吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 唔開心...仲有無可能起死回生?

母乳餵哺今日: 0|主題: 85707

收藏本版

回覆發帖

返回列表

跳至頁

查看: 1959 | 回覆: 21

唔開心...仲有無可能起死回生? [複製鏈接]

yanbb08

大宅

積分: 1088

1^#

發表於 10-5-22 05:38 |只看該作者 |正序瀏覽 |打印

bb回家後未上奶,99就話bb無奶食,俾奶粉,係咁情況下唯有俾奶粉,2日後上奶了,但bb黃要入院,係bb住院期間,奶量唔多,3日加埋只泵到300ml,好珍惜一包包放係冰箱等bb出院,奶奶又說:泵到爛先得dd,人地d女人漏出來都多過您!bb出世一星期都係食奶粉,出院後我抱bb埋身,bb唔識啜了,食唔到喊,奶奶又話,您都無奶,俾奶粉啦,我唔想,但在家人同奶奶言語壓力下,bb又食奶粉,由於家中有16個月大大囡,我要湊囡,唔可以成日係房泵,會俾人串:都無,泵咩吖,睇住個囡好過...我只可以扮訓時泵.但係咁情況下,一日都泵唔到2次,一日俾一日少,因為要湊2個,日頭湊,晚上又湊...日日休息唔到3-4個鍾.病了要食藥,又停泵了,我bb快滿月了,我唔可以埋身,又無咩時間泵,又無湯水,由15min50ml到現在15min只泵到10ml,好大壓力,無家人支持,我真係好想放棄!

0 0 0

私人傳訊回覆引用

mingw89

大宅

積分: 2556

陪月勳章

22^#

發表於 10-5-28 19:21 |只看該作者

加油呀!只要吾放棄一定得嫁，支持你！

私人傳訊回覆引用

小二黃

大宅

積分: 4983

畀面勳章 BK Milk勳章

21^#

發表於 10-5-28 16:09 |只看該作者

原帖由 kristinecheng 於 10-5-24 16:54 發表
餵人奶既初期已經好辛苦，再加上個麻煩99，可以體會你既苦處。

不過，千祈唔好放棄，餵到一日得一日，餵到一餐得一餐。

每一個人奶媽，不管有冇家人支持，都好靠自己既毅力去堅持，你先至係bb既媽咪，bb唔靠你去爭取有人奶飲，靠邊個？當 ...

agree with you. Clap hand to all BF mama, we are proud of everything we did for our babies. Try to breast feeding your baby directly, it is the most effective pump in the world, I definitely can says if let your baby to drink more will stimulate the quantity of your milk but this must also have enough rest and water/soup. Your emotion also will influence the volume of your milk. Don't give up, the only one can stand for it is yourself. I am a 2 kids mama, for my 2nd daughter, everyone ask me to give up but I didn't, even i rise up 30 pounds to eat more and drink more. Now no one said I didn't got milk for my baby. She is healthy and fat now, she is a happy baby.

Every time she drink my milk, it is so close and peaceful that only you know the feeling it is. We all support you and please don't give up and try your best. Be happy ah !!!

私人傳訊回覆引用

mamamamamamama

大宅

積分: 2781

20^#

發表於 10-5-28 15:48 |只看該作者

我知你壓力好大，但個bb係你架，你梗係想俾最好既野佢啦，你99嘈，你咪同佢講個bb係我既，我要俾最好既野佢，我都湊住大女要鍡細仔，係好辛苦，但你要堅持自己，唔開心就要同老公傾下。

私人傳訊回覆引用

little-angie

大宅

積分: 4072

19^#

發表於 10-5-25 05:06 |只看該作者

原帖由 yanbb08 於 10-5-25 05:04 發表
其實我同奶奶住,唔想大家家嘈屋閉,而且老公好專重奶奶,所以無咩出聲,老公開解我後,我心情好了,好多謝回應的媽媽,我會努力平衡各方面,希望囝囝食到多少都好,我唔想心情太差,因為我一唔開心就無胃口,現在奶量好少,但我 ...

