二手市場今日: 0|主題: 2551889

收藏本版

回覆發帖

返回列表

跳至頁

查看: 1059 | 回覆: 5

[其他] Carousell 被詐騙慘痛經歷 [複製鏈接]

Bekomui

複式洋房

積分: 189

1^#

發表於 25-8-2 16:10 |只看該作者 |正序瀏覽 |打印

昨日發生，無左十幾萬，唔想更多人受害，所以唔怕瘀分享出黎。（長文勿介意）
7月31日晚上載幾件貨品想賣（第一次使用Carousell），當晚即刻有人留言想買其中一件。尋日中午再留言，叫我同佢老公傾交收，因為佢要湊仔。於是我whatsapp 聯絡個老公（騙子）。
騙子問我可唔可以順豐到付，話會付款先，我之後再寄出都無問題。無耐之後，佢send 左一條link 話已經轉數快俾Carousell，叫我按link 同Carousell 客服傾話用電話認證，咁就可以收款。
於是我按link 開左carousell網站（假），用chatbox 同假客服溝通，對方俾左個電話號碼我話教我點set。
我打左電話去，對方就俾左一組英文字同一組數字我，叫我登入網上戶口apps，一步一步咁教我整。第一教我轉帳去富融銀行，轉帳金額係$8.01，但失敗，第二次又用另一個方法都係轉去富融銀行，都係$8.01，但又失敗。（後來諗返呢兩次轉帳係對方專登整失敗，為既係令我疲勞、增加信任感）。呢兩次用左兩個幾三個鐘，因為中間要等所謂既Carousell
系統send 開通戶口既激活碼。而客服一直好殷勤，打左兩三次電話黎跟進。
到最後一次，佢換左經理同我講。經理一開始就問係唔係收到時限600秒既激活碼，跟住就教我。今次係用轉數快，又係俾一組英文字同一組數字我，話係識別碼，金額填數字識別碼。（中間亦問我攞左全名同戶口號碼）填完後我見到話要轉帳十幾萬覺得唔妥，就提出疑問，對方話同前兩次$8.01一樣，唔會真係扣帳，我好蠢咁信左按左確認，對方仲叫我往下餘款係唔係無變。我睇完真係無改變，對方跟住話一陣有SMS send 黎，要回覆Y。我見到SMS 話有一筆十幾萬既轉帳，如有懷疑可致電查詢，我提出想打o個個電話查詢，對方話激活碼有時限，叫我覆左Y。o個一下鬼揞眼真係覆左Y，就咁無左十幾萬，即時手軟腳軟，喊都喊唔出。
稍為冷靜後打去銀行凍結戶口，同埋去警署報案，但為時已晚。
之後綜合各方意見，有以下結論俾未用過Carousell 既人：
1. 唔好私下聯繫買家/賣家，有咩都要透過Carousell 平台既chatbox 傾。最好選擇面交。
2. 唔好按任何平台以外既連結。
2. 一定唔好信咩客服。我蠢到變左扯線公仔，完全聽從對方既指示，就係因為深信對方係客服。