吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我覺得自己好可笑

夫婦情感今日: 2|主題: 42753

收藏本版

發帖

返回列表

跳至頁

查看: 4312 | 回覆: 46

我覺得自己好可笑 [複製鏈接]

12 3

cathy29

伯爵府

積分: 19739

1^#

發表於 10-6-9 13:05 |只看該作者 |正序瀏覽 |打印

短短呢幾日事情我已經作出左最大壞o既打算, 雖然係咁, 我真係好辛苦好唔甘心; 原來咁多年都做咁多野都係多餘…..

我有個大仔8歲, 細仔就黎3歲; 兩公婆當然會有嗌交, 甚至俾人打的情況都出現過, 每次係咁個一刻我都想離婚算數, 唔想再係咁; 但一諗到兩個仔我可以唔記得哂之前o既野抹左去; 除左呢樣, 所有野都好好, 對我都叫好. 之不過係一時火遮眼就會”ping ling pang lan”; 平時佢話要同d friend/同事去邊我冇阻止, 極其量只係面露不悅, 但最終佢都唔會因為咁而唔去, 而我就會照顧d仔; 而我就好少出去因為要睇住兩個仔; 到左上星期初我夜晚上FACEBOOK見到有人REPLY佢個MESSAGE”下”, 先發展佢打左”一段複雜關係戀愛中”, 我當時問佢做乜, 佢話唔係佢整; 我話你攪番掂佢; 到左第二朝我上FACEBOOK見個MESSAGE分別變為”一段聯係順利發展中”及”已從已婚刪去中”; 同日我表姐, 外國朋友即時MSN我問我有咩事, 我話冇野, C6話唔係佢整, 之後我再同C6講呢件事, 佢話真係唔係佢做; 好! 我就同佢講”咁又係, 如果真係你都唔會咁高調”. 佢冇出聲。

話說有個女同事生左個細女話成班去佢屋企BBQ, 但講左幾次都去唔成。到左上個禮拜, 佢每兩日就同我提番起BBQ事件, 我話你咪去囉, 講左好多次去得成先算。到左星期四, 佢同我講星期六會去BBQ, 下星期六(即今個星期六)公司GATHERING, 咁冇辦法啦; 跟住佢又再同我講有同事話攪去澳門玩, 我即時好慶; 心諗有冇攪錯, 出去都唔係咁樣出法丫。我話你都冇問我係通知我o者, 佢仲開玩笑咁話係呀我通知你架咋。到左星期五, 我放工要拎野出去俾人, 我打俾佢問佢幾點收工, 佢話8點幾, 我話我要出去拎野俾人, 如果係我順便帶埋細仔等佢收工(因大仔夜晚要學野), 佢話舊同事叫佢出去食飯, 咁我話得啦, 佢問我食乜, 我話我一個人好易攪掂; 最尾一個電話係差唔多7點半, 其間冇打過電話返黎直至半夜點幾鐘打番黎話而家返黎。

