論盡家傭 今日: 0 | 主題: 134091

積分: 688

1^#

發表於 09-9-7 04:26 |只看該作者 |正序瀏覽 |打印

我發覺我工人返左工一個月都已經有好多問題!
唔知係我太在意定點..以下係其中幾點..
咁平日佢做野多汗既話會有味,我就叫佢多汗既每日2件衫..
岩岩傾開計佢同我講,唔想成日換衫,因為佢冇咁多衫!
d衫成日著成日洗,好快舊,出街著唔到!
(佢大約3/4日到洗一次衫)其實我見佢都好多衫,
我:但係你有味會影響我地,同埋你好多汗都唔舒服啦!
佢:係既..但成日洗出街冇衫著啦..d衫變到好舊
我: 咁你可以買ga,你依家返緊工..工作需要嘛
佢:那會浪費錢嘛!我沒有很多錢嘛...

意思應該係如果我要佢每日換2次衫,我就要買衫比佢..
你地會買嗎?會買大約幾多件呢??

同埋佢之前著過一件好簿既白色衫,好透視
我見到都唔太舒服..我叫佢個件平時訓教著啦,
一起身即刻換衫啦,因為呀爸比佢早起身,唔係咁好!
之後我係cam見到佢朝早一起身都冇換,
等我呀爸出去返工先換衫(大約30mins)
我就同佢講以後一起身入廁所就換啦
點知佢話:因為很熱嘛..而且我不會啦!我跟你爸都老啦!
我也有老公的!(笑住講)
我個下晴天霹靂!

我就講: 唔係老唔老同有冇老公既問題,
係冇禮貌呢個問題!唔通老同有老婆就可以唔著衫褲企係你面前??(唔太嚴肅,因為個下係傾緊計既氣氛...)
佢就笑住話:不會啦!老啦老啦!
而且我屋企仲有呀哥都可能早起身,
佢就答我:我個仔都有佢咁大嚕...

其實僱主係我呀爸!但佢一切野由我負責教!

雖然佢咁樣有d冇大冇細,但又未去到話抄佢呢個地步住..因為佢平時做野都真係ok,冇人既時間真係會做野(只係有一次發現傾左10分鐘電話)

打出黎都係想發洩下...其實我剛滿19歲...
媽媽中左風之後,就突然擔起左負責全個家大小事務既女人!放棄左份工一心打理住屋企先!
而我工人有成37歲,我媽媽都只係大佢幾年..可能因為咁,
佢對我講既野唔會太嚴守呱!加上僱主唔係我...

我開始覺得教佢好辛苦..岩岩我都半認真講::
"我都未見過有你呢d工人,叫你做樣野都咁難"
而且今日亦第一次證實左佢講大話--"偷飲coffee!"
我地冇講過可以比佢飲..佢唔知我有mark低d數量,
好快飲哂所以我知道左..但佢話今日係第一日飲(其實數量絕對唔止)雖然好少野,但都好ge!起碼屋企知道左佢有呢一面!對佢都起碼似番個工人!

最後我想問下各位,因為我工人頭先幫我呀媽按摩,
按按下就走番到自己到去睇書..因為佢按左好短時間,
我媽媽用表情話我知佢仲想繼續按(媽媽中風後唔可以講野), 你地工人每晚做完野之後會唔會同你講"我休息啦"or通知你之類既野???

呢篇野我打左成個鐘..真心希望各位媽媽可以睇哂呢篇野佢,比d意見我教下我可以點做先好..Thanks a lot!!

[ 本帖最後由 005500 於 09-9-7 04:30 編輯 ]

0 0 0

私人傳訊

積分: 688

45^#

發表於 09-9-10 01:39 |只看該作者

原帖由 sweetcouple 於 09-9-9 23:10 發表

駛乜同佢講....

工作表現好, 同唔好, 由你DEFINE!

佢如果厚面皮問你點解冇, 你先至同佢講未夠好囉.....

如果佢真係做得好, 個個月俾又何妨? 唔駛拘泥於半年定幾多個月一次喎.... ...

本來我諗住每個月做得好就比..
但睇番好多舊post都話唔好咁做,
原因係好多到時唔比就會黑面or整鬼你
(另一個post都有媽媽咁話我知)
始終第一次處理呢d..都想吸收下其他mami既經驗:),

岩岩同工人講左由每個月改為累積半年計,做得好就多d!
佢就話之前個僱主都係7個月還完錢先出bonus..
所以放心嚕!不過都Thank you甜姐!

