Baby Kingdom - 親子王國 香港 討論區 › 首頁 › 夫婦情感› 好灰+心淡

夫婦情感

收藏本版
發帖
返回列表
跳至頁
好灰+心淡 [複製鏈接]

首頁
1234

尾頁
   0
getbby


大宅

積分: 2212


1#
發表於 09-8-23 23:47 |只看該作者
結左婚快三年, 有個八個月既BB.

兩個都係三十多歲人，兩個人月入加埋都有七萬，話多唔多，話少唔少。

結婚後老婆成日都話我搵錢唔夠多，又話我冇用。又話人地幾好幾好，送乜俾佢都唔開心，最好有幾百萬俾佢最好。

我真係好慘，做乜佢都唔欣賞。一做錯事好似要死咁。

我有諗過：
１）離婚。佢可以搵個有錢佬，唔使咁辛苦。
２）死。我有幾份保險，死左佢可以有幾百萬，又可以搵過個老公。

你會話我傻，但係我可以點？日日囡囡面前做戲？你估個女唔知乜事？
你唔好問我地點解要結婚生仔，係我地兩唔識諗。
佢日日都話嫁俾我係佢人生最錯既決定。

我日日返到屋企都好辛苦，星期日仲慘，只係俾個老婆日鵝夜鵝。

有冇邊位係贊同我既講法？

[ 本帖最後由 getbby 於 09-8-23 23:59 編輯 ]
私人傳訊

lam_ma


複式洋房

積分: 232


66#
發表於 09-8-26 00:10 |只看該作者
樓主，其實我覺得您太太是過悔氣說話，因為佢自己比自己太大壓力，而佢覺得您「未盡全力」，這個才是您們既距離，佢嬲起上o黎咪講您搵到十萬咪得囉!!
不如調番轉頭，您試下叫您太太 relax d，您同佢講放佢一日假，您自己睇實d個 b，應該同工人一起您也攪得掂的，同埋您也可以體驗一o下佢既壓力!! 好能到時您會有d得著!!
我生完bb後湊阿b也比好大壓力自己的(可能又喂人奶更辛苦)，所以係c6擔心我鼎唔順，叫我休息o下，我就同自己屋企人開台 relax 了半天，但個心就仍然係個仔到同不停send sms!!
同埋有左小朋友有些事要放棄的，我也放棄了同朋友敘會的時間!! 但我會覺得這是我的責任，是我的選擇，我帶得他來這個世界，就要負起對佢既責任，唔係有錢大晒的，要比個心出o黎的，我唔要第日個仔將來有機會話我欠左佢或埋怨我帶他來這個世界!! 這個便是我的選擇!!
私人傳訊

Hi-Fi


公爵府

積分: 25037

醒目開學勳章 畀面勳章 環保接龍勳章


65#
發表於 09-8-25 22:41 |只看該作者
樓主,

其實兩個人相處係要互相忍讓和遷就, 呢樣亦係一門
學問, 以你們現時的經濟狀況, 已經係非常唔錯, 可以
話冇乜壓力, 相比起好多要憂柴憂米嘅家庭, 你呢d所
謂"好灰+心淡", 跟本就小兒科。

(我只係想講出自己心聲, 唔啱聽當我冇講過)
私人傳訊

Nancy20090615


瑪瑙宮

積分: 136145


64#
發表於 09-8-25 21:17 |只看該作者
(有點長...)

我從來無抗議我老公去街, 每個人結婚前/後都有自己自由和空間, 可能我個人跟本獨立唔倚賴唔痴身, 見得太多我反而唔自在. 所以容忍到佢去邊去邊. 佢打波都過12點返, 打牌更夜, 甚至通宵, 都無問題. 點解無問題, 亦因為佢平日交人準時, 作息正常. 亦暗示佢唔可以干涉我自由. so far 我地無因出街哎烚.

以前 bb 重細, 佢出街我都幾開心, 因為我會好享受與 bb 獨對. 我一個照顧 bb 完全 ok, 我個 b 好湊卦, 佢食飽瞓, 瞓飽食, 15分鐘食完一支奶. 但獨對 BB 會發生危險, 例如, 試過唔只一次抱住佢太累在沙發睡著了. 幸好佢無試過跌落地受傷.

如果您囡囡屬於難湊 (食完唔瞓, 食支奶食超耐) , 剛生無耐的您太太便會好透支, 您太太當然希望您在身邊一齊睇 BB. 您話有工人, 我都唔會旨意工人湊.

所以您太太拮您出街, 可能因為您有其他野令佢個心唔開心. 錢可能是借題發揮罷. 我估佢個心係担心家的經濟, 因為BB開始帶來經濟壓力, 口便不知不覺常常提個錢字.

不過, 我同您太太係兩個人兩個性格, 每人執著唔同方面. 唔可以作比較.

同埋您今年打少 D 波, 唔代表遲下都唔可以. BB 大 D 就可以再安排下. 咪咁快灰心. 做父母係預左犠牲好多的. BB 再大會更多, 您預埋.

