吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 滿月

婆媳關係今日: 0|主題: 27770

收藏本版

發帖

返回列表

跳至頁

查看: 5357 | 回覆: 27

滿月 [複製鏈接]

nahcTAP

複式洋房

積分: 148

1^#

發表於 09-9-17 15:04 |只看該作者 |正序瀏覽 |打印

有好一陣子無留言，成日叫自己保持心情開朗，唔好在意6299既行為說話，但係始終都俾佢地激到生蝦咁跳……

62唔只一次問老公同我會唔會擺滿月，因H1N1當道，我同老公都唔贊成BB去人多既地方，所以唔打算擺滿月。62既反應黑人憎到不得了……

62:
下? 唔擺滿月咁我點同人交代呀?
老公:
咪同d親友講H1N1 law, 唔通俾bb冒險咩?
62:
人地個d咪又係咁……(62早兩個星期飲完佢個friend個孫既滿月)
62:
係咪錢既原因呀? 咪我俾law?
老公:
唔關錢事，bb得一個月大，針又未打，出入人多既地方好危險架!
62:
人地個d咪又係咁……咁人地(指親戚)黎探完bb咁點呀?
老公:
咩野點呀?
62:
唔駛同人食餐飯呀?都要同d親戚食餐飯架!
老公:
(我同老公都好多親戚)兩邊加埋成6、7圍，同擺酒有mud分別呀?
62:
我唔理你地啦，我點都會同佢地食餐飯，咁你地到唔到吖?
老公:
唔到!
62:
咁食飯有mud意思je……

人地個bb係點，我唔理。唔通人地嗰個好彩無事，就要我個bb去冒險? 62淨係顧自己面子。
跟住佢又話12朝d人(指親戚)都會黎睇bb，咁老公話咪叫佢地早幾日約定我地law。點知62話「d人會自己計日子上黎」喎。我忍唔住出聲:「下?咁上人屋企都要事先講聲掛?」(因為6299唔會事先通傳，以前有鎖匙，自出自入tim)。
我明白62第一次抱孫係好開心，但係最討厭既係由頭到尾佢只係顧住12朝呀、滿月呀、派薑醋呀……從來無諗過坐月係俾個大肚婆休息架!

0 0 0

私人傳訊

牛精仔

琥珀宮

積分: 157928

玩具勳章好媽媽勳章醒目開學勳章畀面勳章叻叻勳章 2011精緻種植勳章環保接龍勳章 BK猜猜猜慶中秋 BK Milk勳章

28^#

發表於 09-9-23 21:57 |只看該作者

原帖由 nahcTAP 於 09-9-21 11:51 發表
多謝大家既意見同分享，我知我絕對唔係孤軍作戰!
老公都唔贊成擺滿月，因為我帶左老公去上一d湊bb既預備班，嗰度既姑娘講解bb打針既時候都話「你地諗下bb頭半年打左幾多支針啦，值唔值得博吖!」，老公即刻覺得好有道理。 ...

不過我亦識人, 個b早產, 一出世又要照燈, 都堅持要滿月當日擺10幾圍, 呢d父母為自己要威, 根本冇諗過個bb。

私人傳訊

fairyfloss

男爵府

積分: 9660

27^#

發表於 09-9-21 13:35 |只看該作者

回覆 22# 乖b媽的文章

我最最憎就係係C6常講既"阿媽開心未得囉""我唔咁做阿媽會唔開心"
我諗有一日,我99話見到我食C開心,我C6即刻餵我食.
其實,我都唔會故意同99作對,但佢好自私,有時只係為自己開心,或為討好62,就要糟質我同BB,我C6又唔幫我同BB,我就好傷心,覺得好唔值.

私人傳訊

nahcTAP

複式洋房

積分: 148

26^#

發表於 09-9-21 11:52 |只看該作者

原帖由 乖b媽 於 09-9-20 12:17 發表
我死99咪又係咁,之前已經講左我地唔擺滿月酒,後來bb出世,佢又話要擺,擺酒都唔係為左d親戚,係為佢d唔化既朋友,佢話喎,d朋友成日問佢幾時擺滿月記住請埋佢喎,死99話d人問到唔好意思唔擺,你都死既,你咪話我地唔打算擺囉 ...

