自由講場 今日: 2110 | 主題: 1352662

積分: 5598

1^#

發表於 09-7-3 20:55 |只看該作者 |正序瀏覽 |打印

我識得有個家長既仔仔9月就滿4歲了, k1班主任同佢媽咪講佢仔仔傾計頭個幾句都會答到, 之後再傾就會九唔搭八, 但佢講英文又ok wor, 但就經常在校大發脾氣和大吵大鬧, 試過有一次班主班叫他等埋同學仔一起預備好才畫畫, 他不聽結果大發脾氣將成盒顏色筆送進垃圾筒然後還大哭, k1班主任在校安排政府d人嚟幫佢仔仔做評估, 評估結果係語言比較遲緩同唔明白人地俾佢做野既指令, 建議他去上之言語治療課, 但他們兩公婆覺得應該無咩用話自己係屋企教就ok唔使去, 我即時o哂嘴, 同埋有一樣野佢個仔比較嚴重, 就是eq極低, 每次和小朋友一起玩, 由其同我仔仔表現得最差, 很霸道, 在公眾玩入錢的車仔, 他認為是自己的就會不準人接近, 我仔仔在車邊摸摸他就大聱吼叫, 接下來就是邊大哭邊用手打我仔仔, 每次一起玩也是如此, 試過打到我個仔執面有幾隻手指仔印, 又試過用指甲抓到我仔面上有指痕突左出嚟, 試過大家一起玩拋球一唔喜歡就用個波掟落我個仔塊面, 去公園玩如不岩他心意就發狂追住我個仔打, 要打到為止, 一人一支筆畫公仔, 他就是要搶我個仔支筆, 搶唔到就大哭大叫, 然次後指定動作必是用兩隻摩打手咁起勢打我個仔, 我呢個做呀媽既看在眼裡真是好肉赤又憤怒, 點解次次出嚟都係我個仔做讓人果個, 次次玩親都要俾佢打幾次, 而次次佢都要失控咁大哭大叫, 試過有一次最嚴重一個鐘可以哭8次以上, 那次我真是忍得好辛苦, 想星把佢, 覺得佢好討厭, 但其實我覺得他可能是有某些問題才會這樣, 而他父母就覺得個仔很正常, 不用看醫生, 現在我也巳經開始疏遠他, 不帶仔仔和那個小孩玩, 跟本就不是玩, 只是哭、大叫、打我個仔、搶人野, 都巳這麼大了, 沒可能自我控制情緒會越來越差, 不喜歡就失控地大哭發脾氣, 他媽媽也不敢一個人帶他到餐廳食飯, 怕他會發作, 各位媽咪你們認為這小朋友究竟出了什麼問題呢?

[ 本帖最後由 OneTwoThree 於 09-7-5 18:25 編輯 ]

0 0 0

私人傳訊

積分: 51912

68^#

發表於 09-7-7 19:18 |只看該作者

原帖由 emilylam 於 09-7-7 18:04 發表
仔仔媽咪:
有事想請教你..請看pm,謝謝!

check PM.

私人傳訊

scholar

大宅

積分: 2802

67^#

發表於 09-7-7 18:27 |只看該作者

我聽落佢都係發展遲緩,你又唔好講到佢失控咁嚴重.發展遲緩都唔一定同管教有關,但可以從管教方法改善.

唉,我個女都係咁,不過佢得歲半,次次同佢出街食飯都靜唔到幾耐,唉~

mouth:

私人傳訊

emilylam

積分: 65174

66^#

發表於 09-7-7 18:04 |只看該作者

仔仔媽咪:
有事想請教你..請看pm,謝謝!

原帖由 ~仔仔媽咪~ 於 09-7-6 00:57 發表

咁無話刺唔刺激既,佢地HIGH又會整親人,俾人撩又會打人,或者佢覺得無安全感又會有情緒問題,實情我話暫時分開你囝同佢囝,都係想俾番個空間佢去慢慢學習,等佢少D失敗例子,等佢都有個希望覺得自己唔係曳細路黎先啦,查 ...

私人傳訊

積分: 51912

65^#

發表於 09-7-6 01:02 |只看該作者

基本上我覺得你朋友係明白架,只係大家一路兜口兜面同佢講話佢仔有問題,佢始終都只係一個凡人黎,點都要面子,所以至乜都反你地又講反話唔肯去做囉!

