婆媳關係 今日: 1 | 主題: 27775

積分: 800

1^#

發表於 09-8-3 16:19 |只看該作者 |正序瀏覽 |打印

暑假開始，囡囡由９９湊．
昨日囡囡回來，我試探囡囡，問嫲嫲有問講媽媽壞話，初初囡囡不肯講，驚嫲嫲駡，後來才講．

99講：你媽咪是衰人，專講大話，你媽學埋你媽外家的人講大話，以後見到你公公婆婆要當睇不到，不要啋佢地．（男家同女家因事反面，但都唔好在小朋友面前挑撥是非，我女家人從來不會在小朋友面前講這些，好担心小朋友有樣學樣，心智發展都不好．）　我問，媽咪有同你講大話嗎? 公公婆婆有冇講？
囡囡答冇．於是我要做心理治療, 其實大家有誤會, 媽媽公公婆婆冇講大話. 　

仲有，同我女講，佢是你媽咪，理應自己照顧自己仔女，做麥要我照顧你．！！？？
講真心句，是佢想要照顧我個囡，男家得我個囡一個孫，之前就是因為怕我外家同佢爭湊，又妒嫉我囡親我外家，所以兩親家才反目，星期六日，假期果不帶我囡去見佢，９９會發脾死駡人，所以廢時煩，假期／暑假／聖誕都給佢湊，但現在倒轉講反話，話我不做母親的責任?　向我女挑撥離間我母女！邊個講大話，　簡直是非精，時常妒嫉話囡好聽我話，話佢湊大佢，應該聽佢話多，不可理喻．
我同囡囡解釋, 媽媽因要返工, 所以照顧不到你, 其實我是最愛你. 我都不願意你給嫲嫲湊.

仲講，唔想俾我入佢“X”　氏的門，不要返佢家門．聽到火到來．你家是名門望族? 有錢人? 大戶人家? 我嫁比你個仔，有大屋住？有工人洗？唔洗返工？？　
你是李家誠？　你住公居咋，都是靠仔女養．真是笑死街坊.　
我嫁入你門，仲衰過做女時，我要倒貼不少．仲講到我要靠你男家咁．真激氣．

昨天，腳一半入踏家門，99就大聲問，問囡囡你老豆啦，我囡答爸爸返工，佢即刻講，屋企又不返，唔洗俾家用及囡囡醫生錢?　佢之前成佢日都是比說話我聽．成日追家用, 好似追債咁, 有時未出糧,有時忘記禁錢, ,而且昨日才是8月1日.比你地聽到，都明意思啦, 即是要吹叫我比家用啦, 好似我扣起的錢, 唔比家用佢, 佢個仔好似好多錢比我洗 (老公同我各自比父母家用)　通常我都不出聲, 但今次聽到囡囡同我講以上的野, 我己好嬲,所以我答佢, :你個仔成年都未家用比我啦, 咁我問邊個比, 佢立刻拉開話題, 話亞女的藥食晒未呀, 因我忘帶回去,跟住佢借題發揮,你做人亞媽, 你唔理, 唔照顧, 唔好帶佢返來, 比手尾佢跟, 走呀唔好返來.
我真是好”興”, 廢事多講, 叫囡打電話比老豆撘的士攞葯回來比佢.

0 0 0

私人傳訊

tonychopper8964

積分: 576

31^#

發表於 09-8-7 12:57 |只看該作者

樓主，你唔好再比個女佢湊la~
細路仔未識分是非，聽埋d咁說話仲慘過食毒藥！

我係你，會用盡手段唔比佢見個孫，
唔係因為要報復，
而係你99太陰險，講野又陰毒，
防不勝防，不如不見為妙！

私人傳訊

c雅

積分: 1735

30^#

發表於 09-8-6 16:42 |只看該作者

原帖由 siufung 於 09-8-5 16:37 發表
乜家勢咁巴閉姐, 咪又係屋村人, 我絕唔係岐視屋村人, 因為我都係屋村長大..... 不過佢地巴之閉, 自己住屋村又會嫌人住屋村.....
最慘係儲埋大把錢仲扮窮, 20年前有錢加拿大投資移民係好似好勁....不過算死草, 0的仔 ...

siufung你講得好岩呢!男家果邊d人就係咁奇怪~成日想到人地痴佢個仔d金咁~大老,choose你個仔都只係因為知道你個仔愛我地,鍚我地jar!我都未嫌你地,你地就個個係到對我指指點點=.=!!