做左父母好多時要以大前題為著想. 如果您成日諗埋一邊, 您段婚姻好快告吹.

原帖由 getbby 於 09-8-24 22:46 發表
我D朋友, 星期日早上可以一齊打波, ...

私人傳訊

jennyleung


子爵府

積分: 13193


63#
發表於 09-8-25 11:45 |只看該作者
係唔係佢工作壓力好大? 分工好辛苦?
私人傳訊

kitmantsoi


大宅

積分: 3599


62#
發表於 09-8-25 10:34 |只看該作者
你可以去享受仔囡既成長過程, 正面去享受而非認為係受罪. 有好多人想有仔囡都唔成功, 能夠有小朋友係主既恩賜, 咁幸福何必心淡同灰心?

原帖由 HCFather 於 09-8-25 02:22 發表
你啲經歷，我都好有同感，咁又可以點呀，仔固囡都細，凡事我都要以佢兩個諗先，以後嘅嘢等佢哋大哂先諗，我都好心淡同灰心，可以點呀.....！
私人傳訊

kitmantsoi


大宅

積分: 3599


61#
發表於 09-8-25 10:04 |只看該作者
你太太既說話相類似既我都講過,但我吾会提錢, 因為我同C6 揾錢能力比你兩夫婦相距更遠, 我知錢係我婚姻既大忌我幾嬲都唔會提. 呢方面你太太係唔成熟, 但佢火遮眼亦唔奇, 你八點幫手湊女就覺得辛苦, 咁係太太lei? 每一對付責任既在職父母係BB初生階段都係無自己活動, 雖然有工人幫人, 但丈夫既支持係無野可以代替. 有時丈夫係唔需要做任何野, 坐係側邊就夠, 你明唔明?

同你分享小小, 我極愛去clubing, 打牌由大肚開始至今一晚都無去過, 唔係環境唔許可, 而係既然選擇咗做父母, 就有取捨, 有私人時間比BB定比自己. 而且会極擔心工人對BB唔好, 自己無得玩亦希望自己C6同自己想法一樣, 留係屋企. C6想去玩, 我想佢陪咪發脾氣, 正如你太太一樣, 發脾氣有咩說話講唔出呀? 但唔會攞住一句意氣說話唔放.

你不如反轉嚟諗, 如果你作為一個新手mama會點? 有時間去下在職媽媽版睇下, 感受下你太太既感受!

產後抑鬱後係生產後兩年都會有機會有, 而差不多五個就有一個只不過程度唔同. 最需要丈夫既諒解去平伏情緒! 你地係一個家庭, 你作為男人應有胸懷去原諒太太既意氣說話+有承擔. 同太太一齊去付起揍女既責任, 享受湊女既過程, 時間過得好快, 每一日BB都長大, 每日都在变, 一年後BB就会行会走咪一齊去打波, 影相又有女女做model,
你同你太太要既只係適應期, 唔好咁意氣用事, 你已經爸爸, 長大la!

原帖由 getbby 於 09-8-24 22:46 發表


我D朋友, 星期日早上可以一齊打波, 中午返屋企.
我...八點起身幫手湊女, 星期日(基本上係日日)都唔可以有自己活動. 我D朋友約晚上食飯都唔可以參與. 理由係唔可以佢一個人湊女.

我問佢, 人地都係咁啦, 佢就話人地 ...
私人傳訊

HCFather


別墅

積分: 511


60#
發表於 09-8-25 02:22 |只看該作者
你啲經歷，我都好有同感，咁又可以點呀，仔固囡都細，凡事我都要以佢兩個諗先，以後嘅嘢等佢哋大哂先諗，我都好心淡同灰心，可以點呀.....！
私人傳訊

hv245


禁止訪問

積分: 6023

BK Milk勳章


59#
發表於 09-8-25 00:11 |只看該作者
提示: 作者被禁止或刪除 內容自動屏蔽
私人傳訊

hv245


禁止訪問

積分: 6023

BK Milk勳章


58#
發表於 09-8-25 00:09 |只看該作者
提示: 作者被禁止或刪除 內容自動屏蔽
私人傳訊

casllsac 該用戶已被刪除

57#
發表於 09-8-24 23:25 |只看該作者
提示: 作者被禁止或刪除 內容自動屏蔽
私人傳訊

NokNokB


子爵府

積分: 12053

2024年龍年勳章 好媽媽勳章 醒目開學勳章 環保接龍勳章


56#
發表於 09-8-24 23:15 |只看該作者
我覺得結咗婚大家都要有各自各的私人空間，可以比自己放鬆吓沖吓電，你地唔係有工人姐姐咩﹖你出去聚會，你同佢講妳都可以，唔好出得太過份就得
私人傳訊

getbby


大宅

積分: 2212


55#
發表於 09-8-24 22:46 |只看該作者
原帖由 Nancy20090615 於 09-8-24 21:17 發表
7 萬真係幾多架, 應該可以有計劃咁留到一筆錢. 睇黎您地應該係未有充足心理準備迎接 bb 出世, bb 出世後又打亂彼此的作息娛樂時間, 可以共識下, 例如: 您可以一個星期出去打波兩日, 佢又可以搵下 d fd 一兩日, 最緊 ...


