嬰兒醫護 今日: 0 | 主題: 79147

積分: 3489

1^#

發表於 09-11-20 22:49 |只看該作者 |正序瀏覽 |打印

請問有無人聽過或者知道'骨枯'的成因及解決方法?

2009年11初,囡囡在婆婆家跌倒(佢平時都跟公公婆婆住,我假期先見到佢),只是膝頭瘀左少少,無腫無流血,塗左去瘀膏後,兩三日便無事,但之後佢一直話腳痛,無力行,上樓梯只肯用唔痛既右腳,(即十幾廿級都係用右腳上,左腳拖住上,以前就左右左右咁交替)仲行越來越怪,un下un下咁.
我地以為佢係筋骨扭傷,所以帶佢睇中醫跌打,不過中醫話佢無紅腫,按落去又唔大叫,唔算好痛,懷疑有少少骨裂,叫我帶囡囡去照x光,不過佢都有幫囡囡按摸同敷中藥.

11/12 我帶囡囡去觀塘急症室睇醫生,因為被列為'第四級',我地等左四個鐘頭,之後照左腳眼的位置(因為囡囡話果度痛) x光片顯示'正常'無骨裂,之後俾左一個覆診期係下一個星期 11/19,仲話到時無事就可以唔駛黎睇....

但11/13我囡囡朝早起身,完全企唔到起身,痛到坐係地下,抱佢起身,扶佢行一步佢都行唔到,指住膝頭話痛,無力,我好擔心,因為佢未試過咁,而且尋日x光無照膝頭,於是我8點幾就帶佢另一間急症室睇(將軍澳--因為我住尼區)
等左約一個鐘就睇到,不過個醫生好'求期',仲話: 尋日你地先係觀塘睇完咋喎?!
我話: 係呀!不過佢今朝話膝頭好痛,行都行唔到,希望可以幫佢照下.
醫生話: 無需要!
我話: 但佢隻腳好似伸唔直,向外曲了.
醫生話: 唔係喎!好直呀! 返屋企休息多d,下星期去返觀塘覆診啦!
我地就走左!....

過左一星期,昨天如期去急症室覆診,等左一個小時,照埋膝頭x光,都無發現,但因為醫生覺得佢真係行得好唔正常,唔可以左腳單腳企,痛既位置又由腳眼去左膝頭,所以想佢留院詳細檢查....

待續....

0 0 0

私人傳訊

hellovenus96

積分: 2455

142^#

發表於 11-2-17 14:39 |只看該作者

其實政府醫生真係好拿西,要等好耐先有得睇專科,比著我就忍唔住拿拿聲去睇私家,雖然使多少少錢

私人傳訊

sbux

男爵府

積分: 5321

BK Milk勳章畀面勳章

141^#

發表於 11-1-31 07:02 |只看該作者

穜穜媽，大陸d野唔好盡信，尤其醫護，仲要涉及大手術。好心開你囡囡有進展，加油！

私人傳訊

積分: 3489

140^#

發表於 11-1-27 14:57 |只看該作者

好消息! 囡囡1/20去左聯合醫院覆診,睇完x光片,醫生話佢既骨比之前'實'番D,'高'番D,冇之前凹得咁犀利,(總算無白廢我買左幾千蚊既'補骨活液'佢飲,又俾佢學游水)

而家可以每個月做一次水療就ok.下次覆診係七月暑假時,希望游多兩期水,對佢有幫助啦!

醫生仲建議佢多做運動,乜野動作都做得,唔好俾佢萎縮,同上次係'深圳'睇醫生講既完全相反,上次講到佢咁嚴重,連學都話最好唔返,盡量少行,真係嚇死我

希望下次覆診再有好消息啦!

