單親天地 今日: 0 | 主題: 18374

積分: 59

1^#

發表於 09-7-24 20:53 |只看該作者 |正序瀏覽 |打印

我幾年前已辦妥理婚手續, 絕對離婚令上法官判咗我前夫要俾每月$4000的贍養費. 我自己本來一直有工作, 生活不成問題。

但一年前發現有紅斑狼瘡症, 病情好唔穩定, 半年間已做過兩次大手術+一次小手術。身體支持唔住(因份工好大壓力, 又長時間), 終於冇辦法之下辭左份工, 食住自己D積蓄先。依家身邊已冇晒錢, 前夫的$4000贍養費一直唔係個個月俾, 有時又俾少一千咁, 因為佢好爛賭, 又成日轉工, 份份工都做唔長。最近仲衰, 成日玩失蹤,搵唔到人。

有人話我知我合資格申請綜援, 但我想問社署會唔會要我先追贍養費? (追黎都冇用, 又浪費時間又浪費錢) 社署又會唔會要"刮"我前夫出黎先? 或者要佢簽字証明佢冇能力俾贍養費? 因為第一, 要搵到佢都唔係咁易, 如果要先搵到佢, 可能搵幾個月或半年, 咁我已經餓死左。第二, 我唔想俾我前夫知我咁多野,例如:病、經濟有問題等等, 因為我驚佢玩野要爭番對仔女(離婚時法庭已判左對仔女俾我,但我唔知佢依家可唔可以用我有病唔適合照顧對仔女做理由而爭番對仔女). 而且,佢知我依家咁一定好心涼。

假如我前夫個個月乖乖俾$4000的贍養費, 社署在綜援批出的金額裡扣除番呢$4000, 我覺得好公平, 絕對冇問題, 但假如社署扣除左, 而我前夫果個月又唔俾(或俾少d), 咁我就攪唔掂, 所以好頭痛.

有冇人有經驗之談可分享吓?

謝謝.

0 0 0

私人傳訊

積分: 45787

好媽媽勳章

81^#

發表於 09-8-12 02:52 |只看該作者

原帖由 2CMom 於 09-8-11 19:02 發表
仲有, 因我依家住我老豆度係柴灣區, 而我租樓住就係租將軍澳, 佢話佢同柴灣保障部的主任熟D,仲已經係電話度同個主任講過我個case,個主任話會記住我個名,等d文件過到去審批會快好多. 所以佢暫時唔send份租約過去住,因 ...

你仔仔好叻喎, 逗得姐姐咁開心.
sorry, 我之前記錯大嘅係仔, 細嘅係女.....

私人傳訊

積分: 45787

好媽媽勳章

80^#

發表於 09-8-12 02:42 |只看該作者

原帖由 2CMom 於 09-8-11 22:43 發表
newbiee:

多謝你先. 我仲欠電視機,熨斗,吸塵機

你的電視機同dvd機我有興趣,但你住邊? 要係邊度PICK UP呢?

如果你唔介意, 我可以搵朋友幫手拎去你附近, 因為我都住得幾遠下, 你要湊住bb唔方便同埋都幾重.
你諗下咩方法最好, 再pm我呀!
另外, 我pm我個手提比你, 你可以打比我.

[ 本帖最後由 newbiee 於 09-8-12 02:58 編輯 ]

私人傳訊

積分: 59

79^#

發表於 09-8-11 22:43 |只看該作者

newbiee:

多謝你先. 我仲欠電視機,熨斗,吸塵機

你的電視機同dvd機我有興趣,但你住邊? 要係邊度PICK UP呢?

私人傳訊

積分: 45787

好媽媽勳章

78^#

發表於 09-8-11 22:30 |只看該作者

原帖由 2CMom 於 09-8-11 19:43 發表
我就好彩D,租到TKO的舊居屋,510尺,個地產經紀係熟人,而佢又識得個業主,業主係60歲的婆婆, 佢好好人, 我話綜援的租金津貼係$3300, 咁佢話:咁就$3300啦! 層樓已經供完, 自己又有層私人樓住緊,仔女又出晒身(仔係律師,去 ...

睇到你呢個消息好開心!

你真係好好彩遇到個婆婆咁好人.
如果電視機仔, 係好大舊個d, 得14"左右你要唔要呀?
仲有部dvd機, 好新架.
睇下仲欠d咩, 講出來大家睇下.
唔好怕舊, 因為搬屋要用好錢.慳得就慳.

[ 本帖最後由 newbiee 於 09-8-11 22:32 編輯 ]

私人傳訊

積分: 45787

好媽媽勳章

77^#

發表於 09-8-11 22:24 |只看該作者

原帖由 2CMom 於 09-8-11 19:30 發表
水電煤都要自己開過,D按金都好"拿利"! 好似聽過人講拎綜援的煤氣有優惠,有冇人知多D詳情呢?

http://www.towngas.com/tgweb/txtchi/responsibility/resp_single.asp
睇下係咪呢度.