到左星期六佢晏晝打過俾我, 問我大仔點(因要睇醫生plan住割扁頭腺), 我好悔氣咁應佢, 其間佢都有打過幾次電話俾我, 我都係好悔氣同佢講野(我嬲係因為佢完全唔知錯係邊); 到左5點幾佢到黎屋企, 都有問我係咪得罪我, 我話冇野, 佢再問我就話如果你覺得冇就冇; 其間佢電話響, 我聽到係佢BBQ個D人打黎問佢得未, 之後佢都再有問我咩事, 我話唔好煩我, 你要出去就出去; THEN佢就出左門口; 直至7點幾佢打番黎(當時佢係公司), 問我做咩咁悔氣我冇應佢, 佢就話我成日打番黎你都咁講野, 跟住我就好嬲, 我鬧”你幾時打過番黎”; 佢話”我做緊野先冇打o者”; 我話”你邊有打番黎, 你尋晚幾點放工?”, 佢話9點幾. 我鬧”你有打俾我咩? 收工我又唔知, 食飯食到幾點我又唔知, 淨係半夜打番黎話而家返黎. 我話有冇攪錯, 你出去唔緊要, 最起碼都打過電話俾我問下兩個仔點丫, 死左未丫, 咁我地死哂要唔要通知你” 跟住佢冇出聲, 我就cut左佢線. 之後佢都有打番黎話到左BBQ個度, 問下個仔做乜 ETC. 但我都好悔氣應佢, 啖氣真係好難下;
到左星期日, 佢間唔中打番黎問D仔點, 我求其應佢, 到左7點幾佢打黎問我今晚食乜, 我話未知; 佢就通知我話幫朋友搬野; 其間我叫大仔打俾佢同佢講我地食飯先唔等佢; 之後佢就冇再打番黎直至12點幾打黎同我講而定返黎, 我話”得啦”就CUT左佢線…..連續幾日佢都可以係咁, 我真係好嬲….…是問有邊一個唔嬲? 相反如果我咁做, 佢會點? 我肯定佢已經發左癲好耐…….

至始之後佢冇再打電話返黎, 星期一7點幾打過兩次番黎但我冇入線(因電話壞壞地入唔到線), 但我冇打番俾佢; 尋日我收工帶左兩個仔出去食飯, 佢一個電話都冇; 點知我上左小巴(返屋企), 咁o岩佢又上同一架; 大仔見到佢嗌佢, 我唔知佢有冇俾反應, 因我冇正視佢; 由於架小巴都好滿, 所以佢坐較後o既位置; 因為尋日表姐生日, 我地去佢屋企切旦糕(佢住我附近, 小巴總站); 而佢就早我地一個站落, 見到我地冇落車就問大仔去邊, 大仔話去亞姨度切旦糕. 到我地食完旦糕返屋企, 我一打開大門已經唔見左人, 淨係知道佢沖左涼換左衫出街。個刻我真係嬲到爆…..佢竟然可以咁..….我頂唔順終於打俾99係咁嘈….99就打俾69, 轉頭69打俾我傾左一陣收到線。

冇耐69打俾我, 話佢c6打左俾佢傾….當然佢所講o既野完全係自己單方面我做得唔夠好;話我成日係度嘈, 所以而家唔理唔出聲; 又話返工壓力大(我有返工, 放工湊仔煮飯做家務)同我講我又唔俾support佢, 好多野煩; 發覺性格唔o岩, 想單身…..聽完呢一刻我個心已經死哂, 原來咁多年黎o既努力佢一句說話就可以抹煞哂….我覺得自己好可笑…..我自問咁多年冇呻過一句辛苦, 佢冇$, 我同佢捱冇講過一句; 佢冇野做係屋企未搵工我都冇嗡佢一句叫佢拿拿林搵野做; 唔夠錢我想盡辦法同佢度掂佢, 每次佢攪咁d野要$個陣收科, 我同佢諗掂佢; 我要朝早湊仔返學, 返工, 放工湊仔買送煮飯吸塵抹地洗衫晾衫摺衫, 叫仔訓覺到佢返黎我叮埋飯俾佢, 我先睇下電視訓覺, 有時佢仲話我成日嗌累, 但佢話佢仲累過我! 佢成日都話我冇關心佢, 但佢又有冇呢? 原來呢d一切o既付出都叫唔夠好! 我都唔知咩叫好!

呢幾日佢係有返黎, 但d仔訓哂覺, 冇望過d仔一眼。連一向平時湊大仔返學o既意識都冇…我覺得我好心死........

0 0 0

私人傳訊

sandy1425

珍珠宮

積分: 41032

好媽媽勳章大廚勳章

47^#

發表於 10-6-12 11:47 |只看該作者

5只肉體上,佢精神上都虐待緊樓主 eg成日話佢勾佬,返工出差都有得嘈...

