本帖最後由 choyki 於 26-7-21 14:12 編輯
工程進行中 發表於 26-7-19 22:13 
呢幾個月倒輸了9萬幾 已經好肉赤
如果你嘅朋友個個都賺錢，得你輸。
可以考慮搵其中一個以佢嘅名義幫你買賣（搭佢一齊買賣，佢買時就同你買埋，賣時就同你賣埋，用佢個戶口買賣），你畀返表現費（例如賺額的 10%）佢，睇佢肯唔肯制。
例如，可以每人出 1,000,000，夾埋 2,000,000，擺喺貨幣基金（如富途現金寶，買時由貨幣基金攞錢買，賣後則買返貨幣基金），佢買賣時就比佢自己平時買賣時買賣大一倍，咁大家嘅賺蝕都係一樣，到出晒貨時，賺額嘅 45%（50% * 90%）歸你，55%（50% + 50% * 10%）歸佢。
出資金額實際亦唔需要相同，例如佢出 1,000,000，你出 2,000,000，咁佢買賣時就唔係大一倍，而係大兩倍，到出晒貨時，賺額嘅 60%（2/3 * 90%）歸你，40%（1/3 + 2/3 * 10%）歸佢。
其他比例都可以，出晒貨時，按比例計返未計表現費前各自嘅賺額，然後再扣返你嘅賺額嘅 10% 畀佢就得。
夾埋一齊買賣大一倍，甚至兩倍，係有好處嘅——佣金 / 平台費平啲（以富途為例，無論買賣金額幾多，平台費都一樣，兩份分，就係平咗一半）。即係佢除咗賺你嘅 10% 表現費外，交易成本亦可以降低，有着數㗎。
我係 XX 牌月供股票系統嘅代理。 講笑。 不是。
有人肯月供股票才需要月供股票系統，有月供股票系統才可讓人月供股票。
呢個係有雞先定有蛋先嘅問題。券商話有蛋先，代理話有雞先。
發表於 
返回列表
