夫婦情感

收藏本版
發帖
返回列表
跳至頁

首頁
123

尾頁
   0
beepaul2007


大宅

積分: 2298


1#
發表於 09-7-15 17:09 |只看該作者
我同老公拍拖5年,之後結婚7年,今年第八年生咗個囡,依傢10個月啦,近年我發覺我老公越來越難攪,同佢一齊越來越唔開心嘅....究竟佢有病定我有病呢....
我老公係一個好有要求,執著,嘅人,近年越來越嚴重,
其實按依傢我地生活係好好,有一層供完嘅樓,有車,有工人,有個囡,佢自己做老細,我就幫佢手嘅,完全無金錢上嘅壓力,但係佢一向都鐘意不斷比壓力自已,要賺錢達成目標,同佢拍拖果時,佢係無錢傢,佢話同我一齊要比幸福我,要儲錢結婚,2年佢就儲到錢結婚啦,之後佢話想買架車,又比佢供完啦,然後佢又話想有自已一層樓,又比佢達成咗啦,所有嘢佢都一一實現,依傢佢話要係呢十年八年內賺到幾桶金,之後就可以安心退休,享受生活,生活無休咁過埋下半世.話男人賺錢黃金時間唔多,佢依傢36歲,佢個人係好勤力賺錢,做事好認真,樣樣嘢都要求進步,佢話咁樣先會成功,所以佢成日睇埋哂點樣成功書籍,所以佢會不斷迫自己,我知佢係為個家好,但係我同佢講,其實你成日比大力自已,第日賺到錢都周身病痛啦,賺錢嘅嘢,順其自然啦,我又唔係要求住過萬呎嘅樓,又唔係要揸跑車,為咩要成日攪到自已為工作失眠.
佢事實係一個好好先生,對我又專一,對囡囡,朋友,家人都好好又考順,但係唔知係咪佢比太大壓力自已迫到有d病,樣樣事無大少,佢都執著到爆,正一係雞蛋佻骨頭,所以攪到成日為小事而嘈,佢以前都唔係咁嘅,我越來越覺得我地好多嘢都唔夾,越來越唔開心,成日覺得同一個唔x key 嘅人一齊好辛苦,做樣樣嘢都達唔到佢要求,叫佢唔好比咁大壓力自已,唔好樣樣事都咁執著,點知仲比佢閙返轉頭,又成日同我講道理.....做人唔進步點得傢....做咩都要完美...唔好比人彈....(一講道理佢要講成個鐘),大老呀,你知唔知你都攪到我好有壓迫感呀,真係唔知點服侍佢呀.
有關食,例如:牛肉炒菜心,果d肉,佢可以嫌尖到大太舊,佢就會話,咁大舊,見到都唔想食呀!!! 到下一餐細粒d,佢又話一係就咁極端,......又講道理:(都唔識得平衡,
我唔話你,你就唔會進步,做嘢要做到無人彈先係傢嗎)
所以我到依傢都唔知佢心目中嘅size 係幾大,因為佢從來唔會話比你知佢個準則,我咪同佢講大又話大,細又話細,呢d 係小事者,你嫌大咪當睇佢唔到,唔好食囉,鐘意食咪食多舊囉,點解成日都要小事化大呀...有病....
另外,我工人煮嘢都算好食,(好過我傢),又唔知點解,佢偏偏豬多怨言,又話呢樣炒得唔好食,果樣唔合格,
我以前煮得仲差過佢,佢以前都食都咀lam lam,
我就同佢講,我覺得幾好食呀,有咩問題呀,佢唔會直接話有咩問題傢喎,只會話,你地唔識進步嘅人,梗係唔覺有問題啦,我真係唔知佢想點...我係度諗...佢又發作啦.
另外,好似我買比佢著d 衫褲鞋物,佢話我唔識買,買d唔吸汗,又焗嘅衫,大老,咁我買時佢係寫住全棉傢嗎,佢唔吸汗,我都唔知傢,之後佢又講道理啦..........上次話完你又係咁.....叫咗你要買全棉先好著傢....xyz....zzzz
總之,我覺得無論人同事佢都唔滿意,d 傢俱,我話咁擺,佢係要咁擺,我出自好意嘅說話,佢又會扭轉我嘅意思,
結果原本討論一d嘢,都變成閙交,我做嘅嘢又唔合佢要求,,我成日話佢唔化,少少嘢都睇唔過眼,重衰過d 亞伯,我都有同佢講,你都成日聽到,有d 老公老婆在生時就嫌三嫌四,呢樣唔好,果樣唔對,豬多怨言,到伴侶死咗,先知後悔,點解成日要埋d 無謂執著,成日攪到閙哂交,點解唔開開人人咁過日子,之後佢就話,好呀,點樣先叫做化呀,見到你做錯都唔話你先叫化呀?我話你,係想你好,如果係外人,我話知佢死,你係我枕邊人,我先想你進步,
我就話:算吧啦,等我死咗你就會後悔傢啦.
究竟有無人老公係咁傢,係佢有病定我有病呢?
我依傢同佢一齊係唔覺得開心傢,我都同佢講,我越來越唔鐘意同你講嘢,講親都嘈交,大家諗嘢又唔同,嘈十日十夜都唔會有對錯傢啦,我都講過,你成日攪到咁不快,我依傢覺得對你無咩感覺(愛意),我心諗如果唔係個囡,我真係走啦,之後,佢就話,你咁幸福你都唔知足,你睇你身邊所有朋友,親戚有邊個好過你,我就話,好有時唔係用物質可代表嘅,同到一個夾嘅人生活,即使佢沒有質物上都可以好開心,好似我同佢拍拖時咁.