相反我覺得你試下唔好成日哦佢咁多,以朋友既關係客客氣氣咁同佢分憂,見有咩可以幫到佢咪熱情地介紹佢去試囉!佢唔制你又唔駛俾反應佢,下次又有D咩又黎介紹過佢,始終佢仔有呢個問題存在,你唔駛俾壓力佢,佢仔已經俾到佢突,到時佢真係好似我當年咁,個仔連續俾兩間幼稚園伸出黎,第二間仲係國際學校,五個學生但有幾個老師跟都俾人踢出校,無學校肯哽佢仔時,佢自然會死死地氣搵專業人士幫.呢個係我經驗黎.

你作為佢朋友,都係從旁support佢就算喇~~~如果有機會既話,我都想同佢傾下,至少我仔咁金,佢都唔會咁薄皮以為我落佢面子啩...

私人傳訊

積分: 51912

64^#

發表於 09-7-6 00:57 |只看該作者

原帖由 OneTwoThree 於 09-7-6 00:06 發表

呵呵, 咁咪好囉, 如果那小孩真是被你說中, 我想我不會帶個仔同佢玩lu~ 先不要敏感我不是歧視他, 而是不想再去刺激他, 為自己個仔為人地個仔都有好處, 咁你囝囝係讀主流學校定係讀針對佢地而教既學校呢? 同埋萬一個 ...

咁無話刺唔刺激既,佢地HIGH又會整親人,俾人撩又會打人,或者佢覺得無安全感又會有情緒問題,實情我話暫時分開你囝同佢囝,都係想俾番個空間佢去慢慢學習,等佢少D失敗例子,等佢都有個希望覺得自己唔係曳細路黎先啦,查實我地呢班仔就係自尊心過重但又無自信喎,仲要好無安全感嗰隻黎,實情對住佢地,如果真係想教好佢或者想佢好,首要既就係唔好先定咗個格個心覺得佢係曳先囉,要先明白咗佢嗰堆'曳野'都係皆出自過度活躍症同自閉症既'手筆',佢自己都唔想.

我仔都係讀主流學校,但嗰間學校係出名有心機去教我地呢類有特殊需要既細路囉,咁我至叩門俾我仔入讀,出面係有專係for佢地既學校既,但唔見得係對佢地有好處囉!

雖則嗰類學校係小班教學,又有心理學家同幾個社工跟,但係正如我老公所言,一班相同問題既小朋友起埋一齊生活讀書,會互相拖累同影响大家囉,結果讀完出到黎又係咁失控咁癲,好難會有公司請佢地做野,我老公公司就係前排參加咗政府一個計劃,係俾呢班特殊青年黎試工十四日,結果嗰十四日我老公日日喊咁口番屋企,間公司幾乎俾嗰班'小朋友'反轉再反轉,我老公日日顧住'幫人'教仔,都完全做唔到野,佢地又攞公司D products黎掟响度玩追逐(係飛較剪添),响貨倉度周圍走又大叫大笑,無個真係坐定定做野既,跟住咪又係你話我係傻仔,我話你係痴線低能係癲咁...結果我老公經此一役後,打死都唔再請呢類小朋友番工,個社工求我老公,我老公都唔制,番到黎猛話一定唔會俾個仔讀呢類學校囉...實情之後我睇番我介紹你睇嗰本書,個醫生都係唔建議ADHD小朋友群咁多相同問題既小朋友玩架...真係會互相影响,對大家都唔好囉.

私人傳訊

積分: 5598

63^#

發表於 09-7-6 00:06 |只看該作者

原帖由 ~仔仔媽咪~ 於 09-7-5 23:50 發表

我PM咗俾你喇,或者我試下再PM多一次啦.

我仔都會架!佢以前就同女仔零舍夾D囉,因為女仔會就佢同埋唔會講埋D野黎激佢,當佢係BB咁,佢咪鐘意囉,但慢慢佢大個仔D知自己係男仔,又唔鐘意D同學笑佢,咁佢咪唔同女仔玩囉,依 ...

呵呵, 咁咪好囉, 如果那小孩真是被你說中, 我想我不會帶個仔同佢玩lu~ 先不要敏感我不是歧視他, 而是不想再去刺激他, 為自己個仔為人地個仔都有好處, 咁你囝囝係讀主流學校定係讀針對佢地而教既學校呢? 同埋萬一個家長真係唔帶個小朋友去治療又可以點樣令佢明白呢?

