自由講場 今日: 856 | 主題: 1354586

積分: 15

1^#

發表於 09-8-31 13:32 |只看該作者 |正序瀏覽 |打印

如果1個4歲男仔有以下行為, 大家覺得有無問題? 要唔要睇吓醫生呢?

好易發脾氣(會為咗一d 唔如意的事發好大脾氣),
性格固執 (無諗過一個4歲小朋友會咁),
好自我 (佢玩遊戲機時, 佢唔會理會周圍環境, 佢專心做一件事時係唔會理人)
唔鍾意叫人, 細個時有陌心人佢會唔望人.
討厭失敗, 玩遊戲如果輸咗, 會好唔開心
有時會有重覆性動作(例如, 我要食糖, 我要食糖, 佢可以不斷咁講)

我好擔心小朋友個腦有小問題影響佢有呢d 行為, 我唔知係我過份擔心, 定係點...

總之, 我想聽吓大家意見.

0 0 0

私人傳訊

cooking^^mama

大宅

積分: 1023

29^#

發表於 09-9-1 16:33 |只看該作者

原帖由 bccwchan 於 09-9-1 12:23 發表
我諗我會鼓起勇氣面對呢件事, 而且唔係小朋友有事. 除咗係家庭本身面對之外, 仲有其他家庭成員都要去接受(尤其係grand-father/mother, 要同佢地接受個孫有行為問題, 老一代唔係咁容易接受, 我都唔知點同佢地講好), ...

bccwchan 我開心見你能勇敢面對問題就先見家庭醫生聽一聽醫生o既專業意見往後有咩結果或煩惱再黎同大家分享我地都願意在此與你同行祝福你

私人傳訊

積分: 15

28^#

發表於 09-9-1 12:23 |只看該作者

我諗我會鼓起勇氣面對呢件事, 而且唔係小朋友有事. 除咗係家庭本身面對之外, 仲有其他家庭成員都要去接受(尤其係grand-father/mother, 要同佢地接受個孫有行為問題, 老一代唔係咁容易接受, 我都唔知點同佢地講好), 不過, 無論如何, 我都想睇吓私家醫生先作評估. 結果係點, 我都係咁錫佢, 我會儘力令佢開心d.

凡事都唔係絶對, 逃避唔係解決辦法.

好多謝大家意見, 堅定咗我面對問題的決心.

私人傳訊

seaman1982

積分: 51853

牛年勳章好媽媽勳章醒目開學勳章畀面勳章環保接龍勳章大廚勳章

27^#

發表於 09-9-1 03:02 |只看該作者

原帖由 bccwchan 於 09-8-31 16:27 發表
記得有次食晚飯, 媽媽叫佢食完飯先玩, 佢唔鍾意, 好似大人咁一手拍係飯卓, 我當時好意外, 點解會發咁大脾氣? 有次叫佢唔好入廚房, 講咗佢2句, 佢當時好似失控咁大叫大哭, 當時我好驚, 點解佢好似變咗另一個人咁?

...

似乎有點過份了~找醫生先評估再決定~
你唔駛太緊張住~如果佢係有明顯問題唔駛你講學校老師都會主動同你講~都會幫你搵人評估佢~你有冇問老師佢返學表現~?

私人傳訊

seaman1982

積分: 51853

牛年勳章好媽媽勳章醒目開學勳章畀面勳章環保接龍勳章大廚勳章

26^#

發表於 09-9-1 02:56 |只看該作者

原帖由 gogoblue 於 09-8-31 17:17 發表

點解你會覺得3~4歲既小朋友係應該自我中心(簡單D講佢係會覺得個地球係圍住佢轉~佢係唔會點理人感受)係無問題???

你唔糾正返小朋友既思想行為,會唔會影响埋其他一同學習既小朋友呢? ...

你誤會了~3~4歲既小朋友自我中心係生理現象黎嫁~!!
我地讀幼兒教育時係有教嫁~!所以我先咁講~
我唔知點解釋~反正就係好似青春期有反判期一樣~係好正常~你迫佢都冇用~
我唔知樓主個小朋友實際情況如何~但唔過份既(例如唔肯叫人果D)係小事~佢唔係唔乖~大小小就會聽人講~當然佢一日唔叫人一日都要勸佢~但唔係小朋友有問題~

私人傳訊

wcandtt

積分: 72995

25^#

發表於 09-8-31 23:21 |只看該作者

盡快看醫生(兒童心理學家)，你小朋友巳4歲了, 排政府睇, at least 9 mths to 12mths. 再排 govt service 又等一年, 到時你小朋友巳6歲, 早期訓練只給6歲 or 以下提供 services.

所以請盡早看c+ 兒童心理學家, 再轉介到政府, 會快d, hurry up, time is precious!!!!!!!!!!!!

六歲時係小朋友腦部發展的黃金期，排唔到政府都要比佢到 C+做, 做父母不可逃避, 不要怕小朋友被 label, 你都怕就冇人幫到你小朋友, 肺苦之言..........好好想想ｏ

[ 本帖最後由 wcandtt 於 09-8-31 23:32 編輯 ]

私人傳訊

AndyMah

大宅

積分: 3712

好媽媽勳章醒目開學勳章畀面勳章環保接龍勳章

24^#

發表於 09-8-31 23:07 |只看該作者

我覺得好正常喎!
因為大多數小朋友都要第一, EVEN 上了小學仍有呢d 問題, 只要比D耐性開導下佢就無問題.
總括嚟講, 佢既問題係需要父母用時間去開導佢.

原帖由 bccwchan 於 09-8-31 13:32 發表
如果1個4歲男仔有以下行為, 大家覺得有無問題? 要唔要睇吓醫生呢?

