派對情報 今日: 0 | 主題: 10923

積分: 1887

1^#

發表於 10-2-27 23:53 |只看該作者 |正序瀏覽 |打印

請各位媽咪搵攝影師影相時要小心一位名叫Floria Lexxg的小姐, 她是一位freelance攝影師, 收費不便宜, 相片質素則見仁見智. 事緣我找她幫囝囝影生日會相, 幾日後我發現她在沒有任何通知的情況下把我囝囝生日會的相片隨便放上她的個人網頁內以作宣傳, 我己即時致電請求她刪除相片, 得到的回覆是會跟進. 大約一個星期後仍然發現相片沒有被刪除, 我再用電郵請她刪除相片. 兩個星期過去, 仍然等不到她的任何回覆, 今天打電話給她, 竟被她的惡言相向告知版權在她手裡, 她不會刪除相片, 什至可以將相片拿去參加比賽, 擺展覽, 沒有任何需要經我授權, 她喜歡將相片作任何用途都得, 因此她覺得沒有需要回覆我的電郵.... 聽到她的回覆真的感覺好恐怖, 她擺到明唔會刪除相片, 仲要聲大夾惡話個個媽咪都比佢擺上網, 係得我一個咁多要求. 我告訴她禮貌上應該知會我一聲或者影相前要說清楚, 她竟然說"呢d係人都知, 你自己check吓咩叫版權啦, 我唔覺得有需要通知你哋, 亦都唔會將相片版權寫出來!..."

我真係好嬲!!!! 奉勸大家搵攝影師影相, 一定要問清楚相片用途, 最好搵熟人介紹, 起碼搵個有禮貌, 影相有heart的攝影師.

請問有無媽咪熟悉版權法? 如果我是付款給人拍照, 這宗交易已經有consideration, 版權仍然是拍攝者嗎? 我們在studio影相, 影樓可以隨便將相片作任何用途嗎?

[ 本帖最後由 CC113 於 10-3-1 22:54 編輯 ]

0 0 0

私人傳訊

winchoy16888

別墅

積分: 549

48^#

發表於 10-3-23 07:34 |只看該作者

最主要是不應取人Ｄ相做宣傳

要想想人地係消費者

私人傳訊

yoki1001

民房

積分: 23

47^#

發表於 10-3-22 01:21 |只看該作者

我路過睇晒所有內文，唔理態度呢個話題，根本未經客人同意就post人哋相上網就已經好唔啱啦！如果版權係响攝影師手，咁幫小甜甜同風水聰影相嗰個攝影師，即係擁有D相版權？咁佢攞去賣咪應該可以發大達囉！
其實客人叫你delete都無可口非吖！
Leungf經過今次呢件事，你應該好好反省一下。

私人傳訊

積分: 1887

46^#

發表於 10-3-14 23:31 |只看該作者

公道自在人心!!

我想多謝所有支持我的媽媽, 雖然我跟你們互不相識, 但係你們的留言令我重拾信心, 我感到人間有正義!!

我想特別多謝兩位媽媽:

pctong, 由一開始你已經義不容辭找來很多法例指證她, 害你被她用低劣卑鄙的言詞攻擊, 我真係覺得唔好意思. 你真係好叻! 我對於法例一無所知, 更不知道如何check ip. "幸好有你!" 這是我的心聲. 非常多謝你!

edea版主, 以公正的手法指證她一人分飾兩角大話連篇, 還我清白, 主持正義. 非常多謝你!

提醒各位媽媽, 千萬不要找沒有職業道德的攝影師幫你哋嘅BB影相, 以免招至煩惱及不必要的損失.

[ 本帖最後由 CC113 於 10-3-14 23:34 編輯 ]

私人傳訊

edea

王國長老

積分: 119074

王國長老

45^#

發表於 10-3-14 10:40 |只看該作者

原帖由 CC113 於 10-3-13 23:54 發表
仲話自己女兒的相片被放上網開心到不得了, 唔係個個影完都有得放. 講到好似相片被放上網頁是至高榮譽.

