吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 呢八婆奸商，我真係睇唔過眼！！

自由講場今日: 701|主題: 1359596

收藏本版

發帖

返回列表

跳至頁

查看: 12818 | 回覆: 64

呢八婆奸商，我真係睇唔過眼！！ [複製鏈接]

12 3 4

肥姨姨

複式洋房

積分: 303

1^#

發表於 09-10-19 11:57 |只看該作者 |正序瀏覽 |打印

事原係咁
我係旺角銀城地庫返工既，大約個半月前本身做批發零售既首飾店，頂俾個大肚婆，大肚婆接手後就轉賣袋，鞋，同首飾。銀城地庫一向都好靜，所以我好好奇，大肚婆點會租呢度賣呢D野？所以，我就走去搵佢吹下水，滿足下自己好奇心
原來大肚婆同上手個女人，只係羅過四，五次手飾批發，大肚婆話有一日呢個女人，打俾佢無啦啦話好唔捨得間鋪，又話自己無時間打理，又話搵唔到人接手等等.....既籍口，起初大肚婆話考慮下，因為佢本身只係做網上生意。
但係呢個女人呢續幾日打俾佢，仲實實齒話會俾埋香港班批發客佢，佢話佢自己淨係做海外批發已經好好搵，但大肚婆佢表明自己做開零售不懂批發，但個女人話會教佢，個女人話因為唔想二年心血無晒，所以就搵個有緣人頂喎！大肚婆話起初都諗有冇咁大隻蛤，同埋佢地只係交易過幾次，點解呢個女人搵佢？呢個女人說服大肚婆三日，大肚婆卒之都落踏，仲問實個女人係咪俾埋####條LINK佢，因為呢個女人係####網上商店接OLDER，未收錢之前乜都話好好好，但係要大肚婆頂佢格仔櫃入面既精品（嘩！果D所謂精品

），最後大肚婆話用13000頂堆個女人話4000既一德路精品，5500頂一個格仔櫃7720頂支水晶燈二個爛籐架兼頂手費，交收時個女人仲扮唔記得有條匙KEEP係自己老公到，話第二日俾返大肚婆，但一直都無拎落黎，最後大肚婆又係自己用錢換閘鎖，我聽到呢到已經話大肚婆蠢，大肚婆都話自己衰戇居心急，佢話佢完全無生意經驗
我睇住佢開二個禮拜，一個客都無，梗係啦，果個場只係賣B女同動漫野，邊度有人去買手袋同鞋，但係有樣野好得意，個女人由頂完俾大肚婆之後，晚晚等大肚婆收鋪後都會走落黎，望大肚婆間鋪望好耐，望完仲同隔離賣動漫野個女仔話大肚婆，D櫃咁擺唔得（因為大肚婆移過晒D位）又話大肚婆賣D咁既野唔得，又彈人地d貨...........
我聽到都扯火，死八婆佔完人便宜仲倒人米，都頂俾人啦，仲晚晚死落黎睇，咁唔捨得咪頂啦！
跟住有幾日見大肚婆無開鋪，到見返佢時原來佢病，我同佢傾開計佢話想唔租，我話咁你好蠢，俾萬幾蚊買埋d垃圾，然後唔租，佢話無辦法個場太靜，租都搵唔到，同埋原來個女人一直都唔肯將租約轉佢名，亦無俾過任何批發客佢，只係叫佢自己d客去大肚婆間鋪睇貨，因為大肚婆d手飾係同個女人羅，我話呢個女人都幾醒，唔使自己出錢租位，用人地個位睇貨兼交收，大肚婆話個女人仲成日打俾佢，話咁樣擺位唔得又話要跟佢以前咁樣擺先得（妖，你個八婆，自己做果二年咪淨係六，日先開檔，一係就夜晚八點先開），仲成日話無賺大肚婆錢，真係人在做天在看，大肚婆話有一日有二個賣格仔櫃既sales去鋪頭，原來想搵個女人，但唔見就同大肚婆想sales個櫃，講講下原來個八婆隻格仔櫃買二手返黎，只係4400，但收大肚婆5500，用緊過d籐架用二年仲收人新買返黎個價
卒之大肚婆中秋果日同佢講唔租，點知個八婆一聽到，就痴線咁鬧大肚婆無腦，又踩大肚婆d貨cheap無人識所以無客，唔係個場問題，又話大肚婆好乞何憎，我話嘩呢個咩女人黎架，簡直潑婦，仲成日話自己係律師樓做，做打雜咋，D EQ咁低仲無修養