私人傳訊

bellybaby

禁止訪問

積分: 656

76^#

發表於 09-8-11 20:03 |只看該作者

提示: 作者被禁止或刪除內容自動屏蔽

私人傳訊

bellybaby

禁止訪問

積分: 656

75^#

發表於 09-8-11 19:51 |只看該作者

提示: 作者被禁止或刪除內容自動屏蔽

私人傳訊

積分: 59

74^#

發表於 09-8-11 19:48 |只看該作者

今個星期五就拎鎖匙喇. 希望搬去新地方之後病情會好d, 因呢幾個月我的抑鬱症都幾嚴重, 醫生評我係"中等至嚴重抑鬱",所有典型的抑鬱症symptoms都有齊晒.

除左之前有自殺傾向之外,仲開始有暴食, 完全冇左飽的感覺,成日都想食, 一係瞓唔到, 一係就昏昏沈沈咁瞓, 心口痛, 透不過氣, 心跳, 手震, 記憶力衰退, 神不守舍. 試過好多次買完野俾左錢唔記得拎野就走左, 漏野在巴士唔記得拎, 最恐怖係有次係商務睇書, 拎住本書行下行下出左門口行左幾個鋪位先發覺,好彩冇俾人捉我高買,我即刻拎番本書入商務同個cashier講對唔住,俾番本書佢地.

[ 本帖最後由 2CMom 於 09-8-11 19:50 編輯 ]

私人傳訊

積分: 59

73^#

發表於 09-8-11 19:43 |只看該作者

我就好彩D,租到TKO的舊居屋,510尺,個地產經紀係熟人,而佢又識得個業主,業主係60歲的婆婆, 佢好好人, 我話綜援的租金津貼係$3300, 咁佢話:咁就$3300啦! 層樓已經供完, 自己又有層私人樓住緊,仔女又出晒身(仔係律師,去咗台灣做野,女係物理治療師),D租金都係自己袋黎洗,當幫下人囉,人地咁慘,我都幾十歲,D錢帶唔到落棺材,當做善事積吓福囉!"

佢現在租俾我層樓係佢同個仔聯名的,個仔在台灣,佢話唔駛問個仔,自己揸主意.

不過為免影響佢將來租俾人的價錢,份租約都係寫明租金係$6300, 我同社工講, 社工話冇問題,因社署都係批$3300,其他野唔會理. 婆婆仲只係收我一個月按金, 想幾時搬預早一個月通知佢.

但經紀commission就要按番$6300黎計半個月為commission,因地產唔肯用$3300黎計,因為會冇肉食. 總之一切係我同婆婆之間的事.

個單位好企理呀, 差唔多乜都有, 唔駛買, 淨係欠一部電視機. 3部冷氣, 雪櫃同洗衣機都係新的(雖然我唔會點開冷氣), 牆到地板白雪雪的, 只係傢俱舊d, 梳化就爛左一忽, 不過都唔緊要啦, 我鋪塊梳化坐墊就睇唔到啦.

私人傳訊

積分: 59

72^#

發表於 09-8-11 19:30 |只看該作者

水電煤都要自己開過,D按金都好"拿利"! 好似聽過人講拎綜援的煤氣有優惠,有冇人知多D詳情呢?

私人傳訊

積分: 59

71^#

發表於 09-8-11 19:12 |只看該作者

原帖由 bellybaby 於 09-8-11 16:14 發表

乜按金無得clam既咩?我個社工又話有.....

冇呀, 佢話只有上期租金同經紀commission有得claim咋. 佢話因為按金將來可以拎番.

私人傳訊

積分: 59

70^#

發表於 09-8-11 19:02 |只看該作者

仲有, 因我依家住我老豆度係柴灣區, 而我租樓住就係租將軍澳, 佢話佢同柴灣保障部的主任熟D,仲已經係電話度同個主任講過我個case,個主任話會記住我個名,等d文件過到去審批會快好多. 所以佢暫時唔send份租約過去住,因為驚見到我租TKO樓,就會將我個case轉去TKO的保障部, 果邊佢唔識人. 所以會等綜援批左佢先補番份租約過去.

我亞仔今日好識做,因佢七個月大,勁認人,一見到陌生人(尤其是戴眼鏡的)就會勁喊. 但今日我個社工(都係戴眼鏡的)逗佢玩,佢唔喊不特止, 仲不停咁對住個社工笑! 個社工好開心, 下午打電話俾我話所有文件佢已經做好,叫我明天上去簽名, 臨收線仲話好掛住我個仔!

我簽咗名,等埋醫生份野(即係寫我50%定100%傷殘果份)就可以send過去.

