夫婦情感 今日: 0 | 主題: 42719

積分: 31699

1^#

發表於 10-3-21 17:55 |只看該作者 |正序瀏覽 |打印

其實我心裡面對我老公無咩野..我好鍚我個囡,而且得一粒囡,但係我生左個囡之後就覺得我老公越黎越自私,我已經唔like我老公個邊人,生左個囡我只想一心一意照顧好我個囡打理好頭家,我老公成日話我依依哦哦,個囡細個時我係緊張d,依家個囡2歲半多d大左我都無咁緊張改左好多啦,男人就係咁得吋進尺,講10句就話你依依哦哦,講一句又話你依依哦哦,我又唔係為我自已,我出親聲都係為個囡好姐,我真係好嬲...可能我唔多願同個囡見佢個邊人,個邊人唔會幫我又唔知講我咩壞話,如果你地老公唔合作成日話你地依依哦哦你地點做呀?我唔理架...我覺得我出聲你都求求其其,唔出聲仲做既~好似依家咁多菌叫佢洗左手先掂個囡,初頭都成日話我哦佢,我又有咩做錯呀~你估我想湊多個人呀...成日話我嘈發脾氣,自已又軟皮蛇講左又當耳邊風,講1次2次3次都係咁,佛都有火啦~好啦做既又做1-2次,之後又係咁...我點頂呀~幫唔到手都唔好増加我壓力同比多d野我做啦...佢出黎做野放假就真係可以做佢自已野,我呢~我只想佢合作下明白下我...有時嘈就話咁叻你出黎做野我睇囡啦~睇得點先好咁大聲講啦~我做到野洗要你,點解d男人要咁講,攪到好似生個囡係我自已攞黎辛苦,話我湊唔掂請個工人湊,我想自已一手一腳湊姐,請個工人同佢拾手尾無人嘈佢呀麻~點解d男人永遠都唔會成熟,你地有無咁既情況?會點處理?

0 0 0

私人傳訊

foggyao

積分: 37648

2024年龍年勳章 2018復活節勳章熱血勳章好媽媽勳章畀面勳章 wyeth冷知識勳章環保接龍勳章大廚勳章

25^#

發表於 10-3-26 13:57 |只看該作者

講埋先 ~ 咁我地真係為左呢d問題，認真傾左好多次，最後我地都取得共適 ~

佢每次話我ee俄俄(講笑的話)，我都會平心靜氣講，因為係你做得唔夠好，我而家好似要教多個仔，而拍拖或未有細路前，我唔需要你做個父親角色，咁你咁大個人，自己反省下，做好d爸爸，咁我就唔洗俄。

我地溝通後，佢唔會再好蜢咁話我俄佢；而有時，我見佢feel到我講野煩，我亦會即停，唔再講落去，even我好睇唔過眼，我會搵個好時機事後講返。

親子時間 ~ 溝通完，原來唔係每個男人都會100%比晒仔女(亦可解係我地自己做mami既太緊張，會無限101%比仔女都得!)

咁我老公話佢1個禮拜得兩日假(佢唔一定放硬六，日，而我就係)，有時，係好想搵1日比番自己，佢話佢返工壓力係大過我返既工好多(我諗都係既，不過佢都有輕鬆時候，不過佢唔計，話係就係啦!)。

我之前係同佢爭坳，點解我有仔女後，我六日湊晒佢地都覺自己唔夠時間，想對佢地多d，而佢放兩日假，就一定要有一日比自己？! 但原來大家觀點真係唔同，真係無得傾，所以而家我無再逼佢，同佢講，我有需要你時，你就算兩日放假都唔該比晒仔女。如無需要，你可取一日做私人時間(傾完，佢可能而家1個月先會有1-2日所謂私人時間，其餘，佢會陪仔女)，而當佢陪足仔女，我會讚佢(男人有時都要tum!)。

行街 ~ 我話點解你成日放假可抽半日情願去行街，都唔理仔女。之前，佢唔答，一未話要輕鬆；到傾傾下，佢每次去街，都真係買野比仔女(有d可能係我之前講過o下想買比仔女既野，其實買唔買都無所謂，而佢只係記得就去左執行)。咁佢話，都係為左仔女，唔明點解我成日鬧佢!
所以而家，我叫佢買野前，最好話聲我知，等我話佢知仲有無需要(我唔想佢囉呢樣野做藉口!!)。

釣魚 ~ 真係佢enjoy既私人時間，我而家唔理佢，而佢亦都做到好得體，會早d去，早d返陪仔女。

打機 ~ 佢自有小朋友後，都會等佢地訓晒先會打，呢樣係好抵錫!!

