夫婦情感 今日: 2 | 主題: 42684

積分: 26

1^#

發表於 09-7-16 23:35 |只看該作者 |正序瀏覽 |打印

其實我同佢未結婚...不過依家我有左7個月(仲要孖仔)..上個月25號之前都仲好好地...自從25號...同班朋友玩完黎之後...工又冇返...對住我又一時好關心...一時又唔多理我...係咪因為我成日管住佢返黎屋企搞到咁...定係佢已經唔想再理我同2個bb呢....我依家應該點做先可以將佢變返以前咁樣!?

0 0 0

私人傳訊

hanbb

積分: 16230

39^#

發表於 09-7-18 18:27 |只看該作者

真係好擔心你的情況啊.....

雖然你有孖b, 做全職媽媽在照顧孖b 係好d, 但........經濟上真係好大壓力囉, 我相信你個肚越大, 你 bf 的壓力和逃避責任的行為會越大囉, 到時你會更大壓力和唔開心呀.....

其實你有冇諗過keep 住份工??
如果你生完做全職媽媽, 你bf 又無工作...... 咁即係點生活呀?

如果附近有育嬰院, 考慮下申請啦, 如果得你一個工作, 應該可以申請豁免大部份費用, 咁你又可以工作, 孖b 又安全.....

我相信如果你有工作, 你和bf的關係會好d, 起碼經濟壓力無咁大囉, 貧賤夫妻百事哀呀........

當然, 如果你做全職媽媽, 你bf都養唔起你, 你仲可以去社署求助囉, 就算唔係攞錢, 你搵社工傾下都好啦, 如果唔係, 我真係驚你產前產後抑鬱呀, 一個b 都好大壓力, 你仲要孖b 呀.

你加油呀

私人傳訊

積分: 26

38^#

發表於 09-7-18 16:56 |只看該作者

嗯!!!thx^^

原帖由 hoivy 於 09-7-18 16:55 發表
搵d你有興趣既野做, 例如睇書, 睇小說, 聽下歌,尤其d胎教既音樂, 搵朋友吹下水, 電視就唔建議睇咁多.雖然做晒依d野, 但都未必可以叫你唔諗佢, 因為依d掀腸掛肚既感覺, 唔會咁易無左, 尤其得返你一個人既時候, 就更加 ...

私人傳訊

hoivy

積分: 4966

37^#

發表於 09-7-18 16:55 |只看該作者

回覆 1# piki_1314 的文章

提示: 作者被禁止或刪除內容自動屏蔽

私人傳訊

積分: 26

36^#

發表於 09-7-18 16:41 |只看該作者

有咩辦法,令到我唔洗成日都諗住佢...依家我個腦真係冇時冇刻都係諗起佢

原帖由 hoivy 於 09-7-18 16:29 發表
如果真係撐唔落去, 我覺得你都要同屋企人或者信得過既朋友講, 等佢地支持你, 一個人頂係好寂寞同辛苦...

以我為例, 男人係好衰, 未失去過永遠唔識珍惜, 我敢寫包單, 佢將來一定好後悔今日咁對你, 但問題係宜家依一 ...

私人傳訊

hoivy

積分: 4966

35^#

發表於 09-7-18 16:29 |只看該作者

回覆 1# piki_1314 的文章

提示: 作者被禁止或刪除內容自動屏蔽

私人傳訊

積分: 26

34^#

發表於 09-7-18 16:12 |只看該作者

我返就返左自己屋企嫁了,但係個心都仲係日日諗住佢,自己又唔敢開口同屋企人傾,驚佢地會擔心,其實我知我再係咁落去,我真係會撐唔住

原帖由 hoivy 於 09-7-18 15:46 發表
你男朋友對你既感情係無得逼, 佢既貪玩, 唔係你能夠講道理, 講到佢改變,應該知既野,相信佢已經知道晒, 問題係佢無咩感覺, 想逃避, 你再同佢講乜野都無用, 佢只會覺得你煩.

我反而覺得你可以試下以退為進, 試下減少 ...

[ 本帖最後由 piki_1314 於 09-7-18 16:17 編輯 ]

私人傳訊

hoivy

積分: 4966

33^#

發表於 09-7-18 15:46 |只看該作者

回覆 1# piki_1314 的文章

提示: 作者被禁止或刪除內容自動屏蔽

私人傳訊

積分: 26

32^#

發表於 09-7-18 15:17 |只看該作者

呢到以上..種種既原因理由我都諗過哂,我都知道眼前最緊要既係呢2個bb,但係,我唔想2個細既會出世係一個唔完整既家庭,我真係好想去挽回呢段感情

私人傳訊

alik

公爵府

積分: 25507

31^#

發表於 09-7-18 00:19 |只看該作者

原帖由 piki_1314 於 09-7-17 13:45 發表
咁佢未定性我都一早知,但係,我最唔明既就係,點解佢冇啦啦會變成咁,之前都好地地嫁

<--逃避現實囉

私人傳訊

Nancy20090615

瑪瑙宮

積分: 135327

30^#

發表於 09-7-17 22:26 |只看該作者

您地真係好 young.

1. 佢又未成熟, 未長大, 貪玩, 有 d 人係鐘意襯人.
2. 做 2 子之父, 壓力太大, 未能適應, 出現反叛.

您要引導佢認識為人父的角色. 生孖湊孖會好辛苦, 您亦勿忽略您老公. bb 出世後, 比多 d 機會佢餵奶, 換片, 培養親子感情, 加深佢對屋企的責任感.

亦多 d 同佢講, 類似呢 d :
'您睇, bb 似晒您'
' 叫爸爸啦'
' bb 笑起黎, 好似您呀'
'您地一個樣'
以上都可以加個 kiss + 深情的眼神比您老公.