[ 本帖最後由 beepaul2007 於 09-7-15 17:13 編輯 ]
私人傳訊

beepaul2007


大宅

積分: 2298


56#
發表於 09-9-11 12:54 |只看該作者
(III) 之後我就話,得啦,你咁樣落去,我就嚟頂你唔順啦,
之後佢又話我都頂你唔順,容忍每個人都有限度,我都話,
我都係,我心諗:唔係個囡我實走,真在太難頂,我望住個囡,我一定要忍到個囡大,我先會走,唔想佢有唔開心嘅童年,
所以依傢我地就算嘈,都唔會係囡面前嘈傢,仲有工人呢,
不過我真係唔知忍唔忍到個囡大.
本身佢考訓我都知傢啦,以前諗住有自己家庭就唔會以母為先傢啦,原來唔係傢,所以我有時黑心D,寧願找個無父無
母嘅老公好過,再加上佢呢2年性格變得執著到死,根本好難再好似以前咁,佢成日都話傢,你有個好老公都唔知足,
出面幾個女仔想找佢呢類,其實你地外面睇係真係好好一個男人,如果同佢諗法唔同,其實都幾難頂傢.
我依傢成日都諗就算我找到個財產差過佢,但能夠明白我,懂得欣賞我,我都情願,但係依傢有個囡.....
好矛盾.....你地講就好容易,唔好放棄,換轉你返一份無人懂得欣賞你嘅工,你都無心機想走唔做啦,更何況係婚姻.
真係有苦自已知,最慘我地唔係因第三者,唔係因錢財,只係可以話係因性格不合而不開.
私人傳訊

beepaul2007


大宅

積分: 2298


55#
發表於 09-9-11 12:39 |只看該作者
(II)
之後我就話,我唔係針對你亞媽,我只係講事實,依傢生日主角係亞囡,每樣嘢我只會就亞B 放便,舒服,我話如果99係主角,我會任由佢話,依傢唔係,駛唔駛咩都就哂佢,之後佢就話依傢唔係就邊個問題,佢話人地只係為你地好喎,我話咁多年嚟,如果唔係咁途信,我地根本就唔會成日為呢D嘢嘈,我話如果我一開始嫁你時已經知你係信咩信咩,係一個咁途信嘅人,我會心甘命底,依傢唔係,我同老公都係無特別信仰,而成日聽埋你亞媽講呢講路,個口話為我地好,其實就係比難度我地挑戰,睇你地過得幾多關,我就話,依傢重點係你,唔係你亞媽,你亞媽迷信,頂唔影響我地,就要視乎你點處事,如果你講一句,亞媽,我地行得正,企得正,唔駛睇呢D嘢做人嘅,照自己意思攪,佢亦無你符.所以我話所有嘢都係你...
佢仲成日企係佢亞媽果邊,話人地唔鍚我地,理得我地呀,
人地一片好心,換來個身抱咁樣睇佢喎,我話如果你企得硬D,講一句我地唔會理呢D日子嘅嘢,佢都唔會再同你講啦,
係咪呀,平時講到幾叻,呢D嘢唔駛我教呀,我最憎佢,佢對佢亞媽實在太考順,太過火,明明係錯,佢都睇到係好.
私人傳訊

