吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

Baby Kingdom - 親子王國香港討論區 › 首頁 › 婆媳關係› 99 就快返嚟，都唔知點算～

婆媳關係今日: 0|主題: 27770

發帖

跳至頁

查看: 1750 | 回覆: 7

99 就快返嚟，都唔知點算～ [複製鏈接]

1

積分: 50516

1^#

發表於 09-8-5 07:27 |只看該作者 |正序瀏覽 |打印

又係一年一度99返香港的日子，佢一日就全家移哂民，連朋友都係哂果邊，只得我個佬一個人留係香港，我哋都會年年飛過去探佢，但係佢唔點解係都要一年飛返嚟一次，次次都要住個幾月，今次仲講明至少要住兩個月以上，我死梗啦！

本來老人家應該要尊重吓，但係佢就全完唔識尊重返我囉！日日問長問短，哦哩樣哦果樣，洗衫洗遲Ｄ又哦，睇電視睇晚少少又哦。我自己開網店架嘛！佢見到我成日對住部電腦又哦，話我成日對住部腦！但係見我唔係部電腦度，睇電視，又哦，問我係唔係無生意！日日就要我匯報生意狀況，連我個佬都唔會理我做幾多錢生意啦！佢就起身，張開眼果一刻開始，把口就無停過，連你訓前飲杯水都哦，話臨訓前飲水對身體唔好，會死喎！

個人又霸道，唔準人飲汽水，食零食，薯片話梅果Ｄ一定無份，公仔麵都唔准。一見你食又哦！煮餸一Ｄ要無味無油，煲湯我差Ｄ以為佢係煲水，煮菜就新鮮到痺，咬落去係有聲架，差Ｄ係生食菜心。但係所有肉類都要煮到爛熟。炆雞，我仲要以為佢係煲緊啡色的湯，係一煲水度揾返Ｄ雞出嚟，都係搞笑。最慘樣樣都係無味。。。。我煮佢又講唔好，係都要堅持佢煮，話我哋後生唔熟嘢，煮Ｄ嘢無營養。但係佢煮果Ｄ點放入口呀！連我個佬都求其食兩啖就放低，佢見到唔鍾意又哦！日日就係咁哦～唉！我都唔知哩兩個月日子點過～

等陣佢講要留係度半年，我諗我就要搞分居架啦！

－－－－－－－－－－－－－－－－－－－－
Thomas & Friends 兒童書桌 HK$548

私人傳訊

積分: 50516

8^#

發表於 09-8-6 14:02 |只看該作者

我同個佬講咗，如果到時真係頂唔住，我會搬返亞媽度住。兩個月我怕我真係頂唔到，仲有四日佢哋就返嚟啦！！！！！

好彩亞媽果度有位俾我啫。。。不過99一定唔高興，黑哂面！

私人傳訊

積分: 13005

7^#

發表於 09-8-5 17:50 |只看該作者

係呀, 如果講明一定要同99住, 我寧願唔嫁....
如果講明呢一世都一定要一齊住, 我會忍痛斷情絲.....

原帖由 KoyeBaby 於 09-8-5 10:33 發表

咁又唔係咁講呀!有時唔係時間長短問題,而係溝通唔到,咁難頂嘅就算對一日都想死啦~如果唔係點會個個新抱都話想搬走呀?依家我好多女性朋友直頭講明要同6299住嘅話寧願唔嫁住! ...

私人傳訊

積分: 17352

6^#

發表於 09-8-5 11:09 |只看該作者

好明顯,你99個d係"鬼佬健康生活方式". 一係你當佢singing做番自己比佢了解你ge 生活方式, 一係你忍/避開佢 (好似樓上sister講).

私人傳訊

積分: 3828

5^#

發表於 09-8-5 11:03 |只看該作者

你99唔去街, 日日坐屋企嗎.

不如你話你報左course,要返學,避得一日得一日, 咁你去你媽度又好,去圖書館坐下又好,唔使對住99成日.

私人傳訊

積分: 12890

醒目開學勳章畀面勳章

4^#

發表於 09-8-5 10:33 |只看該作者

原帖由 fennieng 於 09-8-5 09:50 發表
你咪算好囉,唔係成日對住,一年先對果個幾月,難為日日對住果啲

咁又唔係咁講呀!有時唔係時間長短問題,而係溝通唔到,咁難頂嘅就算對一日都想死啦~如果唔係點會個個新抱都話想搬走呀?依家我好多女性朋友直頭講明要同6299住嘅話寧願唔嫁住!

私人傳訊

積分: 40109

畀面勳章環保接龍勳章大廚勳章

3^#

發表於 09-8-5 10:29 |只看該作者

我99都係一年裡面會有5-6個月係香港同我地一齊住，so far大家都相處得好好... 不過今年佢返黎，我就要帶年初剛出世的囡囡由娘家返黎過週末，我都好擔心到時唔知會唔會因為囡囡而同佢有不愉快事情發生...

私人傳訊

積分: 43261

BK Milk勳章

2^#

發表於 09-8-5 09:50 |只看該作者

你咪算好囉,唔係成日對住,一年先對果個幾月,難為日日對住果啲

原帖由 JoanC 於 09-8-5 07:27 發表
又係一年一度99返香港的日子，佢一日就全家移哂民，連朋友都係哂果邊，只得我個佬一個人留係香港，我哋都會年年飛過去探佢，但係佢唔點解係都要一年飛返嚟一次，次次都要住個幾月，今次仲講明至少要住兩個月以上，我死梗啦！

本來老人 ...

私人傳訊

1

跳至頁

上一主題 • 下一主題

聯絡管理員廣告查詢使用條款免責聲明使用意見

Copyright © 2025 Baby-Kingdom.com Limited. | Privacy Policy