吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 好唔開心，比d意見

婆媳關係今日: 2|主題: 27765

收藏本版

發帖

返回列表

跳至頁

查看: 2844 | 回覆: 15

好唔開心，比d意見 [複製鏈接]

jj032008

大宅

積分: 2350

1^#

發表於 09-10-12 13:17 |只看該作者 |正序瀏覽 |打印

我地兩公婆都要返工，平日bb係奶奶湊，奶奶算做對我同囡囡都好好，但係佢好多野我都不太認同，e.g.佢好鐘意認叻，又樣樣都要話晒事。

星期四晚開始，囡囡發高燒，因為照顧佢幾晚都冇乜點訓過，奶奶仲係咁話我地成日帶佢去街，攪到佢病，又話我屋企唔乾淨，聽到我好炆，又唔可以向奶奶發脾氣，同老公講，佢又話奶奶唔係咁諗，又話我唔信佢。

星期五放工見到囡囡塊面比蚊咬左兩粒(返工前帶佢去奶奶屋企時未有)。

尋日放假同囡囡去覆診，一早去左奶奶屋企，奶奶又係咁話我屋企唔乾淨，攪到囡囡塊面咬左兩粒咁大粒，已經好炆，返到屋企一坐上床，老公又係度ee哦哦，話我出完街唔乾淨，我就黑面對佢，之後佢冇啋過我，到宜家都仲嬲緊我。

我知咁對老公係我唔啱，我將對奶奶既不滿發左係佢身上，但係我真係好辛苦，囡囡病左大家都唔想，點解次次都推晒落我身上，我帶囡囡出街，佢自己都有帶，點解佢自己帶就好乾淨，我帶就一定唔乾淨，自問我屋企一定乾淨過佢屋企。

我唔係想佢話奶奶，但係點解次次我同佢講就係我有問題，我只係想佢知道我唔開心，佢反而就話埋我一份。

係咪真係我唔啱?奶奶既不是係咪根本唔應該提?係咪我eq低?老公唔采我，我應該氹番佢?

0 0 0

私人傳訊

annieeinna

大宅

積分: 2312

16^#

發表於 09-10-17 11:21 |只看該作者

BB仔唔食得蜜糖架，個腦坐住左咩！

私人傳訊

carmanto

民房

積分: 6

15^#

發表於 09-10-17 00:32 |只看該作者

我個囡出世兩個幾月,99就偷偷比高麗參水佢飲,我一早已經話唔可以,点知我返工佢就比佢飲,我返到屋企見到奶樽d水有色,就問帮我湊的人咩嚟佢都唔敢講話99比,後來我好惡咁問佢先話係99比叫佢唔好講,我都忍唔住話99,已經同你講左唔可以,你仲比佢飲,醫生係我出院時都同我地講bb唔可以飲!99仲閙我,話佢三個仔都係咁飲啦!又唔見有事,醫生話セ你就話啱,真係比佢激死,我話你病都係睇醫生啦!我話個囡係我既,我話唔得就唔得,要比就比你自己d仔飲,跟住99就發脾氣入房,好彩我個囡冇事咋!因為真係有bb飲咗死咗!

私人傳訊

pomanlife

彩鑽殿

積分: 601561

2025中秋節勳章父親節2025勳章母親節2025勳章 2025勳章蛇年勳章 2024年龍年勳章虎到金來勳章牛年勳章 2018復活節勳章 2018母親節勳章 2018父親節勳章畀面勳章叻叻勳章有「營」勳章好媽媽勳章環保接龍勳章大廚勳章親子達人勳章 wyeth冷知識勳章遊學勳章 BK猜猜猜慶中秋冬日勳章春季勳章炎夏勳章秋日勳章 BK Milk勳章 hashtag旅遊勳章 hashtag影視迷勳章育兒性格勳章認識瑞士牛牛第一回認識瑞士牛牛第二回認識瑞士牛牛第三回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章 HiPP勳章(1)

14^#

發表於 09-10-16 12:19 |只看該作者

原帖由 小蘅媽媽 於 09-10-15 22:27 發表
BB飲蜜糖水？佢有冇常識架，果D唔係叫調理腸胃，係搞到個B腸胃炎，分分鐘連條命仔都冇埋呀。mouth:mouth:" />mouth:" />

唉~~~~~~~

我99同埋大陸嫂, 係"好有常識"架!!!

嗰件大陸嫂, 仲同99講, 我地讀咁多書, 都唔知讀乜, 咁既野都唔識, 醫生話乜就乜

自己唔識用腦, 湊個b都唔識

[ 本帖最後由 pomanlife 於 09-10-16 12:20 編輯 ]

私人傳訊

onon1022

子爵府

積分: 12589

好媽媽勳章

13^#

發表於 09-10-15 23:56 |只看該作者

其實好多男人唔鍾意自己老婆講自己既阿媽不是...好多夫妻為左奶奶既問題攪到唔開心...你老公覺得佢阿媽已經幫手湊bb...而且佢覺得佢阿媽有經驗...所以唔會有問題...而且佢覺得返工已經好辛苦...但係放工返黎你就同佢講佢阿媽呢樣個樣...當然覺得煩唔想聽...就算佢認同你既想法...佢都會幫佢阿媽講說話...或者你試下同你老公傾下...講出你既感受...而唔係講你奶奶呢樣唔o岩...個樣唔o岩...