私人傳訊

積分: 22268

好媽媽勳章

44^#

發表於 09-9-9 23:10 |只看該作者

提示: 作者被禁止或刪除內容自動屏蔽

私人傳訊

積分: 688

43^#

發表於 09-9-9 14:28 |只看該作者

ok啦:)

[ 本帖最後由 005500 於 09-9-10 01:39 編輯 ]

私人傳訊

積分: 688

42^#

發表於 09-9-8 23:57 |只看該作者

其實講左咁多唔太滿意ge地方,都講d我滿意ge啦

1.佢做清楚同煮飯係慢手腳d但都ok既,

2.教過一次佢會記得,之前好正式咁話過佢唔諗菜式呢個問題,依家日日朝早d餸都寫定問我地意見,呢樣好滿意

3.放假準時返,出街有遲冇早,好樂意比我check bag,返黎做仲會幫我e.g. 洗碗,抺廚房,掉垃圾...

4.想新年個日6點鐘出去拜拜,但未必比到佢放..佢之後都話唔洗放啦,放都唔使6點出去拜,唔會話黑哂面咁..

5.返咁耐工只係遲過一次起身,6點半要起身就6點20分起身整自己野,30分就做野..

6.好鐘意睇書睇報紙,做完野休息就靜係睇書,傾電話都係間唔中,唔算多,sms都唔多..

我本來以為佢尋晚咁樣,今日放假唔會幫手做野..
雖然朝早冇幫我媽起身同食藥(平時放假有)..
但佢8點返黎個陣笑哂口咁,又有幫手做野,,

而且我同呀爸傾完都覺得,好多工人日傾夜傾電話,
又打扮到唔知點..教極都唔識做唔好,
其實佢都算係咁!只係有時手腳慢d同做野會有d意見,

所以岩岩我同工人講,"如果你表現好,
會出多一二百蚊比你..當獎勵!但如果表現唔好就唔比,
今個月就冇比你啦..要睇你下個月點啦"
佢就好開心咁講"謝謝"..
希望會越黎越好啦!唔係又要搵過個......

[ 本帖最後由 005500 於 09-9-10 01:42 編輯 ]

私人傳訊

積分: 688

41^#

發表於 09-9-8 20:59 |只看該作者

thank you咁多位比意見我,岩岩同爸爸傾完,佢都有d覺得工人唔多聽我講野,反而會聽佢講野,所以叫爸爸以後佢做得唔好就唔好叫我話,自己話,始終佢係男人又大過佢又係僱主,聽都聽得鋸d...
至於炒呢樣野,我諗住睇多佢耐d先!如果都係咁衰到我呀爸都同意既,就炒吧,但希望佢越做越好吧!

[ 本帖最後由 005500 於 09-9-10 01:47 編輯 ]

私人傳訊

ymjoy

積分: 1395

40^#

發表於 09-9-8 17:32 |只看該作者

好明顯, 你個工人根本就唔放你在眼內, 因為你唔係呀mom 嗎, 你係呀先生個女咋.

你一定要抄咗佢啦, 佢又話頭痛, 但又係張床傾電話, 你同佢講野佢仲唔理你, 佢都痴線既, 就算要受氣, 都唔係咁囉, 叫佢按摩仲話你按太多唔好, 好唔好都唔輪到佢話啦

佢只會越來越差, 所以陳而家唔駛補咁多假錢就早啲抄咗佢啦, 如果唔抄, 你遲啲一定嘔血呀.

私人傳訊

積分: 22268

好媽媽勳章

39^#

發表於 09-9-8 16:22 |只看該作者

提示: 作者被禁止或刪除內容自動屏蔽

私人傳訊

積分: 22268

好媽媽勳章

38^#

發表於 09-9-8 16:18 |只看該作者

提示: 作者被禁止或刪除內容自動屏蔽

私人傳訊

mavisw

積分: 923

37^#

發表於 09-9-8 13:51 |只看該作者

佢擺明係蝦你. 記住你係僱主(即老闆), 你要求佢嘅, 佢有責任仗依從. 國有國法, 家有家規. 列出晒所有規舉, 帶埋去 agent到, 叫 agent 當你同佢面 briefing 一次, 如 agent 講得唔夠, 你可以當面講清楚啲. 仲要佢簽字作實明白並會遵守, 如果佢仲係唔遵守, 即俾 warning letter. 記住對佢態度唔好軟 (但唔係叫你惡), 如果真係無改善, 你真係要換人, 你唸吓, 請個工人返嚟係負責物 ? 唔能夠達標, 要佢做物? 仲有佢對你呀媽唔好係絕對唔可以接受.

