吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 有冇人係單親媽媽和單親爸爸相戀

單親天地今日: 3|主題: 18378

收藏本版

發帖

返回列表

跳至頁

查看: 2974 | 回覆: 32

有冇人係單親媽媽和單親爸爸相戀 [複製鏈接]

cikao

大宅

積分: 1032

1^#

發表於 10-6-8 18:53 |只看該作者 |正序瀏覽 |打印

我唔知是否行錯左,我男友對找同個小朋友都好好,好關心我地.可惜我男友個女比人仲壞哂,到時一齊住一定會好多問題出現.我都好担心佢個蝦我個小朋友,雖然依家兩個小朋友間唔中都會出來玩,相處還可以,某d 時侯佢個女都好自私霸道,要人讓哂佢,就哂佢,譬如玩遊戲抽中d 公仔又揀來揀去,係都要揀個靚既,總之佢個女就極度惡教加麻煩,如果全部野就哂佢就開心lo.真係比佢全家包括我男友仲壞哂啦!又乜都唔食,只食零食,飲汽水,日日一包大薯片,我男友話佢冇病冇痛,又冇肥胖咪算囉,餐餐晚飯白飯加青菜,肉一點都唔吃,只喝鮮奶,魚湯,佢個女萬千寵愛,當正個個工人咁洗,要個樣就有個樣,
又鍾意講大話,又貪靚,我送件衫比佢著,唔鍾意個公仔,就同佢麻麻講話件衫唔舒服,好吉,跟本就講大話,所以我以後都冇買衫比佢啦!著衫靚又對麻麻發脾氣,係一個超級硬頸的小朋友,雖然係話愛屋及烏,如果一齊生活,佢個女真係好難教,佢大個唔會聽我話架,我嚴格對佢,佢一定會告我狀,實話我刻薄佢,到時和男友一定會產生好多問題,爭吵,我又好担心我個小朋友會有樣學樣,跟住佢個女會學壞哂呀!

各位比d 意見我啦,究竟我應唔應該同我男友同埋佢個女一齊生活好呢?

或者我會嘗試下先囉,唔夾既,我會搬走.

其實我係唔係自找煩惱呢?我係唔係太貪戀呢?如果唔遇著呢個好男人,我估我會和我小朋友開開心心過埋呢下半世就算啦.不過,我同我男友一齊我和女兒都開心左好多,可能有人同我分享喜與樂啦.

0 0 0

私人傳訊

cikao

大宅

積分: 1032

33^#

發表於 10-6-24 21:10 |只看該作者

我朋友教我:
1. 決斷分手,只係一個逃避的方法.
2.就要忍,當佢個女係自己親生一樣看待,佢個女冇人教先會咁既啫,咪當係做善事,盡力教好佢個女.
3.驚自己個學壞,有樣學樣,就要教個小朋友明辨是非,出來社會做野更加世途險惡.當係一種磨練.
4. 要對個男友的父母,他的女兒好,佢先會對我好.善待別人,等於善待自己.
5.有時自己諗到將來太負面,人總要去嘗試過,未試點知係好差好難搞的關係呢.

私人傳訊

cikao

大宅

積分: 1032

32^#

發表於 10-6-14 22:48 |只看該作者

jijincat :
頭先佢話佢會改過,會同我合作一齊教好佢個女,不過,我都係聽住先乍,佢話小朋友頑皮係佢既命運安排,又話佢父母細個都係咁子女,唉..........激死呀!!佢仲話好想同我結婚.好想同我一齊生活,4個人一起生活,佢話一定要我接受佢個女lo,佢改變唔到.我話我寧願同你生第二個由頭教起我都冇咁辛苦呀!!!!!!!!!!!

