吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 我個仔係學校比同學咬倒背部流血....

自由講場今日: 11|主題: 1361292

收藏本版

發帖

返回列表

跳至頁

查看: 4591 | 回覆: 53

我個仔係學校比同學咬倒背部流血.... [複製鏈接]

12 3

nikinokb

公爵府

積分: 29922

醒目開學勳章畀面勳章

1^#

發表於 10-5-5 20:55 |只看該作者 |正序瀏覽 |打印

我個仔k2,放學返到屋企沖涼,我嚇到呆左,
我仔個背部流血,,我即刻問呀仔,

佢同我講係佢一個女同學仔咬佢,因為佢地爭野玩
我好唔高興囉,係咬到流血,仲要係好大忽有三個傷口位
應該係三隻牙咬既印,我問個仔有無同老師講,

佢話有,不過係新黎既老師佢唔知姓咩,
的確呢一個月多左三個見習老師,

完全無人通知我,個老師都應該聽左我個仔講人地咬佢
不過一定無睇過我仔個傷口囉,,

講真,我真係好唔開心好唔高興,我心痛到死
因為真係成大忽三個傷口流血,我嬲到爆炸

k2啦,,甘大個仲咬人,明白佢小朋友原諒佢
ok喇我明白事理d,新老師可能唔識甘多野

依家想問下大家,,聽日我就一定同返個班主任傾
話佢知我仔尋日比同學仔咬到流血,

不過我唔會怪個小朋友同埋新老師,
但你地會唔會要求班主任同個小朋友媽咪講聲有呢件事?

會唔會小題大做左?我唔係想鬧人,只係想講聲佢媽咪知有呢件事,起碼可以返屋企教返個女唔可以咬人,唔想再有下次囉

你地話好唔好?

唉,我好唔開心囉

比牙咬到流血,真係好痛嫁囉,,我真係好唔開心呀!!!妖!!!

[ 本帖最後由 nikinokb 於 10-5-5 20:57 編輯 ]

0 0 0

私人傳訊

candybbnow

子爵府

積分: 14900

好媽媽勳章

54^#

發表於 10-5-6 14:31 |只看該作者

如果係我,我一定會講,一定要佢地去處理件事,身為媽媽一定要好好咁保護自己仔女,唔係既話,佢地會出現後遺症!
我試過因為個K2班主任教得唔好,D語氣好差,我直接搵校長去講件事,之後個校長仲多謝我,佢話間學校係佢一手去搞,老師亦係佢請番黎,如果個個家長覺得有問題都唔講,遲下學校名譽就會變差,就會個個都退學!
媽咪放心去保護自己既孩子!

私人傳訊

1985.com

大宅

積分: 3712

好媽媽勳章

53^#

發表於 10-5-6 12:54 |只看該作者

原帖由 nikinokb 於 10-5-6 01:32 發表
好!我本身仲諗緊係咪我自己一個湊住個仔緊張得制..

驚講出黎比人話我小題大做..

我聽日一定要捉住班主任慢慢傾,

同埋一定一定要表達比佢知我既不滿...

...

一定要講清楚,你錫仔仔緊張仔仔係好啊~點會過火呢~~~咬到甘,一定好心痛

私人傳訊

angelaJJ

大宅

積分: 3675

好媽媽勳章

52^#

發表於 10-5-6 12:19 |只看該作者

原帖由 nikinokb 於 10-5-5 20:55 發表
我個仔k2,放學返到屋企沖涼,我嚇到呆左,
我仔個背部流血,,我即刻問呀仔,

佢同我講係佢一個女同學仔咬佢,因為佢地爭野玩
我好唔高興囉,係咬到流血,仲要係好大忽有三個傷口位
應該係三隻牙咬既印,我問個仔有無同老師 ...

我明白你感受....我仔n班都比同學咬手, 有印....我同你一樣好嬲, 我打電話比老師及校長....及寫了封信要校長正視及不可有第二次, 及一定要告訴那位同學的家長他的小朋友咬人, 之後老師亦有跟進及回覆我整件事....

私人傳訊

sze811

公爵府

積分: 26624

好媽媽勳章畀面勳章

51^#

發表於 10-5-6 12:13 |只看該作者

攪錯呀,學校知都唔話比家長知~!
比著我都會好心痛...

我唔覺得小提大做....>!!!!

私人傳訊

heidys

子爵府

積分: 13142

母親節2025勳章 2025勳章蛇年勳章虎到金來勳章 HiPP勳章(1) 好媽媽勳章

50^#

發表於 10-5-6 12:04 |只看該作者

嘩..真係心痛死了!
消左炎未呀? 真係睇下醫生好D.
個女同學咁變態咬到人咁架.

樓主更係唔係小題大做啦. 而家發生傷人案喎.必須要對方家長都要知. 佢有責任教好佢個女架嘛.
但K2的小朋友都唔係好大, 唔可以期望佢地懂事,識得唔去打架/咬人. 小學生都可能仲會咁呢. 要叫阿仔遠離危險的同學. 可以調位就調位.

我B仔10月4日出世. 3.78KG
18MTH 15KG,84.5CM
13MTH 13KG,82.5CM
10MTH 12.42KG(連衫)
6MTH 10.08KG,72.5CM
5MTH 9.8KG(連衫)
4MTH 8.73KG,68CM
3.5MTH 8.98KG(連衫)
3MTH 8.4KG(連衫)
2MTH 6.9KG,61.5CM
1MTH 5.2KG

私人傳訊

mylulu007

伯爵府

積分: 15536

49^#

發表於 10-5-6 11:26 |只看該作者

見習老師都該有個人report架? (一般都係班中既正式老師) 點可以不了了之架.

向小朋友家長反應是當然, 但學校事發當事無調停件事就真係好唔o岩, 發生左成日至追究, 小朋友都忘記左大半啦, 成效都無乜.

我會先了解件事, 係學校處理手法有問題.

私人傳訊

foggyao

珍珠宮

積分: 38747

2024年龍年勳章 2018復活節勳章熱血勳章好媽媽勳章畀面勳章 wyeth冷知識勳章環保接龍勳章大廚勳章

48^#

發表於 10-5-6 11:07 |只看該作者

樓主，一定要同學校反應，兼展示傷勢。
而家要處理問題係：

1) 要學校老師一定知道邊個係會出 '口' 既學生，加以留意，唔好比佢再有第二次傷害到人
2) 要學校老師一定要通知女孩既家長 (因有好多時，老師唔講，家長真係唔會知自己小朋友行為去到咁既地步)
3) 要認真反映，要老師對小朋友提出事情，應認真對待及檢查! 唔好以為佢無喊，即係無咩事。同埋有咩，要即刻電話通知你!

我女返pn時，都比同學仔咬過，老師有即刻打黎同我講。到我返到屋企時，仲見到個牙印未消，當時真係心痛到不得了!! 而家你話個仔係流血咁嚴重，仲要無人通知你，咁就一定更加痛!!!

私人傳訊

yuyumon

伯爵府

積分: 15018

2025勳章蛇年勳章 2018復活節勳章醒目開學勳章

47^#

發表於 10-5-6 10:38 |只看該作者

我會立即影低傷口和衣服的血跡作為證據.
跟著,明天一併拿出給校長,班主任睇,要佢交代事情係點?點解無人通知?
我會好嚴肅同校方了解事情.

私人傳訊

seaman1982

水晶宮

積分: 51853

牛年勳章好媽媽勳章醒目開學勳章畀面勳章環保接龍勳章大廚勳章

46^#

發表於 10-5-6 10:26 |只看該作者

我都係教幼稚園既~教左好多年~不過而家係全職師奶~
我想講係個老師一定係唔啱~而且一定係要同學校反映呢件事~但另一方面我都好明白個老師~因為我都曾經是新手~
其實响幼稚園~學生打交鬧交同喊係每日都會發生既事~當然我好明白家長既擔心同心痛~但係要判斷一件事是否嚴重同需唔需要通知家長~係十分講求經驗~所以我一直都認為幼稚園老師~政府迫佢進修讀書係冇用~其實教幼稚園係講經驗同埋真係熱愛小朋友先得~讀再多理論都唔及多幾年經驗~以前我地係先做打雜(助教)~教得幾年校長覺得你OK~會轉介你去讀書~讀完成為正式老師~而家咩都講師資~最緊要有學歷~讀個文憑出黎馬上做班主任~反而多年經驗但學歷低既要做打雜~我唔係話冇經驗一定唔得~但我真係見唔少後生女讀完書就出黎教自己都好慌~兩個學生都睇唔掂~一有學生喊果D就即刻走去問校長點算~
好了~我離題了~講返件事~
樓主知道仔仔係好忍得痛~但老師未必知(呢一點又係講經驗~經驗多既老師教數天就會差不多了解每個學生~包括那位攻擊性強的同學)~好多小朋友比人掂下都大哭~所以新手老師判斷唔到是否嚴重~唔出奇~如果下下都每個檢查~咁就冇時間上堂~因為呢D係常發生既事~至於是否要通知家長~我明白當然係有些家長希望事無大小都通知~但不是每個家長都一樣的~有些家長係會嫌你煩~我教書時有小朋友打交通知返家長~係有唔少家長會答我~細路仔梗係會打交嫁啦~我要返工嫁~唔好咁小事都話我知好冇~下次穿左個頭先話我知啦~係真事~同埋唔止一個半個家長係咁~好多都係唔多緊張同唔想你煩佢的~(呢度要講一講~我地以前有事多數打電話或者放學見到講~少會寫手冊~因為好多家長唔睇手冊~轉頭話你冇講~所以交咩費又好~要帶咩又好~見到都會盡量當面提一提)~另外~又有些家長會過份緊張~例如話佢知小朋友同人鬧交(可能好少事~轉頭又FRIEND番果種)~同左家長講家長就日夜擔心是否仔仔不懂同人相處~?不會同人做朋友~?然後每日都問老師仔仔交朋友情況~當然不是怕佢煩~而是不忍心家長擔心成這樣~
當年我新手時~係有正教跟~所以我冇呢個問題~有大小事發生都問正教處理方法~當然當時我都係差不多日日都比校長/正教/家長鬧~因為新手嘛~例如個印仔'級'歪左少少都會比人話~因為咁樣比人感覺唔專業~但我感激佢地~因為佢地教左我好多~我明白到做老師真係要好少既事都要好小心~
好了~講到呢度~係希望大家明白到幼稚園既真實情況~最後我建議樓主~同老師溝通是十分重要的~既然老師唔識分別事情大小~你就要佢明確知道~你係唔怕佢煩~你係事無大小都想佢講返比你知~同時都要佢留意番~果位咬人既小朋友既問題~因為佢咬得你個仔~都會咬其他人~一定要小心留意這位小朋友同埋攪清楚佢為什麼會這樣暴力(教育問題心理問題定係生理問題~?)唔駛怕會連累到個老師~因為你這是在幫她~她日後會感謝你的~好過你咩都唔講由佢繼續錯~

很長~謝謝看畢~希望樓主不會嫌煩~

私人傳訊

方麗娟

珍珠宮

積分: 40343

好媽媽勳章醒目開學勳章陪月勳章

45^#

發表於 10-5-6 03:39 |只看該作者

樓主你都識講, 「有乜理由K2仲咬人」, 我覺得你一定要據理力爭, 好好保護自己小朋友! 有時唔係要去到同人哋嘈, 要人哋道歉之類, 而係作為家長, 只想反映意見和事實.

就算你同校方講老師冇認真處理小朋友流血事件, 你係講緊事實, 又唔係想佢冇得做. 即使最後佢辭職或被炒, 都唔係你錯, 而係佢疏忽. 既然你都話佢好後生, 可能剛剛讀完書, 唔識處理呢D問題, 咁咪當汲取經驗和教訓, 等佢知道教幼稚園比教任何學校更要留心和細心.

唔好懷疑自己(同校方講)係唔係好衰, 除咗校方, 個女仔家長都應該知道! 佢道唔道歉一件事, 只係希望佢教好自己個女.

私人傳訊

mandyhoho3

大宅

積分: 3048

畀面勳章 BK Milk勳章

44^#

發表於 10-5-6 02:37 |只看該作者

好心痛呀

一定要向學校投訴啦，唔係又有下一次或咬其他同學仔。叫學校都要同個女仔家長講，等家長知道自己個女咁對同學，返屋企教下佢。你一個湊ｂ又返工，好叻，我支持你！

私人傳訊

zoebaby

大宅

積分: 4553

好媽媽勳章

43^#

發表於 10-5-6 02:36 |只看該作者

我個仔k3果陣試過俾一個男同學隔住冬季校服(底褲+底衫+絨褲)咬到個pat pat損左流血,隔住咁多野都可以咬到流血,可想而知幾大力咬落去呀,老師放學同我講,但佢地覺得冇乜野好小事,唔駛緊張,咁我都冇出聲啦算數,跟住我老公話不如叫老師留意多d咬人果個小朋友同我個仔,盡量唔好俾佢地一齊,因為果個小朋友唔係第一次整我個仔,不過今次比較大獲,第亞日我同個助教講,臨尾補多句唔想再有呢d事發生,個助教話唔可以怪晒個小朋友,因為我個仔個pat pat整到佢,所以先咬佢喎,咁即係咪先x者賤,打死冇怨呀,我隻手惦到你,又要俾你咬番啖?跟住就即刻火都黎打俾個班主任嘈,個助教咁講,即係話我個仔抵死啦,個班主任咪即話係誤會囉~跟住先有認真處理