佢放左工, 您幾忙都要陪下老公, 揼下骨, 幫佢開熱水沖涼. 比家庭溫暖佢.

如果佢感受到做爸爸的喜悅, 會鐘意留在家同您地一齊. 便唔會周街度.

加油呀!

私人傳訊

Connielai

積分: 19050

2023年兔年勳章畀面勳章 BK Milk勳章

29^#

發表於 09-7-17 15:33 |只看該作者

原帖由 piki_1314 於 09-7-17 13:46 發表
依家返左媽咪到,我就更加唔放心,覺得佢玩得仲緊要

你老公既情況同我老公一樣:任性,貪玩。但我老公已經36歲,晚晚都要出去打機,同朋友鬥地主,如果你老公係覺得玩咁重要,我相信你仲有一條好漫長既路要行。始終你老公都未定性,而你知佢未定性仲要同佢生bb,你真係要付出很多。而家bb未出世已經係咁,咁出左世如果佢吾幫你一齊湊,又走左去玩,加埋你要又面對經濟壓力,你可以想像你應該幾辛苦。其實同一個貪玩既人一齊真係好辛苦,吾好希望你可以改變他,可能有段時間佢會變好,但最後都係選擇番玩,到時你就會很失望。

私人傳訊

HAZEL920

積分: 15458

醒目開學勳章畀面勳章環保接龍勳章大廚勳章

28^#

發表於 09-7-17 14:18 |只看該作者

回覆 1# piki_1314 的文章

好明顯25號之前個幾個晚上令佢明白佢要既世界就係玩樂, 無拘無束既世界, 佢玩到變本加厲, 工都唔返, 證明佢要既野好簡單, 就係自由(佢知道結左婚, bb出左世會無咩機會去, 仲唔玩多d玩盡d咩?)。呢d唔係叫"任性", 只係佢人生呢個階段需要去蒲去癲不理後果, 如果唔係, 都唔會同一個女仔未結婚就搞大人地個肚啦係米(有個句講個句), 以前同你拍拖時可以一齊癲一齊玩. 但而家, 女朋友個肚蘿咁大, 身形唔同左, 講既野唔同左(唔係講去邊個場玩, 去邊度飲酒幾錢set, 而變到要講將來, 要講事業要講生活)對22歲既一匹野馬黎講你話幾大壓力先...唔好話22, 32既男人都未定性, 何況要佢肩起一頭家既責任呢? 佢唔係唔鐘意你, 佢鐘意你先會繼續同你一齊, 但又未識諗, 倒返轉頭諗今次如果你唔係有左bb, 你會唔會愁咁多野先

mouth: 但既然事情已經發生左, 你身為一個準媽媽, 一定要有心理準備, 承擔日後揍bb既辛苦, 老公既更多缺點同磨擦, 金錢上既負擔。呢個世界係好殘酷的, 因為路是你自己選, 無人迫你的, 傷你的人可以傷你很深, 但令你開心的人也可以令你很快樂, 是每個人成長後的必經階段。

私人傳訊

積分: 26

27^#

發表於 09-7-17 13:46 |只看該作者

依家返左媽咪到,我就更加唔放心,覺得佢玩得仲緊要

原帖由 wingwantze 於 09-7-17 11:30 發表
你真係要好好同佢講清楚,就算佢唔聽你都要繼續同佢講,仲有2個月到bb就出世啦,一個人湊真係好辛苦要慢慢解釋比佢聽,同佢做個協議,如一星期只玩一晚可以嗎?你搵多d朋友陪下你,住係媽咪度得確有好處起碼有佢照顧你!
唔 ...

私人傳訊

積分: 26

26^#

發表於 09-7-17 13:45 |只看該作者

咁佢未定性我都一早知,但係,我最唔明既就係,點解佢冇啦啦會變成咁,之前都好地地嫁

原帖由 driedpork 於 09-7-17 11:11 發表
本來我都唔想講得太直接, 都好想比d 正能量你, 但係唸深一層, 好想提點下你現實的狀況, 你地兩個都咁細個, 根本未定性, 你男友依家連工都無埋, 仲要掛住去玩, 你大住個肚都係咁, 佢根本都未準備好做爸爸, 亦未準備好 ...

私人傳訊

積分: 26

25^#

發表於 09-7-17 13:39 |只看該作者

原帖由 cramimi 於 09-7-17 10:16 發表
可能你老公有產前抑鬱
男人都有機會有ga, 特別你生孖tim
可能金錢上有壓力, 返工又有壓力, 所以先出去玩下relax, 同埋佢可以同朋友呻下....不過出得太密始終都唔好, 你試下sms話比佢知你感受!
同埋佢叫你返媽咪度, ...

其實我又唔會好悶..咁因為我依家都仲有返工既,我成日都有sms比佢嫁..不過佢睇完就算,都唔會覆既

私人傳訊

wingwantze

男爵府

積分: 6632

24^#

發表於 09-7-17 11:30 |只看該作者

你真係要好好同佢講清楚,就算佢唔聽你都要繼續同佢講,仲有2個月到bb就出世啦,一個人湊真係好辛苦要慢慢解釋比佢聽,同佢做個協議,如一星期只玩一晚可以嗎?你搵多d朋友陪下你,住係媽咪度得確有好處起碼有佢照顧你!
唔好諗太多啦多d休息!

私人傳訊

thomas_so33

積分: 15738

23^#

發表於 09-7-17 11:23 |只看該作者

你老公無左份工,就叫佢玩少d啦, 亞b出世用好多錢架,正所謂大唔食細都要食啦,不過唔好唸咁多,用個靓心情生2個bb啦

私人傳訊

driedpork