自由講場 今日: 1507 | 主題: 1347184

積分: 1201

1^#

發表於 09-9-3 02:44 |只看該作者 |正序瀏覽 |打印

亞女有個同學, 前年二年班同班識咗佢
之後, 意謂係
好朋友, 仲話介紹佢媽咪我識,其實我唔係
好鍾意喱d應酬, 不過我睇個女份上,
我又見佢地有兩個哥哥都係同一間小學畢業,
一定好有經驗, 可以交流心得.

點知係我地比人攞料, 佢媽咪好識做人,
唔會得罪你, 佢同我傾計, 問我
個女有乜課外活動, 去邊度學啦…

跟住去晒亞女學野度報名, 英文, 打波,
計數, 全部都跟, 我真係唔明,
佢個女好聰明, 讀書叻過我女好多,
駛乜跟住我, 唯一解釋就係佢
要為個女吸多d好野.

最慘我發現佢個同學都唔係好惹, 精到甩尾,
同佢媽咪一樣, 收晒你d料,
跟住自己就一句都唔會漏比你,
功課永遠話唔識, 日日打電黎問我個女,
考試測驗永遠都話自己無溫習, 但次次都名列前茅,
亦唔鍾意幫助別人,
因為佢話幫咗人, 容乜人地叻過你,
佢就蝕底咗, 8歲人仔就咁識計數, 都幾悲

仲有佢講野好串, 句句窒人, 我聽到都覺
得亞女比人窒緊, 果時都唔明亞女會同佢
做好朋友, 我女仲傻吓傻吓, 乜都講比人聽,
果時我開始提醒亞女最好梳遠佢,
當時亞女都唔聽, 仲嬲我推晒佢地既約會,
到依家, 亞女比人窒得多, 玩得多都
知道哩個人咁自私, 咁功利係唔可以當朋友.

好唔好彩亞女今年又同佢同班...

以上講哩個小朋友既行為, 當然唔會係學校,
老師面前見到, 老師面前係一個好學生
, 好幫手, 佢媽咪又同d老師打好晒關係,
所以選班長, 選風紀又次次都係佢,
亞女同我講話因為佢梳遠哩個人,
哩個人做咗班長後就處處針對亞女,
經常好少事都擇佢名, 攪到佢唔開心,
又話老師無眼光, 選佢做班長, 而因
為佢媽咪同老師關係咁好, 跟本唔會相信
亞女講, 哩個同學咁差,

唉….亞女唉到樹葉都落晒, 我都唔知點幫個女好,

0 0 0

私人傳訊

小熊帽

積分: 1516

33^#

發表於 09-10-14 22:10 |只看該作者

原來小學已經咁多問題．．

私人傳訊

kirstyau

公爵府

積分: 27965

畀面勳章

32^#

發表於 09-10-14 21:53 |只看該作者

好恐怖R, 我從來都冇諗過教個囡自私精, 乜有D咁恐怖既家長, 第日,真係自作業,不可活LOR!

所以COOKINGMA 唔好唔開心, 今日佢阿媽種咩,第日佢咪收咩果(咁教法,第日都唔方孝順)

我同C6都話阿囡叻固然好,唔叻都最緊要做個好人!

私人傳訊

積分: 1201

31^#

發表於 09-10-14 16:52 |只看該作者

對亞女個同學, 終於忍無可忍.

http://forum.baby-kingdom.com/thread-2569607-1-1.html

仲記唔記得我講過亞女有個好鬼衰既同學...

我本來都叫亞女盡量同佢扮friend, 無謂得罪
佢啦, 因為佢係風紀兼班長.

上星期老師要派操行獎, 但每比一個同學之前
都要表決同意先比, 到我個女時, 全部都同意,
唯獨哩個衰同學, 舉手反對, 話我個女都有
傾計,當我女想解釋傾計只在執行職務, 因為
亞女係組長, 老師已經收番個獎.

實在忍無可忍, 我老公即刻打比老師, 話佢
係處理有問題, 好多同學都同學都同意亞女
攞操行獎, 點解一個人唔同意就唔比, 哩位
反對同學權力係咪已經太大, 我老公仲講明,
早前亞女得罪過哩個同學, 所以公報私仇,
叫老師最好留意吓.