但有時諗冇男友,唔洗墮入呢個咁複雜既關係都幾好,輕鬆好多,專心一致揍好小朋友就夠啦!!!!!!!!!!!!係少左個人錫lo!!!!!!!!!!!!!!真係有咁諗,4個人一齊住,諗起佢個女既惡行就真係好煩好煩呀!我真心付出,可惜吃力不討,冇人支持我教法,男友唔合作.唉!!!!!!!!!!!!!不過都係2-3年後既事,我會否太快杞人憂天.因為佢個女大左就更難教啦!!!!!!

好似頭先睇電視有句話:"既然某d 野改變唔到就唔好理,最重要我同男友的關係不變"

[ 本帖最後由 cikao 於 10-6-14 23:09 編輯 ]

私人傳訊

jijincat

大宅

積分: 3604

31^#

發表於 10-6-14 22:41 |只看該作者

原帖由 cikao 於 10-6-14 19:05 發表
jijincat :

好多謝你的意見呀!其實我呢排真係好動搖,覺得男友唔關心我,佢好自私.只顧自己.佢想有個完整家庭,但又乜都唔理,特別係佢個女問題,佢覺得佢個女係冇問題,因為佢細個時都係咁惡教.當初我同得佢一齊,我會接 ...

既然妳自己都諗到咁多問題將會出現, 咁妳真係要三思而後行呀!! 因為我就話當初跟我老公時係單身o者, 妳仲有個細o既跟住妳睇妳頭做人, 妳同伴侶o既關係會好影響妳小朋友第時o既人格發展&婚姻觀念, 所以妳千萬唔好急於一時住埋一齊, 諗清諗楚先好決定呀!! 睇多3個月男朋友表現先決定住唔住埋啦!!

私人傳訊

cikao

大宅

積分: 1032

30^#

發表於 10-6-14 19:05 |只看該作者

jijincat :

好多謝你的意見呀!其實我呢排真係好動搖,覺得男友唔關心我,佢好自私.只顧自己.佢想有個完整家庭,但又乜都唔理,特別係佢個女問題,佢覺得佢個女係冇問題,因為佢細個時都係咁惡教.當初我同得佢一齊,我會接受埋佢個女,我真係有真心去教過佢個女架,可惜真係冇改進,仲吃力不討,比佢個女係我背後話我不是,我送件衫比佢,佢唔鍾意個公仔,佢居然當我面前話鍾意,係我背後同阿麻告狀話件衫吉肉,你試問一個只得6yr 大的細路女,己經咁識講大話,你叫我以後日子點教落去,仲有其他惡行,我都唔想講.我男友又唔識教,又唔得閒理.
日後一齊住,我驚我冇信心搞得掂佢.又担心自己小朋友有樣學樣呀!!!!!!!

你講好啱,我真係唔敢面對將來!!!!!!!!!!!!最大問題只有我付出係唔夠,男友唔理,全家不合作都係一個好大問題.我面對既壓力真係好大好大!

私人傳訊

jijincat

大宅

積分: 3604

29^#

發表於 10-6-14 11:20 |只看該作者

樓主,

睇妳由出第一個post開始, 妳寫盡的都係一啲負面&唔敢對將來抱有希望o既文字, 咁試問幸福又點可能白白降臨妳身上呢!?

妳同妳男友都期望得到一個健全o既家庭, 但彼此雙方都唔願意付出、坦誠咁溝通、為對方作出改變o既話, 即使妳地真係住埋一齊, 相信亦好難可以長久!! 需知一方單親o既重組家庭已經係好複雜, 更何況妳現時2邊都係單親, 要融合埋一齊更加係難上加難!!

我咁講並唔係要打擊妳地o既關係, 只係我自己都為人後母, 知道當中苦處, 但若果段關係一開始妳就已經成日呻、成日怨, 咁請問妳可以維持到幾耐呢!?

我個例子好好彩, 因為我先生同佢前妻晌小朋友1歲半時已經分開左, 而我加入佢地o既時候小朋友仲細只係2歲幾, 所以對我o既抗拒不太大, 而且隨著一齊生活o既日子, 小朋友亦越唻越聽我話, 我先生都會時時同我溝通, 預求大家都有一致o既教法, 所以so far我地一齊左8年, 大家都生活得唔錯!!

