母乳餵哺 今日: 0 | 主題: 85707

積分: 2094

1^#

發表於 09-12-2 00:55 |只看該作者 |正序瀏覽 |打印

我bb出咗世6日, 我大肚時已經決定要全人奶, 亦知道要全人奶唔易, 所以做哂好多資料搜集, 聽咗好多母乳講座, 睇過好多經驗人奶媽分享, 諗住有哂心理準備去迎接呢個偉大既餵奶事業. 我順產, 早上10:00生完,下午1:00已經急不及待走去育嬰室餵奶, 我係醫院差唔多好似得我一個係feed on demand. 我自問真係好勤力1,2個鐘就去餵, 生完都冇試過訓超過連續3個鐘, 但係第3日都未上奶, 因為睇過好多人分享, 所以我亦唔擔心, 不理身邊既人, 我都堅持到唔補奶粉! keep bb一喊就埋身餵, 終於第4日上奶, 但係bb越黎越忟, 十分難湊, 差唔多半個鐘就喊食, 我根本冇得訓, 雖然有工人, 但都唔會幫到我, 因為bb係要啜! 前晚, 捱咗一晚通宵餵奶, 早上真係頂唔順補咗40ml奶粉, 之後交俾工人湊, 我去訓, 之後bb亦好舒服咁訓覺. 而家我都有埋身餵, 平均bb都啜到30mins, 但佢仍然訓得唔好, 好難好難湊, 我身心俱疲, 心力交瘁! 真係好想放棄, 我成日喊, 心諗如果我補奶粉, 我就可以交俾工人照顧, 可以好好坐月, 雖然我好想俾最好既俾bb, 但係真係好辛苦, 我快瘋了, 我可以點做?

0 0 0

私人傳訊回覆引用

積分: 24365

好媽媽勳章畀面勳章

75^#

發表於 09-12-12 01:02 |只看該作者

唔好咁快放棄呀!我初時都好似你咁ga!頭一個月都係半個鐘餵一次,我初時都以為係自己o既問題,因為問返身邊朋友,佢o地都可以捱到兩個小時自再食...但之後返健康院問,個姑娘話係好正常,因為個個bb都唔同,佢每半個鐘食一次,上d奶仲快d tim,佢肯啜要俾佢啜多d,所以之後我自冇咁擔心!俾心機捱過頭一個月,就會好好多ga喇~我果時都係堅持呢個信念ga咋!因為我係全職媽媽,所以為o左慳d奶粉錢同對佢好d,我堅持繼續埋身餵!!
惡夢好快會過,你仲要有工人幫,我坐月果時都唔係時時有人幫,所以好好ga喇~所以唔好灰心呀!!!!

原帖由 Popo^^ 於 09-12-10 13:34 發表
係大家既支持下, 本來餵得好似一日比一日好. 但近一兩日好似開始倒退啦, 我覺得我輸咗俾奶粉! 本來由原本零晨補一餐奶粉之後交俾工人, 等自己可以訓一訓, 到而家補兩餐, 3餐 ... 變咗半人奶+半奶粉咁.
呀b今日第13 ...

私人傳訊回覆引用

積分: 24365

好媽媽勳章畀面勳章

74^#

發表於 09-12-12 00:47 |只看該作者

正常人奶b係冇奶粉b咁肥o既,但有冇問過醫生正唔正常呀??我生完阿b頭兩個星期果陣都俾醫生話阿b重得唔係咁好,但到一個月果陣又正常返....唔知係咪佢開頭唔係好肯食o既關係....其實我覺得如果阿b食到o既...唔好count住佢食幾多...佢食到幾多就俾佢食幾多....同埋自己食咩都有關...食多d有營養o既o野啦,我e家日日都飲一杯奶同食康鈣c...等阿b o係我度吸到d嘛~好快佢會增重ga喇~唔好太心急啦~^^

原帖由 Sugarbabegirl 於 09-12-8 12:41 發表

btw, kristine, 我想問下你, 聽你話你個b生長線跌到25%, 但你又係好夠奶喎, 係咪亞b食得少, 所以咁呢? 希望你唔好介意, 我咁問係因為我女同你仔情況有dd似, 佢出世7.5lb, weight 50線, e+3mths 我自己係屋企磅好似 ...