我咪問大肚婆賣咩袋同鞋，原來佢賣蝴蝶袋同JELLY BEANS，呢個潑婦唔識人地賣咩唔緊要，我個人覺得唔應該咁踩LAW!
跟住過幾晚我見大肚婆夜晚七點幾同個FD返黎，問佢做乜咁夜，佢話同個潑婦對數，我話你交租交去租務處咪得LAW，但大肚婆話個潑婦要求一定要交俾佢，佢話因為仲係佢名，我諗住事件告一段落，仲安慰大肚婆當買個教訓，（如果比著我，比你咁呃法，租都唔Q交（純粹個人感覺，不喜勿插），點知好戲在後頭，大肚婆話約八點，咁我咪返鋪頭先，個潑婦八點半先到，仲好似餓鬼咁一手飲品，一手魚蛋，一行到大肚婆面前就發圍
潑婦：「我覺得好煩LAW~你地好乞我憎」跟住係手袋拎出一張紙寫，我諗應該係同意書之類，大肚婆無出聲
佢友人客氣咁問潑婦：「張票台頭寫租務處有冇問題」
潑婦：扭轉面向友人，十分串爆的樣子「關你咩事，而家關你咩事呀！」潑婦視那友人如無物
大肚婆：「咁佢幫我開票俾你，梗係關事啦！」
潑婦：高八度「我話唔收票啦~」
大肚婆：「我同你講好話寫票喎！」
潑婦：「我無講過呀！」依然好無禮貌
大肚婆：「咁我而家無錢係身，對數先再約交收」
潑婦：「咁你而家即刻去噤」我心諗：（八婆唔係下化，人地個肚大過你個頭呀！仲叫人行來行去，有錢你收算偷笑啦）
潑婦繼續發言：「我特登撘的士黎架」
大肚婆：「咁我聽日入俾你，一係就再約」
潑婦：「我聽日唔得閒喎」
友人：「你入張票好快」
潑婦：「彩你都傻，無你咁得閒」但我見友人著住一身行政LOOK加公事包，我諗人地無你咁得閒下嘩！
跟住全場靜三秒
潑婦：「唉，開票啦，好煩呀你地」
友人：「咁台頭名係乜？」
潑婦依然用其差既態度：「唔使你寫台頭」
友人：「唔得喎，唔寫台頭唔開LAW」
潑婦一手搶張支票自己寫
其間大肚婆拎出二件精品，表示是爛的，要求退錢
潑婦UN UN腳話：「呢D無得退喎，告我LAW」
友人：「咁你即係呃人姐」
潑婦：「我果D靚野，頂俾你已經無賺你」
友人：「你果D全部MADE IN CHINA一德路貨，頂盡咪一千，咁叫無呃人錢，呢D野值幾錢你自己知」
潑婦頓時黑口黑面，惱修成惱
之後潑婦將同意書俾大肚婆簽，友人提大肚婆睇清楚先簽，點知潑婦即發圍
潑婦：「你放心，中文英文都好過你」（嘩！呢D正八婆，睇到我想煎佢二巴，登佢老公辛苦）
完成手續後潑婦黑面離場

直到尋日，我見到大肚婆提早七日俾返條匙個八婆（因為大肚婆之前話24號先交）
個八婆一拎起條匙，就話唔喎，你整唔見一條，你即刻去配過
大肚婆：「你俾我係呢二條無其他喎，況且你KEEP住我一條匙，我早就換鎖，尋日先換返舊果個俾你」
潑婦老公同佢老婆講：「係呀，你係無俾人」
死潑婦仲講：「我唔理啦，你玩完一輪.........（聽唔到）」
開閘後見到地下有幾個膠袋，潑婦即入位
潑婦：「你即刻執返佢」
跟住從後有把男人聲喝出黎：「你而家想點呀！收定唔收呀！」（我諗應該係大肚婆老公）
男人繼續：「佢粗身大細點執呀！」
潑婦：「我無叫佢執，咁你執LAW」（潑婦又唔認）
大肚婆可能諗住息事寧人，行入去執起三個袋，其間潑婦仲話
潑婦：「你自己諗下我點對你..（聽唔到）...」
大肚婆：「你唔好同我講呢D，做生意合作到就合作，合作唔到都算，俾仲咁」
男人：「你點對佢呀，呃佢呀！」跟住拉住大肚婆走
之後個潑婦你小心報應呀！
大肚婆老公大大聲：「報應，好報應，報應呀！」
個潑婦等人上了電梯差唔多到地面時，追出黎
潑婦：「你再講我報警，你想點呀！」
男人：「你呢D女人，做過咩自己知，呃人呃到咁盡，大肚婆都唔放過，你等天收啦」
一返工就見到場好戲，我諗個潑婦應該自己用返，呢D死奸商成日話自己，係全香港唯一日韓批發專門店，妖，果D咪又係大陸羅，人地第二個網賣$13，佢果D賣$45-$120，當個個都好似水魚咁，呢D死八婆奸商，如果真係又同佢同場就慘，各位姊妹如果係####買手飾，真係要小心