好易發脾氣(會為咗一d 唔如意的事發好大脾氣),
性格固執 (無諗過一個4歲小朋友會咁),
好自我 (佢玩遊戲機時, 佢唔會理會周圍環境, 佢專心做一件事 ...

私人傳訊

cheuklam521

別墅

積分: 631

好媽媽勳章

23^#

發表於 09-8-31 22:21 |只看該作者

最好吾去估吓估吓,去找家庭醫生查詢吓,如果是有問題可以寫信給妳去政府做評估,吾好浪費時間,如吾想去政府,坊間有些私人幫都會幫到妳.如朗研社,希望幫到妳.

私人傳訊

melody10050

男爵府

積分: 5448

好媽媽勳章畀面勳章 BK Milk勳章

22^#

發表於 09-8-31 17:43 |只看該作者

佢鍾唔鍾意返學,同埋返學會唔會叫老師同埋應人呢?
佢唔係有問題,但小朋友本身同你有傾談.都會叫爸爸,媽媽..這種叫"社會障礙",佢唔like同周圍的小朋友講野,但佢會同佢本身有興趣的小朋友玩.
例如:食飯,有d媽咪成日都要擔心小朋友有沒有食,佢唔食點好呢,就會擔心(我覺得唔洗囉)小朋友肚饑好自然會找東西食唔食一餐唔會肚死掛.
你小朋友應該帶佢睇醫生唔好遲啦..

私人傳訊

gogoblue

侯爵府

積分: 24288

好媽媽勳章畀面勳章親子達人勳章

21^#

發表於 09-8-31 17:17 |只看該作者

原帖由 seaman1982 於 09-8-31 16:05 發表
其實呢個年紀既小朋友係自我中心~係好正常~
我係教幼稚園既~唔敢話好專業~但叫做見得小朋友多~客觀D~
3~4歲既小朋友係應該自我中心(簡單D講佢係會覺得個地球係圍住佢轉~佢係唔會點理人感受)~
你以上所講既特點其實係 ...

點解你會覺得3~4歲既小朋友係應該自我中心(簡單D講佢係會覺得個地球係圍住佢轉~佢係唔會點理人感受)係無問題???

你唔糾正返小朋友既思想行為,會唔會影响埋其他一同學習既小朋友呢?

私人傳訊

mat媽

子爵府

積分: 10077

好媽媽勳章醒目開學勳章

20^#

發表於 09-8-31 17:16 |只看該作者

樓主,
唔好再逃避了, 更何況你小朋友未必有問題...

如果只是情緒問題, 有人幫下你, 教下你點處理都好丫...

如果真係有自閉/others, 你都要面對架啦... 而且愈早介入, 小朋友就愈易有進步.

私人傳訊

大姑娘

珍珠宮

積分: 46526

19^#

發表於 09-8-31 17:03 |只看該作者

but 佢個仔係四歲, 而唔係一歲喎!

btw, 其實好多野係你o係佢仲細既時候唔糾正佢, eg 唔叫人 - 佢唔叫人, 就休得佢, 仲話好平常, 久而久之, 就變成習慣......亦形成佢既性格問題......

原帖由 cynnie 於 09-8-31 13:45 發表
我是這樣看的，已經自己走的1歲多小孩子，行為能力比從前大許多，覺得自己很厲害，(會走會拿東西...)，但是語言能力稍慢，做不到的時候，會發脾氣；我那時候是教我女兒不要急，慢慢就可以做到；幫她分辨自己的情緒。
另外你所說的性格固 ...

私人傳訊

積分: 15

18^#

發表於 09-8-31 16:27 |只看該作者

回覆 17# seaman1982 的文章

記得有次食晚飯, 媽媽叫佢食完飯先玩, 佢唔鍾意, 好似大人咁一手拍係飯卓, 我當時好意外, 點解會發咁大脾氣? 有次叫佢唔好入廚房, 講咗佢2句, 佢當時好似失控咁大叫大哭, 當時我好驚, 點解佢好似變咗另一個人咁?

叫佢叫公公, 佢唔鍾意叫, 就坐係度發脾氣.

有時佢想起要糖, 佢就重覆咁講. 我要糖........就算你同佢講, 依家無糖, 等間比你好唔好, 佢唔理, 我要糖.....

好矛盾, 想揾人幫手, 希望有人可以幫到佢; 又怕佢被人標籤, 怕佢不比社會接受.
唔承認佢有問題, 可以話佢係內向d, 脾氣大d, 同自我d, 最少唔會比人講d 難聽說話.
但唔理承認, 唔等於問題唔存在, 如果放手咩都唔做, 好怕將來後悔點解唔早d 揾醫生幫忙.

私人傳訊

seaman1982

積分: 51853

牛年勳章好媽媽勳章醒目開學勳章畀面勳章環保接龍勳章大廚勳章

17^#

發表於 09-8-31 16:05 |只看該作者

其實呢個年紀既小朋友係自我中心~係好正常~
我係教幼稚園既~唔敢話好專業~但叫做見得小朋友多~客觀D~
3~4歲既小朋友係應該自我中心(簡單D講佢係會覺得個地球係圍住佢轉~佢係唔會點理人感受)~
你以上所講既特點其實係個個小朋友都會有~但係我又唔知你個小朋友有幾嚴重喎~
不過我可以講~其實固執呢D~係性格(除非固執到好誇張)~我記得多年前有個學生~3歲~我都唔記得佢為左咩事~總之佢就發脾氣~然後一直對住面牆幾個鐘唔郁~3歲咋~但佢係正常小朋友黎~只係性恪較固執~
如果就咁睇你個小朋友~我唔覺得佢有問題~或者你再講多D佢平日行徑~

私人傳訊