夫婦情感 今日: 10 | 主題: 42726

積分: 630

1^#

發表於 09-8-7 20:05 |只看該作者 |正序瀏覽 |打印

結婚十三年，開頭三年同老爺住，住得唔開心，我每晚都喊，我就用我做女時的積蓄買樓，當時c6每月比四千我做家用（事隔多年現在一萬家用），其他什費、供樓就是我比，其實都唔覺得有什麼問題，但第二年我就發現佢有女人，重要待我唔在家時，同果個女人上床（是我張床），我知道後我竟然願諒佢！之後幾個月我又發現佢有好多銀行信！我唔問又至可，竟然欠下二十幾萬！我心好痛！但又感到他會改過，將自已全部身家比佢還債。再隔兩年，又是欠下債款，又是二十三萬。我又痛多一次，我今次連結婚的手飾都賣去，幫佢還債。到上個月又讓我再痛一次，今次又是欠債。我今次真的好痛好痛，我無同人講，唔想比人知，每日都去樓下公園喊，其實佢除了這樣，其他都好好，但我只想佢經過多次後會反醒，知道無錢就要慳，食煙貴，就希望佢戒，佢無聽過，重話我煩，唔通我上一世欠左佢！我只是為佢健康、慳返d錢，又唔聽。我所有野都比曬你，為我戒煙都唔得！

0 0 0

私人傳訊

積分: 630

37^#

發表於 09-8-12 21:43 |只看該作者

寫給自己的信 10-7-2009
不幸的事又發生在我身上，我無想過會在今晚知道，本是在車站接他回家，在五分鐘路程希望他可以不吸煙，奈何不理會我，煙照吸，我沒有出聲，他知我不高興，就鬧我吃支煙都無自由就一走而去，後來打了無數次電話比我，我沒有聽！到最後他回家了，我在房扮作睡覺，不想見他。但他在我床邊突然說出「我欠債」。我當其時，個心痛到出唔到聲，眼淚不停流下來，猜不到這個答案，猜不到又是二十幾萬，猜不到佢人格，猜不到佢掩飾好好，猜不到佢每日打電話比我關心我，用作掩飾。每句說話無向我講對唔住、唔好意思、我唔會……. ，只是唔想我理，唔想我知，會自己攪掂！自己去債務重組、破產。你有無用我個角度想，我喊你還要鬧我，你有無反思，你有無想過是誰使我落到如此情況！有無想過我感受！你話自己攪掂，點攪呀，我話可能連老爺間屋都要賣（佢有名），到時你老豆住在那裡，成日以為破產唔洗還，時常想著你某某朋友都破產、某某朋友都欠債，你有學其他無欠債的朋友，他們生活幾咁開心，你又無想過今次是第三次，每一次我都好記得，每間銀行、每間財務公司，我都印記在我腦海裡，每次眼見自己辛苦錢一張張掉去櫃員台，那種感覺不能用言語說出，眼淚谷到快瀉，我一向死慳死底，去買條蔥平五毫，就算行多幾條街都會去，點解！點解！點解！……… 結果跌落不完的深淵。我已盡用我的情緒知商互相平衡，說一些自己都不能相信的說話，就是倒頭來我安慰你，「錢無了就算，好多人生病都用了好多錢，我就等同破財擋災。」「我上兩次可以為你還債銀行剩下幾千過活都得啦，何況今次還了債剩下的錢多過上次。」，「橫掂錢是給你買車」希望你用我的錢快快還清債務。倒頭來你無說過一句唔該，無說過一次對唔住。我是否自作孽。我知你在生活裡盡量遷就我順我意思（例如我想搬房就立時拆櫃沒問因由、我話好想食粥就即時去買）沒有微言。但我內心有好多好多唔開心，可以同你講嗎？每次一提起，你就話「又講錢」。我跟本不想提，只是希望你做一點功夫，令我更有信心，如給我知你戶口出入數等，我不是管你，只想知道你不再有下次，下次…………一定不是今次的結果，我年紀大了，承受不了。到現在都差不多一個月，事情沒有與人分擔、分享，只希望他能在任何的朋友、親友之中是最好、最錫我的愛人，不要在他身上找到污點。時隔足一個月每晚發惡夢、失眠、喊，有誰知，只有天父知道。在公園散步，可以散心、可以流淚舒服，這是我30天內的生活。每日還要進修，做功課，做工作，我無壓力嗎？真係好想有個人安慰我，抱著我，問候我「工作辛唔辛苦」。我已經過了人生的一半，經歷過五次最痛（有女人、欠債、欠債、爸爸過身、再欠債）個人真係好唔想過。喊不是解決方法，天父教我如何渲洩！只有上網分散自己內心感受。願主可以在我身邊，加給我力量，凡事都能。

私人傳訊

yan_man

積分: 1071

36^#

發表於 09-8-11 13:07 |只看該作者

原帖由 小manman 於 09-8-9 17:25 發表

我想知佢點樣細心法呢???