beepaul2007


大宅

積分: 2298


54#
發表於 09-9-11 12:19 |只看該作者
你地個個都話c6個人好,但係我就越嚟越覺得佢唔掂擋,我就嚟頂佢唔順傢啦,之前我有段時間好唔開心,個心成日諗住離分,我都同佢暗示過,(你知唔知,你成日咁執著,我會好辛苦,事事樣樣都比人閙,我依傢比你攪到毫無自信,果次同佢行街,佢話駛唔駛買d衫呀,我就特登同佢講,(唉!依傢我著咩衫都係咁傢啦,買衫都無心機啦,個人無哂自信啦,再講我著咩你都唔會識欣賞傢啦,佢就無出聲.
好似今朝,我差d又同佢開戰,因為亞囡10號生日,但係個八婆 99又話果日沖亞囡生肖,唔好果日慶祝,咁所以先改咗6號提早做,又可就返d親戚,佢又話6號都唔係靚日,但係無沖人咪得囉,所以我都無理佢,照攪,但係無叫佢,因佢話果日唔好,佢都應該唔會嚟,同埋我亞媽果邊同親戚都同佢唔同key,所以係8號又要特別同62 99 家姐食餐食咗成千蚊.根本攞錢嚟 size.
係今朝我先講起,我話其實呢2日同亞囡攪嘅生日會,計埋所有人封比亞囡嘅利事(唔計禮物),都打到和,都攪得過,如果6號叫埋你亞媽果邊就可慳噃果一千蚊啦,仲要大食會d嘢食多到個個拿2-3盒走,如果唔係我要食成個星期先食得完呀,只不過係你亞媽話果日唔好,所以無叫佢咋,我話出年唔理咁多,一齊攪就算啦,我話我地有我地攪,佢嚟就嚟,唔嚟就算,唔會再分開攪,之後佢就話,人地睇通勝,咁話果日唔好,咁人地都係為你好咋,我就話:嘩,沖又話沖,唔沖,都話果日唔係最好果日,攪一樣嘢都要找到最好果日先攪得,咁就咩都攪唔成傢啦,你咁信你亞媽,你唔日日問下佢,你今天可以去邊區做嘢,邊區唔好呀,佢就反駁話,咁我有無咁嚴重呀,
我話睇你個款都就嚟傢啦,初時結婚大事,就話比佢揀,我開刀生囡佢又要比多多意見,話呢日唔好,果日沖邊個,我話咁揀法,我個肚唔等得傢啦,你知唔知佢係點揀日子傢,我從始就知啦,一定唔可以沖到佢同62,繼而大仔,細仔....成全家人得先叫好日,果次,我好似上次9月15日係預產期,醫生話叫我係5號-12號揀日子開刀,我就話唔好太後,我怕會提早作動,太早又怕對亞b 唔好,所以心中想係6號-10呢幾日,99就續日睇,有一日就話沖我(當然我係做手術果個,梗係唔會揀啦)之後唔係沖bb ,就話沖佢自己,根住我揀10號,
佢又話沖老爺,大老,我開刀關老爺咩事呀,你唔鍾意咪第日先嚟醫院囉,大老我揀日開刀生b 呀,唔係去玩呀,就埋哂d無謂嘢,遲咗我又怕作動,早咗又怕對b 唔好,實情有無為我著想傢,我當時火都嚟埋,我照話99,多餘,我開刀關沖唔沖老爺咩事呀,咁揀法我唔駛生傢啦,我又反問佢,如果你咁迷信,以前你地咁橋沖日作動,咁點算,佢出咗嚟推噃佢入去呀,
等第二日先生呀,佢就話,咁又唔同,之後唔知5號定6號睇到沖狗,咁我亞媽係屬狗,我就學佢話唔得,我亞媽屬狗,你知唔知個賎人講咩,佢話唔怕,係計男家嘅人,唔駛計女家,正一仆街.我心諗,所以所有嘢都係你一個人攪出嚟,神又係你,鬼又係你囉,正一攪屎君.所以最後我都係決定10號生,理得佢,都係果句,鐘意就嚟探我見下 bb, 唔鐘意唔嚟我都唔會介意傢.所以由此我覺得根本就唔可以用99個日子作實,佢話好日我諗係講佢自己傢咋,之後我咪串c6,你亞媽咁叻,結婚時日子,時間都係佢揀啦,點解我地依傢會咁嘅"需"樣,成日嘈交,個粉人竟然話,可能唔揀會仲差呢,我頂呀.