如老公同我一樣放六日，佢不嬲都會陪足我地(所以佢成日講笑話唔想放六日，呵呵!)

所以樓主，我相信你既情況，好多人都會係咁，所以你唔好用 '頂到幾時'去形容，當初兩個人相處，到有小朋友既相處，係好唔同既野。兩夫婦，係應學習點遷就對方，而唔係單方面要對方滿足你! 你都想同老公長長久久，咁就要多多學習! 第時，仔女大晒，你就會覺個伴係最好，唔好顧晒仔女而疏忽左個老公!!
我地都係努力學習中既人 ~ 加油啦

私人傳訊

foggyao

積分: 37648

2024年龍年勳章 2018復活節勳章熱血勳章好媽媽勳章畀面勳章 wyeth冷知識勳章環保接龍勳章大廚勳章

24^#

發表於 10-3-26 12:28 |只看該作者

原帖由 luckyQ 於 10-3-21 18:05 發表
仲有呀~佢每日早出晚歸(返工),放工我都想佢陪下個囡,睇書都有教啦...親子關係麻~我都想個囡鍚埋佢黐下佢姐,個囡大d想佢陪下你都難啦...我又為邊個呀,成日返黎做自已野,唔陪我都算啦陪下個囡啦...一分鐘得一分鐘啦~你 ...

聽你咁講，又幾似我地喎!
我老公都係咁成日話我同以前唔同，有時就講笑咁話我ee娥娥，話我變左老虎la。當中，我亦有講過佢放假都無陪足仔女，而選擇左去釣魚行街。當然，我地亦有為呢d野鬧過交。

e，有野做，我轉頭先講埋!

私人傳訊

celery

男爵府

積分: 7257

醒目開學勳章

23^#

發表於 10-3-25 01:59 |只看該作者

kellylly,你0既經歴同處理係好好0既分享.
當時唔知個男人會唔會反思,
你仍無條件付出左先,等時間同環境令老公轉變,
雖然未必每人都認同或肯咁做,
但最後你老公真係自然改好.
你好幸運又幸福,世上冇必然,不過你係應得.
衷心講咖!

私人傳訊

積分: 24623

好媽媽勳章畀面勳章

22^#

發表於 10-3-24 13:21 |只看該作者

原帖由 littlesister 於 24/3/2010 11:45 發表

你EQ真係好高, 你hb都算有係咁, 至少都會改下, 有d人係唔會覺得自己唔啱架, 見你終於守得雲開真係恭喜你

我EQ唔高KA
有D男人由細到大都比人照顧得好好
佢地唔明白要點去照顧小朋友
你嘈佢咪只會令大家關係唔好
我當然有嘈過LA,但嘈完又點,咪只有自己唔開心
我有個朋友佢日日都係又嘈唔係又嘈
好似著完既衫,佢嘈佢老公話每次著完要放入洗衣機
但佢個洗衣機有時會放左D野係面,要攞開晒至可開
咁有D人唔會理你LA,咪掉埋一二面
就咁,咁小既事佢地又嘈LA
我叫朋友好簡單,買個污衣欖放係廁所,佢著完放落去,佢咪唔會4圍掉
但朋友唔聽,繼續嘈煩
只係咁小既問題佢都嘈
個男既咪覺得好煩
就咁佢一係就話要OT,一係就話幫人整機
成日都唔想番去,因怕比人煩,到瞓覺時間至番去
所以嘈同煩唔係一個好既解決辦法
係要去搵其他方法解決

私人傳訊

littlesister

琥珀宮

積分: 158795

畀面勳章

21^#

發表於 10-3-24 11:45 |只看該作者

原帖由 kellyly 於 10-3-23 15:42 發表
我明白你點解會咁鬧
我當初生左呀仔時我仲慘過你LA
我連D鄰居都以為我係單親媽媽黎KA
老公佢有佢去街,瞓,打機
幾個月至同我同埋呀仔去一次街
平時佢係唔會理會既
就算我病左,我叫佢睇住一陣我去睇醫生
你知唔知佢點 ...