私人傳訊

積分: 51912

62^#

發表於 09-7-5 23:50 |只看該作者

原帖由 OneTwoThree 於 09-7-5 23:42 發表

你可以pm俾我你既電話嗎? 另外我想問你囝囝會唔會有固定佢鍾意既朋友仔一齊玩, 我見佢同女仔玩好似好d, 鍾意同女仔玩, 其實呢類型既小朋友會唔會都有自己特定喜歡類型既小朋友玩既呢? ...

我PM咗俾你喇,或者我試下再PM多一次啦.

我仔都會架!佢以前就同女仔零舍夾D囉,因為女仔會就佢同埋唔會講埋D野黎激佢,當佢係BB咁,佢咪鐘意囉,但慢慢佢大個仔D知自己係男仔,又唔鐘意D同學笑佢,咁佢咪唔同女仔玩囉,依家都有個固定既老友同佢玩,係佢同學仔黎,嗰位同學又係有過度活躍(我覺得係)同亞氏保加症既問題,但個同學又係好鐘意我仔又勁保護我仔,同我仔又同一個channel鐘意諗埋講埋D天馬行空既野,所以呢幾年我仔都只係同呢一個同學玩,近期多咗一個新朋友,都係經呢位老友介紹,依家咪成日三人行咁玩得好埋囉.我仔又出奇地聽佢老友話,佢叫佢老友做首領.

mouth:

私人傳訊

積分: 5598

61^#

發表於 09-7-5 23:42 |只看該作者

原帖由 ~仔仔媽咪~ 於 09-7-5 23:01 發表

係啦,千祈唔好因為佢仔既問題而唔要呢段友誼,咁樣好唔值得架~!同埋如果連你都唔理佢,我相信你呢個朋友條路會更痛苦更難行,無謂俾呢個症黎打敗你地辛苦建立既友誼囉.

或者我PM我個電話俾你,有咩問題既你可以直接打 ...

你可以pm俾我你既電話嗎? 另外我想問你囝囝會唔會有固定佢鍾意既朋友仔一齊玩, 我見佢同女仔玩好似好d, 鍾意同女仔玩, 其實呢類型既小朋友會唔會都有自己特定喜歡類型既小朋友玩既呢?

私人傳訊

積分: 51912

60^#

發表於 09-7-5 23:01 |只看該作者

原帖由 OneTwoThree 於 09-7-5 22:53 發表

好多謝你解釋得咁詳細俾我知, 為左佢個仔成日打我個仔同佢咁野蠻、霸道既行為直到現在為止我都真係唔開心左好耐, 學你地話齋, 我唔係專業人仕, 所以唔敢一口咬定人地個仔係咩問題, 只是大家經過兩年頻密接觸越來 ...

係啦,千祈唔好因為佢仔既問題而唔要呢段友誼,咁樣好唔值得架~!同埋如果連你都唔理佢,我相信你呢個朋友條路會更痛苦更難行,無謂俾呢個症黎打敗你地辛苦建立既友誼囉.

或者我PM我個電話俾你,有咩問題既你可以直接打黎同我傾~~~你知我幾咁口水多架啦~~當傾下偈都可以架喇~!

希望幫到你同你朋友啦.

私人傳訊

積分: 5598

59^#

發表於 09-7-5 22:53 |只看該作者

原帖由 ~仔仔媽咪~ 於 09-7-5 22:34 發表

啱啱又重新再睇多次既既留言,以上你朋友個仔呢D行為肯定係自閉+過度活躍.同我仔幾年前既狀況一模一樣!依家我仔都係唔望人又唔願同人打招呼架,even依家日日去我朋友間中心度補習,佢明知我呢個朋友係我既老友記黎,之 ...

好多謝你解釋得咁詳細俾我知, 為左佢個仔成日打我個仔同佢咁野蠻、霸道既行為直到現在為止我都真係唔開心左好耐, 學你地話齋, 我唔係專業人仕, 所以唔敢一口咬定人地個仔係咩問題, 只是大家經過兩年頻密接觸越來越覺得唔妥, 第一次我同佢講既時侯係引用電視既例子, 佢唔多信, 去度健康院做評估又無發現有咩嚴重問題(可能個時未太明顯+佢媽無同姑娘講有呢d情況), 而最近呢一次講係幾日前, 我將我朋友見到佢個仔既情況加以分析左既情況轉告佢之, 話再係咁落去驚影響佢第時學習上、社交上等等具體影響, 仲叫佢同老公好好傾吓去俾個仔接受治療, 佢無答我會唔會去, 之後我就再無同佢有聯絡, 而家先睇佢下一步會點做, 如果再評估得出嚟真係你所講既, 我就會介紹你俾佢識, 始終有過來人經歷過就如有一點明燈指引, 我都知作為父母如果小朋友有咩事而自己無經歷過係會好無助同擔心, 所以我就想藉住呢個topic搵答案, 我會keep住你, 到有咩最新發展就會考慮點做, 老實講, 被打同打人雙方都唔好受, 我個仔唔多唔少都學左佢d唔好野, so現階段就是整個暑假都不會一齊玩, 過多一排先再算啦, 總之非常多謝你解答我呢個問題, 自己又學多左野, thx~

