吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 拍拖6.5yrs,結婚8yrs,自己一直好enjoy, 但原來老公話一 ...

夫婦情感今日: 1|主題: 42762

收藏本版

發帖

返回列表

跳至頁

查看: 7813 | 回覆: 40

拍拖6.5yrs,結婚8yrs,自己一直好enjoy, 但原來老公話一直忍我! [複製鏈接]

12 3

29XX86

侯爵府

積分: 23537

1^#

發表於 09-7-6 00:25 |只看該作者 |正序瀏覽 |打印

前日落雨, 老公成日都話一把遮3個人擔(囡囡3歲), 出門冇耐d雨越落越大, 我就發難渣話, 成日都話擔一把, 咁大雨點擔啫. 跟住我話返轉頭攞, 佢話佢攞. 一直大家都冇野有傾有講, 去街2hrs後經過街市, 老公話抱起囡囡, 我聽唔到, 佢就好忟憎話你唔抱我抱, 我就嬲嬲地話我都聽唔到你叫抱. 跟住大家都冇野, 一小時後放低囡囡係屋企, 我地去食tea, 佢話我而家仲識嬲你你都好d, 我驚第日我再冇野同你講. 果刻, 我個心又實又碎, 原來一直以來佢係咁諗我, 我好proud of有個好老公, 但原來佢係忍受我.

佢話我皮氣唔好, 有時發難渣, 自問我係一個eq好好既女人, 偶然, 老公有d意見, 我既性格係未分析就會band左佢, 但冇耐我會接受, 因為只係我口頭蟬, 佢原來一直唔中意, 但佢成日有不滿就唔出聲, 問佢, 佢話唔講費事鬧交, 我同老公1x年, 我地從來唔鬧交, 只會冷戰, 而這1x年次數5隻手指都數得晒(都係我嬲佢多), 個個都話我地恩愛, 老公都好錫我, 就算生左囡囡之後, 老公依然送花.

其實, 我知問題所有, 因為囡囡出世後, 我堅持囡囡同我地瞓, 老公唔中意, 因佢話影響夫妻感情, ML既機會真係好少, 老公有出過聲, 但我擔心囡囡同工人瞓冇人蓋被, 所以一直都冇理老公怨言, 老公話佢已放氣唔會再主動與我ML, 好明顯自從囡囡出世後, 夫妻關係係淡左, 但我冇諗過原來佢係咁諗, 佢係咁唔滿意我, 原來大家諗法咁唔同, 係咪性愛就一定咁重要, 係人都冇缺點, 點解咁耐夫妻, 你唔可以容忍我少少既問題, 同樣, 你應成我介煙, 到囡囡出世至今, 你都未介到, 我都隻眼開隻眼閉, 你唔係我同子囡面前食, 我當唔知, 我微不足度既少少皮氣你都話受唔到, 老實講, 女人當中我既皮氣比一般女人好, 我曾經同我老公講, 如果你係我XX 或 XX 或 XX既老公, 佢地係大庭廣眾落公老面, 噴老公一面屁, 你係佢老公你會點, 佢回覆話, 如果係一早離左婚或唔會婜佢, 佢好唔接受.

我都唔知應該點做, 個心好唔舒服!

0 0 0

私人傳訊

29XX86

侯爵府

積分: 23537

41^#

發表於 09-7-17 01:17 |只看該作者

改緊喇! 睇晒你地咁多回應，都知自己既問題所在，所以我都知衰喇! 老實講我真係好怕無左個老公呀! 仲要呢個係筍盤黎添! 我未出呢個pose前，其實我冇入過黎 "夫妻情感" 呢個forum架(我只上自由講場), 近排上黎睇左好多case, 先知自己生在福中不知福, 好彩老公都仲比機會我呀!

多謝咁多位! 希望大家都婚姻美滿!

私人傳訊

hk430

男爵府

積分: 7289

40^#

發表於 09-7-16 05:32 |只看該作者

樓主,

我覺得你真係要好好珍惜你老公
佢真係百年難得一見既好男人
佢真係好愛你,
你唔好再話自己 eq 高,
我睇唔出你有 eq囉!!

我相信樓主你年紀應該唔細,
但你俾你老公寵壞左
今日佢笑笑口同你講叫你反省
已經好好彩, 忍足你十幾年都仲笑得出!