私人傳訊

mrssze


民房

積分: 24


53#
發表於 09-9-10 17:53 |只看該作者
係啦, 只可以叫你加油架咋. 始終你都係一個好幸運的人, 嫁咗一個日日進步, 基本條件都好好的人, 己經好好架啦. 吾洗再為錢而煩惱, 己經係好好架啦, 致於你老公的問題, 我睇, 你都係揾d course 讀下, 增值下自己, 吾好比佢以為你無用, 做乜都吾啱, 少d見, 或感情都會好d啦, 起碼吵少d先啦. 係咪. 吾好諗咁多, 都咁多年, 你應好明白佢的諗法架, 點解依加先覺得咁辛苦先, 佢吾係突然變成咁嘛係咪先, 咁多年都得啦, 點解依加先話吾得呢. 慢慢改同佢講多d, 改變下佢, 同時亦要改變下你自己, 咁係辦法, 一味想注佢的吾好, 無用架, 努力啦, 加油, 吾好咁易放棄呀. 你仲有個女, 加上你老公, 講真, 真係吾錯架啦. 依加出面d男人, 邊到可以做到佢咁呀. 好少架啦. 真惜啦.
私人傳訊

浩天靚媽


禁止訪問

積分: 4610


52#
發表於 09-9-9 18:07 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

CYK


大宅

積分: 4240


51#
發表於 09-9-9 16:23 |只看該作者
...

[ 本帖最後由 CYK 於 09-10-5 11:50 編輯 ]
私人傳訊

beepaul2007


大宅

積分: 2298


50#
發表於 09-9-9 14:39 |只看該作者
原帖由 八婆仔@ 於 09-9-9 12:58 發表
我無睇晒d post,但如果我係樓主,我就覺得好可怕...

當然人係要進步,但每人步伐唔一致,斷不能要求人人同自己步伐一致?

如果想身邊人進步,或者做到你要求,我唸提出的人就要明確d禁講,菜芯炒牛肉,其實咩叫做有要求同 ...