私人傳訊回覆引用

積分: 24365

好媽媽勳章畀面勳章

73^#

發表於 09-12-12 00:35 |只看該作者

我之前上網睇,話奶量係會隨住BB長大而增加ga~同埋真係冇乜奶o既,keep住密密餵多d,我果時o係健康院聽到d姑娘教o岩o岩餵母乳o既媽媽,最好係每隔個半小時餵一次....等d奶易上d同多d,我自己果時因為阿b食得唔多o既關係,佢每半個小時就要餵一餵...唔知係咪因為咁...所以e家d奶上得唔錯,長餵長有咁.....同埋試下飲多d木瓜魚湯同花膠湯果d,d奶會襟飽d ga~加油加油!

原帖由 piggyccy 於 09-12-8 12:28 發表
唉...我都好想餵到全人奶...因為實在太多好處同埋好享受埋身食的樂趣....
但D奶都係冇乜既...我剛剛有個朋友教我, 叫我而家唔好埋身食住, 只係怎住用泵, 2小時pump 1次, 谷左D奶量先, 但我又擔心, 怕係咁之後BB唔鐘 ...

私人傳訊回覆引用

積分: 24365

好媽媽勳章畀面勳章

72^#

發表於 09-12-12 00:30 |只看該作者

原來你要邊返工邊餵人奶,好勁呀!
的確見到佢愈大自己就愈開心!我阿B一個月多少少已經識笑識講"UN咕咕",有時冇人理佢,佢仲要撩人玩,真係好得意好搞笑GA!E家同佢玩,佢都識俾反應你....真係好好好開心!
一日一日睇住佢大,睇住佢愈來愈肥仔.....開頭真係冇諗過食人奶O既BB竟然有飲奶粉O既效果....佢兩個月大O既時候去打針針,要磅重度高果D,個姑娘問我佢係咪真係淨飲人奶,冇補過奶粉,佢唔信....因為佢話阿B 條生長線同一個月果時比較竟然兩級跳...佢話好少飲人奶會大得咁快...我都好驚訝...因為我冇諗過阿仔竟然會咁吸收...真係嚇O左一跳....我老公都好開心....我都好期待快D見到佢ROLL OVER呀~因為佢E家成日都腳"YOUNG YOUNG"咁...好鬼大力.....大家努力呀!

原帖由 kristinecheng 於 09-12-8 11:52 發表
佢越大你越開心呀﹗

今朝先同個同事傾開，佢話佢要等到阿仔2歲先感到湊仔開心（佢只係餵咗人奶10日），我話唔係噃，bb3個月尾4個月到，我地兩公婆日日對住bb不知幾開心。我問佢點解，佢話因為佢阿仔要大確2歲先識同佢交流同埋對住佢 ...

私人傳訊回覆引用

積分: 24365

好媽媽勳章畀面勳章

71^#

發表於 09-12-12 00:17 |只看該作者

好好呀~可以隔兩個鐘先餵.....我都仲係要個零鐘餵一次...可能我阿B太活躍喇.....除非係出街訓O左啦....如果唔係...都唔使指意可以隔成兩個鐘先餵一次....係夜晚好少少....佢開始習慣夜晚訓....可以兩個零鐘先餵一餵.....唔知我阿B幾時先可以連朝早都係咁呢.....><

原帖由 Popo^^ 於 09-12-7 21:58 發表
Kristinecheng, 又要講多次你真係講得好好! 啱!! 雖然我未係experienced BF-mom, 但我而家都有將我少少既體驗分享俾d將會生既媽媽, 等佢地有心理準備面對同支持佢地唔好輕易放棄!! 我覺得飲人奶既bb真係好幸福架.
...