我之前睇到佢咁講已經好想回應, 呢個講法好錯, 唔係被人"賞識"就係一份光榮, 最基本既尊重係你要得到相片中人或佢父母同意先可以放上自己個網做宣傳, 點解咁基本既尊重都唔識? 唔係人人都會覺得"光榮"喎!

最心寒係佢將樓主既blog址, 相簿地址咁link晒出黎, 樓主有公開資料唔等於佢想呢個情況下俾人"起底", 呢個人心腸好惡毒!

事事顛倒是非, 版主要公開呢件事, 唔想再有其他家長受害.

另外都希望還pctong一個清白, 無辜被人惡意攻擊.

edea

[ 本帖最後由 edea 於 10-3-14 10:42 編輯 ]

我唔係經常上BK, 想搵我嘅朋友請email: [email protected]

私人傳訊

pctong

洋房

積分: 98

44^#

發表於 10-3-14 04:56 |只看該作者

CC113，好開心板主也認真地査一査這些用戶IP address ，知道真相。所為"天地有正氣"。
CC113雖然我地不認識，但開心的是相信好多媽咪也會向這些人有所警剔。

令一方面我要藉此多謝sugar兄 (我的導師)，提示存有版權所有、肖象權所有，而且用私人時間仲教識我乜野係 ISP、 IP address等等，解構網絡上的行跡。
小女會在facebook post 呢一板給你看看
sugar兄，多謝您!

私人傳訊

bbhappy68

積分: 12560

43^#

發表於 10-3-14 01:25 |只看該作者

cc113,真係鄧你開心呀,板主還你一個公正.
呢位一人分析兩角既影相小姐,好心你走人啦,bk唔歡迎你呢d演員,去tvb攞表格啦!

私人傳訊

積分: 1887

42^#

發表於 10-3-13 23:54 |只看該作者

非常多謝版主還我清白, 維持公正, 令到事件得以水落石出!

各位媽媽要小心, 如果你哋搵佢影相時一定要確認相片的用途, 最好有白字黑字以保障自己, 唔好比人蝦我哋.因為leungf的留言已被刪除, 請容許我將成件事寫出來讓其他媽媽也知道成件事的來龍去脈.

那位staywithme一開始已利用這個論壇作個人宣傳, 從她的留言紀錄已經睇到她不是媽媽或爸爸, 每次她的留言都是將leungf的網頁post出來. 同樣地staywithme只看了我一個留言已經知道我講邊個, 更即時將leungf的個人網頁post上來, 又不停讚leungf(即自己)是如何熱愛影相, 因為太多人讚先出嚟幫人影相, 影相不是為金錢, 每次影相都唔食嘢唔去廁所仲要爬高爬低好好人, 個個媽咪都讚. 仲話自己女兒的相片被放上網開心到不得了, 唔係個個影完都有得放. 講到好似相片被放上網頁是至高榮譽.

當pctong幫我搵到資料證明我有肖像權, leungf不可以隨便使用我的相片時就用極度卑鄙的言論攻擊pctong和她的兒子. 好可惜有人扮演太多角色忘記了staywithme不應該知道生日會場地. 被我們踢爆後, staywithme不見了, leungf以受害者姿態現身, 說明自己對影相的熱誠, 不刪除相片只因不屈服於我對她的不禮貌對待, 但是從來沒有講清楚我如何對她不禮貌. 還表示知道誰是staywithme要多謝佢. 好明顯她一人分飾兩角, 一知道staywithme的身份已經幫唔到佢就現身. 一個負責宣傳自己, 一個負責辨護, 唔知仲有無第三個.

leungf的最新留言雖然被刪了, 但是我已經看了更打算回應她. 有幾點我想講.

1. leungf: "接這些job對我來說只是額外的bonus, 是興趣多於賺錢, 我在拍攝後的後期製作, 對每一張相片所花的時間及精神是你們看不到的."

---> 這段真係令我失笑, 我醒起有人話如果要幫我囝囝執走面上的甩皮要比多$300, 我即時拒絕了. 我開始明白點解有人咁不滿, 全因為$$$?

2. leungf: “Cecily在電話中也承認了生日會當天對我沒有禮貌.”