係，加油，呢度有好多奶媽一齊支持你！

私人傳訊回覆引用

yanbb08

大宅

積分: 1088

18^#

發表於 10-5-25 05:04 |只看該作者

其實我同奶奶住,唔想大家家嘈屋閉,而且老公好專重奶奶,所以無咩出聲,老公開解我後,我心情好了,好多謝回應的媽媽,我會努力平衡各方面,希望囝囝食到多少都好,我唔想心情太差,因為我一唔開心就無胃口,現在奶量好少,但我見有
`bk媽媽都試過奶量起死回生,只要唔放棄,俾到dd都好過無,起碼對得住自己同bb

私人傳訊回覆引用

yumiee

大宅

積分: 3093

17^#

發表於 10-5-24 22:43 |只看該作者

加油呀! 你真係一個好媽媽,又要照顧大囡,都肯努力比人奶細B食.

唔好理奶奶講的野,呢度有好多都係開頭好辛苦,比奶奶補左奶粉的人支持你.

好辛苦.我知我都試過. 唔好理奶奶, 一於抱BB埋身餵. 我唔知可行性有幾高,無論如何.我支持你.

加油呀!

私人傳訊回覆引用

R-mama

複式洋房

積分: 317

16^#

發表於 10-5-24 18:07 |只看該作者

你要加油呀, 宜家努力, 做得幾多得幾多啦. 唔好俾自己太大壓力, 餵到一餐人奶, 對BB都係好好架.

產後有好多負面情緒, 身邊既人既說話好易觸動我地既神經. 我記得BB啱啱出世, 我對住奶奶真係情緒好低落, 佢仲會日日長時間喺我屋企. 叫你老公幫手協調下啦, 就話佢知, 唔想太太產後抑鬱, 幫下手啦.

你可否帶住細B匿埋房? 我嗰時就係咁, 唔想對住奶奶, 就帶BB入房閂埋門. 派奶奶照顧住大女先, 等佢知自己有貢獻, 或者佢都會煩你少D?

我好敬佩你呀. 俾我有咁多聲氣嘈嘈弊, 我一定頂唔住呀. 你要加油呀!

私人傳訊回覆引用

kristinecheng

大宅

積分: 1805

15^#

發表於 10-5-24 16:54 |只看該作者

餵人奶既初期已經好辛苦，再加上個麻煩99，可以體會你既苦處。

不過，千祈唔好放棄，餵到一日得一日，餵到一餐得一餐。

每一個人奶媽，不管有冇家人支持，都好靠自己既毅力去堅持，你先至係bb既媽咪，bb唔靠你去爭取有人奶飲，靠邊個？當初我餵得唔好，bb不斷跌生長線，老公同我媽咪都有少少想我放棄，不過我好堅持，平時引用好多專家文章去洗佢地腦，對於無關痛養既親戚既「好言相勸」，我應一吓就算，至今11個月，bb雖然都係輕磅，不過健康發展良好又大力水，家人都冇咩嘢好講。我知臨近一歲佢地有意冇意又想我轉奶粉，連老公都話我奶量開始跌不如俾bb試一餐奶粉，除咗老公我會講明立場外，其他人我都敷衍佢地就算，因為老公眼見bb每晚撲向我扯我件衫想飲奶既興奮樣，我問佢一句「你忍心唔俾佢食咩？」，老公就冇嘢好講。

堅持，將來你一定為自己今日既堅持而感安慰。盡量埋身食，全泵真係會辛苦好多﹗

[ 本帖最後由 kristinecheng 於 10-5-24 16:56 編輯 ]

私人傳訊回覆引用

ccling69

大宅

積分: 1285

14^#

發表於 10-5-24 12:55 |只看該作者

絕對有可能起死回生. 我的bb都唔識啜, 個幾月比她啜後來又識, 最後全泵到現在18個月, 唔好放棄, 密密餵, 慢慢就得, 奶奶是我最大的推動力, 因為阿b食奶粉時她成日勒阿b大大,連得十幾度冬天,夜晚十一點幾都係咁, 成日話人人都日日有大大, 連健康院姑娘講完都唔信. 於是我在幾乎已收奶的情況下再比bb食, 一直堅持到現在, 所以如果唔係有咁嘅奶奶, 相信阿b無咁幸福食咁耐人奶.

記住人地的說話, 支持你的, 反對你的, 都可以變成你堅持餵的動力, 只看你如何激勵你自己.

私人傳訊回覆引用

chanyvonne

大宅

積分: 2314

冬日勳章 2011精緻種植勳章畀面勳章

13^#

發表於 10-5-24 11:07 |只看該作者

or you can try to mix la.

I will breast feed when I don't need to work on weekends, during lunch in weekdays and after work at night.
rest of the time will feed him milk powder if he wants to drink milk.