同我6299一模一樣，一味話唔知點同人交代!

私人傳訊

nahcTAP

複式洋房

積分: 148

25^#

發表於 09-9-21 11:51 |只看該作者

多謝大家既意見同分享，我知我絕對唔係孤軍作戰!
老公都唔贊成擺滿月，因為我帶左老公去上一d湊bb既預備班，嗰度既姑娘講解bb打針既時候都話「你地諗下bb頭半年打左幾多支針啦，值唔值得博吖!」，老公即刻覺得好有道理。

私人傳訊

咖央

珍珠宮

積分: 41839

24^#

發表於 09-9-21 08:14 |只看該作者

滿月真係唔擺好喎擺.
個個都要抱bb.

私人傳訊

msbear

男爵府

積分: 5481

23^#

發表於 09-9-20 23:29 |只看該作者

我之前都面對過同樣既問題, 不過就係我阿媽要求, BB未出之前已經同阿媽提過唔打算擺滿月酒, 果時就比阿媽話大吉利是, 咩唔擺滿月, 跟住就話到時先講, 到在阿B出世之後, 我同老公都決定唔比人上黎, 12朝都唔比人上黎, 當然同阿媽講係兒科醫生吩咐既, 因為LEE排D菌好勁, 盡量少接觸其他人, 阿媽聽到就梗係仲問, "物你醫生唔知有12朝架咩?", 我答佢就係醫生知有O甘既事, 所以先叫我地o甘做!! 仲要加多句, 你都唔想阿b有事架!!! 講到o甘阿媽都無我付!!
至於滿月酒既問題, 我地都有為老人家去諗, 因為都係佢第一個孫, 所以我地都拖到擺百日宴, 不過最重要既條件係搵一間衛生好d既酒樓, 我地都search左幾間先決定到, 再加上講明果晚阿b唔可以比人抱, 因為驚d人唔知去完邊先去酒樓...好彩最終順利過渡, 期實果時12朝唔比人上黎, 阿媽都有黑面, 最終d親戚去左佢屋企食薑, 阿媽都話"人地無b睇", 我叫佢用相機影定阿b既相比人睇law!
以上就係我既經驗, 最好就係保障阿b既健康之餘, 又可以平衡下老人家想帶阿b出黎見人既心情況

私人傳訊

乖b媽

複式洋房

積分: 178

22^#

發表於 09-9-20 12:17 |只看該作者

我死99咪又係咁,之前已經講左我地唔擺滿月酒,後來bb出世,佢又話要擺,擺酒都唔係為左d親戚,係為佢d唔化既朋友,佢話喎,d朋友成日問佢幾時擺滿月記住請埋佢喎,死99話d人問到唔好意思唔擺,你都死既,你咪話我地唔打算擺囉,關佢地咩x事呀,咁係唔係第時d人問起你幾時死,記住通知佢地,咁你又話唔好意思唔死勒喎,c6又衰既,佢又聽死99講,仲有擺酒梗係我地決定邊日架啦,死99話佢果邊(死99既妹)果日唔得閒黎唔到,死99就要我地改第二日就佢地,痴X線,男家果便D親戚喺外國返唔切黎要遲一個禮拜,咁又見佢話就佢地,X街,結果擺左三圍,兩圍係死99D人,一圍係我屋企加C6屋企,C6話佢阿媽開心咪得囉,無所謂啦,你都痴線,佢開心啦得,你有無理過我開唔開心呀?男家D親戚就求其喺酒樓仔食飯就算,死99話喎,男家D人唔識食野,唔駛俾好野佢食架勒,我心諗,你D咩人咁巴閉呀!咪又係成日去埋晒D CHEAP茶樓飲茶,成日上大陸買A貨,,超XX!