我bf ar媽成日講到自己好偉大,right!如果齋睇湊大一個人,佢又真係幾偉大ga..但問題係,養育一個人唔只係要養大佢ga!仲要識點去栽培佢lo...有d父母一講到「錢」.就係想著d仔女第時點回報自己,當仔女係一種投資工具咁,下下講回報,又唔體諒下個仔會有經濟問題..佢ar媽又係咁,成日冷係野,話:點都要比錢,象徵式都要比wo!我心想:試下比得5舊水你,睇下你發唔發癲!(那時bf讀書差,知錯時想進修,又未搵到野做,叫佢ar媽借2000蚊留位費,佢ar媽都黑臉,攪到我bf問做梗暑期工既我借錢,喂~果個你個仔泥ga,你使唔使咁對佢ar?自己又唔係無wo,一講「錢」真係連fds都無得做咁既款ar)

私人傳訊

c雅

積分: 1735

29^#

發表於 09-8-6 16:26 |只看該作者

樓主,我好明白你心情,事關我都有依d類似你99既賤格姑姐..講真,佢地自己變態,要出氣就搵返d大人當臉講就好la..又要鬼鬼祟祟,對住d小朋友講人地父母是非,污染下一代~唉~都唔知點做人ga佢地!:;pppp:

私人傳訊

rickybb123

等待驗證會員

積分: 126

28^#

發表於 09-8-6 01:42 |只看該作者

太過份....可以以後唔見嗎?

私人傳訊

carrievic

男爵府

積分: 6943

27^#

發表於 09-8-5 17:07 |只看該作者

你仲等下次,即刻帶個囡走啦!以後都唔好再比你奶奶揍,吟講野,教壞晒!

"下次佢一比面色我睇,一比說話我聽, 我會立刻走人, 帶埋個囡即走."

私人傳訊

siufung

子爵府

積分: 13005

26^#

發表於 09-8-5 16:37 |只看該作者

乜家勢咁巴閉姐, 咪又係屋村人, 我絕唔係岐視屋村人, 因為我都係屋村長大..... 不過佢地巴之閉, 自己住屋村又會嫌人住屋村.....
最慘係儲埋大把錢仲扮窮, 20年前有錢加拿大投資移民係好似好勁....不過算死草, 0的仔有急事危難時一蚊都唔會漏出黎.....
最頂唔順係以為自己0的仔係名門望族, 我10幾歲移民美國, 係果邊讀世界最出名0既大學之一畢業, 佢都嫌3嫌4.....
成日覺得0的仔只有醫生律師專業人士先配得起佢地....
而講真, 佢0的仔都係中庸條件, 普通人一個.... 我中意我c6係因為佢對我好, 愛我而已....

成日以為我想痴埋佢個仔搏移民加拿大,大佬, 我係美國人果時你地仲申請緊加拿大咋....
我唔係話去外國移民就好叻, 係我都唔會回流, 不過唔好成日以為個個都有企圖....
如果係, 我都好失敗, 到而家都冇得到佢屋企乜好處.....除左個愛我0既c6....

原帖由 connieqwah 於 09-8-5 15:56 發表
咁你9962 麥家世??

我９９唔識字，成世未做過野, 在鄉下相睇嫁我62, ，在公居住了～２０年靠仔女俾家用過活，都要狗眼看人低　

自己仔女是寳，人地仔女是草，全家要逄星期六日，過時過節（連鬼節）要返去朝聖，新袍返外家就唔happy．做節要就你地 ...

私人傳訊

leungsiukin

積分: 4301

25^#

發表於 09-8-5 16:02 |只看該作者

let her eat shxt, no worry

私人傳訊

積分: 800

24^#

發表於 09-8-5 15:56 |只看該作者

咁你9962 麥家世??

我９９唔識字，成世未做過野, 在鄉下相睇嫁我62, ，在公居住了～２０年靠仔女俾家用過活，都要狗眼看人低　

自己仔女是寳，人地仔女是草，全家要逄星期六日，過時過節（連鬼節）要返去朝聖，新袍返外家就唔happy．做節要就你地先．　
　
唉, 自己性格太柔弱,心想大家一家人和和氣氣, 人善被人欺. 姑仔,叔仔, 是佢地仔女, 實會企在佢边, 只怪老公不爭氣, 有氣自己一個人受.

原帖由 siufung 於 09-8-5 00:14 發表
小朋友好易比人影響0架, 為左囡囡身心發展, 快0的接走佢, 唔好再比佢湊...
好心比佢見多0的個孫, 又係度也文也武, 好似你0羅佢唔少著數咁....