當妳講出妳狀況o既時候, 我有種熟悉感覺, 當然妳地情況比我地更複雜, 所以我都忍唔住想加把口講多句, 如果妳真係覺得妳男友係妳mr. right的話, 請妳有定心理準備面前的路將會非常之難行, 但因為妳愛佢, 所以妳要承擔過程中一切可能會發生o既事情。如果妳真係有眼光的話, 妳會發現每過一個難關, 妳同伴侶係會更緊密地扣埋一齊, 我同我先生o既關係正係如此, 希望妳都可以幸運地, 搵到一個可以互相扶持、愛錫妳o既伴侶!! 祝福妳~

私人傳訊

cikao

大宅

積分: 1032

28^#

發表於 10-6-13 10:05 |只看該作者

我男友又想有個完整既家庭,所以咪打算將佢個女搬返住,佢就一天都光哂啦!!!!!!!!!!!!!!!!

我男友又唔識教女,好難相處架!之前兩個小朋友隔唔假一齊玩下,佢個女有問題,都就下佢啦,"相見好,同住難"呀!
問題不在於我,係我男友唔同我合作教好佢個女呀!!!!!
學有人話:daddy都比我咁做,你有咩資格話我呀!!!!

佢個女咁犀利,我送件衫比佢,佢唔鍾意個公仔,佢唔當面話,佢居然係阿麻面前話件衫吉肉,唔舒服,所以唔著,後來,我問佢個女先知真相,跟住我都話比佢阿麻知呢件事,話佢講大話唔斬眼.一個只得6歲既細路女,己經咁古惑,又扮靚,唉........佢地全家唔教,遲早學壞.

私人傳訊

cikao

大宅

積分: 1032

27^#

發表於 10-6-13 09:58 |只看該作者

原帖由 babytszkin 於 10-6-12 04:45 發表
''又要好又要馬兒不食草''好難架喎~我想問您識您男朋友時唔係一早知道他有個女架咩~????
現實做人係好難架~!如果您又想一切都合您心意~咁您不如好老實搵個機會一五一十話晒您的心事比您男友知喇~雖然我唔知您幾歲~
...

因為當初識我男友佢個女係跟婆婆住架,唔會返來住,點佑,因為佢前妻同第二個男人生多個bb,佢唔想佢個女叫個bb做細老,所以一氣之下,帶左個女返來住.

私人傳訊

cikao

大宅

積分: 1032

26^#

發表於 10-6-13 09:50 |只看該作者

尋晚出去同朋友食飯,返來肚疴,我男友去左釣魚,佢只係問一句要否去看e 生,跟住就冇理我啦,其實我同佢之間除了佢個女問題之外,時間都是一個問題,佢跟本冇時間見我,一星期最多見面2,3晚,每晚都係2小時左右,即係一個星期只有最多6小時見面乍,今個星期仲激氣,佢寧願兩晚都去釣魚,都唔嚟見我,可能佢都知道我地之間既問題存在,係度逃避,呢排都極少打電話比我,我覺得愛一個人唔係咁囉,佢都唔掛住我,連電話都冇一個,唉,突然好想同佢分手,佢又好想搵個女人去照顧佢個女,我覺得佢最好都係搵個單身女人啦!不過人係自私既,見到佢個女咁惡教,人地都未必肯未受啦!唉..............我愛得他好苦呀!!!!!!!!!!!!!!!!!