[ 本帖最後由 2CMom 於 09-8-11 19:14 編輯 ]

私人傳訊

積分: 59

69^#

發表於 09-8-11 19:01 |只看該作者

我個醫務社工今日上黎家訪,佢好細心,連我同我爸圈住calendar上的日期都問我係咩黎. 我就答佢係覆診日子,我爸圈的我就唔知喇.

又睇我祖母擺大壽時影的全家福,因我地係大家族,我爸有成十二兄弟姊妹,佢都逐個問.

佢上黎早見到我爸想同佢傾幾句,點知我爸話:"唔好x煩我!" 就嘭一聲出咗門口。

佢又見到煙灰盅,又聞到勁大煙味,又有針筒,都叫我快d搬,因為真係好唔適合小朋友住.

大致上佢上黎睇完之後可能見到真實情況,我真係冇講大話,佢就好helpful,又幫我呢樣果樣,又提我好多野可以點做,尤其係點應對保障部.

佢打電話同我個醫生傾過,問醫生會否寫我"健康欠佳或傷殘"。醫生話我紅斑狼瘡雖然穩定番,但精神狀態唔適合做野,但就仲考慮緊究竟寫我50%定100%傷殘,因為綜援果度會多d錢.

我已confirm租樓住,但社工話等我綜援果邊批左之後都會幫我攪體裇安置, 仲叫我唔好簽死約, 盡量同業主傾flexible D.

我今日再問佢綜援金額的事,佢就話,我會有$2100, 一對仔女各有$1650, 另外租金津貼$3300, 單親津貼$255, 再加個女的書簿費、校車費、飯錢等等. 如果醫生寫50%傷殘就每人多幾百蚊,如果寫100%傷殘就會再多D,100%傷殘會另外有社交補助金同交通津貼.

佢今日真係好好, 同之前完全唔同晒.

私人傳訊

bellybaby

禁止訪問

積分: 656

68^#

發表於 09-8-11 16:14 |只看該作者

提示: 作者被禁止或刪除內容自動屏蔽

私人傳訊

積分: 45787

好媽媽勳章

67^#

發表於 09-8-10 21:01 |只看該作者

原帖由 2CMom 於 09-8-10 18:59 發表
我諗我等唔到, 尋日我老豆又.....

佢high完野d針筒四圍放,我問佢做乜唔掉落垃圾筒,佢話洗番乾淨再用過. 我真係好驚, 如果俾d細路執左黎玩咁點算? 我老豆有丙型肝炎o架!

今日搵左間屋,$3300租/每月,社工好雀躍,猛 ...

你老豆真係一個危險人物........如果比小朋友拎到就慘,
你真係要金睛光眼睇到實.

你今日搵左間屋,$3300租/每月,個業主咁好, 無要你提供入息證明?
個社工好雀躍好想你租,
梗係, 佢可以唔使再攪房署個度, 做少好多野.
你同佢講, 你都無咁多錢, 如果按金冇得claim, 點搬喎.
再拖落去, 如果有咩事邊個負責,
你問佢於心何忍!
睇佢有咩反應.

睇其他媽咪都講過,
好似係你租左樓就唔幫你做體裇安置.
但係, 如果你證明到ex比唔到贍養費,
你可以租住樓再申請公屋,
有時等唔係好耐會有特快,
不過, 多數係d不受歡迎單位.
你有無搵個你個ex呀?

私人傳訊

積分: 45787

好媽媽勳章

66^#

發表於 09-8-10 20:51 |只看該作者

原帖由 2CMom 於 09-8-10 19:02 發表
另外,請問綜援金額點計? 我社工話得好少, 三個人(一大二小)大約係每人$1600,即總共$4800,另外租金津貼係$2500, 單親津貼係$255.

但我見bk呢度有d post, 有d媽咪話兩個人(一大一小)都有$3800, 租金津貼有$2550, 咁咪 ...

社工講個係大約嘅數目.
家庭人數多少係會影響每一個人嘅金額,
2人家庭每人所得嘅多過3人, 如此類推.

你3個人嘅標準金額係$5065, 唔係$4800.
租金津貼$3330.
單親津貼$255.
水費津貼$29.40.

你二個小朋友入學會再有學校津貼.
如果醫生證明你係傷殘, 會有傷殘津貼, 但數目不清楚.

你快d攪掂你個ex個度,
如果佢真係比唔到,
你去法援攪文件,
之後再比證明社署,
咁就唔使扣個$4000,
即使暫時未上到樓,
你地慳慳地都可以生活,
唔使擔驚受怕.

私人傳訊

積分: 59

65^#

發表於 09-8-10 19:02 |只看該作者

另外,請問綜援金額點計? 我社工話得好少, 三個人(一大二小)大約係每人$1600,即總共$4800,另外租金津貼係$2500, 單親津貼係$255.

但我見bk呢度有d post, 有d媽咪話兩個人(一大一小)都有$3800, 租金津貼有$2550, 咁咪仲多過我三個人? 定係我社工俾流料我呢?

私人傳訊