想生BB 今日: 0|主題: 109529

收藏本版

回覆發帖

返回列表

跳至頁

查看: 3394 | 回覆: 4

分享朱古力瘤amh1.2,iui得左,同路人加油! [複製鏈接]

yanleung23

別墅

積分: 758

1^#

發表於 25-8-11 22:45 |只看該作者 |正序瀏覽 |打印

當時我37歲，結婚兩年都未自然中，一開始其實都冇太在意，因為中學開始經痛勁嚴重，經期前三日每日都要食好多粒特強止痛藥先頂得順，痛到訓低，所以都習慣咗，仲以為生細路會難啲。點知結婚後2年開始有非經期陰道出血，驚到即刻去婦科check。

第一次睇醫生，同醫生講咗我長期嘅經痛和最近嘅滴滴聲出血，醫生叫我做超聲波同柏氏抹片檢查。檢查嗰陣真係好緊張，心跳加速，心諗會唔會係癌症咁嚇人。結果發現有個差唔多4cm嘅朱古力瘤，唔算太大，醫生話有可能係佢搞到我出血，咁都好D至少唔係生癌。但我嘅AMH只得1.2，代表卵巢儲備偏低。而老公嘅精子活動力都一般，呢啲消息實在幾打擊。

醫生唔建議我即刻做手術，因為朱古力瘤唔大，擔心會傷及卵巢影響懷孕機會。建議試IUI，用濃縮過嘅精子直接放入子宮。因為我雖然唔多卵，但月經幾準，醫生就俾我口服排卵藥幫手，再每次覆診用超聲波照卵泡發展，睇實卵泡夠唔夠大，確保排卵順利。醫生好細心，每次去都會根據我身體反應調藥。當然我事前都戒飲酒、多左運動、keep住心情平穩，聽醫生話唔好太操勞。

第一次IUI前，醫生再詳細講解流程，幫我做好心理準備。我當日真係好緊張，但醫護人員態度好好，好有耐性，令我安心咗好多。睇返14日後驗孕，竟然成功，當刻真係淚流滿面，幾年嘅等待終於有成果。

最後感想：真係好多謝寶德蔡醫生嘅細心同專業，開頭聽人講AMH低要做試管，好擔心會唔會一定要走依條路，但蔡醫生細心評估我情況，建議先試IUI，令我有多一個選擇，好幸運一次就成功！同時，佢令我由緊張變到安心，真係俾咗我好多信心。希望大家都唔好灰心！世事無絕對