私人傳訊回覆引用

積分: 24365

好媽媽勳章畀面勳章

70^#

發表於 09-12-12 00:09 |只看該作者

我都覺得BB o既哭聲係有刺激出奶O既作用呀~
講返我O既經驗先!我O係E院生完果陣...我同D姑娘講我會餵人奶...不過可能果時TIMING唔O岩....佢一開始幫我俾O左奶粉阿B....不過阿B返返我身邊之後,我就不斷俾佢啜喇....不過開頭見佢好似唔飽咁...O係E院都仲有叫佢補一餐半餐奶粉俾佢....因為都驚佢嘈到其他人....同埋佢又好似食得唔飽咁...係咁喊....到出院....我就冇特別補奶粉俾佢....不過係有陣時...自己好累...我老公又見佢係咁喊....屋企又有其他人O係度....夜晚佢係咁喊唔係辦法...所以先話試下補奶粉俾佢....o係屋企都係補過兩次咋...不過出院冇耐....去健康院CHECK黃果時....話佢要訓箱仔...所以又餵唔到佢....叫E院俾奶粉佢飲住先....我O係度O既時候當然自己餵返啦~出O左院之後....我都有忍唔住...諗住補下奶粉...不過可能佢飲開媽媽奶....唔適應LU....俾O左奶粉佢...轉個頭嘔返晒出O黎....仲驚驚....即刻唔敢再俾奶粉...寧願自己辛苦D餵得密D....因為佢開頭真係食得好密....半個鐘食一次....但唔知係咪因為佢食得密O既關係...我O既奶亦都愈來愈多....多到E家有時佢訓O左,應該夠鐘食奶...但佢未醒....但我自己都有反應...自己會出奶....有時谷得太耐....仲會噴到阿B(佢食到"續"親)....所以大家唔好灰心呀,尤其係POPO,因為佢愈食得密,你見到佢愈來愈肥O既時候,你諗返果時O既辛苦就會覺得唔係D乜.....
我果時都係頭一個月有阿B o既姑媽幫下我喇,果時佢幫下阿B沖涼呀咁....我E家都係自己一腳踢...已經開始慣喇~
我餵O左阿B兩個半月喇....我都有試過自己吱D奶出O黎俾佢GA....果時佢仲未滿月...諗住睇下佢其實食到幾多...不過佢唔係好慣用奶樽咁....吱過幾次...我就冇再吱LU....KEEP 住都係埋身餵.....最初諗住吱出O黎係方便出街俾佢食...不過E家特登買O左件餵奶布....都係埋身餵LU...因為我覺得埋身餵都不及泵/吱出O黎咁易清到D奶.....
不過都係果句:最緊要係自己舒服....希望你好同阿B會好快適應啦~因為過O左頭一個月....真係會順好多GA....我阿B E家會O係我餵佢O既時候...同我講"UN咕"同我玩同我笑GA~當你見到咁O既時候,就會開心到咩辛苦都唔記得GA喇~加油呀!!!!

原帖由 yanlongma 於 09-12-7 10:05 發表
要有奶出，係要引發有噴奶反應。所以如果泵奶，係要無奶都照泵，泵多幾分鐘，就會有第二次的噴奶反應，就會再出到奶。
之但係，最容易引發噴奶反應的，bb的哭聲、bb的樣子、bb陣"除"、乳頭被bb溫柔的咀吸吮(與奶泵的拉扯差天共地！) ...

私人傳訊回覆引用

積分: 1805

69^#

發表於 09-12-11 11:55 |只看該作者

對於雪/冰奶既處理，我份人比較驚青，我會每支獨立用密實袋放好，再幾支放進同一個密封膠箱先放入雪櫃or冰格，並且按需要及時間做grouping（我totally有4個膠箱，2個for冰格，2個for雪格），咁嗰啲要儲耐少少既奶就唔洗成日攞出攞入，同埋個雪櫃就算要成日開關同埋擺其他蔬果肉類，都冇咁驚~

私人傳訊回覆引用

nicksonma

積分: 23449

2025勳章 2025勳章蛇年勳章美好大世界2017勳章認識瑞士牛牛第三回認識瑞士牛牛第二回認識瑞士牛牛第一回育兒性格勳章我的育兒心得勳章分享愛夏天玩到顛 hashtag旅遊勳章 DHA勳章 hashtag影視迷勳章大廚勳章叻叻勳章 wyeth冷知識勳章畀面勳章親子達人勳章 BK Milk勳章

68^#

發表於 09-12-11 09:41 |只看該作者

Kristine, 我o個時既情形同你好相似. 我諗小朋友係缺乏安全感, 所以需要啜啜啜既. o個時我都係佢要食就比佢食. 我都唔理我够唔够奶. 捱過左就無野啦.
最緊要心情開朗.
d 奶倒左真係可惜, 我試過泵出來唔餵得阿b都覺心痛, 更何況係餵得既! 不過我次次都係用密實代入住再擺係雪櫃最入面,無咁易扔走ge. 同埋雪樻成日開開關關對d奶都唔好, 所以你最好都係放係最入面好d.

原帖由 kristinecheng 於 09-12-10 14:35 發表
個個bb唔同，亞b唔肯訓又恔掙，未必係食唔飽，好多時都係缺乏安全感，所以咪要啜媽咪既咪咪安撫情緒囉（呢個係原本既natural-design）。我當時都係咁天昏地暗過日子，嗰時我冇上BK，唔知咩叫安全感咩叫猛長期，淨係知俾bb啜我先搞得佢 ...