「如果你係我XX 或 XX 或 XX既老公, 佢地係大庭廣眾落公老面, 噴老公一面屁...」

呢句說話我睇完真係 o 左咀
我唔係男人,但我睇到都好嬲
何況佢係一個男人?
可能樓主你生於一個女權至上既家庭
身邊既女人都係話事人,
可以對男人呼呼喝喝
所以你覺得你唔係大庭廣眾落公老面, 噴老公一面屁
已經叫做好有教養, eq 好高
但事實呢? 人要面樹要皮
即使你唔係大庭廣眾落公老面, 噴老公一面屁
但你做既野,令你老公覺得佢完全不被尊重

樓主, 好好珍惜你老公
如果你再唔改, 佢走左
你呢世都唔可能搵返一個可以忍你既男人~

私人傳訊

Almaz

子爵府

積分: 11761

39^#

發表於 09-7-15 20:42 |只看該作者

驚個女踢被,買張睡袋比佢咪得囉.好簡單啫.

私人傳訊

nana832

大宅

積分: 1475

38^#

發表於 09-7-9 09:23 |只看該作者

原帖由 jennynini 於 09-7-8 19:55 發表
睇完我有幾個睇法:

1. "老公有d意見, 我既性格係未分析就會band左佢, 但冇耐我會接受, 因為只係我口頭蟬, 佢原來一直唔中意"

我相信冇人會鐘意另一半,
事事都band左自己先,
如果只係口頭蟬,
好應該改左佢,
對彼此 ...

講得好啱, 呢3個係死穴, 隨便中個都隨時死,
樓主3個中晒都冇事真係要還神.

私人傳訊

lumijuli

子爵府

積分: 11541

37^#

發表於 09-7-8 23:37 |只看該作者

"拍拖6.5yrs,結婚8yrs,自己一直好enjoy, 但原來老公話一直忍我!"
單單睇標題,
我會話, 你要好好珍惜一個如此愛你的人啊!

第二樣就係你地要學會溝通.

第三樣係要學會去處理你們不夾的地方,
改變, 改善, 接受, 忍耐, 當中須要取得一個平衡.

私人傳訊

jennynini

伯爵府

積分: 17820

好媽媽勳章

36^#

發表於 09-7-8 19:55 |只看該作者

睇完我有幾個睇法:

1. "老公有d意見, 我既性格係未分析就會band左佢, 但冇耐我會接受, 因為只係我口頭蟬, 佢原來一直唔中意"

我相信冇人會鐘意另一半,
事事都band左自己先,
如果只係口頭蟬,
好應該改左佢,
對彼此關係都好.

2. "我堅持囡囡同我地瞓, 老公唔中意, 因佢話影響夫妻感情, ML既機會真係好少, 老公有出過聲, 但我擔心囡囡同工人瞓冇人蓋被, 所以一直都冇理老公怨言"

呢個問題,
唔係ML係味真係咁重要既問題,
而係你堅持老公唔鐘意既野,
一定好影響夫妻感情.
將心比已,
如果佢堅持一d你唔鐘意既野,
你個心可以當冇事,
唔會唔開心咩?

3. "女人當中我既皮氣比一般女人好, 我曾經同我老公講, 如果你係我XX 或 XX 或 XX既老公, 佢地係大庭廣眾落公老面, 噴老公一面屁, 你係佢老公你會點"

呢度更唔明點解,
要將自己同d更差既人比較,
同更差既比,
點會有進步?
應該同更恩愛既比,
睇下有d咩可以改善,
令關係更好.

睇落你老公好愛你既,
只係係相處上,
成日都要佢去就你,
日積月累,
佢有D不滿.

其實男人都好易氹,
小小既改變,
已經可以改善關係.