八婆仔@,

你好,多謝你嘅祝福,係度有人明白我現時嘅感受,實在太好啦,就係因為我呢個問題係無話邊個對與錯先頭痕同難解決,如果擺明係佢有錯,我會好清楚明白要點做,一齊定分開,依傢就係佢做嘅都係為我好,只係過份執著咗者,亦無理由為此同佢分開,但唔分開,我又配合唔到佢,我亦好難受,我依傢做樣樣嘢都無咩自信傢啦,亦唔會好似以前咁,諗住再做好D加番分,因為我實在不了解佢每樣嘢嘅呎度係邊,所以依傢我嘅心態係"事但",係唔係都會被人話傢啦嘅心態,心諗"最多比佢話幾句",真係,我都覺得我有D變,以前我做嘢都有頭有尾傢,依傢我都覺得我已經無咩動力,做嘢事但完成教功課就算啦,所以依傢佢對住我係越來越勞氣傢,而且我都覺我嘅面皮越來越厚,佢話我咩我都無反影,唔會嬲亦唔會記住,只係覺得佢話我果時好煩者,但我覺得2公婆,點解要攪到咁嘅地步呢,表面睇,人人都覺得我地無嘢,好好,
其實講真我並非想咁樣行埋下半生傢,但我可以點樣呢,
我真係唔知點做,就係因為佢依傢變得樣樣執著,佢聽唔順聽的說話或想法,又要理論一番,有時被佢省到立立令添,
所以我依傢如果佢非必要知,我都唔想同佢講咁多嘢,以免嘈交,因為實在太多太多次,例如,原本我講人地咩咩不是,佢又會將果樣事例放係我身上,之後就會話我,你都睇到人地有問題呢,你平時就係咁傢啦,係咪會乞人憎呢.....
但係如果我支持人地一D講法或想法而佢唔讚成,佢又會話,
果個人咁樣你對話無嘢,你地就係同一類一嚟,所以唔會覺得有問題傢,所以你話我仲敢唔敢同佢打開任何話題呢,
所以見到有D人話,老夫老妻,應該越來越容合,越來越無秘物,我同佢就完全唔係囉,相反,越來越多嘢收埋,越來越講唔到心事,所以我都覺得我地嘅感情係直接被佢傷咗,其實近呢2年佢先係咁,之前我係時時想聽到佢把聲,就會想即刻打比佢,佢返遲5分鐘我個心都驚都鉄出嚟驚佢出咗事,夜晚會同佢蓋被等,但依傢我發覺我已經無哂呢 D嘢,無咩都唔想打比佢,佢幾時返我都唔會問,夜晚見佢無蓋被,都唔係好想同佢蓋,所以我真正知道我地係傷咗唔少感情傢!

[ 本帖最後由 beepaul2007 於 09-9-9 14:44 編輯 ]
私人傳訊

yhma


大宅

積分: 1789


49#
發表於 09-9-9 13:12 |只看該作者
對付超認真的人最好做軟皮蛇。
私人傳訊

八婆仔@


水晶宮

積分: 53079

最關心BB問題熱投勳章 環保接龍勳章 大廚勳章 BK Milk勳章


48#
發表於 09-9-9 12:58 |只看該作者
我無睇晒d post,但如果我係樓主,我就覺得好可怕...

當然人係要進步,但每人步伐唔一致,斷不能要求人人同自己步伐一致?

如果想身邊人進步,或者做到你要求,我唸提出的人就要明確d禁講,菜芯炒牛肉,其實咩叫做有要求同進步?你想食幾大幾細,真係無人知,我唸樓主唔會切到大到牛排或者細到一條芽菜禁?

同埋,係生命當中,係唔係每樣野都要不斷進步先為之好?就連"菜芯炒牛肉"都要用不斷進步呢個concept去衝量,做人都幾辛苦!

同人相處,我唸可以發掘旁人好處,斷不是只睇到人家無進步的地方!

一個懂得進步的人,就不會只批評人無進步;反之,佢與人相處同溝通都無進步,只懂去指責人家,佢自己又唔為呢個行為態度反省一下?

最後,有mani話樓主無進步,如果一個無進步,唔懂反省的人,就唔會開個post來問邊個有病,一係只會認為自己有病,一係就只會認為人家有病!

祝福樓主!
私人傳訊

honeysara


大宅

積分: 1479


47#
發表於 09-9-9 08:47 |只看該作者
攪生日會真係好頭痛, 我幫大囡攪過2次都怕怕. 因為由準備食物, 回禮包, 遊戲, 主持都係我一腳踢. c6只負責影相. 做完一日成個散晒. 每次我準備食物, 飲品, 餐具必定有多 (次次抬一大包去又攞番走!). 而且我習慣準備七彩水筆和貼紙叫小朋友and大朋友在自己的餐具上寫名or貼貼紙方便便認.
私人傳訊

木土土


琥珀宮

積分: 168053


46#
發表於 09-9-9 00:17 |只看該作者
我都覺得你老公好難頂, 不過佢真係有好多優點!無理由因此離開佢.