甘都係樓主錯?lee d男人,走左係樓主ge幸運!

私人傳訊

sandy1425

珍珠宮

積分: 41032

好媽媽勳章大廚勳章

46^#

發表於 10-6-12 11:43 |只看該作者

而家樓主比人打,5係欠缺溝通甘簡單!!!!!!

私人傳訊

sandy1425

珍珠宮

積分: 41032

好媽媽勳章大廚勳章

45^#

發表於 10-6-12 11:35 |只看該作者

打老婆同仔ge男人....
離婚未必5好...

私人傳訊

小藍

大宅

積分: 4442

醒目開學勳章畀面勳章親子王國15週年勳章

44^#

發表於 10-6-12 00:25 |只看該作者

原帖由 HTML 於 10-6-10 12:38 發表
兩公婆當然會有嗌交, 甚至俾人打的情況都出現過

作為旁人看, c6 有打過樓主, 一定有唔啱..

樓主, 其實2人都結婚成10年, 仔都有2個... 我好明白要照顧2個仔好辛苦, 好勀, c6又唔幫手不特止, 仲成日出去玩, 個仔病緊 ...

冇錯, 就係咁...

私人傳訊

encina

子爵府

積分: 10575

開心吸收勳章畀面勳章

43^#

發表於 10-6-11 18:03 |只看該作者

其實我覺得你好叻
一個家做咁多野
如果我係你我可能一早就同老公大吵
大吵其實都有好處...
至少可以俾對方知道自己的諗法
我覺得你老公可能見你成日唔理佢
所以有d向外發展
同埋我唔明...你老公而家即係係邊住?
希望你地可以開心見成咁傾下
因為有2個小朋友...
不過如果真係變唔到...亦唔見得要為左小朋友而辛苦自己
加油

私人傳訊

bkteapot

珍珠宮

積分: 33274

環保接龍勳章 hashtag影視迷勳章

42^#

發表於 10-6-11 10:50 |只看該作者

只睇第一篇, 你老公都講左佢不滿d咩, 你話佢一味話自己無錯,
你咪又係..

私人傳訊

大豬既老婆

伯爵府

積分: 17545

41^#

發表於 10-6-11 02:22 |只看該作者

樓主你呢D系十年累積落黎既問題。感覺上你系覺得2公婆之間唔公平，
1。你覺得照顧屋企好辛苦，但你老公話距仲辛苦。你覺得連0申既機會都無。
2. 你老公唔俾你出去做野，但距就可以自己去街
3. 距會懷疑你勾佬，但你懷疑距有第二個距就唔開心

開心見誠同距傾下，最好搵日系得2公婆傾，小朋友或者俾父母睇住先。話俾距聽你有咩唔開心，講完之後就講埋解決辦法，比如一個禮拜，每人有一晚私人時間，邊個都唔洗同邊個報到；講清楚，都已經有小朋友，又一齊咁多年，勾咩佬姐，癡癡地架咩，你話你捨得個老公都唔會捨得D仔女。

私人傳訊

sumlam

珍珠宮

積分: 35137

好媽媽勳章

40^#

發表於 10-6-11 01:31 |只看該作者

原帖由 tantanmama 於 10-6-10 13:53 發表
男人真係會因為欠溝通而離婚? 如果冇其他引誘出現, 個男人點會突然間咁大勇氣求變? 拋妻棄子喎, 揹咁大罪名只純粹為咗"想變番單身"? 點解咁急於變番單身? 所以我總係覺得樓主老公就算而家未正式有第三者, 都應該已有 ...

我都覺得樓主老公已經有左第三者!
如果唔係, 冇理由係facebook到改relationship既status~ 由你老公話唔係佢整, 變到話佢改呢個status係特登打上去黎激你, 你唔覺得好有可疑嗎? 佢話要激你, 跟本唔駛用呢個方法都可以激到你!