私人傳訊

marie12345

大宅

積分: 1597

35^#

發表於 09-7-8 15:01 |只看該作者

一句說話，
女雖然重要~老公既感受一樣要顧及~~

私人傳訊

ABBC

子爵府

積分: 13533

34^#

發表於 09-7-8 00:25 |只看該作者

雖然你EQ好明顯有問題~~不過我覺得一隻手掌拍唔響既~你老公都有問題~如果佢真係覺得係自己一直忍讓既話,WHY唔同你講呢?等你知道個問題丫嘛!不過樓主~都唔叼以一直要人地就你~因為始終你老公都係一個人,係有脾氣既,互相忍讓~關係先會長久架嘛~+油

私人傳訊

miffybo

洋房

積分: 87

33^#

發表於 09-7-7 23:33 |只看該作者

我反而覺得你地唔係無問題只係一直都唔面對問題，兩人相處係要互動，係你心中可能已經好容忍你老公，但你細心想佢又可常不時容忍你，古語有云：一條鎖匙唔會響兩條鎖匙噹噹響，你地有緣成為兩公婆上天更賞你們有一個女兒這是福氣，大家試吓心平氣和坐低去解決，只要大家努力去尋找一個共識快樂生活

私人傳訊

@Ting@

男爵府

積分: 8144

32^#

發表於 09-7-7 19:33 |只看該作者

原帖由 29XX86 於 09-7-6 16:56 發表
自己老公好, 可能就係因為佢就自己, 縱容左我變本加厲, 當佢一d不滿, 自己就接受唔到, 自己自私左都冇留意.

同老公ml, 有左囡囡同房之後, 我係完全冇興趣做呢樣野, 可能因為有囡囡係度唔方便, 我自己都好明顯同老公 ...

識諗就好喇,希望你地感情一日好過一日啦~~~

私人傳訊

tonychopper8964

別墅

積分: 576

31^#

發表於 09-7-7 19:29 |只看該作者

原帖由 414928 於 7-7-2009 18:44 發表
樓主我係路過,只想講「當局者迷」,以下內容可能唔岩聽,希望你不要介意,喜歡就自行思考,唔喜歡就當我沒有回吧。
俗語說:冰封三尺,非一日之寒
兩公婆的問題最忌是不了了之,你應為沒有解決過的問題是會自動解決嗎?常說 ...

Agree! 樓主，我諗你可能仲係年輕，所以比較自我中心la...

恕我直言，當我睇到你話
「如果你係我XX 或 XX 或 XX既老公, 佢地係大庭廣眾落公老面, 噴老公一面屁...」
我不期然覺得樓主o係感情方面實在係唔成熟，

點解要向d關係唔和諧，用指責吵鬧溝通o既所謂「夫妻」學習呢？
夫妻係對成世架~難道你想做一個成日噴到人一面屁o既老婆，又或者你想你c6做一個成日比你話，無尊嚴o既老公？

至於Sex o個d，食色性也，如果你身邊d人長期都唔比你食野，咁你又會覺得點呢？

私人傳訊

414928

水晶宮

積分: 64272

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 HiPP勳章(1) 2018父親節勳章 2018復活節勳章 15週年勳章畀面勳章好媽媽勳章醒目開學勳章 BK Milk勳章 hashtag旅遊勳章 hashtag影視迷勳章認識瑞士牛牛第一回認識瑞士牛牛第二回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章食得好勳章笑得好勳章

30^#

發表於 09-7-7 18:44 |只看該作者

樓主我係路過,只想講「當局者迷」,以下內容可能唔岩聽,希望你不要介意,喜歡就自行思考,唔喜歡就當我沒有回吧。
俗語說:冰封三尺,非一日之寒
兩公婆的問題最忌是不了了之,你應為沒有解決過的問題是會自動解決嗎?常說自己eq高......這是你對某小部份人行為之比較,但並不是eq高的行為,而且你睇事很主觀,沒有從你老公角度思考問題,有關同囡囡訓一事,好多媽咪已說了,我也不再多說,以下是你第一遍文章所寫的,我有以下感覺。
前日落雨, 老公成日都話一把遮3個人擔(囡囡3歲), 出門冇耐d雨越落越大, 我就發難渣話, 成日都話擔一把, 咁大雨點擔啫. 跟住我話返轉頭攞, 佢話佢攞. 一直大家都冇野有傾有講, ----咁小事都發難渣?好多男人都不喜歡擔遮的,而且出門口時真是不是十分大雨,你可以提意需要回去拿遮,但你選擇了發難渣,講真你老公eq才高啊!
去街2hrs後經過街市, 老公話抱起囡囡, 我聽唔到, 佢就好忟憎話你唔抱我抱, 我就嬲嬲地話我都聽唔到你叫抱. 跟住大家都冇野, -----即係這件事令你們都唔開心過啦,好多時小問題積積下就變大問題了.....
一小時後放低囡囡係屋企, 我地去食tea, 佢話我而家仲識嬲你你都好d, 我驚第日我再冇野同你講. -----你老公忍不住出聲了,這是一個警號,請好好正視問題。