要改變佢好難, 既然你唔開心, 不如試吓改變自己既想法, 佢對你有要求時, 試吓真心覺得佢係為你好,塞錢落你袋, 用欣賞既角度去睇件事, 可能大家都開心d!

其實你老公對你既態度有d似我地教小朋友, 對小朋友要求高係為佢地好, 希望佢地有進步, 如果你教小朋友時佢地駁嘴話你要求高及唔合理, 你都會唔開心la!

睇得出你老公幾得他人歡喜, 點解外人識得欣賞佢反而你做老婆唔得呢, 唔好放大佢既缺點, 就算你覺得自己arm(其實我都話你arm), 但你地時常嘈, 對大家都無好處.
私人傳訊

beepaul2007


大宅

積分: 2298


45#
發表於 09-9-8 15:16 |只看該作者
好啦,果日真係好彩我亞媽心水清,佢話我要整咁多嘢食,
驚我攪唔掂,所以一早來幫我手煮傢啦,工人就負責洗嘢,可能我係真真正正第一次攪咁多人大食會,結果睇D餸唔係咁難整,原來都好襟整傢,C6 又攪亞囡唔掂,係咁扭計,攪到我真係好急,好急呀,原本7:00開始,結果煮到8:00先整哂,所以7:30時都叫C6帶頭開始啦,唔好等啦,因為個會場只限2小時就要交場,最重要係佢9點要關門,否則我再租多PART都好呀,到8:00我落到佢,點知D細路(亞E D細路)食一次嘢又開一次杯碟,攪到唔夠用,又被C6 話: 失敗~~~
好彩果晚都好順利,亞囡都好開心,因D細路個個都有禮物,所以個個都好開心,當我話:我地唱生日歌比囡囡聽!因為都有成25人,對囡囡嚟講都幾震憾,亞囡好似知咁,好平靜四圍望,當唱完見到我地拍手掌,佢又好開心咁拍手手,腳踢踢,
我見到佢好開心呀,所以我辛苦都覺得值得嘅,之後果晚,我問C6 點呀,今晚滿唔滿意呀,佢話好,好,滿意,之後我先講返,我話你下次最好問一問我有無預多飲品,先好派,佢都係話我:咁咪失敗囉,點解唔預多D,我話我已經預多咗,又唔見你幫手買D,之後佢無出聲,之後佢又話D叉叉碟碟好貴咩,點解唔預多D,我話我都有預多咗傢啦,點知班細路會用一次開一個喎,根住佢話下次呢D嘢預多D 唔怕傢,雖然總括嚟講佢都滿意嘅,但係我就覺得佢點解唔將果2句失敗,換轉"唔緊要啦"咁就好好多啦!
私人傳訊

beepaul2007


大宅

積分: 2298


44#
發表於 09-9-8 14:47 |只看該作者
大家好,平靜咗一排,第一因為 C6 無咩發作,第二亞B 前排又出玫瑰診,又發燒,所以我好緊張亞B,呢次係佢第一次發燒呀,所以要貼身照顧亞B,都唔得閒同C6計教啦,好彩亞B 發咗3日燒後就退燒,出完診都好番啦,最近仲係9月6日,
同亞B 攪咗個1歲生日會,講起個生日會,我無一樣嘢要個C6做,佢都亞G 亞咗,我原本諗住細細地攪個生日會,等亞B 第日大個都有D 回憶,所以都唔叫朋友啦,只係叫親戚都己經二十幾人啦,所以係留下會所BOOK 房開 PARTY,我知C6 呢排忙,都唔敢打教佢啦,大大話話 二十幾人所有食物,飲品,遊戲,禮物都係我一個人去攪,我都無怨一句,
我要安排18樣食物,餐單如下:(1)鹵水雞亦(2)南乳豬手(3)栗子炆鴨(4)魷魚炒西蘭花(5)油墨菜炒豆鼓鯪魚(5)炸春卷,薯條,薯餅(6)菠蘿腸仔串牛丸(7)肉醬意粉(8)咸魚雞粒炒飯(9)七彩啫喱糖(10)雜果沙律(11)洋蔥豬扖(12)羅宋湯(13)蕃薯糖水(14)生日蛋糕(15)煎釀三寶(16)茄汁蝦轆(17)咖哩薯仔魚塊(18)水餃雲吞.
唔好講煮,淨係買都死啦,仲有去買12份抽獎禮物,買佈置會場飾物(好彩佈置已假手於人已煩少樣),大量飲品,薯片零食,杯杯叉叉,BOOK 場,邀請親戚,都係我去攪,個C6只係載我去買餸,同要求佢個日下午睇住個囡,因為果日我同工人要整嘢食,PARTY 共有25人,我諗住D人嚟到都直接去會所會場傢啦,所以無預到飲品比人係屋企飲,點知有部份人又話上我屋企坐下先,個C6 又係咁每人飲包嘢先呀,
我心諗死啦,你派哂我,今晚唔敢飲就慘啦,雖然我買咗都唔少,42包+3樽果汁先生+8支涼茶,但係我真係無預到佢地係屋企飲,之後我就同C6講,你唔好同我派哂呀,我無預佢地係屋企飲傢,之後又比佢話我: 失敗 ~ ~ ~
之後我話你比水都得者......因為人多佢唔方便同我理論.所以被過一打劫......請去PART II...
因我怕太長....
私人傳訊