仲有第二件事....
亞女出名畫畫靚, 手工正, 因為以前學過,加上
我哩個全職亞媽既指導, 所以好多老師都會
搵亞女幫手畫野, 琴日學校有個活動, 我幫
亞女手做左個靚靚banner, 個個見到都嘩嘩
聲, 個衰同學更係好妒嫉, 我果日去學校做義工,
所以見到一切情況, 亞女好小心個banner,
一唔小心,比同學撞到, 個衰同學彈
亞女一句, 整得好sai心機啦你, 亞女又忍
唔住話佢, 你妒嫉啫! 跟住衰同學話, 唓,你
哩d都只不過係你亞媽做啫!
在場既我, 終於忍無可忍, 我大渴一聲, 叫佢
咪亂講野, 全場即刻無晒聲, 跟住成個下午都
唔敢招惹我地兩母女.

我知佢實同佢亞媽講, 話我鬧佢, 我知佢亞媽
都唔係好野, 無辦法啦, 佢女實在做得太過份,
令人忍無可忍, 我老公話再有乜事, 係唔合理,
都會再打電話返學校同老師傾.

我想問你地, 如果係你, 你地有無更好既辦法

私人傳訊

sandy1425

積分: 41032

好媽媽勳章大廚勳章

30^#

發表於 09-9-13 10:06 |只看該作者

原帖由 cookingma 於 09-9-8 12:10 發表

唔只小朋友, 連d家長都咁恐怖, 為咗幫自己d仔女,
乜都做得出, 唔知係咪我out, 我就做唔到

我亦吾會做得到....

私人傳訊

積分: 1201

29^#

發表於 09-9-8 12:10 |只看該作者

原帖由 sandy1425 於 09-9-8 11:42 發表
乜d小朋友甘恐怖架

唔只小朋友, 連d家長都咁恐怖, 為咗幫自己d仔女,
乜都做得出, 唔知係咪我out, 我就做唔到

私人傳訊

sandy1425

積分: 41032

好媽媽勳章大廚勳章

28^#

發表於 09-9-8 11:42 |只看該作者

乜d小朋友甘恐怖架

私人傳訊

積分: 1201

27^#

發表於 09-9-8 10:49 |只看該作者

我真係好驚亞女哭住同我講, 又比哩個自私精,
點點點.. 整鬼佢, 擇佢名, 節晒佢d野,
始終都係班內發生, 我好難幫到佢.

老實講, 我自己都好怕見到哩個小朋友,
我都怕得罪佢媽咪, 佢媽咪學校老師好熟.

我諗佢媽咪都知我地想梳遠佢地, 試過有d佢跟
我地報既課外活動, 我地為避佢地都專登自己
放棄唔去, 跟住佢媽咪就好似想關心吓咁,
打電話比我, 問我地點解唔去, 又叫我得閒要
同同其他媽咪傾吓計, 收吓料, 睇吓自己
個女係學校有無蠱惑.

以上都係開場白....跟住佢就同我講, 佢話
佢個女知道我女係某活動中, 態度好唔合作,
仲比老師投訴添, 問我知唔知道有咁既事,
我話我女乜都會同我講, 應該無咁既事,
跟住就暗示係我女專登唔講自己d衰野
比我聽, 我女講大話, 想離間我地.

我唔係幫住我女, 係我了解佢, 如果係學校
有好既, 唔好既, 都會講比我聽, 就算唔好
我都唔會閙佢, 何況我女仲叫我親自返學校
問老師吧, 無謂聽人亂噏.

啊..所以我明白佢打電話黎既目的, 真係有咁
既亞媽, 就有咁既女.

私人傳訊

Roroma

積分: 1407

26^#

發表於 09-9-8 01:17 |只看該作者

乜人都有架，我女Ｐ１﹠２有兩個同學話就話同我個女係好同學，呀女帶乜返學校食就要呀女請佢地食，但就從無請佢食，咁我都教呀女吾緊要啦，跟住佢兩個會約出街，吾約呀女但又同佢講好好玩，攪到呀女好吾開心。我又吾想叫佢吾好同佢地玩。

私人傳訊

積分: 1201

25^#

發表於 09-9-8 00:30 |只看該作者

果d心胸窄既人, 得罪佢當然麻煩, 所以我唯有叫佢
就算知佢個人自私, 講野難頂, 都唔好咁出面,
最多唔好答佢咁多野, 盡量離佢遠d, 不過我女
始終都係細路, 唔似我地大人有咁高道行,
有時真係底唔住頸同佢嘈.