私人傳訊

積分: 3489

139^#

發表於 10-7-12 12:23 |只看該作者

囡囡前幾日在聯合醫院覆診,睇完x光片,醫生話同之前幾次一樣,無好無差,無藥食,只係每星期做一次水療就ok.
不過因為佢最近行得差左好多,(好似長短腳,外八字腳咁un un下行)所以公公婆婆建議帶囡囡上深圳,俾做'人民醫院'的醫生朋友睇下,拎份x光片自己做紀錄(因hk的x光片是儲存在醫院的)

星期六同公公及囡囡上深圳,去了一間叫'市二醫院',掛號費人民幣$7, 照x光費 $148,照完等左一個鐘,拎番x光片見醫生,佢話情況都幾嚴重,問佢有冇返學?建議佢盡量少d行,唔好郁動,唔可以用運動,跑,跳都唔得,仲問我地點解咁遲先黎睇?

我地話一直都有係香港睇醫生,發現左大半年,而家每兩個月睇一次醫生,照x光跟進,hk醫生話可以'正常'生活返學,不過最好唔好係地上跳,係水入面就得...

個骨科'關節系'醫生建議囡囡馬上入院做手術,開刀減'壓',插支鋼固定大腿位置,要萬幾蚊,住兩星期醫院,但做完唔一定好番晒,仲有機會差左,但佢話一個這麼可愛漂亮的小姑娘,唔做手術將來長短腳,就很可惜了...

我阿爸的朋友都是醫生,但佢睇完x光片覺得暫時不該做手術,因不一定會好轉,仲可能會差左,不值得'博',或者再睇睇情況,大少少再決定...巧合的是我阿媽都有'骨枯'的情況,唔知會唔會'隔代遺傳'呢?

我同家人都覺得暫時'拖'住先,或者等佢行唔到先時再決定,希望囡囡係八歲的'關鍵期前好番晒啦!

私人傳訊

積分: 3489

138^#

發表於 10-4-27 22:48 |只看該作者

hi! 姬原巧合B

好多謝你呀!我同囡囡都會加油,希望佢游多d水,踏埋單車,會快d好番晒啦!

希望你和家人及小b都健康快樂!

原帖由 姬原巧合B 於 10-4-27 16:50 發表
加油呀，　希望你囡囡快ｄ好返啦，　為人父母最怕就係自己仔女有事．．．

私人傳訊

積分: 3489

137^#

發表於 10-4-27 22:46 |只看該作者

1013angel

hi! 我好耐之前已經回覆左你pm啦喎!你睇唔到?
你'女麻女麻'好番d未呀? 希望你囡囡7月覆診,好番晒啦!

多謝你咁有心仲記得我,不過我尼排勁黑仔,之前為左囡囡係樓梯扭親腳,之後又因乳線炎,入左廣華醫院住左幾日

希望快d谷底反彈啦!

原帖由 1013angel 於 10-4-23 16:15 發表
HI...穜穜媽....
媽個女隻腳ok嘛??? 咁耐唔見妳回pm畀我,are you ok??? 加油啊

私人傳訊

姬原巧合B

別墅

積分: 790

136^#

發表於 10-4-27 16:50 |只看該作者

加油呀，　希望你囡囡快ｄ好返啦，　為人父母最怕就係自己仔女有事．．．

http://b1.lilypie.com/zOBSp8.png

私人傳訊

1013angel

公爵府

積分: 25222

好媽媽勳章

135^#

發表於 10-4-23 16:15 |只看該作者

原帖由 gillianchan 於 10-4-17 11:18 發表
HI! 我偷懶呀!仲未努力搵part-time做呀!不過間中都有睇下'招職'同幾份招工既報紙,要搵o岩心水既工作真係唔易,要時間夾到,方便請假覆診做物理治療,地點又要ok,所以都唔會太介意$$,希望下個月會搵到啦!

我都 ...

HI...穜穜媽....

媽個女隻腳ok嘛???

咁耐唔見妳回pm畀我,are you ok???

加油啊

你的人格如何,你的人生亦必如何!