我D朋友, 星期日早上可以一齊打波, 中午返屋企.
我...八點起身幫手湊女, 星期日(基本上係日日)都唔可以有自己活動. 我D朋友約晚上食飯都唔可以參與. 理由係唔可以佢一個人湊女.

我問佢, 人地都係咁啦, 佢就話人地搵十萬一個月啦, 你有十萬一個月咪點玩都得.

不如你又俾意見我呀.
私人傳訊

kimiwhy


男爵府

積分: 9727

好媽媽勳章 畀面勳章


54#
發表於 09-8-24 22:23 |只看該作者
del

[ 本帖最後由 kimiwhy 於 09-8-24 22:25 編輯 ]
私人傳訊

Nancy20090615


瑪瑙宮

積分: 136145


53#
發表於 09-8-24 21:17 |只看該作者
7 萬真係幾多架, 應該可以有計劃咁留到一筆錢. 睇黎您地應該係未有充足心理準備迎接 bb 出世, bb 出世後又打亂彼此的作息娛樂時間, 可以共識下, 例如: 您可以一個星期出去打波兩日, 佢又可以搵下 d fd 一兩日, 最緊要有交帶同準時交人, 單獨一個睇 bb , 對在職父母係好辛苦的. bb 需要愛, 父親的愛和母親的愛, 才會有健全的性格長大. 唔好淨係諗您點諗, 諗下 bb 會點諗, 對父母同自己長大的屋企有甚麼期望. 至於太太的怨言, 可能生完有 d 抑屈和唔適應, 您留意下佢的情緒, 兩人的隔膜未必因為錢的.
私人傳訊

wife


子爵府

積分: 14859


52#
發表於 09-8-24 13:43 |只看該作者
原帖由 getbby 於 24-8-2009 11:10 發表


Thanks. 我會努力. 有問題一定係個男人, 係咪?


有問題吾一定係男人,但睇你嘅回應,比我覺得你吾識用真心去解決老婆的不滿,"冰封三尺"你只係單一去諗"因為佢搵得多過你",你有無諗吓自己有無嘢做得吾好?個老婆又係咪咁諗呢?一個女人月入有三四萬,相信都叫做有D學歷,佢係咪真係咁"膚淺",因為個老公搵少佢一萬而要蝦個老公呢?佢同你結婚生仔係為咗可以"鬧你","管你"?佢鬧完你到底有咩得益?一個女人仲肯鬧你即係仲想你好,多多少少都仲有愛,但到有一日當你透明,咁就咩都無!你自己諗吓,佢付出的心機時間為頭家,你又有無攞個心出嚟同佢共同進退,?陰公,佢仲慘過你,幾辛苦都無人"口踢"吓鼓勵吓,諗吓佢嘅苦處,你就會了解佢,咁就會知點做!加油!
私人傳訊

kitmantsoi


大宅

積分: 3599


51#
發表於 09-8-24 13:41 |只看該作者
同埋我想話你太太好可憐, 有一個不付責任有事就用離婚解決問題既丈夫!

好在我C6明白我做在職媽媽既偉大每日都晨早起身幫手湊BB, 每晚盡早返屋企同BB玩! 重會欣賞我為頭家既努力!

BB八個月就話離婚... 為既係無得玩 嫁着你真可憐

你最好同太太睇医生check 下有無產後抑鬱, 所以变到日哦夜哦...
一齊生活錢唔係最重要, 你既關心先係最重要!

[ 本帖最後由 kitmantsoi 於 09-8-24 13:53 編輯 ]
私人傳訊

moyan


伯爵府

積分: 16292

BK Milk勳章


50#
發表於 09-8-24 13:15 |只看該作者
if he dare to reach home after 9pm, why not go 打球?

just doesn't make sense!!

原帖由 canies 於 09-8-24 13:11 發表
no matter how much I earn, I would be very unhappy if my husband tented to reach home after 9pm everynite and play with daughter a hile and not leave me anytime!!! and you should told her ...
私人傳訊

moyan


伯爵府

積分: 16292

BK Milk勳章


49#
發表於 09-8-24 13:12 |只看該作者
睇哂樓主的回應, 都明白點解佢老婆會o甘,
睇埋樓主另一個post, 我覺得佢似想揾sp多d,
並不是有心想救吓自己的婚姻
私人傳訊

canies


翡翠宮

積分: 96629


48#
發表於 09-8-24 13:11 |只看該作者
no matter how much I earn, I would be very unhappy if my husband tented to reach home after 9pm everynite and play with daughter a hile and not leave me anytime!!! and you should told her how hard you feel for those harmful words for her instead of complain her, pls work for your family!!
私人傳訊


首頁
1234

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見