私人傳訊

積分: 51912

58^#

發表於 09-7-5 22:48 |只看該作者

原帖由 OneTwoThree 於 09-7-4 10:09 發表

其實個國產媽咪個人係無乜點既, 都叫有文化個種, 又識環保, 又唔會浪費, 唔會大大聲講野, 但教個仔就真係......

仲有一樣野就係, 佢好鍾意爭我個仔玩緊既玩具, 每次我個仔讓左俾佢玩, 佢就唔玩, 係咁跟住我個仔睇 ...

通常大多數既爸爸/男人係唔會接受自己個小朋友係有問題囉!想當年我老公咪又係一味話細路仔個個都係咁架啦、一味覺得係出面嗰D治療師同醫生搵我笨(搵錢),同埋當年我哥仲激啦,我只係安排我仔讀兼收位(主流幼稚園但有特殊教育老師同言語治療師),又唔係咩特殊學校,我哥直頭打電話黎鬧爆我話我咁樣會害死個仔,又話我仔咁樣係因為我唔識教仔,叫我交個仔俾我媽湊...我媽係有試過教我仔呀,咪俾我仔當街大力車巴我媽~!我媽結果咪投哂降!一個三子之母都搞唔掂我仔啦~!我嗰晚真係同我哥嘈到掟爛部手提~!我哥都係去到我到升小一至良心發現接受我仔真係有問題,至無啦啦積極地幫我搵私家治療師去幫我仔咋.

同埋我有個教友佢囝囝係嚴重自閉加智障,佢老公到依家成廿年咁耐都未能釋懷,有時聽佢响教會講見証,話成日幻想可以成日同個仔兩父子一齊去行山做運動同釣魚,教個仔去玩,次次都講到眼濕濕(男人已經好難會喊得出,但佢喊到)...嗰下我地聽到都好心UP囉...

私人傳訊

積分: 51912

57^#

發表於 09-7-5 22:40 |只看該作者

原帖由 OneTwoThree 於 09-7-4 01:25 發表

patpat,

我都想知你仔仔個時係點, 我就覺得唔對路所以一年前就同佢傾, 點知佢又話無問題, so我講埋呢次就算, 我叫佢認真同佢老公傾吓, 叫佢俾個仔去上吓堂睇吓點, 結果我唔知, 原本今日約左佢行山, 但驚佢個仔又 ...

如果行山就唔好同佢一齊去喇...始終有機會會發生意外既野就可免則免,我咁多年都係自己帶住個仔兩個人拍住拖咁去行山咋...頂多都係約我嗰位教特殊小朋友既朋友同我大佬一齊去咋,絕對唔敢帶多其他小朋友同行,,,我會好大壓力囉,去得都唔開心...基本上個仔有問題開始打人開始,我一同個仔去D人多既地方,莫講話我仔有咁既症會令佢無安全感會發癲,我呢個亞媽都壓力大到差D喊埋出黎...

私人傳訊

積分: 51912

56^#

發表於 09-7-5 22:34 |只看該作者

原帖由 OneTwoThree 於 09-7-4 01:14 發表

佢媽咪叫佢叫人, 佢個仔只叫唔望人, 成日重複人地講既說話, 佢媽都話同佢溝通唔到, 同埋佢自己爸爸都話個仔思想行為幼稚, 昨日三個小朋友坐埋, 一個仲細呢個小朋友幾個月都好過佢好多, 同佢去就飲茶次次都走落地係 ...

啱啱又重新再睇多次既既留言,以上你朋友個仔呢D行為肯定係自閉+過度活躍.同我仔幾年前既狀況一模一樣!依家我仔都係唔望人又唔願同人打招呼架,even依家日日去我朋友間中心度補習,佢明知我呢個朋友係我既老友記黎,之前已經約過出黎玩無數次,我仔係有叫佢呀,但次次都要我叫佢同我朋友打招呼佢至叫呢,仲要係唔望住人,明明我朋友企响佢左手邊,佢都可以向住右邊黎打招呼...