私人傳訊

interasian01

積分: 2550

36^#

發表於 09-9-8 13:51 |只看該作者

我諗你同你爸爸傾下, 叫佢話下工人呀, 通常d工人係驚僱主,尤其係男僱主, 如爸爸話完都係呀, 你就知點解工人只做左一年半啦, 如前僱主經濟有問題,工人有無出示証明呢, 話左工人都係咁, 找過一個新工人來照顧媽媽啦

原帖由 005500 於 09-9-7 21:06 發表
岩岩佢又唔聽我講!我係房個cam見到佢幫我呀媽按摩個陣撩鼻c,之後再用張紙撩!跟住張紙就放入袋啦!又冇洗手!我出黎叫佢洗,佢話有用紙巾,唔去洗喎!之後我叫佢掉左張紙巾!佢話冇濕又唔掉喎!我就話佢冇衛生sense!再話:"我 ...

私人傳訊

積分: 688

35^#

發表於 09-9-8 13:13 |只看該作者

原帖由 BKVIP 於 09-9-8 12:28 發表
樓主，你個工人好明顯係玩野恰你細，搏抄。黎左1個月就咁既死款，已經唔駛揍細路，份工有几辛苦呀？次次按摩就頭痛，擺明唔想按。我諗你對佢既態度唔可以再咁soft，唔係佢真係踩到上心口架。理得佢之後面唔面黑啫，佢唔聽就要話，再唔 ...

Thank you!=)但我想知佢地唔係要還錢比agent ga咩?
點解黎左一個月就要搏抄呢...其實佢又冇次次頭痛既,尋日係第一次,我見佢之後仲可以傾咁耐電話,個下感覺好似比人呃左咁,我最憎比人呃,所以以後唔比佢唔做野啦,聽其他媽咪話,除非佢去睇醫生拎醫生紙啦..
其實佢咁樣可能因為真係有好多不滿啦,
一黎我冇比佢放星期6日,因為爸爸星期日放假我想佢輕鬆d..星期6就係我多數要出去進修英文..(唔穩定所以唔set放星期6)
二黎我冇係今日出糧(前幾個post有講),我唔想到last day即出糧,對自己都冇乜保障,所以聽日先出糧,
因為咁佢要下星期放假日先拎到錢,(佢今日放假)
三黎我成日check住屋企d野呱,唔係咁佢都唔會比我捉到偷coffee,仲要全家都知
四黎我每星期都要佢放假,佢黎左一個月已經講過3次唔想每個星期都放,一個月3日已經好多,但因為我冇返工,而且好似買假都係犯法咁,,同埋真係未需要佢住,我都講過我返工既時間可能先需要...

人與之間相處真係好有學問,我自問真係做得唔好..
希望以後好d啦!惡既時侯惡,善既時候善啦....

私人傳訊

BKVIP

積分: 4355

34^#

發表於 09-9-8 12:28 |只看該作者

樓主，你個工人好明顯係玩野恰你細，搏抄。黎左1個月就咁既死款，已經唔駛揍細路，份工有几辛苦呀？次次按摩就頭痛，擺明唔想按。我諗你對佢既態度唔可以再咁soft，唔係佢真係踩到上心口架。理得佢之後面唔面黑啫，佢唔聽就要話，再唔聽就鬧，佢面黑你要黑過佢，千其唔好俾佢搏抄成功，你又無bb在佢手，又在家睇住佢，咪日日同佢玩囉，睇下邊個唔著數！我支持你呀！

佢頭痛你就叫佢食藥(一定要睇住佢食)，次次痛就次次食，食完俾佢休息2個鐘，要佢瞓，唔可以講電話，佢話按得多對身體唔好丫麻，你話講電話d電波對你個腦都唔好，你成日頭痛就係因為傾電話傾得太多，頭痛唔准佢傾！傾既話即係唔頭痛啦，咁佢一傾你咪叫佢做家務囉，總之佢咁得閒你就唔好俾佢得閒，對付d玩野工人你要俾佢更玩野架，唔係你受晒架喳。

私人傳訊

yyyyyy

子爵府

積分: 10115

好媽媽勳章醒目開學勳章

33^#

發表於 09-9-8 11:54 |只看該作者

果陣佢根本就係玩野, 無心做, 博炒! 我太天真, 以為agent 信得過, 亦估唔到平機會原來係咁運作既, 平機會根本就改錯名. 我已經盡力堅持同佢地對抗,我要湊住兩個細, 無人幫到我! 當時,我無條件爭持下去, 唔係唔想fight. 甜姐, 有時d 野發生左, 要處理和面對時, 比想像中複雜好多, 好多! (舊a/c 死左)

原帖由 sweetcouple 於 09-9-8 11:33 發表

或者我天真....

如果俾我:

第一, 連續三日唔做野, 我會錄音加錄影, 證明佢違反僱主合理命令;

第二, 三日都唔好番, 我會"的"佢去政府E院, 睇人地仲俾唔俾病假佢囉....

第三, 我會照炒;

第四, 我會同平機會及 ...