carriecc


男爵府

積分: 6100

好媽媽勳章


43#
發表於 09-7-24 00:11 |只看該作者
原帖由 beepaul2007 於 09-7-22 11:20 發表
好似前日,我同佢2個人出街打邊爐,佢不嬲都好鐘意食飯時講道理,所以我就邊打邊同佢講,其實你依傢係咪覺得我越來越親你唔起,覺得我個人不進則退呢,(諗住睇佢點答),佢話:唔係,我無咁覺得喎,我平時話你,都係想你好,唔話 ...

我都明白城日比人要你進步~係好煩~好似我之前上司咁~-.-"但係我都知佢係想我好~我(林)你老公都係想你好~但用錯方法姐~慢慢同佢傾下la~
私人傳訊

April_B


男爵府

積分: 8860

BK Milk勳章


42#
發表於 09-7-23 15:01 |只看該作者
"我成日同自已講,人地話我,係教精我,人地可以唔話我,做完呢單,無下單之嗎,點解人地要做衰人,話完我,仲沿沿不絕咁比嘢我做,就係因為睇到我係一個會進步,會接受批評嘅人,人地咁有錢,點解千揀萬揀,都要揀我,比我做,佢d價唔底傢喎,出面幾間公司成日想打亞太主意,點解人地接唔到佢生意,佢話佢自問唔係咩叻人,人地公司條件都不比我差,有d更是上市公司,都接唔到佢生意,"

yes~~!!!
曾經有人同我講過同一番話..exactly the same
我俾對方講服左..
你將此段說話gei客人=老公,
俾人話的老公.=你...
樓主你好幸福啦, 我諗教小朋友你老公都好親力親為..
試諗下, 你鬧個仔/女想佢好, 想佢認真做好功課,
點知佢好似你對你老公咁, 都唔認同, 幾辛苦, 又唔可以由得佢~~
support yr husband!


我好欣賞哩類人~
我認同佢話我,我先會進步
仲整左個新甜品叫對方唔好嬲我話極都做唔好
仲同佢講話要開本notebook記底佢講gei野, 整本xxx語錄出黎第日pass俾後人...


其實你唔係唔知佢為你好
只不過你不太接受佢用哩個方式對你好所以覺得辛苦~~
繼續忍吧~~:loveliness:加油

[ 本帖最後由 April_B 於 09-7-23 15:08 編輯 ]
私人傳訊

LUON


大宅

積分: 3466


41#
發表於 09-7-23 10:28 |只看該作者
原帖由 大豬既老婆 於 09-7-23 05:18 發表


甘我覺得你同你個妹既關係吾同樓主同距老公既
講真﹐ 你同你個妹吾會一齊返工﹐ 一齊住﹐一齊訓。
有個人24小時督住你﹐挑剔你﹐其實個感覺都好壓逼﹐好辛苦。 吾系話樓主老公有要求吾岩﹐ 只不過我覺得吊頸都要抖氣 ...