如果你朋友嫌貴不如試下我朋友呢度啦,佢收得平過出面,同埋佢真係教特殊小朋友好有一手架!想當年我地成為朋友皆因全診所係得佢呢位助手教得我仔好掂,我地至慢慢成為好朋友咋,上個月車爆咗同學仔個頭後,我朋友見我謝哂蟹,佢依家都黎幫我手教我仔脾氣,我亦响佢中心度教另一個小朋友發音(個小朋友發音有問題),依家暑假佢都做緊優惠,如果你有興趣你PM我,我俾佢個網頁你睇啦.

再唔係你又可以介紹你朋友俾我識,等我以過來人身份黎勸下佢啦...我都係教友黎,我諗會同聲同氣D啩.

私人傳訊

積分: 51912

55^#

發表於 09-7-5 21:46 |只看該作者

原帖由 ~仔仔媽咪~ 於 09-7-5 21:43 發表

都明白你所想既,或者用另一個角度睇諗囉,如果佢阻止唔到佢囝囝打你個仔,不如唔好等佢解決佢仔既問題,而係你暫時都唔好俾你仔同佢仔玩,呢樣唔係岐視,而係唔想佢仔有個慣性一見你仔就忍唔到手就打埋黎,小朋友係好特 ...

四點鐘的驚恐
http://www.cp1897.com.hk/product_info.php?BookId=9628884417

私人傳訊

積分: 51912

54^#

發表於 09-7-5 21:43 |只看該作者

原帖由 OneTwoThree 於 09-7-5 18:02 發表

好多謝你肯用我個角度去睇呢件事, 無錯本身我真係好心痛個仔咁樣俾人蝦, 而當事人媽咪又無法去令件事處理得好d, 佢現在所用嚟教仔既方法其實唔止係用係特殊小朋友上, 而係一般家長都會用來教自己小朋友, 呢點睇得 ...

都明白你所想既,或者用另一個角度睇諗囉,如果佢阻止唔到佢囝囝打你個仔,不如唔好等佢解決佢仔既問題,而係你暫時都唔好俾你仔同佢仔玩,呢樣唔係岐視,而係唔想佢仔有個慣性一見你仔就忍唔到手就打埋黎,小朋友係好特別架!都係人夾人,如果你囝同佢囝之間既關係都係用打黎關連住,我覺得唔好囉同埋一係一個惡性循環黎,對你地同對佢囝都無好處,反之你暫時分開兩個小朋友,一黎避免咗打人受傷呢樣野,二黎亦唔會破壞影响咗你同你呢位朋友之間既友情,咁樣做又唔係不近人情或者逃避既,咁講真我地呢班ADHD小朋友唔係真係單單教就可以教好佢地唔再失控郁手郁腳打人嘛!咁小朋友都有自尊都有自己想法,佢控制唔到自己手腳成日打人啫,但佢地自己本身都唔想自己咁樣,呢樣係真,我仔每次打完人之後先會驚醒自己係唔可以打人,我都未鬧佢,佢已經打咗自己先好自責,都係自言自語話唔明點解自己會咁做,實情作為一個小朋友都好痛苦,自己控制唔到自己.咁你暫時分開下佢地,等你朋友個仔响社交上少咁D挫敗同失敗例子,實情都係俾佢多少少空間去學下點對人同埋改善自己問題囉.無壞既.

你或者試下平常心又好聲好氣同你朋友講解番,話你睇到D教仔書有講一D case類似佢囝囝既問題,都係好容易'整親人"(千祈咪話打人,佢一定反你同你講反話),你話本書係一個香港政府醫院既兒童心理學顧問寫既,話本書有提意縮短佢仔同其他小朋友玩既時間同埋人數,黎增加佢仔既'自信心',你話暫時如果大家一齊出黎玩,好無盡量都唔好帶自己小朋友出黎咁囉.睇佢有咩回應先,唔好同佢拗,咁我都理解佢既,剛啱俾人評估佢仔係ADHD,唔係個個父母都能接受現實架...好似我之前介紹你睇嗰本書咁,個醫生話佢咁多年見十對父母,九個都係死話自己個仔無問題,仲要係咁同呢個精神科醫生拗,連呢個咁有HEART為ADHD小朋友既愛心醫生都發火,下下都一句得埋去呢班唔接受現實既父母度:"你要信我,因為我就係醫生,你地唔係!"但我作為家長都好理解到呢班父母既感受同諗法囉...