我又係最憎0的人成日以為自己係豪門, 入到佢地家好大福份咁.... 我6299 ...

私人傳訊

月師奶

積分: 3763

23^#

發表於 09-8-5 14:47 |只看該作者

無錯, 佢要唱你既你唔出聲唔俾反應都係唱你架啦! 邊顧到咁多, 你梗係要好好保護個女嘛! 既然佢都唔尊重你, 你仲洗乜同佢客氣!!! :;pppp:

原帖由 chris_lo 於 09-8-5 14:31 發表
其他人的反應和說話並不重要, 小心囡囡的反應和感受

私人傳訊

chris_lo

積分: 2277

22^#

發表於 09-8-5 14:31 |只看該作者

其他人的反應和說話並不重要, 小心囡囡的反應和感受

私人傳訊

BEBE913

積分: 1663

21^#

發表於 09-8-5 13:19 |只看該作者

你99既性格,好似我阿媽,簡直一樣~

Build your own Blingee

私人傳訊

yorkmami

積分: 907

20^#

發表於 09-8-5 11:14 |只看該作者

樓主…你個女都咁大，如果冇計錯都讀小學啦…都返全日制，咁你做咩仲要比個女佢湊呢？可唔可以搵啲隔離鄰舍幫吓手…

其實你都話你個女唔想聽…但如果阿女响99面前太大反應，咪又會比99多個excuse話你教個女咁對佢…咁對你同個女都唔好架….

仲有，既然佢串到叫你走，你做咩仲要留低比佢難為你呢？佢呢啲人冇野叻，最叻就係你退一步，佢就踩多你一腳，你試吓搵次即刻比反應佢呀，我包佢即刻死狗咁既樣都似…..

比心機…要努力對抗呢啲“西人”

私人傳訊

siufung

子爵府

積分: 13005

19^#

發表於 09-8-5 00:14 |只看該作者

小朋友好易比人影響0架, 為左囡囡身心發展, 快0的接走佢, 唔好再比佢湊...
好心比佢見多0的個孫, 又係度也文也武, 好似你0羅佢唔少著數咁....

我又係最憎0的人成日以為自己係豪門, 入到佢地家好大福份咁.... 我6299都係咁0既人, 成日覺得0的仔要娶大家閨秀, 有錢女, 專業人士果0的。
我已叫做唔失禮, 都比佢地講。我叔仔老婆得中五學歷, 就成日話人冇讀大學.....
白鴿眼....

私人傳訊

積分: 800

18^#

發表於 09-8-4 16:30 |只看該作者

唔好睇我99 唔識字冇讀書, 但佢好識打單人嫁, 同埋好識講事非. 好識轉灣,直可以講灣, 講駡交我一定不會是佢的對手, 同埋你一出口一句話, 就會咬實你唔放, 就會成為話柄, 不孝.... 成條村都知.最慘是我外家同佢同住一個村, 實比街坊話我家冇家教.

原帖由 月師奶 於 09-8-4 15:36 發表
你真係要加油啦! 我有個fd同佢個八婆99關係一直都好差架, 不過我個fd好硬淨, 99罵佢, 佢有道理既話話之佢係乜水, 照罵架!!!!!!!! 你要硬淨d呢, 知嗎? 人善被人欺, 你99就係睇中你呢個弱點 ...

私人傳訊

積分: 800

17^#

發表於 09-8-4 16:16 |只看該作者

我己在planing, 會診老62做手術, 成機比公公婆婆湊.

私人傳訊

beagledog

積分: 3828

16^#

發表於 09-8-4 15:48 |只看該作者

原帖由 connieqwah 於 09-8-4 15:24 發表
但現在我己下決心, 下次佢一比面色我睇,一比說話我聽, 我會立刻走人, 帶埋個囡即走.
各姊妹, 你地要比勇氣, 力量支持我

即係暑假你仲會帶個女去99度嗎? 唔好喇.

個女都7歲大個啦, 去婆婆度啦.

私人傳訊

月師奶

積分: 3763

15^#

發表於 09-8-4 15:36 |只看該作者

你真係要加油啦! 我有個fd同佢個八婆99關係一直都好差架, 不過我個fd好硬淨, 99罵佢, 佢有道理既話話之佢係乜水, 照罵架!!!!!!!! 你要硬淨d呢, 知嗎? 人善被人欺, 你99就係睇中你呢個弱點

私人傳訊