吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 屈穎姸喺咪帶風向！

自由講場今日: 381|主題: 1353976

收藏本版

回覆發帖

返回列表

跳至頁

查看: 18484 | 回覆: 270

屈穎姸喺咪帶風向！

[複製鏈接]

12 3 4 5...14

Gud567567

男爵府

積分: 5404

1^#

發表於 3 天前 |只看該作者 |正序瀏覽 |打印

【先治好惹來蒼蠅的腐爛】
屈穎妍
2025-12-2

民生無小事。

這句話，經常出現在官員、政客口中，然而，說時容易做時難，既是小事，自然乏人理會，否則《東張西望》不會天天有題材。

雜物霸後巷、樓上滲水、樓下噪音、走廊燒香、鄰居是間垃圾屋、甚至子女騙父母積蓄……每遇不平事，無論大事小事瑣事家事，大家第一個想到的，就是「報東張」。

《東張西望》不是新聞部門，主持人是藝員不是記者，但市民卻願意把伸寃的寄望托付給一個娛樂節目，為什麼？TVB的《東張西望》近年長期穩佔全港電視節目最高收視位置，有沒有人想過，為什麼？

《東張西望》的成功，其實是代表政府部門、議員政黨、傳統媒體的失敗與失效，遇事「報東張」，潛台詞是因為「投訴無門」。

如果民生小事你打個電話到相關政府部門能得到火速處理，找個當區議員可以立即幫你排難解紛，去報館投訴問題成了社會現象被剖析報導，我相信，沒有人願意上《東張》蒙頭變聲地接受訪問。

民生無小事，但現實是，小事無人理，釀成大事，就欲理無從了。

今次大埔宏福苑火災慘劇的大維修問題，早在一年前已在《東張西望》報導過，那次「上東張」，就是居民投訴無門之後的最後選擇。
可惜，涉及數億元的龍潭虎穴生意，又豈是一個娛樂節目可以撼動？

有位朋友在所住舊樓當過法團主席，他的經驗非常值得反思：
「老建築的居民全是老弱，完全不是建築公司及顧問公司的對手，大廈維修每件事都很瑣碎但又很專業，這些老弱根本不知道跟誰談？面對一羣敢對一棟樓宇開億元維修費的虎狼，這群老弱卻沒有任何部門教我們鑑別誰對誰錯？這是整體社區治理的失敗，讓非常弱小的業主面對著非常專業的虎狼。政府長期大力推動業主自治，是盲目相信民主作用，也是自己卸膊的做法。」

其實，這幾年我收到最多的求助，就是來自不同屋苑街坊、業主委員甚至法團人士的投訴，找上我，已是走投無路了。他們不想上電視，不想身份被曝光，想我為他們出頭。

面對這些億億聲的工程合約、標書、專業名詞，我跟這些小業主說，踢爆圍標壟斷是個大工程，抱歉我只得一個人一對手一支筆，實在無能為力。
我建議他們找議員幫忙、找有公信力的媒體做偵查報導，他們說，都找過了。

我無言，在一個眾目睽睽的社會問題面前，小市民是如此無助。

劉德華在電影《焚城》第一句對白是這樣的：「人禍，有時比天災更可怕！」

災難發生，有人趁機搞事是意料之內，尤其這小島曾經嚴重撕裂，內傷仍在。可惜這幾年我們一直用錯療傷方法，不重民生小事，不整治官僚架構，只重歌舞昇平政治表忠，要掌聲不要批評，議員及媒體被綁手綁腳，完全失去監察作用，出大事，是遲早的事，唯一沒料到，是要用幾百條人命、幾千個家庭來交學費。

蒼蠅不叮無縫的蛋，國安法可以捉蒼蠅，但條件是要先治好惹來蒼蠅的腐爛。
「由治及興」不是口號，是徹徹底底的改變，一個撼動官僚制度的改變，一個讓悲劇不再重演的改變。

但願這場火能燒醒一些人，能照亮我們的前路。

點評

james1

發表於 3 天前

PTMCYS

發表於 3 天前

0 0 0

私人傳訊回覆引用

smart_lam

男爵府

積分: 9969

271^#

發表於昨天 13:18 |只看該作者

gruntel 發表於 25-12-5 00:06
租私樓劏房都慘嫁，
水電費任業主up，
租住期間時有漏水或廁所塞，

我多年前試過租新迷你工作室，係作儲存貨物用，入面有獨廁約一百尺，2019年時三份幾，日頭走廊仲開冷氣，未試過跳電，業主仲好好任借物品或工具，有人退租有物品都問我要唔要，電費只收HK$1.4元一度，水費免費。雖然口頭上話唔准居住，但我隔離都有成家人居住，我自己就冇住過，但有借返夜晚朋友住過幾個月，佢話幾舒服。