想當年個醫生話我仔有自閉傾向,我聽完嗰幾日係腦空白一片,感受、思考乜都無,成個空殼咁...過幾年我適應咗我仔D自閉問題,私家嗰邊又黎話我仔係ADHD加動作協調障礙,我直頭當街喊咗出黎,成個癲婆咁...咁我都係需要用幾年時間至慢慢認識同適應我仔呢堆問題囉.實情個仔每次打完人,我痛苦得完全跟殺人犯既亞媽無分別...唔明點解我仔係害人精黎....係有呢種感覺囉...雖則理智叫我唔好諗到咁偏,但無奈呢D正是我呢個無用亞媽既感受.依家我仔學校老師社工甚至校工都開始sense到我仔打人呢家野非出自我家教,而係我仔個病,家下我既角色,在佢地眼中會覺得我好可憐囉...上次我仔掟垃圾桶蓋掟穿同學仔個頭,我一去到校務處,D眼淚已經係咁流出黎,,,我淨係識得喊同埋叫校長報警拉我仔...嗰刻我真係攰到唔再教,覺得咁仆心仆命教都係得個桔...嗰刻確係好攰.

咁你朋友都唔係錯既,咁人都有軟弱既時候...呢個世界亦無完美既人,或者你都體諒佢呢刻既軟弱囉...好似我有時都講,如果我仔無呢堆問題,我諗我到依家都仲係一個任性又脾氣臭又好要面子既'大小姐'黎...我都係因為有呢個仔,成日俾野我'嘆',我乜面子同自尊都無哂,遇得多事,人又成長咗,自己唔會再係咁任性同唔面對現實囉.我想你朋友將來條路都好難行,當依家呢刻俾佢on your mark住先囉...查實朋友都係咁互相彼此體諒同扶持至係朋友囉~朋友得來不易,無謂俾過度活躍症呢樣野而無朋友做.咁樣好唔抵架!

或者你買本我介紹你睇既書送俾你朋友睇啦,五十五蚊本咋,响三聯有得賣.

私人傳訊

積分: 5598

53^#

發表於 09-7-5 18:46 |只看該作者

原帖由 patpat234 於 09-7-5 00:53 發表
我都係全職媽媽,你地讀邊間幼稚園???

我囝囝讀迦南, 個行為有偏差既小朋友都係

私人傳訊

積分: 5598

52^#

發表於 09-7-5 18:31 |只看該作者

原帖由 chinatea 於 09-7-5 12:18 發表

其實我睇左兩日大家個回答都知道跟本好明顯個小朋友就係過度活躍症,連仔仔媽咪都解答埋,樓主應該更加明白事出必有因.

你出topic個題目我初初以為係你遇到問題,但睇左問題係你個朋友,都睇到你其實係不滿佢個仔搶你 ...

好多在樓的媽咪都回應話做人父母既好想個仔有呢d病咩? 無錯作為家長當然100%想個細路係絕對健康同正常, 唔通我又會係例外果個嗎? 唔通我又想睇住佢有問題都唔出聲嗎? 是不是要我忍氣吞聲日日對住佢個仔咁癲就當無野, 佢自己呀媽都頂唔順自己個仔會發癲, 唔通我呢個個仔俾人打既呀媽就唔可以有情緒嗎? 我都係人地媽咪, 唔通俾佢打完仲要請佢食糖嗎? 請某些會員同情那些有問題的孩子同時都能睇諒我做媽咪的心情好嗎? 他孩子有問題我也不會開心得去那裡, 試問誰不想小孩有朋友, 開開心心的一直交往下去, tropic出了我在這裡數他也是沒意思改變不了事情的發生, 只想有經驗的媽咪告訴我應如何面對這些小朋友, 希望其他會員能明白, 我不是要歧視他或其他有這些問題小朋友, 更何況我一直都沒有用什麼自閉、過度活躍等字眼去形容這個小孩, 我只是用一個正常心態去睇這個是不是有問題的正常小孩, 個仔俾人咁蝦法當然會不悅啦, 唔通會好多謝佢咁樣教訓我個仔嗎?

[ 本帖最後由 OneTwoThree 於 09-7-5 18:35 編輯 ]

私人傳訊