私人傳訊回覆引用

積分: 24365

好媽媽勳章畀面勳章

67^#

發表於 09-12-10 23:59 |只看該作者

我果時都試過D奶好稀GA...佢又成日要,但又食得唔耐,又唔知佢飽唔飽咁...得閒煲D花膠湯呀果D,又飲下奶咁,D奶會"結"D,易飽D GA~雖然我E家都冇特別話定時餵佢,都係佢想要,就俾佢食....但都好好多喇~相信大家好快都會咁!
我個仔E家有時會O係食奶果時同你玩同你講O野咁...勁唔專心.....好naughty呀~

原帖由 Lamui 於 09-12-3 19:19 發表
我細B都13日人仔，試過補奶粉。今次我儘量唔比太大壓力比自己，真係可以餵到人奶㗎！雖然我好羡慕可以比到全人奶嘅媽咪，但我亦明白自己嘅處境。我又要照顧兩歲嘅大B，成日都無一個鐘頭小休睡眠，唔夠精神又點造奶呢？因此我每日內 ...

私人傳訊回覆引用

Sugarbabegirl

男爵府

積分: 9460

66^#

發表於 09-12-10 23:47 |只看該作者

原帖由 Popo^^ 於 09-12-10 13:34 發表
係大家既支持下, 本來餵得好似一日比一日好. 但近一兩日好似開始倒退啦, 我覺得我輸咗俾奶粉! 本來由原本零晨補一餐奶粉之後交俾工人, 等自己可以訓一訓, 到而家補兩餐, 3餐 ... 變咗半人奶+半奶粉咁.
呀b今日第13 ...

popo,
我初頭太confused同frustrated既時候都有補奶粉, 你如果精神許可就自己埋身,否則休息得好d, 都一樣會多奶架。

工人掉咗你d人奶-> 我都試過呀!!!!!! 真係唔明點解佢地咁唔用腦架!! 我果次直頭喊咗出黎tim!!! 簡直唔相信!!! 因我係半夜起身忍住痛泵出既有血既奶!! 仲要係窮媽媽好少既甘露!! 自始我用個密實袋袋住佢, 上面大大隻字寫住"breastmilk"!

私人傳訊回覆引用

積分: 24365

好媽媽勳章畀面勳章

65^#

發表於 09-12-10 23:25 |只看該作者

我個B同你一樣呀,又係到E家都仲係咁呀~我個仔E家兩個半月大喇~淨係夜晚先可以自己訓到..(雖然佢同我O地同床)...但晏晝時間就一定要抱住先訓到....如果唔係就一放床就醒...唔肯訓....有時想做O野都唔得...佢D脾氣又一時時咁....><

原帖由 Popo^^ 於 09-12-2 22:46 發表
首先多謝咁多位媽媽既支持同鼓勵! 今日同bb第一次去健康院, 姑娘一問到我bb食咩呀, 我話全人奶, 問食成點, 我一講已經開始喊, (我知道係生完既荷爾蒙影響, 不過有時諗我係咪有產後抑鬱呢..) 之後睇到大家既留言, 我 ...

私人傳訊回覆引用

積分: 1805

64^#

發表於 09-12-10 17:44 |只看該作者

如果係順產，你就同老公商量吓快啲準備第2個b啦﹗

我因為開刀，想recover好啲，會等到阿b兩歲時先考慮~

原帖由 jenniecatcat 於 09-12-10 15:01 發表
kristinecheng : 咁都生2個啦, hahahaha. 我都係高齡產婦, 如果等亞B 歲半先再生2nd B, 39-40 lu!!!!

好多生活上既一點一滴，真係要做人奶媽先感受到>>>好like 呢D感覺只係我獨有!!!!

我就係窮媽媽啦. 頭2個月都係失 ...

私人傳訊回覆引用

himuimui

禁止訪問

積分: 5279

好媽媽勳章醒目開學勳章

63^#

發表於 09-12-10 15:33 |只看該作者

提示: 作者被禁止或刪除內容自動屏蔽

私人傳訊回覆引用

jenniecatcat

水晶宮

積分: 56409

62^#

發表於 09-12-10 15:01 |只看該作者

kristinecheng : 咁都生2個啦, hahahaha. 我都係高齡產婦, 如果等亞B 歲半先再生2nd B, 39-40 lu!!!!

好多生活上既一點一滴，真係要做人奶媽先感受到>>>好like 呢D感覺只係我獨有!!!!