如果單身或一對冇仔女，香港現今環境住呢類，都係冇辦法中辦法，亦都比買私樓未付出、及未來更多付出好。重要香港現實經濟確實差，搵工難、收入十幾年冇乜加過，但支出卻加兩三倍。

搬返內地二三線小區住可能仲好，起碼唔洗交差餉地租、內地養車停車場又平，抄牌又冇香港抄得咁嚴厲及頻密，消費及生活水平始終比香港低

私人傳訊回覆引用

gruntel

男爵府

積分: 8814

2025勳章 2025勳章蛇年勳章

270^#

發表於昨天 00:06 |只看該作者

smart_lam 發表於 25-12-4 15:31
難聽啲講句，做私樓業主越嚟越慘，管理費我呢兩三年，都加咗40%、差餉凍結十幾年，年前一下子加三倍。水電 ...

租私樓劏房都慘嫁，
水電費任業主up，
租住期間時有漏水或廁所塞，
仲有因間太多房電錶跳電停電，
我之前都試過。
住公屋的先係人上人。

私人傳訊回覆引用

PPNCW

大宅

積分: 1137

269^#

發表於前天 23:02 |只看該作者

隨著災難辨認組完成工作後，更多嘅資料整合，死者細至一歳到九十幾歳，真係好傷心。

今次真係要嚴查失職嘅人，不論係涉案人士，疏忽嘅公司，政府部門，同高官，都要負上刑事責任，二百條人命，數以億計嘅損失同補鑊，最重要係失去至親嘅無底哀痛。

私人傳訊回覆引用

DoReMi媽媽

象牙宮

積分: 232753

母親節2025勳章 2025勳章蛇年勳章 2018復活節勳章醒目開學勳章 15週年勳章親子王國15週年勳章

268^#

發表於前天 21:56 |只看該作者

本帖最後由 DoReMi媽媽於 25-12-4 22:34 編輯

bu-b 發表於 25-12-4 12:58
同感，已經好多個案，小市民搵完一個政府部門又一個政府部門去尋求協助，次次都比人當波咁踢來踢去，個個部門都話唔關佢哋事，最後一搵東張，咪好快受理同解決到！究竟咁多政府部門日日喺度做緊咩？呀特首成日自吹自擂話由佢帶領下嘅政府又嘜又物，唔該真係審視吓下面班人係咪真係做嘢啦！唔好一味自可感覺良好同掛住擦鞋先得架！真係好肉酸！
所以屈小姐呢篇文章寫得好，係好多香港市民的心聲！

李家超今日冇嚴懲疏忽職守官員同部門，大家有眼見。

私人傳訊回覆引用

taidou

男爵府

積分: 6966

267^#

發表於前天 20:47 |只看該作者

my005 發表於 25-12-3 11:38
屈穎妍，佢有時啲言論，我麻麻。

但佢今次所寫，我完全同意﹗

的確係，我平常都唔係太認同佢啲嘢，但今次寫得非常好

要用呢次火災，災民性命損失去喚醒制度，代價實在太大

私人傳訊回覆引用

steffy3v3

大宅

積分: 2207

266^#

發表於前天 17:50 |只看該作者

係咪事實大家都知

私人傳訊回覆引用

Anka

水晶宮

積分: 58393

2025中秋節勳章父親節2025勳章 2024年龍年勳章睛靈勳章

265^#

發表於前天 17:49 |只看該作者

Gud567567 發表於 25-12-3 11:02
【先治好惹來蒼蠅的腐爛】
屈穎妍
2025-12-2

一針見血

私人傳訊回覆引用

waic

珍珠宮

積分: 45721

264^#

發表於前天 17:35 |只看該作者

cy101 發表於 25-12-4 08:41
成日話拉咗幾多人！今日又拉咗幾多人！

幾時拉啲失職官員?????