私人傳訊

babytszkin

侯爵府

積分: 22633

25^#

發表於 10-6-12 04:45 |只看該作者

''又要好又要馬兒不食草''好難架喎~我想問您識您男朋友時唔係一早知道他有個女架咩~????
現實做人係好難架~!如果您又想一切都合您心意~咁您不如好老實搵個機會一五一十話晒您的心事比您男友知喇~雖然我唔知您幾歲~
但以後的路仍是慢長~現在您們未有名份您都有這麼多擔心張來的路會重難行架~

私人傳訊

cikao

大宅

積分: 1032

24^#

發表於 10-6-11 21:04 |只看該作者

另外就是我小朋友健康問題,佢一向身子差,要早訓,要戎口,因為成日咳,成日病.
佢個女每晚成11點先肯訓教,第二朝7點起床,而我個小朋友冇咁早起床,又驚嘈醒埋佢.佢地到時係訓look 架床,如果我個小朋友日日都咁早醒真係成日病都有知呀.我只係想等兩個小朋友大個d,我個小朋友健康d 先搬去一齊住lo.

唉,真係越諗越煩呀.唔同佢地住,又好似好冇情,冇人照顧佢個女咁,因為啱啱收到消息話,姑姐年尾就生bb,而要佢媽咪照顧bb,咁到時佢唔可以揍我男友個女架啦!年尾就會搬返來住,如果我唔同佢一齊住,唔知會否好絶情呢???????

或者試下租多個單位係我男友家樓上樓下咁啦.咁樣會有個照應囉.屋企唔夠住,想請個工人都好麻煩啦!

私人傳訊

cikao

大宅

積分: 1032

23^#

發表於 10-6-11 15:32 |只看該作者

我都覺只係我做哂醜人,佢做哂好人,再多d 就更難教啦!我都有同我男友溝通,但佢係一個完全唔識教女,只會仲女之人,又緊張個女唔食飯,驚冇營養,於是,成日用零食來氹個女食飯,食哂飯有汽水飲,有薯片食.佢個女都足到佢心理啦,於是,咪食幾啖飯,又係到扭計話要飲汽水囉,唉!!!!!!!!!!!!
除非我男友好嚴惡鬧個女,佢就知囉,我男友又唔想接左個女返來住,成日搞到佢唔開心,所以,真係好難搞呀!!!!!!!!!
學你地話,小朋友大d:你係我咩人呀?你冇資格話我.唉....

諗起都好煩呀!!!!!!!!!!!!!!!!!

私人傳訊

beagledog

大宅

積分: 3828

22^#

發表於 10-6-11 10:50 |只看該作者

原帖由 vane 於 10-6-10 20:40 發表
MOON,
果然講得好.....

同意....又學倒野

私人傳訊

vane

侯爵府

積分: 22841

環保接龍勳章

21^#

發表於 10-6-11 10:13 |只看該作者

畢竟遇上能相愛的人~係難事~

有同感....
可能現在心態不同了...
所以暫時都係晚上睡好一點...發發夢...補數

原帖由 babytszkin 於 10-6-11 08:12 發表
我都覺得moon~ee好有道理,好現實咁講做女人邊個都希望搵個對自己好又事業有成兼未婚的男人,但講真唔係話自卑,人選您您選人,而家d男人都希望搵個幫到手的女人!咁多中女事業有成都重未嫁得出~何況我呢個單親mami!
如果 ...

我係亞四...越忙越開心!上山下海樣樣佳能....

私人傳訊

babytszkin

侯爵府

積分: 22633

20^#

發表於 10-6-11 08:12 |只看該作者

我都覺得moon~ee好有道理,好現實咁講做女人邊個都希望搵個對自己好又事業有成兼未婚的男人,但講真唔係話自卑,人選您您選人,而家d男人都希望搵個幫到手的女人!咁多中女事業有成都重未嫁得出~何況我呢個單親mami!
如果您怕失去您男朋友但您又接受唔到他個女,我同意moon的講法您用愛心感化她~畢竟嗰個重係細路仔~您係成年人~有得教架~您男人知您愛屋及烏~可能愛您重多d架~
係您唔開心的時間,放大您男友的優點!畢竟遇上能相愛的人~係難事~

私人傳訊

moon_moon

子爵府

積分: 10926

醒目開學勳章畀面勳章貢獻勳章環保接龍勳章親子達人勳章

19^#

發表於 10-6-11 00:11 |只看該作者

Vane, Sadman哥哥....只係我既吹水睇法同經驗遮...學習咩呀...咪玩我啦...

cikao..唔敢講指教…都話只係分享我既經驗...

首先你要明白男士通常係要求小朋友尊守家規方面會比較無敢嚴，通常都係媽咪做醜人，你男友唔同個女住添，咁當然會更惜佢多點啦..呢點就係你地所謂既"縱"，呢點你應該先體諒下佢，個小朋友已經8歲，咁多人惜，你唔好預期單靠你做醜人就可以改變到佢既行為習慣先得架，係無可能架，你一定要同男友商量，要解釋佢知淨係你開聲叫佢唔好食飯前飲汽水食零食，個小朋友就只會諗"我爹地都唔話我，你係我邊個，走黎話我?"咁就只會弄巧反拙...所以一定要佢配合....咁先有用…要用計..要令個小朋友明白你都惜佢，舉個例，叫男友用嚴少少既語氣話個女，嬤嬤幫爹地口，你就同佢地同個小朋友講，你都想飲，不如食完飯一齊飲少少...咁小朋友又覺得你support佢，男友又會覺得你花心機教佢個女，咁咪一舉幾得囉...呢個只係舉例...但都係要時間既，同睇下小朋友既性格，唔急得，同埋都係個句，要先同男友溝通好，同埋唔使下下爭住幫佢教女既..希望少少分享幫到你.....

原帖由 moon_moon 於 10-6-10 17:42 發表
分享我小小既經驗，我跟前男友既3個女兒感情都好好架，其中兩個已經成年，細既一個就現在中學，我地相處左幾年，佢都好我我架，就算現在佢地都會有跟我聯絡架，佢個女同我個女一樣大，但都好好朋友架，你男友個女做得對與唔對應該由佢 ...

私人傳訊

sadman

大宅

積分: 1335

18^#

發表於 10-6-10 23:43 |只看該作者

原帖由 moon_moon 於 10-6-10 17:42 發表
分享我小小既經驗，我跟前男友既3個女兒感情都好好架，其中兩個已經成年，細既一個就現在中學，我地相處左幾年，佢都好我我架，就算現在佢地都會有跟我聯絡架，佢個女同我個女一樣大，但都好好朋友架，你男友個女做得對與唔對應該由佢 ...

moon moon 校長 , 欣賞你的人情世故 , 做學生的我 , 多多向你學習

[939]

私人傳訊

cikao

大宅

積分: 1032

17^#

發表於 10-6-10 20:53 |只看該作者

beagledog :
佢個女已知道咩事父母會分開啦! daddy 話媽咪唔乖,做錯事,先會分開,佢個女個媽咪好錫又好仲架.其實佢好幸福就真,好多人好錫,好遷就佢,daddy 每晚都返去見佢,同佢玩,相反我個前夫及其家人好少見我個女,因為佢地鍾意仔,唔鍾意女,所以唔稀罕.我個女真係好可憐呀!仲有少少自卑添.
我個女就好担心我男友搶走我,唔要佢,但又好奇怪,佢又鍾意我男友.

私人傳訊

cikao

大宅

積分: 1032

16^#

發表於 10-6-10 20:47 |只看該作者

moon moon:
得閒指教下我點教啦!我男友家人又好抱有希望想我教好佢個女,等佢乖d,可以有正常既食習慣.
雖然我係有成見,係因為吃力不討好,個小朋友又冇乜進步先會咁.特別係飲食問題,佢地太心軟啦,個小朋友扭計就有薯片汽水食,食完又唔食飯.
希望到時一齊住真係可以令佢改變下啦!兩個小朋友又鍾意爭第一,認叻,最煩係不懂禮讓,真係好麻煩架.