私人傳訊

beanlala

大宅

積分: 2481

39^#

發表於 10-6-10 17:47 |只看該作者

我覺得唔理發生咩事如果你c6對你郁手 li個行為已經唔可以容忍雖然大家欠缺溝通但離婚li 2個字唔可以輕易羅出黎講樓主你一個人要兼顧咁多野已經好唔容易現在你先平復一下自己心情再諗諗跟住落黎應該點做

私人傳訊

seaman1982

水晶宮

積分: 51853

牛年勳章好媽媽勳章醒目開學勳章畀面勳章環保接龍勳章大廚勳章

38^#

發表於 10-6-10 17:45 |只看該作者

原帖由 carpisam 於 10-6-10 17:20 發表
為什麼夫妻之間常會覺得難以理解，甚至難相處呢？說來可有許多文章可做。不過以下是一對美國夫妻同一天寫的日記，讀後就什麼都明白了。日記解釋了女人與男人有什麼基本不同和最大差異。很好笑的故事。

女的日記（一大篇）：
昨 ...

哈哈~我都看過~
但老公日記好似仲有一句~是否怕三級沒貼出來~?!

私人傳訊

carpisam

男爵府

積分: 7731

37^#

發表於 10-6-10 17:20 |只看該作者

為什麼夫妻之間常會覺得難以理解，甚至難相處呢？說來可有許多文章可做。不過以下是一對美國夫妻同一天寫的日記，讀後就什麼都明白了。日記解釋了女人與男人有什麼基本不同和最大差異。很好笑的故事。

女的日記（一大篇）：
昨天晚上他真的是非常非常古怪。我們本來約好了一起去一個餐廳吃晚飯。但是我白天和我好朋友去 shopping了，結果就去晚了一會兒。可能因此他就不高興了。他一直不理睬我，氣氛僵極了。後來我主動讓步，說我們都退一步，好好的交流一下吧。他雖然同意了，但是還是繼續沉默，一副無精打采心不在焉的樣子。
我問他到底怎麼了，他只說「沒事。」後來我就問他，是不是我惹他生氣了。他說，這不關我的事，讓我不要管。在回家的路上我對他說，我愛他。但是他只是繼續開車，一點反應也沒有。我真的不明白啊，我不知道他為什麼不再說「我也愛你」了。

我們到家的時候，我感覺我可能要失去他了，因為他已經不想跟我有什麼關係了，他不想理我了。他坐在那兒什麼也不說，就只是悶着頭看電視。繼續發呆，繼續無精打采。

後來我只好自己上床睡去了。十分鐘以後他爬到床上來了。讓我吃驚的是他居然過來愛撫我然後和我……。可是儘管如此我還是感覺，他一直都在想別的什麼。他的心思根本不在我這裏！這真的是太讓我心痛了。

我決定要跟他好好的談一談。但是他居然就已經睡着了！我只好躺在他身邊默默的流淚，後來哭着哭着睡着了。我現在非常的確定，他肯定是有了別的女人了。這真的像天塌下來了一樣。天哪，我真不知道我活着還有什麼意義。

男的日記（只有一句）：
他媽的，今天洋基隊居然輸了。

（如果能交換日記讀讀，關係也許就融和了。）
~李怡

私人傳訊

iluvmeeself

子爵府

積分: 11657

36^#

發表於 10-6-10 17:11 |只看該作者

若無其事 is their 強項 !!

私人傳訊

bobolily

大宅

積分: 4065

畀面勳章

35^#

發表於 10-6-10 16:10 |只看該作者

樓主, 你試吓過多幾日等你C6冷靜d, 然後再平心靜氣同佢傾吓啦! 佢而家火姐眼先會咁冷言冷語, 亦都因為你之前都好惡同晦氣, 影响到大家的関係...