私人傳訊

積分: 3489

134^#

發表於 10-4-17 11:18 |只看該作者

HI! 我偷懶呀!仲未努力搵part-time做呀!不過間中都有睇下'招職'同幾份招工既報紙,要搵o岩心水既工作真係唔易,要時間夾到,方便請假覆診做物理治療,地點又要ok,所以都唔會太介意$$,希望下個月會搵到啦!

我都穜穜~都會努力加油!多謝你的鼓勵

thanks!

原帖由 lilybaby8282 於 10-4-17 07:51 發表
穜穜媽咪.又见啦,有无揾到PART-TIME做呀....慢慢一步一步来.苦尽甘来呀.

私人傳訊

lilybaby8282

子爵府

積分: 10397

好媽媽勳章

133^#

發表於 10-4-17 07:51 |只看該作者

穜穜媽咪.又见啦,有无揾到PART-TIME做呀....慢慢一步一步来.苦尽甘来呀.

教養孩童, 使他走當行的道, 就是到老他也不偏離。

私人傳訊

積分: 3489

132^#

發表於 10-4-16 17:46 |只看該作者

係啦! 今年聖誕party又唔一齊搞,只各自係分校開,無之前咁多人,咁好氣氛, 我地班bk媽咪又忙,無搞小朋友生日會,真係好懷念以前成班'bb'一齊玩的日子,希望遲d有機會再搞活動啦!

o下!我唔覺似爸爸喎! 不過南南~ 咁白雪雪,笑容咁甜,一睇就知靚仔過爸爸啦!

等於人地話穜穜~靚女又可愛,仲越來越似我,但我會話,我緊係希望佢靚過我高過我啦! 似我咁矮就慘lu,所以我成日都叫佢一定要食多d有益有營養的食物,多做運動,希望佢快d高過媽咪

好多謝你同vincent mami呀!其實我都知仲有幾位媽咪都有在 facebook 留言支持我,好多謝你地咁多位呀! 我同穜穜~都會努力!加油! 希望佢盡快康復,因為佢而家成日行行下,會突然腳軟無力,向前跌,前兩日仲係樓梯度跌親添!因我拖住佢,亦失了平衡扭親腳,好在大家都無滾落樓梯咋!唔係就慘啦!

原帖由 szeszes 於 10-4-16 17:23 發表
係呀!! 自從上次親子旅行踫到果一面乍

哎呀!! d 人話, 南南越大越似 daddy, 但係南南爸唔靚仔

昨晚, vincent mami 係 MSN 到問我有沒有你既近況, 我同佢傾左一陣, 大家都好擔心穜穜情況呀! 所以, 立即 ...

私人傳訊

szeszes

水晶宮

積分: 69113

2024年龍年勳章 wyeth冷知識勳章好媽媽勳章醒目開學勳章 2011至尊種植勳章畀面勳章 BK Milk勳章

131^#

發表於 10-4-16 17:23 |只看該作者

係呀!! 自從上次親子旅行踫到果一面乍

哎呀!! d 人話, 南南越大越似 daddy, 但係南南爸唔靚仔

昨晚, vincent mami 係 MSN 到問我有沒有你既近況, 我同佢傾左一陣, 大家都好擔心穜穜情況呀! 所以, 立即上來回下 post, 等你知道我地一直都係背後支持你!

原帖由 gillianchan 於 10-4-16 17:05 發表
係呀! szeszes 我地真係好耐無聯絡啦!好耐無見到南南啦!好似越來越靚仔哦!

多謝你的關心,穜穜~而家keep住做游水訓練,希望情況不要再惡化,然後再進一步做物理治療,期待穜穜能如你所說早日康復,thanks! :fu ...

私人傳訊

積分: 3489

130^#

發表於 10-4-16 17:05 |只看該作者

係呀! szeszes 我地真係好耐無聯絡啦!好耐無見到南南啦!好似越來越靚仔哦!

多謝你的關心,穜穜~而家keep住做游水訓練,希望情況不要再惡化,然後再進一步做物理治療,期待穜穜能如你所說早日康復,thanks!