---> 你在電話裡說生日會我對你不禮貌, 我已經詢問你幾時對你無禮, 你當時無答我, 我回應你如果我真係有對你不禮貌只可以講唔好意思, 並唔代表我承認有對你不禮貌. 要屈我唔該將我對你無禮的對話寫出來, 不要空口講白話.

3. leungf: "當日我還是盡心盡力地做好我要做的事, 又趴低又企高, 找不同的角度專心拍攝.”"我沒有吃過任何食物, 也沒有人叫我吃, 但我自己忘記帶飲品, 喝了生日會上的一盒紙包飲品."

---> 影相時唔食嘢唔去廁所仲要爬高爬低唔代表你可以擅自把收了錢的相做商業宣傳. 我唔知道你有沒有爬高爬低, 更何況個場沒有地方讓你爬高, 我亦見唔到有從高空拍攝的相片. 如果踎低影相代表你影相有熱誠, 是益咗我, 咁你對專業攝影的要求也太低了. 補充一點, 咁大個人肚餓口渴時會自己去拎食物, 有需要時會自己去廁所, 唔通咁大個人食飯上廁所都要我批准? 你是bb嗎? 早知我迫你食嘢迫你去廁所.

4. leungf: "原本是3hrs的拍攝工作, 5pm完成, 但最後的一張相片我是在5:34pm拍的"

---> 如果開工超時要補水你可以即埸問我拿錢或者夠鐘跟我說要走, 唔好講到我迫你OT唔比錢. 又係錢作怪!

5. leungf: "在電話中鬧我影相影得差, 說佷多朋友也影得比我好好多, 那麼為何你要出錢找我影呢?"

---> 當你說可以任意使用相片, 可以唔問我就拎d相去參賽擺展覽時, 我第一個反應係不可置信, 因為我覺得d相真係一般. 我告訴你唔覺得d相靚到可以參賽擺展覽, 你即時大大聲鬧我:”咁你又搵我影, 你搵得我就一定鐘意我d相ga la". 好明顯你唔願意接受批評, 所以唔肯刪相要跟我作對.

6. leungf: "她單是接我電話那 '喂' 的一聲, 要形容出來的話, 恕我只能用狗吠聲來作形容."

--> 以狗形容人, 這種沒有口德的人跟staywithme如出一轍.

7. leungf: "為何你的blog及相簿又那麼show off任人流灠呢?"

--> 我的私人相簿不存在任何商業用途, 點解我d家人朋友要幫你宣傳? 你話我將d相upload上自己相簿要打埋”Photo by Floria Lexxg”. 不如你比番錢我, 我幫你影!

8. leungf: "如果不是有人通知我這個post, 我真的不知你可以把自己寫成如此的可憐, 受盡委屈."

--> 拜託, 誰通知你? staywithme嗎? 又一次講大話.

9. leungf: "還在佈置的其間, 突然男主人為了氣球的事咆哮式的向女主人喝罵, 全場靜了, 目光一致望過去, 女主人回敬男主人一句加一個凌厲的眼神."
--> 兩公婆嗌交跟你有什麼關係? 這表示我對你無禮? 這代表你可以擅自把收了錢的相做商業宣傳嗎?

[ 本帖最後由 CC113 於 10-3-15 13:29 編輯 ]

私人傳訊

py84ko

積分: 12160

好媽媽勳章畀面勳章 hashtag影視迷勳章

41^#

發表於 10-3-13 23:53 |只看該作者

樓主寫 le 編嘢出嚟, 係因為覺得自己不受別人專重, 見到有人將自己, 囝囝及家人朋友照片被放上網. 這些照片是當事人, 見到好似俾人利用, 心中不滿及氣憤係人之常情. 樓主自己放上網係一件事.

如果話批相片係屬於攝影師, 咁如果好似啲影樓 , 例如婚纱公司咁, 咪可以任意妄偽將客人所影照片隨便處置. 這些都係個人嘅私隱. 咁使鬼俾 $$ 請 model 嚟做宣傳都得啦!