另外, 我好替你擔心, 因你話比C6打, 佢点打你? 打得勁唔勁? 你有冇還手? 如果佢成日勁打你的話, 你就要重新考慮同佢的關係囉

希望你可以開心d放鬆d

私人傳訊

siusiuchin

民房

積分: 100

34^#

發表於 10-6-10 15:48 |只看該作者

樓主比ｄ時間你ｃ６啦, 你會嬲,佢都會, 你搵咁多人同佢"傾" 係人都煩...

仲有一樣樓主要切記唔好咩都用"對與錯"來分, 男人好多時都唔認同, 應該話每個人都有自己一套對與錯既觀念, (佢出手打仔同你當然係唔岩啦)

放鬆d先啦, 你越迫佢佢越逃避...

私人傳訊

hoho0728

男爵府

積分: 8981

醒目開學勳章畀面勳章大廚勳章 BK Milk勳章

33^#

發表於 10-6-10 15:06 |只看該作者

cathy,我覺得你老公的態度,其實好多老公都係咁上下,唔好咁執著,你老公有問題,其實你本身都有,你真係要改下發脾氣性格,唔係唔比你發,但你唔出聲,你老公真係唔知嬲咩,男人就係咁,後知後覺,有咩不滿,真係講出黎,唔好要人估~

無論點都好,唔好發脾氣,平心靜氣d,家下佢講到出口離婚二個字,係咪真係行到呢個地步,就2個人坐低認真傾,2個都唔發脾氣,唔好講咩悔氣說話,你地既情況已經唔係2個人既事,你地仲有細路架,你同老公講就算佢真係決定離婚都要傾清楚,唔好話唔想講,試下講下大家感受,對大家其實有咩不滿~係咪真係去到離婚呢個路

私人傳訊

KATRINE

子爵府

積分: 11902

32^#

發表於 10-6-10 14:09 |只看該作者

我覺得你係為啖氣唔同佢講野, 時間耐咗,佢已無耐性再估你唸緊咩,之後再唔想同你講野
其實你都有小小責任,佢都有試過問你,又成日打電話俾你
你唔正面同佢講問題所在佢根本唔知自己衰咩
或者搵揝再同佢溝通吓
我唸事情唔會去到最壞

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

31^#

發表於 10-6-10 13:53 |只看該作者

男人真係會因為欠溝通而離婚? 如果冇其他引誘出現, 個男人點會突然間咁大勇氣求變? 拋妻棄子喎, 揹咁大罪名只純粹為咗"想變番單身"? 點解咁急於變番單身? 所以我總係覺得樓主老公就算而家未正式有第三者, 都應該已有目標.

私人傳訊

cathy29

伯爵府

積分: 19739

30^#

發表於 10-6-10 13:51 |只看該作者

我係有同佢講過我嬲d乜, 但佢冇"dup"番我, 只係若無其事打電話返黎話俾我知到左喇, 搵下仔咁....

我唔係嬲佢出去, 但我要求你打電話返黎起碼俾我感覺到你玩o既同時都記得呢個屋企, 呢個先係真係原因。又假設我要出街, 我要諗辦法同佢講令佢唔好諗錯野(佢成日話我勾佬)的同時, 我又要安頓左我兩個仔先出得去, 仲要係佢返屋企之前返到屋企湊仔唔洗佢煩; 點解佢可以咁無後顧之憂? 但呢一點我從來冇同佢呷過半句。
4月份由於我boss大肚, 佢要去上海一趟出trip(早機去晚機返), 佢同我講d仔唔洗睇架, 黑哂口面....直至去之前幾日打仔個陣, 我截住佢唔叫佢唔好打; 點知佢連我都打埋, 仲話"一早我話左唔可以出去做野, 你竟然夠膽同我講去上海做野!!!!"

至於佢打返黎我唔係一下cut佢線o既, 係講到最尾我連bye bye都冇講就收左線...我c6脾氣好大, 好易忟...唔可以俾人話, 要黑面就黑面...所以我都唔係點同佢嘈