吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我忍夠啦!

夫婦情感今日: 1|主題: 42761

收藏本版

發帖

返回列表

跳至頁

查看: 5252 | 回覆: 36

我忍夠啦! [複製鏈接]

huihoho

民房

積分: 18

1^#

發表於 09-9-10 18:04 |只看該作者 |正序瀏覽 |打印

我同我老公一齊10幾年啦,個b就嚟2歲,
但我越嚟越頂唔順我老公,
未生阿b之前都ok,
除咗試過每朝成日車佢女同事,
同成日sent sms比第二個女同事傾偈(兩個唔係同一人, 比我知道後, 佢話同佢哋無嘢),
之後乖咗一輪, 阿b未出世前我覺得我自己好幸福,老公對我好體貼, 又有一份好高人工嘅工,
但阿b出世後. 佢話為咗阿b將來,
所以辭咗份工話要創業, 我當然唔贊成,
阿b咁細, 佢話就係你d人船頭驚鬼,
船尾驚"擦", 成世無發達, 之後買咗層樓去開鋪,
間鋪開咗幾個月, 佢話請唔到人, 又lose,
咁就close咗間鋪, lose咗幾十萬, 但層樓唔見幾百萬, 開鋪嗰幾個月,
我每日lunch同放工都落鋪幫手, 買埋飯佢食,
之後再返屋企湊bb, 佢話我幫唔到佢手,
我唔落鋪, 佢又話無嘢食, 我落到鋪, 佢又話我無嘢做, 成日叫我早d走, 我早走, 叫我湊多d阿b,
但我一早走, 佢又話佢行唔開,
但鋪頭d單, 埋數, check價, 請人, 比人追數, 全部要我頂, 佢都唔做, 只係係鋪頭上網,
但我都有份正職㗎, 一打電話只係嘈,
話我乜都唔理, 佢係鋪頭好困身, 佢要留多d係屋企陪阿b, 佢係鋪頭乜都做唔到, 佢可以累, 我嗰d叫懶,係開鋪呢幾個月, 因為賣樓, 所以搬咗屋, 佢一路話張新床唔舒服,一路都瞓廳, 無入房瞓過,
到間鋪close嗰幾個星期, 佢成日好夜先返, 佢話同鋪頭個女仔傾鋪頭嘢,都close嗰日, 個女仔返嚟幫手, 佢之前一個星期前開始要返學, 所以無做, 我嗰日病得好辛苦,想返屋企瞓兩個鐘先落鋪頭拾嘢, 佢話約咗個女仔同佢睇電腦, 叫我係鋪頭休息下算, 過兩日, 佢話個女仔病, 要攞藥比個女仔,佢一日不停打電話問我d葯係邊, 話搵唔到,
叫我快d返屋企搵比佢, 搵完比佢, 佢即刻車比個女仔, 之後過多兩日, 我放工時,又話要唔該d女仔幫佢搬嘢, 又話請人食飯,我話我仲未病好, 佢話佢己經約咗人,我話等埋阿b食埋飯先,佢話咪好夜,我話阿b唔食完飯, 出到去佢會唔食,
佢先至等埋阿b食完飯先算,再過兩日, 佢又話幫個女仔訂咗部電腦,又話個女仔唔識裝, 話裝埋先比返佢,佢同個女仔由開鋪開始都有sms來往,
佢話係講鋪頭嘢, 提佢訂嘢咁,佢又成日係我面前不停讚個女仔,話佢好乖好幫得手, 又話當佢係妹,
所以阿妹阿妹咁叫佢, 有一次飲茶,仲話我叫你做妹, 你仲唔倒杯茶比阿哥,但時不時收鋪都攞車車個女仔返屋企,個女仔返學時間表佢都知,仲有佢對阿b成日不聞不問, 但成日口口聲聲話自己好鍚阿b,我只係叫佢填阿b d申請表, 填咗成個月都未填, 打電話比我, 我返緊工㗎, 佢一時話我細聲,
一時又話我hold佢線, 又成日講講吓就cut我線,
我話佢語氣同面口差,佢十世唔認,
我叫佢搵嘢做, 佢話佢做網上買嘢,
可以唔洗用咁多錢, 但係我哋d錢,
唔係得返好多, 佢話我唔識計數,
大不了咪賣埋架車, 我叫佢搵工,
佢話無人請, 到我話做嘢唔開心.
想返屋企湊阿b, 佢反問我搵咗工未,
搵咗工先好辭職, 但我份人工都唔夠交半個月租,
我己經好辛苦啦, 我好想離婚,
我宜家只係為咗阿b有個完整家庭, 同阿b好鍚佢,
先忍佢,我試過做做下嘢, 行行下街, 沖沖下涼,
一諗起阿b,同自已d眼淚不停咁流,
一同佢嘈, 就得佢講, 無你講, 同可以同你嘈足幾個鐘, 不斷話自己無錯, 成日話人屈佢,唔比你講嘢,成個屋企d家頭細務, 全部都係等我放工做,
成十一, 二點瞓, 佢仲話我唔做嘢, 咁早瞓,
到有時埋鋪頭d數, 成三, 四點瞓,
佢又話我有覺唔瞓,佢宜家無嘢做, 係屋企只會係書房, 仲要關門話阿仔攪佢,咁佢close間鋪, 返嚟做乜, 佢開鋪嗰時, 我係辛苦d, 但起碼我唔洗成日見到佢,我宜家见到佢個樣同聽到佢把聲都唔想, 我只係不停扮嘢, 答佢兩句就算,
我只係想同阿b一齊, 同就算你當人妹,
都over哂, 我病到宜家, 佢仲話我病咁耐,
好煩, 阿b發燒, 又唔理, 正一唔係人,
我知我好長氣, 但我忍咗真係好耐,
佢仲越嚟越過份, 你係我你會點呀?