私人傳訊

rain621

積分: 14532

畀面勳章

40^#

發表於 10-3-13 23:48 |只看該作者

??

[ 本帖最後由 rain621 於 10-3-14 03:27 編輯 ]

私人傳訊

edea

王國長老

積分: 119074

王國長老

39^#

發表於 10-3-13 21:57 |只看該作者

各位會員:

想大家知道一件事, leungf 和staywithme ip是完全一樣的.

而對於staywithme不停將樓主的相薄, blog連結放上來, 用意不問而知.

現將此二人封戶, 相信大家可以了解事實真相.

版主
edea

我唔係經常上BK, 想搵我嘅朋友請email: [email protected]

私人傳訊

leungf

禁止訪問

積分: 3

38^#

發表於 10-3-13 16:23 |只看該作者

提示: 作者被禁止或刪除內容自動屏蔽

私人傳訊

maggielau0705

珍珠宮

積分: 41784

好媽媽勳章

37^#

發表於 10-3-13 00:39 |只看該作者

其實都唔係命令唔命令啦~
基本上要通知有關事主先可以放人D相上網啦~
我都會每次做完個BANNER　JOB ,問返個客得唔得
比我將個稿放上ｂｌｏｇ比客睇，唔介意的我就放，
有ｄ客介意的，我都沒有放出黎～

私人傳訊

bbhappy68

積分: 12560

36^#

發表於 10-3-12 16:38 |只看該作者

根本佢刪除d相有幾難呀,擺明就係唔想刪,想你個囝同佢做吓宣傳,當豪比佢囉

就算佢將你囝囝既相放上網唔洗問你,咁你之後叫佢刪除番都係好正常姐,洗唔洗寫晒唔該呀,求吓你呀,多謝呀呢d說話呀,好似話人地唔"請"佢就唔會妥協,咁佢真係未出過黎做野囉,受氣係好正常喎,唔想受氣返屋企坐吓!

私人傳訊

積分: 1887

35^#

發表於 10-3-12 00:35 |只看該作者

大家信唔信我都好, 我可以對天發誓我無講大話, 你一而再話我無禮貌, 話我無講過"Hi" & "可不可以", 可能是有人選擇性失聰. 呢d係我說話方式&習慣, 你唔記得又好聽唔到都好都唔重要. 事實是你在電話裡的氣焰&勁寸的態度令我氣憤到要浪費休息時間即刻將成件事寫出來舒發心中不滿.

由你不回應我的email開始大概已經知道你是一個什麼人. 我相信各位媽媽會自行判斷, 其實誰有禮貌誰發惡對其他人來講是小事一則, 重點係有人"不尊重客人". 這種待客態度已經out!

我想大家代入我的情況想一想, 當你付錢請人影相, 過後才知道相片的使用權不在你手上, 攝影師可以不問準你將相片隨便使用. 即是說你比錢人還要提供場合, 人物, 佈景, 道具讓攝影大師一展身手好讓她將相片作宣傳工具. 最重要相片裡有你的bb, 你的家人, 你的朋友, 朋友的bb. 你們會怎麼想?

跟這種人拉上關係只好當自己倒楣, 以後做咩都要問清楚, 唔好以為我哋做咗人阿媽就恰得就恰.

原帖由 leungf 於 10-3-11 10:53 發表
本來是一個無禮的命令, 如今竟然被加上 ‘Hi’及 ‘可不可以’ 來美化修飾. 從你第一篇惡意中傷我的言論開始, 我已領會到你那歪曲事實的本領.
當你一聽到我告訴你有關相片的版權是攝影師擁有時, 便立刻大發雷霆, 我 ...

[ 本帖最後由 CC113 於 10-3-12 01:11 編輯 ]

私人傳訊

psypun

禁止訪問

積分: 389

34^#

發表於 10-3-11 11:39 |只看該作者

提示: 作者被禁止或刪除內容自動屏蔽

私人傳訊

leungf

禁止訪問

積分: 3

33^#

發表於 10-3-11 10:53 |只看該作者

提示: 作者被禁止或刪除內容自動屏蔽

私人傳訊

亞b