私人傳訊回覆引用

popodordor

大宅

積分: 2362

12^#

發表於 10-5-24 10:18 |只看該作者

好鄧你慘...
盡力啦! 加油!!!

私人傳訊回覆引用

ginnylau2

別墅

積分: 917

11^#

發表於 10-5-24 02:31 |只看該作者

事在人為.

餵到人奶既媽咪，都係經過自己及家人的堅持＋努力。

基本功及決心係最重要的，埋身餵既姿勢要正確，睡眠充足，每日要補充大量水份及湯水。

如非必要，唔好花時間泵奶，唔好補奶粉。

國際母乳會-香港

香港母乳育嬰協會

私人傳訊回覆引用

popomeow

男爵府

積分: 6674

好媽媽勳章 BK Milk勳章

10^#

發表於 10-5-23 23:10 |只看該作者

你奶奶幫唔到手又多多野講, 係我就叫佢收聲, 我生完個陣佢又係日夜要我補奶粉(甚至話要唔要俾麥粉喎)俾bb, 我忍幾日, 未到第十日已經俾我發火問佢點解成日要我俾奶粉俾bb 食?
你奶奶可能未餵過人奶, 又可能聽得太多人講奶粉有幾好幾飽肚等等, 如果佢一d經驗都冇, 絕對可以當佢無知連解釋都慳番, 如果佢有經驗但咁都打擊你, 即係佢中左奶粉毒, 呢d 最好捉佢去健康院等母乳姑娘話佢一餐~

私人傳訊回覆引用

jadeklleung

別墅

積分: 570

9^#

發表於 10-5-23 19:09 |只看該作者

叫你老公幫手話下奶奶啦... 佢真係講野過份左... BB係你既，你決定要俾最好既奶佢你就可以堅持落去! 話佢聽你上唔到奶係因為佢不停俾壓力你(同老公講就婉轉... 少少0甘多啦)，又唔幫你睇住女女，唔係一齊住既就索性叫佢少D上黎! 為左bb，你有權強硬一d!

私人傳訊回覆引用

bosch

瑪瑙宮

積分: 128521

2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

8^#

發表於 10-5-23 07:10 |只看該作者

點解人地d 女人漏出黎都多過您?!
=> 呢句你要問番99 囉! 人地d 99 好支時佢地去餵, 又會補魚湯煮多d 飯等等... 佢又做過d 乜?

你又要湊大女, 咁你99 上黎你屋企做乜? 如果佢唔係同你地住, 咁我寧願自己一腳踢做晒d 野囉!!

一有壓力就係會冇奶, 你自己想繼續就放鬆d, 順其自然. 你之前上過奶, 唔會話冇就冇.

產後女人可以好燥底, 我生完果陣惡過鬼除左阿媽之外, 其他乜人都好, 就算望我一眼我都鬧, 不過好彩冇人反對我食人奶...

如果你而家仲有少少燥, 佢地仲講咁講野就不如乘機反抗一下, 鬧又好喊又好講道理都好, 果d 人見你林善就蝦你多d架啦. 仲有唔駛理佢地, 你係bb 阿媽, 點餵bb 係你既事, 其他人有權去表達意見, 但始終點做都係你去執行.

[ 本帖最後由 bosch 於 10-5-23 07:12 編輯 ]

私人傳訊回覆引用

littlecook

子爵府

積分: 11940

7^#

發表於 10-5-22 23:18 |只看該作者

我相信只要bb仲肯埋身,佢一定幫到你!再試吓比佢埋身啜啦,試吓等佢好餓時比佢啜,可能肯呢!佢會另個個泵架!
我都要湊住大b,又要餵細b,無人幫,自己一腳踢!係好辛苦,但唔係無可能架!因為細b好合作,食得叻叻,依家連大b都有得食埋一份呀!
比心機啦,至於奶奶,咪佢有佢响度嘈,你有你餵b囉!你係都要餵,佢都無你辦法,個b係你既!

原帖由 yanbb08 於 10-5-22 05:38 發表
bb回家後未上奶,99就話bb無奶食,俾奶粉,係咁情況下唯有俾奶粉,2日後上奶了,但bb黃要入院,係bb住院期間,奶量唔多,3日加埋只泵到300ml,好珍惜一包包放係冰箱等bb出院,奶奶又說:泵到爛先得dd,人地d女人漏出來都多過您!b ...