哩個自私自利既小朋友, 真係好聰明, 佢又點會
feel唔到我女梳遠佢, 因為我女都無已前咁易
話為, 佢睇中我女d文具, 會好唔客氣叫亞女送
比佢, 已前我女都無所謂, 會送比佢, 依家我女
會答佢媽媽唔比佢送野比人, 如果問佢係邊度
買, 幾多錢, 一概答唔知.

如果佢再問亞女功課, 又要答唔知, 到亞女識晒,
又要同佢講個答案係亂撞番黎, 總之就唔會比d
真野佢....

死啦! 要我教我個女用d咁既方法, 對付d咁自私,
成日搵人著數既小朋友, 我都唔知啱唔啱.

話說今個星期學校有活動, 所以柬人去朗誦表演,
老師講明唔會搵住得遠既同學,哩個自私小朋友,
因為一早比老師柬咗去為持跌序, 跟本唔可以
分身參加, 但當佢見到我女舉手參加, 就即刻
節住我女, 仲要大聲同老師講, 話亞女住係
邊, 係好遠架( 其實都係三條街, 老師都無講到
遠既定義有幾遠) , 擺明就唔想比機會我女,
自私到咁真係好討厭!

其實佢都唔係第一次做埋d, 搶風頭, 踩低人既野,
如果真係因為佢講既說話, 令到我女失去個機會,
我諗佢唔只自私, 直頭濺格囉, 八歲人仔, 我覺得真
係好恐怖, 我真係好想一巴車埋!

私人傳訊

wawamama

積分: 2807

24^#

發表於 09-9-4 19:47 |只看該作者

令我想起以前中學一個同學。個人好似冇咩，都有幾個朋友，得閑又會招呼D同學去佢屋企坐下。我都傻更更去過。原來去多幾次，佢會叫D同學幫佢屋企既山寨場做廉價勞工...

講番轉頭，其實有心疏離，唔使做得好出面。保護到自己就OK。果D心胸狹宰既，得罪佢地會好煩。

我個女最近都學乖左。事緣照顧佢個工人約滿走左，我個女好中意呢個工人，初頭我俾佢打過兩三次長途電話俾個工人，佢跟住日日都吵著要打電話。我最後忍無可忍同佢講，你咁中意xxx，你覺得佢中唔中意你呢？佢話yes。我話，咁點解xxx中意你都唔打電話比你，次次都係你打俾佢？我個女即時O曬嘴，之後都冇再同我提過搵個舊工人。

laughin' to keep from cryin'

私人傳訊

gracelam

積分: 39043

環保接龍勳章

23^#

發表於 09-9-4 13:50 |只看該作者

從好方面諗, 呢個係社會縮影, 等小朋友早d知道呢個世界mud人都有. 當上左寶貴的一課. 我自己要到中二先遇到, 當時交個心同人做朋友, 人地當你水魚, 知道後都好hurt下.

教養孩童,使他走當行的道, 就是到老, 他也不偏離!

私人傳訊

YANFAMILY

男爵府

積分: 7720

好媽媽勳章醒目開學勳章 BK Milk勳章

22^#

發表於 09-9-4 13:29 |只看該作者

我個仔K1試個在學校一不小心袋了玩具回來,我都提仔,明天要拿回學校和　SAY　ＳＯＲＲＹ！我自認不是一個好ＭＵＭ，但都知道好多事和言行會影響人一生。支持你ＣＯＯＫＩＮＧＭＡ

私人傳訊

glory911

積分: 1550

21^#

發表於 09-9-3 21:57 |只看該作者

你就好啦！個女咁細就上都人生咁寶貴嘅一課，我中學先有機會呀。啲人係咁喎，win win米好囉，吓吓都要自己著數哂，以為自己好醒。你知道之後唔理巨咩，巨得閒又要了吓你。到有事求你，嘩！精彩囉！

私人傳訊

loer_er

積分: 37631

20^#

發表於 09-9-3 21:49 |只看該作者

佢媽咪咁樣...個女從小就睇到佢媽咪咁...(身教?),個小朋友都學埋晒啦...
咁細個人,已經咁...真係冇晒童真

私人傳訊