少年成長今日: 0|主題: 16020

收藏本版

回覆發帖

返回列表

跳至頁

查看: 9315 | 回覆: 0

暑假 [複製鏈接]

csir3290

子爵府

積分: 12064

1^#

發表於 25-7-20 14:50 |只看該作者 |正序瀏覽 |打印

眨下眼又到暑假，喺個半月嘅暑假入面，如果家長唔留心子女嘅發展，暑假之後可能仔女會有好大嘅轉變。好似我家兩姊弟咁，雖然兩個都已經讀升中五同中三，乜嘢都定曬型，而且佢兩個都有自己嘅生活節奏同埋懂得自己溫書，但係我都會提醒佢哋就算放假都唔好太過破壞自己平時嘅生活節奏。最起碼都提下佢哋唔好瞓到咁晏先起身，如果唔係夜晚就瞓唔著。就算要打機都好，都應該下晝沖完曬涼先至開始打機，直至到夜晚食飯就要停止。我哋兩公婆都要返工，所以呢啲都係要講個信字，幸好佢兩個平時都已經建立咗一套幾好嘅生活習慣，所以我同老婆都放心。
家長千萬不可以看輕暑假對細路仔嘅影響，我成日都講建立好習慣要用好長時間，但係相反壞習慣一旦養成你要變返好，就要用更多嘅時間。所以趁小朋友仲係細個嘅時候開始，就要幫佢哋慢慢建立生活習慣，我明白好多父母都要返工，根本喺日間嘅時間就管唔到啲仔女咁多。但係正正就係咁，所以就更加要要趁細路仔細個嘅時候幫佢哋建立，好似我自己咁，就算兩公婆都要返工，以前佢哋細個放暑假嘅時候，我同老婆夜晚返到屋企都起碼會睇下佢哋做暑期作業做咗幾多，或者每日都會安排一啲既定嘅任務畀佢哋要完成，等佢哋唔會完全放低曬所有嘢就淨係去玩。其實只要由細開始，其實佢哋都會慢慢習慣。我幫對仔女自細就慢慢建立一套生活習慣，就係放假嘅時候，朝早要完成前一晚交低嘅練習同埋練琴，然之後下午先至係放鬆嘅時間，嗰段時間我完全唔會干涉佢哋玩乜嘢，一旦習慣建立，就算長大咗佢哋仍然都會維持呢啲習慣。如果家長真係冇辦法安排，可能就真係要畀細路仔就算暑假都好，都要有起碼嘅課餘託管，幫佢哋維持住起碼嘅學習習慣。但係我更加相信其實只要家長由細細個開始幫佢哋培養，自自然然就會建立到一套既定嘅生活習慣。

但係對於青春期嘅細路仔嚟講，如果自細冇幫佢哋建立習慣，去到呢個時間其實亦都唔可以強求，因為強求只會增加大家嘅摩擦，反而家長可能應該更加在意佢哋有冇成日出街，同邊啲人去街，不過當然唔好成日用質問嘅語氣，而係要多啲同啲細路仔傾計從中了解。其實亦都可以同啲細路仔商量下，睇下有啲乜嘢興趣班佢哋有興趣參與，就盡量安排佢哋去參與。減低佢哋無所事事又無聊嘅時間。講真大人無端端放個幾月㗎可能都會覺得無聊唔知點過，更何況係細路呢！
千萬唔好看輕暑假對細路仔嘅影響，太過無所事事只會令到佢哋建立更多無謂嘅壞習慣。