我想講如果佢真係對老人家好,就唔會咁樣對人地個女喇!!!
係老人家面前就扮好,係背後就咁樣嘈質人地個女,佢根本無尊重過你同你父母囉!!! ...

多謝你...叫醒jor我.

私人傳訊

yan_man

積分: 1071

35^#

發表於 09-8-11 13:05 |只看該作者

我最近亦面對''放手''ge 問題，都好煩.

我最近得出
''錯唔緊要，但最大ge 錯係唔知錯''

私人傳訊

積分: 630

34^#

發表於 09-8-10 18:36 |只看該作者

多謝大家。可能你們說得對。我只是覺得一起咁多年，發生問題咁多次，到現在才放手真係唔甘心。講真今次無聽過佢講（唔好意思/對唔住/我知錯）。每晚佢回家我都無出聲。我即時入房唔想提唔想見。.....

私人傳訊

littleangelyy

侯爵府

積分: 23785

2025勳章 2025勳章蛇年勳章 2024年龍年勳章 2023年兔年勳章虎到金來勳章減齡達人勳章牛年勳章 2018復活節勳章 15週年勳章親子王國15週年勳章畀面勳章 BK猜猜猜慶中秋 hashtag影視迷勳章

33^#

發表於 09-8-10 15:55 |只看該作者

樓主, 無論幾愛一個人,
自己都要有立場和底線,但你沒有.
得罪d講你老公攪女人, 欠債多次,
他丁點悔意都沒有,
而你對他不是包容, 係縱容,
請善待自己, 愛自己多一點罷.

私人傳訊

chowkarman

積分: 3623

32^#

發表於 09-8-10 15:36 |只看該作者

原帖由 人大師法 於 09-8-9 13:59 發表
好方面有細心、對老人家好，由其是我爸爸患癌辛苦時，多次佢會主動帶他到急症室，還眼濕對護士講希望可盡早打止痛針。到現在我爸爸都過身。感到人在世好化學，原來上天要你走，會是幾個月就會消失於這個世界。
我慶幸是沒有生 ...

其實樓主你係仲愛佢定係 "想有個屋企" 呢??? 因為你要平衡佢好同唔好, 其實可能你已經唔再愛佢喇!!! 只係因為始終一齊一段時間, 唔捨得, 唔甘心, 覺得都咁多次無理由而家先放手!! 你一直都冇提過佢 d 數係點樣欠落, 如果洗喺女人度, 唔駛留戀啦!! 如果係賭錢, 佢就更加難返轉頭, 你話佢次次都死哂狗咁應承以後唔會都話有一絲希望, 佢連少少內疚都冇, 仲有面色睇 tim, 講真都真係唔駛恨囉!!

你見到公公婆婆白頭到老好幸福, 有冇諗過你見到o既未必係你諗咁架, 可能佢哋係第二任第三任老公老婆呢?? 可能當年個婆婆係第三者呢??? 邊個知, 邊個可以肯定咩人可以陪我哋終老, 但你今日唔放手, 就等於唔比機會自己去揾另一個真正o既 "家", 可能嗰個 "家" 其實一路等緊你, 唔好嘥時間, 浪費青春, 可幸你未有小朋友, 顧慮少好多, 點都係大人o既事呀!! 盡快解決啦, 唔好拖喇, 支持你呀!!

私人傳訊

finayang

複式洋房

積分: 242

31^#

發表於 09-8-10 10:26 |只看該作者

You are spoiling your c6. Why don't you stop settling his debt? See how he will treat you. You are his bank, so he has money to find girls and showoff in front of his friends.

Don't expect him to change. Men do not change for women, not even for the most beautiful woman on earth.

原帖由 人大師法 於 09-8-9 13:59 發表
好方面有細心、對老人家好，由其是我爸爸患癌辛苦時，多次佢會主動帶他到急症室，還眼濕對護士講希望可盡早打止痛針。到現在我爸爸都過身。感到人在世好化學，原來上天要你走，會是幾個月就會消失於這個世界。
我慶幸是沒有生 ...

私人傳訊

lovebabylovefl

洋房

積分: 91

30^#

發表於 09-8-10 01:37 |只看該作者

原帖由 小manman 於 09-8-9 17:25 發表

我想知佢點樣細心法呢???

我想講如果佢真係對老人家好,就唔會咁樣對人地個女喇!!!
係老人家面前就扮好,係背後就咁樣嘈質人地個女,佢根本無尊重過你同你父母囉!!! ...

