自由講場今日: 50|主題: 1367633

收藏本版

回覆發帖

返回列表

跳至頁

查看: 613 | 回覆: 4

【報游泳班小心】迦南游泳學校點樣可以一秒變臉？ [複製鏈接]

shingshing17

民房

積分: 9

1^#

發表於前天 09:41 |只看該作者 |正序瀏覽 |打印

本帖最後由 shingshing17 於 26-6-14 09:46 編輯

【報游泳班小心】【迦南游泳學校點樣可以一秒變臉？】記錄一場由「迦南游泳學校」主演的退款羅生門 🎭

#報名容易退錢難 #家長崩潰系列 #迦南游泳學校 #真心唔推薦 #消委會見 #暑假班注意

各位爸爸媽媽，暑假就快到喇！大家係咪都忙緊幫小朋友報暑期游泳班？報名之前，請大家一定要睇睇我嘅慘痛經歷，唔好步我後塵！

原本諗住趁暑假開開心心帶小朋友去學游水，點知課程未開始，我已經先學識咗咩叫「商業變面大法」。

🎬 第一幕：溫馨的「退款承諾」
6月11日，我滿懷期待咁幫仔仔同朋友個仔報咗 1對2 課程，交咗 $3,920。
到咗7月17日，校方主動搵我話因為佢哋內部問題要取消課程，白紙黑字承諾會退款，仲叫我快啲畀銀行資料佢哋安排轉賬。
因為信咗佢哋會退錢，我仲即刻安排咗另一間泳校，費事小朋友暑假冇得學。

🎬 第二幕：反悔都算，態度先係最爆
點知 7月21日，劇情神轉折！校方突然單方面反悔，話冇得退。
最令我震驚嘅係，當我理論嘅時候，對方竟然爆出一句經典神句：
「你鍾意就去消費者委員會投訴！」
既然校方咁有「誠信」，仲開到口叫我去投訴，身為一個負責任嘅家長，我點可以唔「滿足」佢呢？

🎬 第三幕：強行硬上弓？
7月22日，佢哋完全當 7月17日個退款承諾冇發生過，老奉咁傳訊息嚟話：「課程如常進行，請準時出席。」
我依家係：舊錢攞唔返，新錢又要交，時間仲要撞到正！這種處理手法，真係令我大開眼界。

⚠️ 給全港家長的一個警號：
暑假就快到，好多家長都係想小朋友有個充實嘅假期，但如果遇到呢種「先誘使、後毀約」嘅學校，真係會影響晒成個計劃。
我今日公開呢件事，唔單止係心痛嗰幾千蚊，更係唔想再有家長好似我咁，因為信咗一間學校嘅承諾而蒙受損失，仲要俾人咁樣挑釁。