0 0 0

私人傳訊

Princessleung

別墅

積分: 803

37^#

發表於 09-9-16 18:44 |只看該作者

原帖由 huihoho 於 09-9-16 18:24 發表
我就嚟生日, 我好想快d可以settle件事,
我應唔應該等生日時再同佢傾多一次佢同個女仔嘅事, 話哂生日, 佢會好聲氣d掛!

佢除左同個女仔講電話之外, 還有其他地方可疑嗎

私人傳訊

huihoho

民房

積分: 18

36^#

發表於 09-9-16 18:24 |只看該作者

我就嚟生日, 我好想快d可以settle件事,
我應唔應該等生日時再同佢傾多一次佢同個女仔嘅事, 話哂生日, 佢會好聲氣d掛!

私人傳訊

kalincliff

複式洋房

積分: 236

35^#

發表於 09-9-16 16:17 |只看該作者

唉.....樓主,唔係想抹黑你老公,好多人都係哥哥妹妹下,變左拍拖...
我bf個ex都係咁,死都話同佢個男上司冇野,係阿哥,之後我bf頂唔順離開,佢咪又同佢阿哥一齊左囉......
自己骨肉,自己老婆唔緊,去緊一個街外人?
有時佢都未必知自己同個女仔已經超越左朋友既關係.....
你應該要話俾佢聽你個底線係咩!唔係話佢錯,係你接受唔到!

私人傳訊

問號mama

禁止訪問

積分: 6750

34^#

發表於 09-9-16 11:04 |只看該作者

提示: 作者被禁止或刪除內容自動屏蔽

私人傳訊

問號mama

禁止訪問

積分: 6750

33^#

發表於 09-9-16 11:03 |只看該作者

提示: 作者被禁止或刪除內容自動屏蔽

私人傳訊

問號mama

禁止訪問

積分: 6750

32^#

發表於 09-9-16 11:03 |只看該作者

提示: 作者被禁止或刪除內容自動屏蔽

私人傳訊

huihoho

民房

積分: 18

31^#

發表於 09-9-16 10:18 |只看該作者

我同佢講過我嘅感受, 佢都係話當呢個女仔係妹, 仲話希望我都當佢係妹一樣咁鍚佢, 佢話呢個女仔係一個好女仔, 先至對佢咁好, 但佢又唔諗下人哋會點諗, 仲叫我唔好咁小氣, 我都唔知點同佢講落去, 離婚嘅事, 我同我屋企傾過, 佢哋個個都反對, 話阿b太細, 係單親家庭長大唔好, 叫我當我老公死算數, 又叫我等阿b大d先算, 好煩呀!

私人傳訊

Nancy20090615

瑪瑙宮

積分: 137099

30^#

發表於 09-9-15 20:49 |只看該作者

成日o係您面前提呢個人已經唔啱. 忠誠守一段婚盟唔容易, 如果佢唔係呢種人, 您諗定後路好羅.

