吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 入醫院生BB仲可唔可以化妝, 帶隱形眼鏡呢? ...

懷孕前後今日: 3|主題: 330642

收藏本版

發帖

返回列表

跳至頁

查看: 8290 | 回覆: 32

入醫院生BB仲可唔可以化妝, 帶隱形眼鏡呢? [複製鏈接]

todiechan

別墅

積分: 809

1^#

發表於 09-8-12 15:34 |只看該作者 |正序瀏覽 |打印

哈哈~~我有個好攪笑o既問題,

因為我宜家已經32週了, 好快就要生啦, 所以想問下各位有經驗o既媽咪...

我會係醫院順產, 請問如果我果日有化妝而突然作動要入醫院, 咁係咪可以KEEP住個妝入醫院生呢??而且又可唔可以係產房帶隱形眼鏡?因為如果唔可以帶我咪蒙查查生o左都睇唔到B仔個樣??

另外, 生o左係醫院住果幾日可唔可以化妝呢?哈哈~因為擔心如果有親戚/朋友o黎探我, 我無化妝個樣嚇親人。

0 0 0

私人傳訊

CindyBaby314314

洋房

積分: 82

33^#

發表於 09-8-13 21:14 |只看該作者

你生完有時間都要照顧BB同休息啦..
仲有心情去化妝

我諗如果你比姑娘見到肯定話你...

私人傳訊

methy

男爵府

積分: 8967

32^#

發表於 09-8-13 20:02 |只看該作者

我有friend 最近去浸會探剛生完bb既朋友，見到有個化行妝既媽媽，大家都覺得好怪。

大家熱烈討論一番: 如果佢係公立生，實比姑娘鬧，係公立生先第二日就要你落床，等子宮收縮得好d，餵下bb食奶，邊到有閒情化妝呀!

私人傳訊

小黑咪

侯爵府

積分: 24223

好媽媽勳章畀面勳章

31^#

發表於 09-8-13 16:38 |只看該作者

生仔時姑娘問你有咩假野係身,如假牙,contact lens 等, 通通都要除哂.

私人傳訊

powergirl911

別墅

積分: 575

30^#

發表於 09-8-13 16:26 |只看該作者

我岩岩6月生完,係一個超貪靚的人,我係私家生,生之前做檢查姑娘己經話唔可以戴con同化妝,到我要催生入醫院時我冇搽粉底,但有畫眼線同眉,因為覺得唔化妝最唔掂係對眼,而且化係眼到都唔會整到bb(因為我有戴眼鏡)但係姑娘見到佢冇叫我抺走,但話"你有化妝,如果陣間要開刀你就要抹走"不過我諗粉底就唔好用啦,因為成塊面都有.....生完之後你化妝應該冇人理你架啦

私人傳訊

塵大聞

公爵府

積分: 25584

好媽媽勳章醒目開學勳章畀面勳章

29^#

發表於 09-8-13 15:55 |只看該作者

生bb時一定唔帶得con, 我果時都係帶眼鏡, 仲要聞笑氣時姑娘叫除底個眼鏡, 全程睇野朦茶茶, 好慘

至於化妝, 你最好唔好化了, 因為陣痛時又叫又喊又出汗, 個妝溶晒仲嚇c人, 即使化得幾靚, d陣痛已經令你冇晒儀態

私人傳訊

frenchies

等待驗證會員

積分: 489

28^#

發表於 09-8-13 15:52 |只看該作者

唔好唔開心！U are not alone!!!哈哈，我都係貪靚既人，生BB做左人媽媽唔代表要烏烏WHERE WHERE，你諗下，生完BB要影相，BB同媽媽既第一張相喎，我都想靚D架，化小小妝唔係大問題！但帶CON就唔好喇！因為安全問題嘛！(所以我先做LASIK！)見朋友化妝我都會，但唔會FULL MAKE UP囉，小小粉底加條層，加透明LIP GLOSS，已經好好睇啦！！

原帖由 todiechan 於 09-8-13 10:34 發表
um....多謝各位意見,

雖然我都知個問題攪笑, 不過我係第一胎都係想知清楚好d , 因為如果真係行行下街or係公司返返下工我仲係化住個妝+帶住con, 我都要知清楚係可唔可以仲keep住個妝or 帶住con入院生, 如果唔可以咁 ...

私人傳訊

林嗅四

子爵府

積分: 13047

27^#

發表於 09-8-13 15:44 |只看該作者

[quote]原帖由 林嗅四 於 09-8-13 15:42 發表

都明白你點唸．我都好鬼貪靚，平時唔化妝唔見人．但如果你生仔都走去化妝，一定仲比人笑到面黃．．．
我生亞女時．我班朋友幾衰，打賭我生完仔仲化唔化妝先見人

好彩我無化咋．唔係真係比人笑死呀．
其實都唔會好樣衰既．你驚既咪拎定支唇膏，搽小小個樣都精神番晒啦

私人傳訊

frenchies

等待驗證會員

積分: 489

26^#

發表於 09-8-13 15:43 |只看該作者

哈哈，我都好貪靚… 所以喺有BB前我已經做LASIK，因為唔想入產房帶眼鏡！！

原帖由 todiechan 於 09-8-12 15:34 發表
哈哈~~我有個好攪笑o既問題,

因為我宜家已經32週了, 好快就要生啦, 所以想問下各位有經驗o既媽咪...