你EQ真係好高, 你hb都算有係咁, 至少都會改下, 有d人係唔會覺得自己唔啱架, 見你終於守得雲開真係恭喜你

私人傳訊

積分: 24623

好媽媽勳章畀面勳章

20^#

發表於 10-3-24 11:27 |只看該作者

原帖由 celery 於 24/3/2010 07:16 發表
嗰三年你係咁忍耐,個仔所有野都係你照顧同關心,
咁佢係未好少一齊同個仔出街?
咁嗰三年你老公除左唔理個仔,係未其他都好?
你點同佢相處?

老公好少同個仔去街KA
只有我同我既家人同我既朋友去多,所以呀仔好跟佢地KA
佢唔理個仔,亦都無咩理過頭家KA
番到黎咪打機,瞓,同去街
我點同佢相處
無KA,只係間唔中講1-2句野咁JA
嗰幾年佢係到既話就只有我同呀仔把聲,我同呀仔玩講野
好少同佢講野KA
係後尾佢見佢同事D小朋友好跟爸爸又同爸爸好FRIEND佢至改變
我62都係咁對老公,所以我覺得唔多唔小對佢有影響
咪只有自己等,佢又唔會出去搞3搞4
唔可以因咁既問題搞到呀仔真係無左個爸爸MA.
咪只有自己忍下

私人傳訊

driedpork

禁止訪問

積分: 2182

19^#

發表於 10-3-24 10:24 |只看該作者

提示: 作者被禁止或刪除內容自動屏蔽

私人傳訊

PCCW2319

水晶宮

積分: 67993

18^#

發表於 10-3-24 10:04 |只看該作者

再睇番樓主既標題, 樓主有冇諗過呢個都係*你老公既心底話*呢?

你話有同老公傾, 但係你好似只係想老公認同/跟你既意思去做, 而唔係'商量'. 一唔跟你意思去做, 就覺得佢唔岩.

而且, 你有冇發現你太緊張個女啦. 依家個女仲細, 會受. 但到佢大左既時侯, 你會成為佢既壓力. 唔好將自己認為好既野勉強套落別人身上.

唔好一句 '都係為佢(個女)好' , 就可以乜都唔駛理. 而且, 你既為好既, 對佢咪真係好, 真係咁重要呢? 依家唔係軍訓, 放鬆D啦香港人.

[ 本帖最後由 PCCW2319 於 10-3-24 10:07 編輯 ]

天空之城, 快樂之地

私人傳訊

celery

男爵府

積分: 7257

醒目開學勳章

17^#

發表於 10-3-24 07:16 |只看該作者

嗰三年你係咁忍耐,個仔所有野都係你照顧同關心,
咁佢係未好少一齊同個仔出街?
咁嗰三年你老公除左唔理個仔,係未其他都好?
你點同佢相處?

原帖由 kellyly 於 10-3-23 15:42 發表
我明白你點解會咁鬧
我當初生左呀仔時我仲慘過你LA
我連D鄰居都以為我係單親媽媽黎KA
老公佢有佢去街,瞓,打機
幾個月至同我同埋呀仔去一次街
平時佢係唔會理會既
就算我病左,我叫佢睇住一陣我去睇醫生
你知唔知佢點 ...

私人傳訊

積分: 24623

好媽媽勳章畀面勳章

16^#

發表於 10-3-23 15:42 |只看該作者

我明白你點解會咁鬧
我當初生左呀仔時我仲慘過你LA
我連D鄰居都以為我係單親媽媽黎KA
老公佢有佢去街,瞓,打機
幾個月至同我同埋呀仔去一次街
平時佢係唔會理會既
就算我病左,我叫佢睇住一陣我去睇醫生
你知唔知佢點答我呀
佢話呀仔阻住佢睇電視呀
仲有一次呀仔入院,老公佢睇都無睇過呀仔,幾日只得我同我媽係醫院JA
就連呀仔出院佢都無理過
你知唔知佢係到做咩,佢睇電視JA
只係咁少野,你睇我似唔似單親,呀仔無爸爸
我初初真係好唔開心,我都有嘈過鬧過
但無幾耐,我學識左唔再煩嘈
呀仔唔理佢KA,有咩都只識搵我同我D家人朋友,因佢地陪得我地最多
最後我講左一句話[第時個仔大,你唔好埋怨點解個仔點都唔跟你]
後尾過左3年,呀仔4歲幾5歲歲,佢見呀仔成日都唔理佢,只有用零食同玩具呀仔至啋佢
老公咁至轉變JA
所以你而家做好自己本份,唔好再煩佢LA
等佢自己明白LA
實有一日佢會明KA.

