常溫馨快樂。相反首次買六合彩未中時，恰巧事主在學校哭完回家，那時事主父母正鬧離婚，所以她覺得與負能量、正能量有關，而買六合彩中獎那天是真的超級開心。

此外，網民紛紛留言稱讚，「爸爸媽媽心理質素好好，無畀橫財蒙閉雙眼，咁先可以好好守住財富。」有人表示，「好似睇緊現實版嘅港產片《家有喜事》咁。你寫得好好啊，一家人好可愛！你們值得現在擁有嘅嘢。」有人則提醒女事主保持低調，「感覺到你好似好想爆呢個多年秘密出嚟，想提下真係盡量唔好。」

點評

333s

發表於 25-6-15 08:54

0 0 0

私人傳訊回覆引用

ngwong2

翡翠宮

積分: 87269

43^#

發表於 25-6-15 14:24 |只看該作者

luvfor2bb 發表於 25-6-14 18:31
中咗大獎隱瞞唔出聲都正常

私人傳訊回覆引用

saladgab

男爵府

積分: 7422

42^#

發表於 25-6-15 10:52 |只看該作者

回覆樓主:

好多年前一個近40朋友，未婚，一直住私樓，返政府工。突然提早退休，換咗間大啲新樓，有冇買其他樓或奢侈品就唔知。有啲朋友估佢可能中咗六合彩，照計40好難生活無憂退休。

私人傳訊回覆引用

MRS.KAREN

水晶宮

積分: 60278

2025勳章 2025勳章蛇年勳章 2024年龍年勳章玩具勳章冬日勳章好媽媽勳章醒目開學勳章

41^#

發表於 25-6-15 10:51 |只看該作者

回覆樓主:

而家太多膠文，唔信

私人傳訊回覆引用

mariefish

珊瑚宮

積分: 101264

父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章牛年勳章 2018復活節勳章 FUN享自然‧郊遊一夏

40^#

發表於 25-6-15 10:48 |只看該作者

naicha 發表於 25-6-15 10:32
回覆 Prosperous 的帖子

電腦版係撳的, 我啱啱先撳完

但係撳嘅話，唔會有實體票對號碼，好大機會係作故仔

點評

Prosperous

發表於 25-6-15 20:44

私人傳訊回覆引用

麟媽媽

王國長老

積分: 88002

好媽媽勳章王國長老

39^#

發表於 25-6-15 10:46 |只看該作者

其實呢對得獎夫婦都係超級大好人啦，自然好人有好報。講真，你親人爛賭，有幾多家人可以偉大到賣咗自己層樓幫佢填債？至多破產就唔使死人啦。

私人傳訊回覆引用

野原美冴

珍珠宮

積分: 48446

減齡達人勳章

38^#

發表於 25-6-15 10:43 |只看該作者

naicha 發表於 25-6-15 10:32
回覆 Prosperous 的帖子

電腦版係撳的, 我啱啱先撳完

但發文者又有提到開彩時「拎住六合彩彩票」對number 喎，有實體票就唔係網上撳。
所以篇文有自相矛盾的地方。

私人傳訊回覆引用

mariefish

珊瑚宮

積分: 101264

37^#

發表於 25-6-15 10:40 |只看該作者

回覆樓主：

本帖最後由 mariefish 於 25-6-15 10:40 編輯

假到爆，點可能老公賣樓幫家姐還債，個老婆仲可以冇激到情緒病，仲繼續幸福快樂咁過平靜生活，作故都唔好咁離地

私人傳訊回覆引用

naicha

公爵府

積分: 25173

36^#

發表於 25-6-15 10:32 |只看該作者

回覆 Prosperous 的帖子

電腦版係撳的, 我啱啱先撳完

私人傳訊回覆引用

db7mu23

伯爵府

積分: 19467

35^#

發表於 25-6-15 10:13 |只看該作者

回覆樓主:

細個時收聽
商業電台phone in 節目
係講横財
女聽眾致電
配偶中過6合彩頭獎
200多萬
做生意、借錢俾親友、揮霍
兩年打回原形！

私人傳訊回覆引用

db7mu23

伯爵府

積分: 19467

34^#

發表於 25-6-15 10:08 |只看該作者

Prosperous 發表於 25-6-15 03:54
睇內容佢地一家應該係香港人, 但香港人唔會講一 "套" 房, 而係一層樓兩層樓。仲有咩大量銀行咭, 睇陸劇, 內 ...

似作文！
我的狂想曲！

私人傳訊回覆引用

OKC

珍珠宮

積分: 31989

33^#

發表於 25-6-15 10:01 |只看該作者

其實有啲懷疑真實性，事主嘅阿爸買咗幾次就中咗頭獎，咁真係好好彩

私人傳訊回覆引用

elChow咪

複式洋房

積分: 250

32^#

發表於 25-6-15 09:56 |只看該作者

好人有好報，財不可漏眼，世界太復雜

私人傳訊回覆引用

sasatt

伯爵府

積分: 19661

31^#

發表於 25-6-15 09:35 |只看該作者

回覆樓主:

我中左會同人講中既係細d既獎，得幾十萬，跟住知佢地中意又唔捨得買就買比佢，或去旅行果d又請下。

私人傳訊回覆引用

333s

象牙宮

積分: 230855

30^#

發表於 25-6-15 09:15 |只看該作者

Prosperous 發表於 25-6-15 03:54
睇內容佢地一家應該係香港人, 但香港人唔會講一 "套" 房, 而係一層樓兩層樓。仲有咩大量銀行咭, 睇陸劇, 內 ...

買了3間屋，當中1間自住 + 2間出租
內地买.... 也有可能性。

想不開、就別想. 得不到、就不要. 失去了、繼續笑. 擁有了、要珍惜。
快乐不是拥有的多，而是计较的少。

生悶氣，發脾氣，煩躁，焦慮，失眠. 是指因生气（生闷气、怒气、着急上火生成的火气、思虑生成的郁气）。
理性討論交流者。

私人傳訊回覆引用

333s

象牙宮

積分: 230855

29^#

發表於 25-6-15 09:04 |只看該作者

本帖最後由 333s 於 25-6-15 09:06 編輯

elbar 發表於 25-6-5 09:29
一名自稱六合彩中獎得主女兒的網民，近日在網上發文分享家中獲獎後的轉變，透露父母中獎後性情大變，至今 ...

原本一家四口居住於居屋，因父親賣樓替爛賭姑媽償還高利貸債務，最終搬到爺爺嫲嫲的公屋居住。全家搬到爺爺嫲嫲約300呎公屋同住。母親洗衫工作每月約1萬元薪金，以及爺爺每月數千元退休金成為家庭主要收入，「撐起我哋呢六個人」。（唔知有冇攞綜援）可能長者生活津貼。
中多少彩金，現在仍保持低調生活，未因中獎退休，反繼續全職工作，「仲話要返到65歲」住在普通私樓。