都岩!
因為我同我妹只係一齊做野,
但唔係一齊住!
私人傳訊

大豬既老婆


伯爵府

積分: 17545


40#
發表於 09-7-23 05:18 |只看該作者
原帖由 LUON 於 09-7-22 15:46 發表


你老公句句都講中我心事,
我當年都係咁同我妹講,
人不進則退!!!!

但你似我妹, 唔甘心比人話,
亦唔明白有人肯成日指點你真係好過中六合彩!!!!
六合彩中一次駛晒就無!
但有個真心在你身邊指點你既人,
使你懂得改變 ...


甘我覺得你同你個妹既關係吾同樓主同距老公既
講真﹐ 你同你個妹吾會一齊返工﹐ 一齊住﹐一齊訓。
有個人24小時督住你﹐挑剔你﹐其實個感覺都好壓逼﹐好辛苦。 吾系話樓主老公有要求吾岩﹐ 只不過我覺得吊頸都要抖氣
私人傳訊

LUON


大宅

積分: 3466


39#
發表於 09-7-22 15:46 |只看該作者
原帖由 beepaul2007 於 09-7-22 11:20 發表
好似前日,我同佢2個人出街打邊爐,佢不嬲都好鐘意食飯時講道理,所以我就邊打邊同佢講,其實你依傢係咪覺得我越來越親你唔起,覺得我個人不進則退呢,(諗住睇佢點答),佢話:唔係,我無咁覺得喎,我平時話你,都係想你好,唔話 ...


你老公句句都講中我心事,
我當年都係咁同我妹講,
人不進則退!!!!

但你似我妹, 唔甘心比人話,
亦唔明白有人肯成日指點你真係好過中六合彩!!!!
六合彩中一次駛晒就無!
但有個真心在你身邊指點你既人,
使你懂得改變自己, 真係一生受用!!!!
希望你明白珍惜你老公。

不過你果句鬧老公"變態"真係唔掂,
係當時你都係笑笑口咁講,
但認真想想,
呢個世上90%既人係唔比人話得!!!
錯到死都唔會接受人地意見,
肯接受人地意見仲肯去改而被叫"變態",
唉....
私人傳訊

beepaul2007


大宅

積分: 2298


38#
發表於 09-7-22 11:20 |只看該作者
好似前日,我同佢2個人出街打邊爐,佢不嬲都好鐘意食飯時講道理,所以我就邊打邊同佢講,其實你依傢係咪覺得我越來越親你唔起,覺得我個人不進則退呢,(諗住睇佢點答),佢話:唔係,我無咁覺得喎,我平時話你,都係想你好,唔話你,你又點知仲可以做好d呢,佢話佢,都係成日比d亞太話先有今時今日嘅我,我成日同自已講,人地話我,係教精我,人地可以唔話我,做完呢單,無下單之嗎,點解人地要做衰人,話完我,仲沿沿不絕咁比嘢我做,就係因為睇到我係一個會進步,會接受批評嘅人,人地咁有錢,點解千揀萬揀,都要揀我,比我做,佢d價唔底傢喎,出面幾間公司成日想打亞太主意,點解人地接唔到佢生意,佢話佢自問唔係咩叻人,人地公司條件都不比我差,有d更是上市公司,都接唔到佢生意,
梗係有原因傢啦,人地同我有親咩,佢話d客同佢講過,話佢:
以你咁嘅年紀,三拾零歲,做到今時今日其實都唔錯,知唔知點解我鐘意比嘢你做? 因我覺得你做人做事都好認真,又勤力,有責任心,老實,人品好,對長輩專敬,又識得禮儀,依傢d後生仔女好小咁傢啦,佢都講過,如果你唔係結咗婚,暗示佢都有個細女未嫁,(不過係大過我老公1-2歲),
所以佢話平時我嘅付出,今時今日就變成我嘅財產,
所以我都想你好似我咁,身邊有個人不段提點住你,佢話佢都唔知幾想有高人成日指點住喎,我話你變態者,鐘意比人話......果晚講完之後,佢又好似好D...呢個星期都無發作喎.......(^..^)
私人傳訊


首頁
123

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy