吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 好奶奶+自己呀媽

婆媳關係今日: 4|主題: 27767

收藏本版

發帖

返回列表

跳至頁

查看: 1816 | 回覆: 13

好奶奶+自己呀媽 [複製鏈接]

fukuoka_saga

男爵府

積分: 8857

1^#

發表於 10-4-6 13:58 |只看該作者 |正序瀏覽 |打印

我只係想呻下.成日見到人地話奶奶唔好,我反而有個好奶奶,但唔多好既呀媽.

首先奶奶唔係有錢人,但佢從來唔會開口埋口叫仔女比家用,有時我地間唔中比D錢佢飲茶,佢已經好開心.反而叫我地唔使比錢,因自己有小朋友又要供樓.

相反,呀媽成日話奶奶唔識教仔,比家用係天經地義,有咩理由唔使比家用.我個個月都有比5千家用,雖然唔係多,但我自己都有頭家,自己都有仔女.呀媽只會話.....自己有頭先就唔使理呀媽呀ETCETC.
好喇.到生左B,呀媽話要幫我湊佢要退休.我要請個工人比佢,佢幫我湊B但一星期有3,4日要打牌.湊埋我個B去.仲要話比佢湊個B都精靈D.我好唔鐘意.不如比我工人自己湊仲好.
尋日返娘家,個肚唔舒服,去洗手間.佢係咁拍門,問我拎左錢比佢未.個時仲有親戚係度.我個刻真係火都黎.人地係洗手間,洗唔洗咁急呀.

我好想唔再理我呀媽.係咪好衰......

[ 本帖最後由 fukuoka_saga 於 10-4-6 13:59 編輯 ]

0 0 0

私人傳訊

chinatea

水晶宮

積分: 59494

牛年勳章 2018父親節勳章 2018復活節勳章開心吸收勳章認識瑞士牛牛第二回 hashtag影視迷勳章好媽媽勳章醒目開學勳章畀面勳章環保接龍勳章 BK Milk勳章

14^#

發表於 10-4-9 11:35 |只看該作者

原帖由 fukuoka_saga 於 10-4-6 13:58 發表
我只係想呻下.成日見到人地話奶奶唔好,我反而有個好奶奶,但唔多好既呀媽.

首先奶奶唔係有錢人,但佢從來唔會開口埋口叫仔女比家用,有時我地間唔中比D錢佢飲茶,佢已經好開心.反而叫我地唔使比錢,因自己有小朋友又要供 ...

天理就係咁,有得就有失,生你個果唔錫你,就唔一定遇個衰奶奶架,我同你一樣,遇到個好奶奶,我奶奶冇讀過書d盲毛來,相比我亞媽而家76歲佢當年讀到高中畢業,畫得一手國畫,滿口英文洋派女子讀咁多書識咁多野又點,出口又毒,孤寒,陰濕又見高就拜見低就踏.

我6姨早我一日生個女,第二日我生個仔,佢竟然話:人生仔你又生,你同6姨掉轉就好啦....(姨丈係印尼華僑當時係某名牌手袋的香港代理),之後我亞姨d仔女(3個)改用嘉x,我亞媽又話我:嘉x嘉物好幾聽呀...你改埋哂d名成個怪胎咁...

我生完大仔兩年後有左大女,當時2個幾月,我娘一睇就知我有左,我係梳化休息,佢突然行埋來一拳打落我肚道,叫我落左佢啦,生咁多做咩...好左我女冇事咋,而家生左兩個外孫比我.

要數佢d罪狀幾十年真係多不勝數,我6年冇返過去,不聞不問生活真係平靜左.

自06年我爸過世,佢在生前講過幾次心願想我唔好再嬲亞媽,後來亞媽入左醫院,我就原諒佢,去醫院幫佢洗屎洗尿,出院接佢來住(佢唔行得,我住地下)仲返去重新裝修哂間屋,改哂新傢私比佢,周圍搵醫生幫佢止痛消腫.

你對佢點好都冇用,大家好左一年佢又來鬧啦,裝修好間屋又開始叫d朋友執哂一袋袋舊衫褲來又開始塞通道,只係叫佢唔好再執人舊野啦,成日話比大陸3姨,而家大陸人不知幾有錢點會執你d舊野呀...就一句佢就鬧:咁你又係社會有咩地位呀...你老公大把呀...

係咁鬧哂你全家幾難聽到有...我起身行人由佢啦擺低呢個人,根本不可理喻.

已經一年啦,我味聽下細佬講下佢近況就算,近幾個月知佢成日入醫院,知道就算啦...我記得當年外婆都係皇太后來,後來成日入醫院等仔女來探,不過我亞婆霸道得來好有道理,唔似我娘,仔女永遠都係衰人,朋友就係好人.

第日佢伸直左我都只打算去裝支香,佢受又好唔受又好大家都完左架啦.

<br>

私人傳訊

fattymama

伯爵府

積分: 16331

13^#

發表於 10-4-8 13:30 |只看該作者

"我亞媽又唔算唔好..不過我對佢好反感....佢好鍾意計錢....."
同我阿媽一樣,所以佢幫我湊女我俾7千蚊,即使個囡16個月大我就湊番夜晚,一星期湊5日.如果星期六我要加班,佢都黑面架,咁我又額外俾多2佰lor.佢成日都講佢d飲茶脚d仔新抱俾3仟咋,又要湊孫又要包一家三口食,唔知有冇攪錯呀!

不過佢好鍚我個囡嘅,我都真心感激佢幫我湊囡架,等我可以放心返工.

私人傳訊

noonmo

複式洋房

積分: 203

12^#

發表於 10-4-8 03:36 |只看該作者

回覆 9# fattymama 的文章

怎會插! 直頭說到我的心坎裡呀

私人傳訊

我愛Corina

瑪瑙宮

積分: 137933

2025勳章 2025勳章蛇年勳章 2024年龍年勳章好媽媽勳章醒目開學勳章環保接龍勳章

11^#

發表於 10-4-8 01:54 |只看該作者

唉....我都有對好老爺奶奶...

我亞媽又唔算唔好..不過我對佢好反感....佢好鍾意計錢(但又唔係同我計),成日話我晒錢買呢樣買果樣,又話我咁鍾意出街食野,又貴又盛,又話自己煮慳幾多....其實我自問唔算過份,係佢太慳....

又話我唔比家用奶奶,但我奶奶真係唔要..唔係個個都好似佢咁計較...又話自己點幫外家,外家無野比過佢....佢成日都覺得自己好偉大,人地做乜都係唔好.....好似而家好有左,我表姐問我係仔定女,我亞媽都可以話人,心地唔好又8掛...

私人傳訊

penpenvivi

子爵府

積分: 12812

畀面勳章

10^#

發表於 10-4-7 21:07 |只看該作者

原帖由 fukuoka_saga 於 10-4-6 19:02 發表
佢話返左學都係佢湊啦,唔係邊個同我湊.
講真,我自己真係唔想比佢湊,我最唔鐘意佢成日打牌.
個時唔想比佢湊,佢就話...你咪自己湊LOR,睇下你第時個女有幾叻.佢成日覺得自己咩都最好,咩都最識.我地唔跟佢就自己衰左就係 ...

甘你如果都信個工人,返學去第區返,不過好似有D夾梗嚟,我都FEEL到你媽咪係咪性格,好皇太后FEEL,可能佢會嬲同唔再幫你,好似唔得罪得甘,會唔會真係停一停工試吓自己跟,打牌真係唔得喎,講真佢打牌都係工人睇實,唔通佢會分心?!

私人傳訊

fattymama

伯爵府

積分: 16331

9^#

發表於 10-4-7 10:07 |只看該作者

所以我從來都唔覺得阿媽同偉大係掛鈎嘅!生唔生係自己揀嘅,但養同教就一定係父母嘅責任.我覺得對着一d身體有殘障,智障,重病仍然不離不棄嘅父母,佢哋對子女嘅付出先可以稱得上偉大,我從來唔望個囡報答我,我只係望佢一世都平平順順,開開心心,好高興我兩老婆作為佢嘅父母,咁就夠啦!我淨係想做好我份工咋.(因為我都有個講親嘢都有骨同勁偏心嘅阿媽)不喜勿插.

[ 本帖最後由 fattymama 於 10-4-7 10:44 編輯 ]

私人傳訊

fukuoka_saga

男爵府

積分: 8857

8^#

發表於 10-4-6 19:05 |只看該作者

："阿邊個(親戚)唔信我講你畀咁少家用返黎..." 又試過話："阿邊個(又係親戚)話你老公無咩事業啦..."

咁似我呀媽既....我呀媽都成日咁講.
有時真係好唔明點解人地既呀媽會咁好.自己呀媽就.....仲衰過奶奶.奶奶為仔女著想,唔想仔女咁辛苦先唔使比家用,佢就話人唔識教仔.個個月尾就打黎要錢....仲話外嫁女又好,有自己家庭又好.咁又點...家用一個仙都冇得減.....
講真佢唔使供樓,我同弟弟一個月差唔多有1萬比佢.佢就同佢情人去四圍玩.......頂佢唔順.