私人傳訊

luckyQ

積分: 31699

15^#

發表於 10-3-23 12:14 |只看該作者

回覆 14# luckyQ 的文章

我係唔意嘈既人~好好聲氣都有傾過,我只係覺得做男人應好好分配下時間,屋企咩都唔理都唔緊要,有時關心下個囡,唔關心我都算,學你地話唔玩女人我都唔理佢,但係係咪出黎做野大哂屋企野咩都唔配合先,叫佢洗隻手都話我操控佢,呢d係咪一齊生活既一家人呀~我係工人嗎?唔好出聲只做自已野,好攪笑,有咩唔係一齊分擔一齊諗咩?我覺男人係好多係咁,但唔會同一個性格,我知佢唔煩得,我都改左好多,但無可能我好似工人咁對佢囉...男人都要諗下點樣對屋企好先成功架~

私人傳訊

luckyQ

積分: 31699

14^#

發表於 10-3-23 11:53 |只看該作者

回覆 12# luckyQ 的文章

點解咩都係女人唔0岩,一齊為個囡唔0岩咩?我都無話一定要操控佢,只係有d野唔做係佢越來越唔做,我想成日煩咩,煩個囡仲唔夠?好多野忍左有人知咩...係咪真係樣樣唔出聲就咩事都無~

私人傳訊

penpenvivi

子爵府

積分: 12802

畀面勳章

13^#

發表於 10-3-23 01:06 |只看該作者

我覺得無論你講咪你c6都覺得你煩咖啦,試吓唔好講用行動,你唔鍾意嘅其實佢知咖,佢唔陪囡,唔幫手咪自己湊law,自己同阿囡周圍去,最緊要係教個囡同佢嘅成長,我都係一樣太緊張個囡,唔返工自己湊,d朋友都話我過份緊張,開頭都好憎c6同我唔同,自己去街唔係就打機,後來睇到d share其實大多數男人都一樣,佢俾夠$屋企,唔去攪女人就ok啦,結婚後真係要降低要求,慢慢影響佢啦,而家我同阿囡玩得好開心,佢自然會走埋嚟,其實佢都緊個囡,不過有時會想有空間law>

私人傳訊

LokLokMon

複式洋房

積分: 272

12^#

發表於 10-3-23 00:06 |只看該作者

樓主睇到你寫既,我都覺得你無理人感受, 全部都係你自己想要既野, 而且唔係想要, 係要你一定要做, 唔做呢你就會煩佢同講多幾次.
你唔煩對方都煩啦, 你個女第時就會學你禁, 一樣禁煩, 你個女係學你架, 千奇唔好, 因為男人真係好怕女人煩, 你樣樣都煩, 佢又點會聼你講野, 雞毛野就是但啦, 大事先煩佢啦, 你真係要學下呀!

私人傳訊

unicath

男爵府

積分: 5995

好媽媽勳章

11^#

發表於 10-3-22 19:08 |只看該作者

原帖由 luckyQ 於 10-3-21 18:05 發表
仲有呀~佢每日早出晚歸(返工),放工我都想佢陪下個囡,睇書都有教啦...親子關係麻~我都想個囡鍚埋佢黐下佢姐,個囡大d想佢陪下你都難啦...我又為邊個呀,成日返黎做自已野,唔陪我都算啦陪下個囡啦...一分鐘得一分鐘啦~你 ...

咁又係呀...BB轉眼間好快就會大個...大個左多數都唔會成日黐住屋企人~尤其是而家d小朋友好早熟...小學生就以為自己好大個...到時想佢返屋企一齊食飯都可能好難,佢會有自己既朋友...你話細個既時候同dad mom關係好,都話會留返d 時間俾family...如果細個時,dad都唔理佢乜滯...佢大個左都可能只係會理mom(即係你),唔會理你老公囉...

或者你同你老公講下佢唔理個囡既後果等佢自己諗下應該點分配佢既工餘時間啦~~不過你講完真係要俾空間同時間佢自己諗下wor...唔好um佢~~如果唔係,唔work ga

[ 本帖最後由 unicath 於 10-3-22 19:09 編輯 ]

私人傳訊