私人傳訊

牛精仔

琥珀宮

積分: 157928

玩具勳章好媽媽勳章醒目開學勳章畀面勳章叻叻勳章 2011精緻種植勳章環保接龍勳章 BK猜猜猜慶中秋 BK Milk勳章

21^#

發表於 09-9-20 00:08 |只看該作者

原帖由 nahcTAP 於 09-9-17 15:04 發表
有好一陣子無留言，成日叫自己保持心情開朗，唔好在意6299既行為說話，但係始終都俾佢地激到生蝦咁跳……

62唔只一次問老公同我會唔會擺滿月，因H1N1當道，我同老公都唔贊成BB去人多既地方，所以唔打算擺滿月。62既反應黑人憎 ...

bb係自己的, 做父母有權唔比bb冒險, 初生bb根本不宜去人多嘈雜地方, 我當初都冇同bb擺滿月, 只在bb一歲時攪個大小小party。

仲有, 我真係覺得d人好唔識做, 生完攰到死, 夜晚又要湊bb, 好心d人唔好咁早上人屋企啦:;pppp:

私人傳訊

BOS

大宅

積分: 1957

20^#

發表於 09-9-19 22:42 |只看該作者

我都覺得唔好去,我自己親身經歷
我個仔又係兩三個月大就成日出街,個時未有H1N1,我都係帶佢去下公園咁,到個仔5個月大,起屋企個日,個仔食飽飽之後我唸住同佢沖涼,點知個仔反白眼成個樣黑晒冇血色,好彩我學過急救,個仔先冇事,之後燒左5日先出疹,醫生話BB唔飲母乳好容易病,唔應該多起人流多地方,我自己試過咁痛苦經歷我先學會唔好人講就要去做,決定係自己,何況你老公都支持你,大吉利事先後悔太遲,如果我唔識急救我冇左我的寶貝,唔通我怪我阿媽?佢要我多啲去公園多啲新鮮空氣,都係想個孫好,點唸到我個仔容易感染,所以我覺得要BB第一唸先,要食飯唔通要呢個月先食到咩,BB健健康康大把機會啦!

私人傳訊

ggmui

複式洋房

積分: 343

19^#

發表於 09-9-19 10:24 |只看該作者

我只係想講H1N1同一般感冒菌嘅傳染性係一樣，剛剛出世嘅BB係會有抗體，一般出世到9個月身體都會較強壯，應該無咁易病嘅 (係我個仔嘅兒科醫生講，係有科學根據㗎，嗰啲抗體就係係媽媽'tall'咗9個月得嚟㗎!)，當然亦有例外，因為凡事無一定丫ma! 如果真係太嚴重嘅，學校都停課啦，係咪? 我個仔都讀小一，學校話現在需要停課嘅小學，50個當中通常都係1-2個係H1N1，其他都係一般感冒，但係衛生署都會見意學校停課㗎!

我叫樓主退一步去睇睇62嘅想法，係唔想一家人相處有太多不滿，放開啲去睇會開心啲!現在已經覺得煩，BB第時大啲你仲煩丫，又煩佢食唔食奶，同老人家啲教法唔同，你又要解釋佢哋知現在教法同以前教法唔同，跟住㨂學校又意見多多，你咪仲死! 無謂為咗E啲事就唔開心啦。

私人傳訊

wingci

伯爵府

積分: 15150

畀面勳章環保接龍勳章

18^#

發表於 09-9-18 15:27 |只看該作者

原帖由 ggmui 於 09-9-18 12:21 發表
樓主，平時你同男家嘅關係OK嗎? 如果唔OK就佢哋做乜你都覺得唔好㗎啦!

我BB出世，我就攞咗雙滿月，都有6圍! 老人家有孫出世咁就梗係想高興吓，想威吓㗎啦，如果阿Q啲諗，咪當佢鍚你個BB囉!

至於H1N1，我就真係覺得唔係咁大問題，初 ...