我就係窮媽媽啦. 頭2個月都係失敗左要補奶粉 (個時又係個個都話BB唔夠飽) , 但又因為咁所以唔洗再怕自己唔夠奶, 放開左). 漸漸BB大就愈補愈少奶粉啦, 只係臨瞓前個餐. 到左3個月佢連瞓前個餐都唔要食奶粉, 咁就全人奶左, 所以都唔係話我想就得, 仲要係我愈想就愈唔得!!!!!

至於泵奶, 我係BB3個月之後點泵都係得3-4oz 一邊, 唔夠BB食, 把心一橫全埋身唔黎bb食幾多, 總之佢唔喊就算. 好彩我反工又可以反到屋企埋身餵, 所以D 泵已經好耐冇用lu.

我的最愛: 老公, 仔仔, 同來緊既女女, 老豆

私人傳訊回覆引用

childs

複式洋房

積分: 263

61^#

發表於 09-12-10 14:56 |只看該作者

唔好放棄丫..
個個都係咁..
我都有諗過放棄丫..
因為冇得訓真係好慘...
頭又痛又暈...

bb喊又唔知佢係肚餓喊定咩...
嘩...個人又煩又{蚊}

但諗深D..難得自己有奶比佢食..
緊係比D最好ge佢啦..
自己辛苦小小...

不過你同你老公傾多D計..
等佢開解下你..
因為我成日發脾氣話唔喂人奶啦..
累到想死...
係佢同我講..咁bb會有咩唔好..
你捨得佢唔好?
咁我又順番條氣...
始終自己個仔ma

加油丫..十卜你

私人傳訊回覆引用

katieyam

積分: 3496

60^#

發表於 09-12-10 14:49 |只看該作者

我對B半個月大時我三個鐘泵到三安(當時係全泵), 到左而家我三個鐘泵到五安幾. 我上個星期都只係泵到五安, 今個星期我覺得多左D, 差唔多有五安半, 可能因為呢兩個星期佢地埋身啜得叻左好多, 雖然每次啜完都係要補奶. 除左埋身啜, 呢兩個星期我仲開始O係木瓜魚湯裡面加花生(要食埋佢), 唔知有無關係.

我覺得全泵真係唔係辦法, 你寧願每次俾BB啜廿分鐘之後補奶, 跟住再泵清, 我覺得咁樣好過全泵.

原帖由 piggyccy 於 09-12-8 12:28 發表
唉...我都好想餵到全人奶...因為實在太多好處同埋好享受埋身食的樂趣....
但D奶都係冇乜既...我剛剛有個朋友教我, 叫我而家唔好埋身食住, 只係怎住用泵, 2小時pump 1次, 谷左D奶量先, 但我又擔心, 怕係咁之後BB唔鐘 ...

私人傳訊回覆引用

積分: 1805

59^#

發表於 09-12-10 14:35 |只看該作者

個個bb唔同，亞b唔肯訓又恔掙，未必係食唔飽，好多時都係缺乏安全感，所以咪要啜媽咪既咪咪安撫情緒囉（呢個係原本既natural-design）。我當時都係咁天昏地暗過日子，嗰時我冇上BK，唔知咩叫安全感咩叫猛長期，淨係知俾bb啜我先搞得佢掂唔喊，我都唔理甚麼feed on schedule or feed on demand，瞓係到由得佢啜，只要佢肯收聲唔喊我做咩都得.......有時自己半夢半醒2個幾鐘，阿b都未甩口，仲係到啜。慢慢阿b自己定咗個feeding schedule，3小時左右先食（只限早上，晚上係全天候服侍佢），迷迷糊糊到2個月佢自己調較番日夜，先叫開始上軌道。

私人傳訊回覆引用

Popo^^

積分: 2094

58^#

發表於 09-12-10 13:34 |只看該作者

係大家既支持下, 本來餵得好似一日比一日好. 但近一兩日好似開始倒退啦, 我覺得我輸咗俾奶粉! 本來由原本零晨補一餐奶粉之後交俾工人, 等自己可以訓一訓, 到而家補兩餐, 3餐 ... 變咗半人奶+半奶粉咁.
呀b今日第13日, 如果食人奶通常訓半個鐘又喊食, 我一日平均餵佢成14,15次, 但我發覺到10次左右, 可能我已經過度疲累, d奶已經好似做唔切咁, 亞b好似食唔飽, 唔肯訓, 又恔掙, 我都唔知點好. 我問過同我亞b差唔多大既bb, 佢話食完奶都可以隔到2個鐘左右, 但點解我亞b咁快又喊食?
仲有, 我今日發覺工人倒咗我辛辛苦苦pump既60ml人奶, 真係想喊!!

私人傳訊回覆引用