原帖由 huihoho 於 09-9-14 10:21 發表
星期六佢上咗個女仔屋企整電腦,
我問佢個女仔屋企有無其他人,
佢話無, 整電腦之麻, 好似無事咁,
之後我同佢去咗mk買嘢, 佢話想飲珍珠奶茶,
佢不斷話阿x(即個女仔)話邊間好飲,
一陣又話阿x話下次會買比佢飲,
成 ...

私人傳訊

jl1113

大宅

積分: 1172

畀面勳章

29^#

發表於 09-9-15 02:56 |只看該作者

原帖由 huihoho 於 09-9-14 11:46 發表
jl1113 十幾個SMS係幾年前佢同另一個女仔嘅事, 唔係今個女仔, 今次個女仔係我聽到佢有SMS收, 我問邊個SENT比佢, 佢先話係鋪頭個女仔SENT比佢, 問SENT D乜,. 佢話無乜特別, 我唔問佢, 佢一定唔會講比我聽, 同最近我發 ...

千祈唔好打俾個女仔話佢呀!雞仔唔管,管麻鷹!!!如果佢哋真係有路,個女仔加鹽加醋學是非俾你老公聽咪仲衰!!

如果你仲愛佢,咁大家開心見成講,睇吓佢想唔想维糸呢個家...
如果你唔留戀,咁睇吓你有冇能力養亞B,cuz being a single mother is a super tough job!

私人傳訊

anson2007

伯爵府

積分: 17870

28^#

發表於 09-9-14 22:35 |只看該作者

樓主由你第一个pose開始,我就各得
你c6同個女仔"一定"係有路,
如果無野會一日到黑係間房
度做野(做咩嘢你都吾知)
,又吾返房訓,十問九吾知,
對尼个女仔重好過老婆同仔,
点講都吾通,同有sms都吾比你知同睇,
如果光明正天會怕比你睇咩.
我係你就計劃下之后同仔仔條路点行就真.

私人傳訊

celinapang

大宅

積分: 1766

27^#

發表於 09-9-14 18:58 |只看該作者

樓主你寫甘多野, 我林你都係想我地支持你叫你離開你HUSBAND., 其實殘忍D講我覺得佢
對你無物感覺, 如果唔係佢唔會成日借D意唔想同你瞓 / 又唔同講野甘...... 唉..... 算啦....

私人傳訊

huihoho

民房

積分: 18

26^#

發表於 09-9-14 11:46 |只看該作者

jl1113 十幾個SMS係幾年前佢同另一個女仔嘅事, 唔係今個女仔, 今次個女仔係我聽到佢有SMS收, 我問邊個SENT比佢, 佢先話係鋪頭個女仔SENT比佢, 問SENT D乜,. 佢話無乜特別, 我唔問佢, 佢一定唔會講比我聽, 同最近我發現佢個電話加咗KEY LOCK, 要入CODE先入到, 之前都無, 每次我發現佢同其他女仔D嘢, 佢一定話我疑心重, 但佢D舉動成日都好可疑, 就因為我唔想怪錯佢, 所以我先問大家覺得係我怪錯佢, 定係我真係疑心重?
如果你係我, 係會點做? 唔通要我打比個女仔, 叫個女仔唔好理我老公咩?

私人傳訊

jl1113

大宅

積分: 1172

畀面勳章

25^#

發表於 09-9-14 11:05 |只看該作者

樓主,老實講,由你pose第一篇,個人覺得有囉...到你最新嘅pose....講真,一日十幾個sms,三更半夜,攞住電話旁身,瞓廳,唔理你同個仔病都去揾個女仔"傾鋪頭嘢,個女仔病就吹爆你去揾藥,跟住立即飛車揾佢.....種種種種....你、話呢?其實你都心裏有數,只係你想唔想接受/面對呢個咁殘酷嘅事實....
你不如諗吓下一步你想点做啦...