私人傳訊回覆引用

RoseRosa

子爵府

積分: 13061

263^#

發表於前天 16:57 |只看該作者

cy101 發表於 25-12-4 08:41
成日話拉咗幾多人！今日又拉咗幾多人！

唉, 政府想自上以下主導一切去處理呢個災難, 唔想市民參與.
你政府做的咁差, 圍標十幾年都冇正視呢啲問題!
依家發生咁既慘劇, 憑什么唔俾市民憤怒及批評?

私人傳訊回覆引用

tigger_bb

子爵府

積分: 13033

262^#

發表於前天 16:48 |只看該作者

smart_lam 發表於 25-12-4 15:31
難聽啲講句，做私樓業主越嚟越慘，管理費我呢兩三年，都加咗40%、差餉凍結十幾年，年前一下子加三倍。水電 ...

利益太大，唔會改，唯有賣樓自救，拒絕再玩。

私人傳訊回覆引用

smart_lam

男爵府

積分: 9969

261^#

發表於前天 15:31 |只看該作者

tigger_bb 發表於 25-12-4 11:34
所以結論是公屋最好，其次租屋，買樓係水魚。

難聽啲講句，做私樓業主越嚟越慘，管理費我呢兩三年，都加咗40%、差餉凍結十幾年，年前一下子加三倍。水電費尤其電費有加無減、燃料附加費及住宅累進計(商業豁免)。依家又圍標大維修、好多人積蓄都唔夠隨時要借。好似大埔呢單咁，隨時家破人亡血本無歸。

我寧願賣樓租工廈獨廁劏房住，反正都係同私樓一樣高危火災，隨時差餉地租及管理費，都夠租一個一百尺住。如果家人唔多或單身，真係諗得過。做業主責任太大，做租戶唔滿意可退租，再另覓新居所

私人傳訊回覆引用

smart_lam

男爵府

積分: 9969

260^#

發表於前天 15:25 |只看該作者

bu-b 發表於 25-12-4 12:58
同感，已經好多個案，小市民搵完一個政府部門又一個政府部門去尋求協助，次次都比人當波咁踢來踢去，個個 ...

以前政府各部門好怕投訴上傳媒，一接到傳媒轉介投訴，管理層就會好緊張，下面前線就會好怕處分。但現今香港環境氣氛不同，各部門好似都唔怕投訴，最盡係去到東張先慢慢去處理，仲唔係立即乾脆爽快地處理。依家各部門前線，就好似等東張做急症室分流咁，分到緊急就先處理、分到非緊急就慢慢等。佢地好似已經唔怕被傳媒公開，亦都好似唔怕上級會責備會處分，感覺上級都唔重視唔多理咁?!

十幾年我試過寫信去食環署，投訴食店枱櫈擺滿成條街，獲電話回覆推卸話唔關佢事，叫我聯絡警方投訴。我之後親自寫信，俾自己區警署俾指揮官，指揮官直接致電好客氣同我傾，話唔關食環事冇可能，佢直言食環擺明都係卸膊。之後警方進行咗大行動，出動好多警車去掃蕩、抬走好多枱櫈及票控。

私人傳訊回覆引用

SandyKL

琥珀宮

積分: 165033

259^#

發表於前天 13:23 |只看該作者

saladgab 發表於 25-12-4 09:05
仲有電話騙案。以為電話實名制會令詐騙電話減少，點之係仲多過以前，點解？樣樣花錢，樣樣都冇做好！
...

唉！………

私人傳訊回覆引用

bu-b

珍珠宮

積分: 35117

2018復活節勳章 wyeth冷知識勳章環保接龍勳章大廚勳章

258^#

發表於前天 12:58 |只看該作者

DoReMi媽媽發表於 25-12-3 20:01
係，點解東張會做到咁多集類似投訴？就係政府部門處事不力，令巿民有怨無路訴，只能向傳媒投訴，政府部門 ...

同感，已經好多個案，小市民搵完一個政府部門又一個政府部門去尋求協助，次次都比人當波咁踢來踢去，個個部門都話唔關佢哋事，最後一搵東張，咪好快受理同解決到！究竟咁多政府部門日日喺度做緊咩？呀特首成日自吹自擂話由佢帶領下嘅政府又嘜又物，唔該真係審視吓下面班人係咪真係做嘢啦！唔好一味自可感覺良好同掛住擦鞋先得架！真係好肉酸！
所以屈小姐呢篇文章寫得好，係好多香港市民的心聲！