私人傳訊

小玲太太

子爵府

積分: 10656

42^#

發表於 10-5-6 02:22 |只看該作者

樓主, 你一個女人帶小朋友好唔簡單架喇,

明天有咩進展話比我地知啦

私人傳訊

小玲太太

子爵府

積分: 10656

41^#

發表於 10-5-6 02:17 |只看該作者

心痛死呀!!!!

私人傳訊

召藥師

超級版主

積分: 55014

2025勳章蛇年勳章 2024年龍年勳章 2023年兔年勳章 2018父親節勳章 2018母親節勳章熱血金章精緻種植勳章好媽媽勳章超級版主 2011至尊種植勳章環保接龍勳章大廚勳章 BK猜猜猜慶中秋 hashtag影視迷勳章

40^#

發表於 10-5-6 01:59 |只看該作者

原帖由 nikinokb 於 10-5-5 09:24 PM 發表
我話你地知.. 我自己一個女人仔湊大個仔..
你地話我有幾炆幾燥幾心痛幾緊張....

我真係好想爆粗..不過我好努力控制自己EQ..
我怕人地話我細,,(其實我唔係太細,24ages)
話我小小事扮緊張..所以上黎問下你地..

我見 ...

妳唔係小小事扮緊張，依件事的確係要正視，一定要老師知道，要提醒佢地要細心d，仲要通知番對方家長。

小朋友有紛爭好少事，但變成暴力事件而被校方忽視就一定唔容許(比著我都會好心痛)! 另外妳一定要多次叮囑妳囝囝要識得保護自己，仲要識得向老師講出事件經過及感受。

盡我一己之力，發放正能量!

私人傳訊

newbiee

珍珠宮

積分: 45787

好媽媽勳章

39^#

發表於 10-5-6 01:53 |只看該作者

原帖由 nikinokb 於 10-5-6 01:34 發表
我驚個小朋友唔認呀.. 同埋我驚老師會推責任..

不過我把口都唔弱嫁,我一定會堅決地講佢知我幾甘不滿,

我真係嬲到成晚無出聲同無食飯.. 尋晚訓左3個鐘咋..

我都激到心痛到訓唔倒.. 你知嘛我仔仲要背部果個位腫 ...

我諗無得唔認, 因為你仔仔係有同個老師投訴過, 只係老師處理得唔好.
我女女四年班係學校跌損"室"頭哥流少少血, 老師都打電話通知我.
你仔仔咁細, 傷成咁都唔知, 個老師一定有錯, 佢經驗不足係佢嘅事, 學校比得佢係度教, 學校就要負責.

痛c囉...

私人傳訊

nikinokb

公爵府

積分: 29922

醒目開學勳章畀面勳章

38^#

發表於 10-5-6 01:41 |只看該作者

我仔依家個傷口腫起左,我問左我做護士既朋友,佢話有兩個可能,1係細菌感染,1係咬得勁得制紅腫起黎,,兩樣我都想死..不過佢話應該口水細菌呢一點機會好細,因為佢隔住兩件衫,係細菌都係件衫既細菌,

我諗住聽日起身仲係腫腫地,我會睇醫生,仲拎返張單比個小朋友個呀媽睇!!同埋話埋比校長知

如果唔腫就同老師講,如果聽日or今晚腫一定入埋佢數,

我最嬲既係個老師呀你地知嘛....小朋友我都無甘嬲呀..甘大件事流血都唔發覺仲要汁汁博當無左件事,就算無流血我個仔比人咬係都一定要講囉

我仲諗好左第一句就同班主任講>>你知唔知尋日我仔仔比同學仔咬到流血!

我仔返到屋企唔開心左成晚,仲同我講聽日唔想返學,不過原諒佢,但佢驚再比佢咬,佢仲喊黎,我好心痛

好心痛呀!!!