[ 本帖最後由 jl1113 於 09-9-14 11:12 編輯 ]

私人傳訊

huihoho

民房

積分: 18

24^#

發表於 09-9-14 10:21 |只看該作者

星期六佢上咗個女仔屋企整電腦,
我問佢個女仔屋企有無其他人,
佢話無, 整電腦之麻, 好似無事咁,
之後我同佢去咗mk買嘢, 佢話想飲珍珠奶茶,
佢不斷話阿x(即個女仔)話邊間好飲,
一陣又話阿x話下次會買比佢飲,
成日不停提阿x, 好似我同佢講開間鋪,
佢都會話好彩有x, 如果唔係會仲早close,
一到夜晚佢就話聽歌(佢部係iphone),
塞住隻耳, 但係阿仔係房嘈一嘈,
佢响廳瞓如果係聽緊音樂跟本無可能聽到,
我懷疑佢跟本就係驚個女仔打嚟或sent sms比佢, 佢會比我知, 如果塞住隻耳, 佢可以用免是傾或聽到有電話, 我叫佢入房瞓, 佢話义電, 可以唔洗聽歌瞓, 佢不斷同我講話當佢妹,好鍚佢, 但我覺得太過份, 攪到我呢幾晚都只係喊, 瞓唔到, 上次(幾年前)佢同d女仔半夜三更sent sms比我發現到, 我同佢嘈, 佢話點解男女唔可以做普通朋友, 一定要話佢有嘢, 佢又話唔好成日覺得佢咁靚仔, 人哋對佢有意思, 我話正常會唔會一日10幾個sms,
到凌晨5點都有, 個女仔係佢同事, 有乜事係公司傾都得啦, 佢話個女仔報料比佢, 所以先sent sms比佢, 嘈完之後, 佢話會叫個女仔唔好再sent sms比佢, 之後乖咗一排, 宜家又嚟過, 好似之前咁, 去厠所都攞住個電話,
我可能會主觀d, 你哋睇完我打咁多嘢, 你哋覺得我老公同個女仔有無嘢呀!

私人傳訊

Nancy20090615

瑪瑙宮

積分: 137099

23^#

發表於 09-9-13 19:44 |只看該作者

唔通咁樣重叫忍唔够, 要再忍幾多/幾耐? 重要擺明同其他女人依泣. 您已變成佢可有可無的附屬品. 佢心裏面已經無左您. 有 d 情義都唔會咁講野. 會唔會唔一齊更好呢?

私人傳訊

yoyo8066

別墅

積分: 863

22^#

發表於 09-9-13 15:52 |只看該作者

其實你唔覺得有老公仲慘過冇咩?徐左個B之外仲有冇值得你留低呢.我會帶埋bb回娘家,(但行呢步唔係個個肯)

私人傳訊

wan2412

別墅

積分: 874

21^#

發表於 09-9-13 15:46 |只看該作者

回覆 1# KoyeBaby 的文章

樓主,嘅然妳係屋企咁唔開心,其實妳可以帶bb返外家住吓,等大家冷靜吓,比妳自己或者妳c6一個空間諗吓野,有時人係唔會珍惜現有嘅野,當冇咗時先會珍惜。
如果佢唔珍惜妳同bb,点解妳仲要忍,對bb同妳都唔好,而且妳媽媽同屋企人咁幫手,係咪??

私人傳訊

KoyeBaby

子爵府

積分: 12890

醒目開學勳章畀面勳章

20^#

發表於 09-9-13 02:32 |只看該作者

樓主,呢d生活簡直係精神虐待,我睇到都戥你辛苦!其實你對佢嘅感情仲有幾多只有你自己最清楚,如果你仲愛呢個男人,你自問可以繼續忍佢,甚至忍一世都願嘅話,你可以選擇堅持!但係你話只係為個仔嘅話,我覺得你無必要繼續忍受囉~

一個男人日日夜夜匿喺房閉關,對個老婆同個仔不聞不問,你覺得呢個男人喺呢個家真係重要咩?對住外人就笑騎騎,對住你就黑口黑面大吵大鬧,你認為你個仔再大d,見到佢咁對你會點諗?絕對唔會覺得個家溫暖囉!一係就會驚咗爸爸,一係就有樣學樣好似你老公咁對你(唔係嚇你,我真係見過)!你都唔希望有呢d事發生架?加上佢一d都唔尊重你屋企人,嗰個係佢外母,話鬧就鬧架咩?你媽媽仲要咁辛苦湊個孫,我覺得佢先係最無辜嗰個!

樓主,好希望你可以靜靜地諗下,你個老公依家仲有咩優點係值得你繼續同佢一齊,唔好話因為佢係bb嘅爸爸!真係諗下,佢做過d咩令你覺得自己同個仔可以喺佢身上搵到幸福嘅?