[url=http://lilypie.com][img]

私人傳訊

小蘅媽媽

伯爵府

積分: 18265

好媽媽勳章

12^#

發表於 09-10-15 22:27 |只看該作者

BB飲蜜糖水？佢有冇常識架，果D唔係叫調理腸胃，係搞到個B腸胃炎，分分鐘連條命仔都冇埋呀。

mouth:

There's some good in this world, Mr Frodo. And it's worth fighting for.

私人傳訊

pomanlife

彩鑽殿

積分: 601561

11^#

發表於 09-10-15 12:57 |只看該作者

你99咁同你講, 佢真係關心個孫既, 但係又唔識表達.

我嗰時咪仲慘, 大陸嫂係度挑撥離間, 同99講, 我唔識湊b, 用咩凍滾水抺肚臍, 應該用85%火酒, 聽落都笑死人啦, 85%火酒係工業用既.

仲係99度踩我, 話我傻, 呢d野都唔識, 都唔知兩條友讀左多讀書做既.

我地唔出聲串返佢, 佢就當我地好蝦.

同99講, 著夾依唔好, 屈住對腳, 要著開浪褲, 用紙尿片又唔好, 要用尿布... ...

最激嗰次係同老公星球大戰

大陸嫂同99講, 我個b all便便辛苦, 谷到紅曬塊面, 佢d廣東人, 食野d薑醋咁熱氣, 要飲蜜糖水.
大陸嫂話佢兩個仔女飲左蜜糖水, 都唔知幾好, 好暢順, 好健康, bb開始飲, 一路飲會一路all, all到6個月, bb 腸胃好左, 咁自然就唔all.

大戰左呢次之後, 99同大陸嫂都唔敢再多多聲氣

私人傳訊

小蘅媽媽

伯爵府

積分: 18265

好媽媽勳章

10^#

發表於 09-10-13 22:04 |只看該作者

咁你會唔會考慮唔好繼續俾佢湊？

There's some good in this world, Mr Frodo. And it's worth fighting for.

私人傳訊

mikeivybb

別墅

積分: 823

9^#

發表於 09-10-13 14:22 |只看該作者

大多數老公當人話佢阿媽一家唔likey, 就好似佢話我地媽媽咁, 我地都會唔鐘意. 但我覺得有咩真係要坦白講, 比佢知你點諗, 不過你唔使指望佢會話佢阿媽.

兩夫妻的關係是相向的, 佢而家嬲你, 過兩日就無事, 唔係佢say sorry就係你say sorry啦.

個女係緊要, 不過你兩個的關係都好緊要, 個家庭開唔開心你兩係關鍵.

你同佢講如果你唔同奶奶講就你出聲, 一係就唔使佢湊.bb比老人家湊都唔係一家好, 幾多老人家對住bb在父母背後講父母壞話.所以為免日後多說話聽,你都係快d搵人湊啦.

私人傳訊

o狂人o

男爵府

積分: 6226

8^#

發表於 09-10-13 13:57 |只看該作者

老人家好多時都係係甘, 睇開D啦....
你諗深一層佢都係關心個孫姐, 未必係有心話你既.
可通佢話係佢搞到個孫病咩. 係咪?

私人傳訊

爽媽

大宅

積分: 2389

7^#

發表於 09-10-13 13:41 |只看該作者

我個bb e+洗兩個多月大. D99&媽咪總係覺得只有佢地洗識得湊bb, 成日指指點點. 好多時佢地唔係真的關心我驚我唔識湊. 而係佢地想show/話比人看佢叻佢豎而我就又蠢又白癡唔識得湊bb. 好彩我唔洗同佢地住&我成日請敎我個陪月点湊bb. 所以我湊bb都幾好. 就算我有湊bb嘢會識都唔會問我個99&衰媽咪. 由其我個衰媽咪. 妳問親佢嘢佢就會成機話我唔豎真係好難頂.

私人傳訊

leftleg

民房

積分: 24

6^#

發表於 09-10-12 15:11 |只看該作者

老人家係好似細路咁架喇

私人傳訊

FM94.8

禁止訪問

積分: 3310

5^#

發表於 09-10-12 14:42 |只看該作者

提示: 作者被禁止或刪除內容自動屏蔽

私人傳訊

boobecky

伯爵府

積分: 17328

畀面勳章

4^#

發表於 09-10-12 14:15 |只看該作者

可能樓主你習慣咗忍氣吞聲,唔係教你搞到家嘈屋閉
個人認為, 覺得唔對路應該要出聲, 保護自己及囡囡
你99幫你湊, 你其實預料到一定有磨擦架啦
佢講, 啱聽咪聽,唔啱聽/唔對路咪由得佢發up 瘋, 唔駛下下上心, 但要記住有防線, 你係bb的mami, 有d野係要你話事,呢個權唔好落咗係人地到
加油