認同....
妳唔好再比佢呃啦！可能佢就係知妳會留意佢呢d野，嘩...大佬...做場戲有成100萬喎...好過做演員...又唔洗ng妳就睇得咁投入...睇落妳又搵倒錢...為妳做多幾場呢d戲幾咁容易呀,,,點解你唔對自已好d姐...要個家都唔係搵個咁既男人同妳有個家囉...

私人傳訊

小manman

翡翠宮

積分: 85347

29^#

發表於 09-8-9 17:25 |只看該作者

原帖由 人大師法 於 09-8-9 13:59 發表
好方面有細心、對老人家好，由其是我爸爸患癌辛苦時，多次佢會主動帶他到急症室，還眼濕對護士講希望可盡早打止痛針。到現在我爸爸都過身。感到人在世好化學，原來上天要你走，會是幾個月就會消失於這個世界。
我慶幸是沒有生 ...

我想知佢點樣細心法呢???

我想講如果佢真係對老人家好,就唔會咁樣對人地個女喇!!!
係老人家面前就扮好,係背後就咁樣嘈質人地個女,佢根本無尊重過你同你父母囉!!!

私人傳訊

積分: 630

28^#

發表於 09-8-9 13:59 |只看該作者

好方面有細心、對老人家好，由其是我爸爸患癌辛苦時，多次佢會主動帶他到急症室，還眼濕對護士講希望可盡早打止痛針。到現在我爸爸都過身。感到人在世好化學，原來上天要你走，會是幾個月就會消失於這個世界。
我慶幸是沒有生小朋友，可能結局會更慘。在這個月，不停想起佢好或衰行為，自已不斷兩者平衡。................

私人傳訊

sandy1425

珍珠宮

積分: 41032

好媽媽勳章大廚勳章

27^#

發表於 09-8-9 13:22 |只看該作者

想有個家都吾洗甘無要求

mouth:mouth:" />

mouth:mouth:" />

我都想知你c6有其他咩野好???
亦想知點解要送車(甘貴重)比你c6生日?
無底線既女人.將來會好慘架...

[ 本帖最後由 sandy1425 於 09-8-9 13:23 編輯 ]

私人傳訊

積分: 630

26^#

發表於 09-8-9 11:20 |只看該作者

我都唔知自已可以咁包容。可能我是局外人會一走了之。睇下個c6點慘。無奈我發生在自已身上睇法唔同，我只想有個家

私人傳訊

小浣兔媽媽

積分: 1446

25^#

發表於 09-8-8 23:02 |只看該作者

樓主高估了自己, 以為甚麼都可以包容, 其實是不可能的。盲目去愛一個人, 變成害人, 也苦了自己。
生活不應該是每日以淚洗面, 何必沈溺在痛苦中?
自己有良好收入, 生活本不成問題。
是時候放手了, 把自己釋放出來, 重新學習好好愛自己。

私人傳訊

lovebabylovefl

洋房

積分: 91

24^#

發表於 09-8-8 21:45 |只看該作者

憤怒

睇完你單野，我既感覺都好火滾，點解妳仲要為呢個男人呢？係妳長床同第2個女人做，妳都唔怪佢，佢出面風流快活後掙人錢妳又幫佢還..一次就話姐...接2連3妳都仲幫佢？前前後後成100萬架！錢都唔係問題，佢邊忽專重妳呀？響呢度好多家庭問題，我都會叫d女人忍下，但妳呢單野真係冇得講，妳跟本仲容佢洗錢玩女人，佢同妳一齊我覺得佢利用妳多過愛妳囉！
咁樣妳仲想等佢改？妳應為佢真係會改咩？
不如，妳好好咁為自已將來著想，再有錢都唔好幫佢還啦！做咩要咁樣為呢個唔值得既男人呀？
如果係我，真係拎呢d錢去玩鴨仔好過，點都唔好益d咁既臭男人....照顧女人係男人既責任...而家妳倒返轉既....如果妳應為妳自已愛到佢咩都冇所謂，咁妳真係唔好怨...如果妳第一真係比佢渣乾渣淨，人老珠黃一腳踢開妳，到時妳真係唔好哭喇！
女人青春有限...請三思..
sorry...我睇完真係好憤怒....唔好怪我直接！

私人傳訊

happy姐

積分: 4198

23^#

發表於 09-8-8 20:56 |只看該作者

犯賤

實在想說句你真的犯賤，你c6帶女人回家，常常欠錢要你還，你重話佢好，真的是o囉！真係無話好說，祝你好運！願主祝福你！

私人傳訊

mavisw