[ 本帖最後由肥姨姨於 09-10-19 12:02 編輯 ]

0 0 0

私人傳訊

lmchan2008

禁止訪問

積分: 5960

65^#

發表於 09-10-25 13:27 |只看該作者

提示: 作者被禁止或刪除內容自動屏蔽

私人傳訊

小紅

子爵府

積分: 14201

醒目開學勳章畀面勳章大廚勳章 BK Milk勳章

64^#

發表於 09-10-25 13:26 |只看該作者

真系...賤格

私人傳訊

palaisdelea

大宅

積分: 1179

63^#

發表於 09-10-25 13:12 |只看該作者

呵呵 ~~

d咁既人查詢時一定好聲好氣啦... 因為想氹你買... 不如落鋪踩場好過啦....影理相放上網tim

開鋪當然想賺錢, 賺多賺少就睇自己了.. 佢可能覺得自己好叻的.

不過, 用d 下流手段就太過份,不可以原諒.......

私人傳訊

glory911

大宅

積分: 1550

62^#

發表於 09-10-25 06:37 |只看該作者

原帖由 palaisdelea 於 09-10-24 16:00 發表
靚唔靚... 要看看個人的taste 了..

d貨大陸"淘寶網" 多的是啦....
散買首飾都係 rbm 1.5 ~ 5.00 /件...

生意不是這樣做的, 有興趣我可以教你入貨

不是, 價錢的問題.... 是人格問題

再不是上"新之城~~ 頂層" law ...

我唔係想同佢做生意，我只係想查詢，同比佢試吓比人玩既感覺。你估我傻咖咩，呢啲人有報應嗰時累麻我點算呀。

私人傳訊

肥姨姨

複式洋房

積分: 303

61^#

發表於 09-10-25 06:26 |只看該作者

係啊

當日我見得幾個膠袋及一些細垃圾，好Q心佢呃完人錢就豪俾人自己執啦:;pppp: 個死咸蝦剷奸商仲咒人報應果度衰，人地大住肚都唔知想咒人個肚定咒個大人:;pppp: 我而家返工行開行埋見到佢，都啤到佢行，正潑婦呢D毛巾蛋糕吉C島都係賣$20，佢D大陸貨夠膽地賣$90http://skjewelleries.shopping.####.hk/

[ 本帖最後由肥姨姨於 09-10-25 06:38 編輯 ]

私人傳訊

saulamlover

伯爵府

積分: 16548

好媽媽勳章醒目開學勳章畀面勳章

60^#

發表於 09-10-24 17:34 |只看該作者

好那pk牙...睇完我都好鬼死嬲...short ge...真系xyz果個賤女人牙....蝦大肚婆...

私人傳訊

palaisdelea

大宅

積分: 1179

59^#

發表於 09-10-24 16:48 |只看該作者

哈哈 ~~~

原來d人做生意要化那麼多個名...

私人傳訊

SmileFoReVeR

公爵府

積分: 25214

58^#

發表於 09-10-24 16:31 |只看該作者

"日本首飾批發"個網先至有門市部地址, 仲話「需預約剛店舖裝修中」(咁都打錯字, so cheap)
"韓國首飾批發"個網淨係有EMAIL同電話
冼小姐=黃太

私人傳訊

palaisdelea

大宅

積分: 1179

57^#

發表於 09-10-24 16:00 |只看該作者

靚唔靚... 要看看個人的taste 了..

d貨大陸"淘寶網" 多的是啦....
散買首飾都係 rbm 1.5 ~ 5.00 /件...

生意不是這樣做的, 有興趣我可以教你入貨

不是, 價錢的問題.... 是人格問題

再不是上"新之城~~ 頂層" law

耳環任揀都是 $25/對

錢是搵唔曬的...