我會係醫院順產, 請問如果我果日有化妝而突然作動要入醫院, 咁係咪可以KEEP住個妝入醫院生呢??而且又可唔可以係 ...

私人傳訊

林嗅四

子爵府

積分: 13047

25^#

發表於 09-8-13 15:42 |只看該作者

del

[ 本帖最後由林嗅四於 09-8-13 15:44 編輯 ]

私人傳訊

sakesakee

男爵府

積分: 9364

開心吸收勳章大廚勳章畀面勳章 BK Milk勳章

24^#

發表於 09-8-13 14:57 |只看該作者

其實你呢一刻仲會諗到時生完會點點點, 但其實到你生完之後你乜都唔會提得起勁...因為你全副心機係响bb 度and 你岩岩生完又要照顧佢己經好攰..

回想起當時自己都好叻話自己一定要做一個潮媽... 但係當我仲坐緊月時要帶阿囡去健康院, 眉都費時畫, 求其拿起件衫笠住就出街喇.. 到而家放假時湊囡, 都係著來著去都果幾件, 因為要要抱個囡, 一陣佢扭計起上黎wear 到你d 衫一住住, 著channel 都唔靚啦...

其實你到時候就會知, 你應該做d 乜了...

relax..........

私人傳訊

黑白豬

公爵府

積分: 27364

好媽媽勳章

23^#

發表於 09-8-13 13:54 |只看該作者

其實我都幾明白樓主架，因為我又係化慣妝，我之前試過唔化妝返工，d同事以為我病左(其實係遲左起身無時間化)，所以我都諗住帶支BB cream 同埋落妝tissue(生完之後)，方便d嘛，唔通仲用卸妝油咩！

原帖由艾莉於 09-8-13 11:25 發表
加上你入左產房，唔知要生幾多個鐘架，所以一定唔好戴ＣＯＮ同化妝，有指甲油OR 做左GEL 甲都要拆左佢,因為睇唔到指甲色同夾唔到手指CHECK 心跳.
我都明白你感受既, 因為我係塊臉無咩血色既人, 生完我仲有小小貧血仲白..好鬼得人 ...

私人傳訊

艾莉

子爵府

積分: 14437

22^#

發表於 09-8-13 11:25 |只看該作者

加上你入左產房，唔知要生幾多個鐘架，所以一定唔好戴ＣＯＮ同化妝，有指甲油OR 做左GEL 甲都要拆左佢,因為睇唔到指甲色同夾唔到手指CHECK 心跳.
我都明白你感受既, 因為我係塊臉無咩血色既人, 生完我仲有小小貧血仲白..好鬼得人驚架, 以前讀書無化妝只要我唔笑, 呆呆咁坐係度就全世界都要為我病左.
真係好病時仲得人驚, 成塊面好似白紙咁.
如果你真係唔想太PAL 咁見人, 你可以買定支BB CREAM喇, 搽完面色好D 無咁難睇囉, 因為我都有帶去搽. 至於洗臉既問題, 我有拎埋落妝濕紙巾去洗面

私人傳訊

sppchocho

男爵府

積分: 9674

21^#

發表於 09-8-13 10:59 |只看該作者

我平時都有化開妝同搽甲油,不過知道有左後都無再搽甲油同無乜點化妝咯
初頭都唔慣以真面目示人架,不過平時自己吸埋咁多化學品都算,而家費事搞到阿b啦

私人傳訊

LittleKiwi

大宅

積分: 1193

20^#

發表於 09-8-13 10:50 |只看該作者

生產時係唔可以帶隱形眼鏡, 我諗呢d係common sense。

另外你咁姿整的話, 有樣野都想提下你, 因為入手術室生產係唔會比你帶任何飾物, 特別係金屬物品, 包括介指, 留意下大肚婆會有水腫, 會唔會腫到連介指都除唔到, 我當年經驗係我除唔到結婚介指結果要去金舖剪開佢, 雖然係整得返, 不過都好大吉利是。

私人傳訊

tong1

大宅

積分: 1133

19^#

發表於 09-8-13 10:44 |只看該作者

呢個POST令我諗起陳慧琳生完出院時已經化晒妝,set好個頭咁出黎影相個樣

私人傳訊

todiechan

別墅

積分: 809

18^#

發表於 09-8-13 10:34 |只看該作者

um....多謝各位意見,

雖然我都知個問題攪笑, 不過我係第一胎都係想知清楚好d , 因為如果真係行行下街or係公司返返下工我仲係化住個妝+帶住con, 我都要知清楚係可唔可以仲keep住個妝or 帶住con入院生, 如果唔可以咁我要睇下點準備嘛!! 好似拿拿聲走去落妝先or帶返眼鏡。

不過至於生左後可唔可以係醫院化妝, 我都係一個疑問, 唸住問下各位媽咪, 我所謂化妝當然唔係指搽曬紅唇膏化到個樣出SHOW咁啦, 都只係可能樸下少少蜜粉印下D面油, 雖然我都知到時大家都會專注左BB, 但唸住起碼唔想個樣無黎神氣姐, 如果唔可以都唔係真係咁緊要!

唉....不過聽到D媽咪話家下細路囡唸野令人費解, 仲反問如果唔係咪嚇死老公, 我覺得好似有D攻擊性丫, 有時我都係抱住一種疑問想請教下大家既經驗, 有時因為唔識or唔知道可能真係會問出一d 奇怪d 既問題, 但希望各位媽咪都會體諒嘛..