原帖由 szeszes 於 10-4-15 23:57 發表
Gillian, 好耐無見啦!!! 見到穜穜既情況, 真係好心痛

希望穜穜早日康復, 比心機, 支持你!!!

私人傳訊

szeszes

水晶宮

積分: 69113

2024年龍年勳章 wyeth冷知識勳章好媽媽勳章醒目開學勳章 2011至尊種植勳章畀面勳章 BK Milk勳章

129^#

發表於 10-4-15 23:57 |只看該作者

Gillian, 好耐無見啦!!! 見到穜穜既情況, 真係好心痛

希望穜穜早日康復, 比心機, 支持你!!!

私人傳訊

積分: 3489

128^#

發表於 10-4-15 23:30 |只看該作者

昨天接穜穜放學去行街,大約半小時後,打算搭巴士回家休息,點知行左十幾級樓梯時,佢突然腳軟,向前跌,因我拖住佢,亦失了平衡,因我怕佢滾落樓梯,
立即攬住佢以身擋路,我的右腳跨了兩級而扭親,我立即查看穜穜傷勢,好在佢只係額頭撞紅同擦傷少少,無喊無話痛...

當時我地連購物袋內的東西都跌到地上,好在多得好多'好心人'扶起我地,仲幫我地拾回物品,之後我地好辛苦咁行埋果十幾級樓梯,最搞笑係一落到平地,穜穜~一企番起身,第一件事竟然問:媽咪~新買的餅干有無事呀?

佢竟然關心包餅多過自己同媽媽?真係激死!!

好在穜穜~只係額頭撞瘀同擦傷少少,之後已經走來走去,無事發生過一樣,不過我就麻煩d,因傷到幾條位置的筋,所以連睇左兩日跌打,包到成隻糭咁!但連行步路都覺得痛,有排覆診啦!

[ 本帖最後由 gillianchan 於 10-4-15 23:31 編輯 ]

私人傳訊

積分: 3489

127^#

發表於 10-3-30 20:34 |只看該作者

新手媽咪仔~

好多謝你咁關心我同囡囡,最近一星期隔日同囡囡落樓下單車徑踏單車,每次大約 20分鐘,需要大家都有少少累,不過希望真係幫到佢啦!

4月頭學校放假,想同佢去多D游水,希望佢快D學識'蛙式',夏天可以正正式式咁暢游.

之後4月中,囡囡就會返阿媽度住,我想係附近搵PART-TIME做下,放工後可以上去陪下囡囡,希望搵到啦!

原帖由 新手媽咪仔 於 10-3-27 01:58 發表
你女女最近點呀?有好轉嗎?睇完我都好心痛呀,希望你女女早日好番,你都要撐住呀...,女女好需要你架,有時間上黎講下近況 ,祝福你

私人傳訊

新手媽咪仔

積分: 1383

126^#

發表於 10-3-27 01:58 |只看該作者

你女女最近點呀?有好轉嗎?睇完我都好心痛呀,希望你女女早日好番,你都要撐住呀...,女女好需要你架,有時間上黎講下近況

,祝福你

私人傳訊

積分: 3489

125^#

發表於 10-3-23 23:45 |只看該作者

3/18同囡囡照x光同覆診,結果顯示同之前都係一樣,骨枯情況無好到,又無差到,都係繼續做物理治療,但係可以隔左少少,兩個月先覆診一次.

因為之前去做物埋治療,治療師要寫'評估報告',叫囡囡做左d 測試,同踏單車,話當做運動,最後踏左半個鐘,果日既診金係 $60- 我覺得既然踏單車有運動作用,去踏多幾次都夠買一部新單車俾囡囡,剛巧囡囡3/19生日,所以公公婆婆帶埋我同囡囡上深圳玩,仲送左部單車俾佢做生日禮物,人民幣$230- 希望隔日去樓下單車徑踏下單車,對囡囡隻腳既關節同骨枯都有好處啦!

私人傳訊