私人傳訊

積分: 688

32^#

發表於 09-9-8 11:37 |只看該作者

其實我唔係介意佢要我買衫,係佢既態度..
我話工作所需嘛,而夏天咁熱咁多汗你都唔舒服啦..
佢就不停話冇咁多衫,唔想換..一日一套好夠..
d語氣有少少要脅我比衫佢,唔比就唔換..

所有野唔係一朝一夕....
雖然我明白佢地可能好窮唔想用錢係呢d野到,
但可能因為佢平時洗面奶都買200蚊,
手袋300幾新買,沖涼洗頭買好貴既牌子..
問佢d野幾錢,佢話鐘意用同食就會買,
幾貴唔會理幾多錢,etc..
佢會寧願佢直接問我可唔可以買d衫比佢,
我都唔介意比幾十蚊買d衫比佢ge..

可能我覺得比咁多錢請佢返黎,首要條件係照顧到我一家,唔係就byebye.. 但如果態度好差,變相比咁多錢黎激自己,而請左佢之後要用2個月唔返工去教佢,有時夜晚就同佢傾計直到佢訓教,,就係想佢令人放心,關係好d!援和下氣氛,但久而久之就好似變左話下佢都唔鐘意,
媽媽突然咁樣,已經負擔好大..自從發現佢偷coffee之後佢就變到咁..:( 唔通工人不問自取係僱主錯.....

而爸爸,真係佢有壓力我都有壓力,我突然辭左份工,
到依家5個月冇返工冇點出街就係為左打理屋企,
呀爸只放低錢乜都唔理既時侯,得自己撐真係好辛苦,
好多野錢係解決唔到..所以係呢d 時刻都好想屋企人支持,聽我辛訴..我明白工人都係人,都有感覺有脾氣,
但連最基本叫佢同媽媽按摩,佢就話唔可以按咁多..
而且頭痛辛苦唔做得野,轉頭就傾左個幾鐘7情上面ge電話..

我話炒爸爸唔一定跟我意思,因為錢係佢的,
而當我同佢講工人邊到做得唔好個陣,佢唔理我,
咁樣落去,工人點唔好都會直到兩年後,,
但氣....就受左好多..

算啦..工人d野真係唔理得咁多!只好逆來順受香港人!
當係交eq訓練既學費...

[ 本帖最後由 005500 於 09-9-8 12:12 編輯 ]

私人傳訊

積分: 22268

好媽媽勳章

31^#

發表於 09-9-8 11:33 |只看該作者

提示: 作者被禁止或刪除內容自動屏蔽

私人傳訊

ronkslee

洋房

積分: 39

30^#

發表於 09-9-8 09:57 |只看該作者

其實, 我同意你爸爸講,你有D計較啦, 可能你唔同意我講, 但你有冇在個工人方面想想, 佢唔係唔可以換衫, 佢可能仲有好多衫, 但佢唔想浪費呀, 有睇過一個廣告嗎? 慳得一蚊得一蚊. 係佢家庭, 可能好窮, 好窮, 窮到一分一毫都要計, 唔好講話買衫, 有D仲要去街市拾人一D爛菜食, 你又知唔知?? 如你想佢換衫, 先唔好用一種敵視眼光, 或者, 如朋友有唔要舊衫, 送比佢呀, (帶少許微笑及關心), 你地既相處, 可能會更好, 佢只係工人, 亦有家人, 離開別井既心情, 思念家鄉, 想你並不知道, 但並不好受, 試吓關心佢, 記住, 就算我地養一只小狗, 佢亦有發啤氣啦, 你可能跟你爸爸說佢不是, 但只會增加你爸爸既壓力, 何必呢! 當然, 你要炒佢, 你爸爸一定會照你意思(無奈), 但新來的工作, 縱使個人衛生如你要求, 但佢可能駁嘴及玩野...又攪到要上法庭, 何必呢? 最仲要佢基本上Take care你屋企好, 照顧你媽媽及爸爸好, 其他的, 大家慢慢相處啦...

原帖由 005500 於 09-9-7 22:47 發表

thank you!岩岩我同呀爸講佢唔聽我講野,
我呀爸竟然覺得我有d計較囉!

唉!岩岩工人話頭痛,唔可以幫我呀媽按摩!
之後佢就自己坐左係到,我就同佢講啦!"雖然呀爸係僱主!但你所有野都係我負責!係我教你!我請你 ...

私人傳訊

CupTheCake

複式洋房

積分: 251

29^#

發表於 09-9-8 09:51 |只看該作者

不如乾脆比個訊息佢，雖然你爸爸係顧主同出糧比佢既人，但個工人係請你比你用，所以個話事權在你手。如果佢唔配合你，留佢响度都無意思。叫佢諗清楚。

照媽媽咪仲花心思同你玩心理戰，工人姐姐真係咪傻啦。

私人傳訊

qqqqqq