E家既H1N1對於大人黎講係,唔係咁大問題,但你有冇諗過

一個剛滿月既BB,感染到其中一種感冒菌都可以好大獲,要

入醫院GA,何況呢隻菌傳染性咁高,周圍好易有人有!?我個

仔2歲既時候入醫院住過幾日,果幾日裡面我見到一個初生

BB,個BB係因為比人傳染左D感冒菌,搞到要插晒喉好慘

GA,人地搞無中係人地好彩,但如果BB比人唔小心感染左
可以怨邊個

執子之手,與子偕老~

私人傳訊

nahcTAP

複式洋房

積分: 148

17^#

發表於 09-9-18 14:42 |只看該作者

原帖由 ggmui 於 09-9-18 12:21 發表
樓主，平時你同男家嘅關係OK嗎? 如果唔OK就佢哋做乜你都覺得唔好㗎啦!

我BB出世，我就攞咗雙滿月，都有6圍! 老人家有孫出世咁就梗係想高興吓，想威吓㗎啦，如果阿Q啲諗，咪當佢鍚你個BB囉!

至於H1N1，我就真係覺得唔係咁大問題，初 ...

我都明白呢個係6299第一個孫，佢地想威下都無可口非，只係諗起62d語氣......同佢講我地唔擺既原因，佢梗係話人地都係咁......又話要同人交代......佢根本唔係真係錫bb...佢亦無考慮過大肚婆要休息...
佢地只係想住人有我有。
我結婚已經攪得好大，連6299d小學同學都請埋(我嗰d都唔夠位請)，99仲話最衰唔夠位，佢本來有幾個幼稚園同學要黎......我唔敢想像真係擺滿月會點......

[ 本帖最後由 nahcTAP 於 09-9-18 14:46 編輯 ]

私人傳訊

firemama

民房

積分: 45

16^#

發表於 09-9-18 12:50 |只看該作者

呢招係得架,我都用過.預先通知自己屋企人,攪到全屋都係人.唔使硬生生對住6299廢up....

原帖由 CBabeY 於 09-9-17 19:33 發表
好彩你老公企響你o個邊啫!

如果知道你62邊日帶d親戚黎, 可以叫你屋企人撐下場, 坐到你屋企無位俾佢o個邊d親戚坐, 薑醋又準備唔切, 等佢地覺得無癮, 得唔得呢??鬼叫佢唔事先通知呀??最討厭d自以為是o既人, 再唔係返 ...

私人傳訊

irenelwl

男爵府

積分: 8731

15^#

發表於 09-9-18 12:34 |只看該作者

同意, 其實老人家都係想開心下, 如果怕咪同BB見一見D親友便回家先LAW。

原帖由 ggmui 於 09-9-18 12:21 發表
樓主，平時你同男家嘅關係OK嗎? 如果唔OK就佢哋做乜你都覺得唔好㗎啦!

我BB出世，我就攞咗雙滿月，都有6圍! 老人家有孫出世咁就梗係想高興吓，想威吓㗎啦，如果阿Q啲諗，咪當佢鍚你個BB囉!

至於H1N1，我就真係覺得唔係咁大問題，初 ...

私人傳訊

ggmui

複式洋房

積分: 343

14^#

發表於 09-9-18 12:21 |只看該作者

樓主，平時你同男家嘅關係OK嗎? 如果唔OK就佢哋做乜你都覺得唔好㗎啦!

我BB出世，我就攞咗雙滿月，都有6圍! 老人家有孫出世咁就梗係想高興吓，想威吓㗎啦，如果阿Q啲諗，咪當佢鍚你個BB囉!

至於H1N1，我就真係覺得唔係咁大問題，初初唔識就覺得好大件事，其實同一般感冒無太大分別，如果好嚴重先要入院啫，一般病人都係留係屋企啫，我朋友都有H1N1，但係2日之後都無燒，4日後就返得工啦。H1N1唔係沙士丫!

當然你驚都有你嘅道理嘅! 凡事有商有量，就會少啲唔開㗎啦!