私人傳訊

hv245

禁止訪問

積分: 6023

BK Milk勳章

29^#

發表於 09-7-7 02:27 |只看該作者

提示: 作者被禁止或刪除內容自動屏蔽

私人傳訊

kalincliff

複式洋房

積分: 236

28^#

發表於 09-7-6 17:09 |只看該作者

好多人都唔知自己缺點係咩...
我bf有一次夠話成日想將佢變成我心目中既佢,當下我真係接受唔到,係咁喊,我咁愛你,你點可以咁話我...
但冷靜落黎,其實我真係成日要我bf跟我個套黎做.....
你又唔係佢,你點知佢咩感受呢?
最緊要佢肯講你聽,証明佢仲care你~(佢都係笑笑口咁講~)
我覺得你地2個都係恩愛夫婦,只係有時男人講出黎,唔知女人會諗得咁複雜,咁負面~
至於sex,真係好緊要,你唔講得sex之後2人感覺會好close咩?唔好成日諗老公係咸濕,成日諗sex~其實係佢愛你既表現呀~

私人傳訊

究竟我是誰

水晶宮

積分: 70111

熱血勳章好媽媽勳章醒目開學勳章畀面勳章環保接龍勳章

27^#

發表於 09-7-6 17:05 |只看該作者

原帖由 29XX86 於 09-7-6 16:36 發表
多謝大家既意見, 其實, 我都知自己唔岩, 可能咁多年老公都就自己, 已經覺得係必然既事, 當有小小野自己就接受唔到, 仲覺得自己冇錯.

老公真係好好, EQ係好到加零一, 可能係咁我無意中蝦得佢就蝦, 自己都冇為意.

經 ...

妳識咁諗就好....
我以前啲脾氣都好臭架, 老公好忍得, 好遷就我..
但近年可能年紀大咗, 識諗咗, 所以啲脾氣收斂好多,
老公都察覺到, 仲讚我潻 ^_^

私人傳訊

29XX86

侯爵府

積分: 23537

26^#

發表於 09-7-6 16:56 |只看該作者

自己老公好, 可能就係因為佢就自己, 縱容左我變本加厲, 當佢一d不滿, 自己就接受唔到, 自己自私左都冇留意.

同老公ml, 有左囡囡同房之後, 我係完全冇興趣做呢樣野, 可能因為有囡囡係度唔方便, 我自己都好明顯同老公冇咩呢方面之後大家感情係淡左好多, 聽左你地咁多人既意見之後, 我諗如果我仲緊張老公, 我一定要為佢做D野, 都一定要同女女分房瞓, 因為我真係好擔心有日冇左個老公.

私人傳訊

BaconBB

複式洋房

積分: 351

25^#

發表於 09-7-6 16:50 |只看該作者

我好明白你的感受, 我在幾個月前先同老公發生左類似你的case, 又係個老公無意間講左句令我好心傷的說話 (但到現在佢都唔知我為左呢句說話而傷心過). 那一刻突然間'離婚'2個字好似好近咁. 之後我反省過我自己, 嘗試想發脾氣或"話"佢之前先企係佢角度想一想. 現在我們都幾ok呀, 亦感覺到佢對我少左不滿. 諗真d我老公真係好好, 對我同個仔都好好. 我地都應該要知道幸福唔係必然, 努力呀!

私人傳訊

29XX86

侯爵府

積分: 23537

24^#

發表於 09-7-6 16:36 |只看該作者

多謝大家既意見, 其實, 我都知自己唔岩, 可能咁多年老公都就自己, 已經覺得係必然既事, 當有小小野自己就接受唔到, 仲覺得自己冇錯.

老公真係好好, EQ係好到加零一, 可能係咁我無意中蝦得佢就蝦, 自己都冇為意.

經過呢件事, 同埋睇左你地咁多既見解, 令自己開懷左, 我諗我今日放工會主動氹返佢.