自由講場

收藏本版
發帖
返回列表
跳至頁

首頁
1234

尾頁
   0
histone


複式洋房

積分: 137


1#
發表於 10-6-12 10:13 |只看該作者
女女今年小一，班上有一姓陳的男同學，非常暴力，經常擾亂上課秩序，又推倒別人在地，最近更四處向同學炫燿，自己學了功夫，一言不合，就打同學，而且不是鬧著玩，而是非常用力的，又懂得打人脆弱的部份，如肚、頸，雖然老師已罰他小息不能玩，但他仍然在上課時、排隊時，在老師轉身、一不為意時，找機會欺侮其他同學。小女也在他欺凌之列，近日因為女女不肯讓他看堂課的答案，被他抓損了手腕，又被他踢到小腿有瘀傷，老師表示已罰他在小息時寫悔過書，但他並未完成。我亦從各方面得知該陳同學的父母極其"朗厲"，老師罰他的兒子，他們就到學校吵，認為是別的同學激怒他，他才動手，醫生向其父建議他的兒子食藥，他反罵醫生癡線，自己兒子又沒有精神病，而且非常聰明，為何要食藥？食到變蠢左，咁點算？

其實我不想難為老師、社工和校長，但看見女女每日上學，都要和同學商量，想方設法去防備陳同學，她的心理壓力好大，我和外子都非常擔心，其他家長亦一樣，我想發起聯署，要求教育處准予學校將陳同學停課，強制性地要求他的父母讓陳同學接受專業人員的輔導和治療，才可復課。

你們認為這樣做，會否太過份！
私人傳訊

janet


伯爵府

積分: 15905

hashtag影視迷勳章 大廚勳章 畀面勳章 BK Milk勳章


70#
發表於 10-6-13 15:49 |只看該作者
原帖由 ~仔仔媽咪~ 於 10-6-13 15:00 發表


其實我今朝响準備出發去教小朋友之前已經睇到呢個topic,,,我都掙扎咗好耐,唔知好無發言,睇到有好多媽咪都建議樓主去報警或警告嗰位家長...嗰刻我係幾唔開心同埋個心好'那'囉...因為樓主講嗰位小朋友D野同我仔幾乎 ...


所以我咪話係同對方家長傾完先囉!!真係唔得先去報警!!壓力人人都有,有ADHD既家長壓力更大,但問題係,有D人唔會肯去面對壓力,永遠都覺得自己小朋友係岩,一定係俾人蝦先會反擊!!我好彩我仔唔會打人,因為我成日同佢講,冇人夠你打,如果你打人,分分鐘打死人!!但佢唔打人,又唔代表冇其他問題!!係人都知俾人警告係唔好受,但你唔警告佢咩??佢只會越黎越過份!!到有一日真係發生更大既事時,就會發覺太遲了!!當然每人教仔既方式唔同,每個小朋友受教既程度亦唔一樣!!但總不能每一次也要其他人認同自己既教仔方法係岩的!!
眾裡尋他千百度，驀然回首，那人卻在燈火闌珊處!!
生死有命，富貴由天
私人傳訊

701003


水晶宮

積分: 62984

畀面勳章


69#
發表於 10-6-13 15:48 |只看該作者
原帖由 ~仔仔媽咪~ 於 10-6-13 14:22 發表
其實樓主或者學校老師社工有無試下同呢位陳姓家長認真傾過偈呢?又或者學校有無老師、社工、家長甚至校工平時可以同呢位家長傾得埋?

我唔覺得報警就等於可以令嗰位家長可以正視佢囝囝既問題囉.相反只會令件事更加負 ...

仔仔媽，你我只係少部分面對自已小朋友問題ge家長之一，我眼見好多家長視仔女ge問題如無物，唔可以怪主流家長gar 我個特殊仔(非adhd)都身受其害,俾人撕爛咗D書，仲掉咗個書包落街，我仔用空水樽還拖 學校要求另一位當事人面談，家長話好少事無必要，no show！社工話輔導，家長話怕仔女被標簽,又no show！社工轉介評估係歧視！醫生建議食藥更加痴線！總之生着個另類小朋友係社會ge錯，其他主流小朋友ge家長唔識包容體諒，係佢哋錯！！自己仔女唔輪到其他人話

[ 本帖最後由 701003 於 10-6-13 15:55 編輯 ]
私人傳訊

~仔仔媽咪~


水晶宮

積分: 51912


68#
發表於 10-6-13 15:00 |只看該作者
原帖由 patpat234 於 10-6-13 14:34 發表
~仔仔媽咪~,

加油,雖然前面仲有漫漫長路,但你己經好成功

呢個topic 等左你呢個過來人好耐喇...


其實我今朝响準備出發去教小朋友之前已經睇到呢個topic,,,我都掙扎咗好耐,唔知好無發言,睇到有好多媽咪都建議樓主去報警或警告嗰位家長...嗰刻我係幾唔開心同埋個心好'那'囉...因為樓主講嗰位小朋友D野同我仔幾乎一樣,只係我仔唔會自吹自擂話佢功夫如何了得或識打功夫,我仔次次打人都係話D同學笑佢蝦佢,我仔係負EQ既人黎.

查實就算無人投訴我仔打人,但個仔打人或唔小心整親人,仲要係成日咁黎,一日幾廿鑊咁,嗰下罪疚感同其他形容唔到既負面感受真係堆到完全抖唔到氣要窒息...嗰下痛苦真係無可能下下都搵到人去傾訴或者呻出黎囉.就算呻到出黎,亦唔係人人都理解同明白,嗰下亦係另一種無奈同痛苦.所以咁多年,我成日都覺得我同個仔係異類,根本唔適合生存呢個世上,但事實我地已經生存緊响呢個世上.無得改變.

上年小三暑假前我仔咪响學校攞垃圾桶蓋車爆咗同學仔個頭既...嗰次我真係叫校長報警拉我仔,當然之後校長真係無咁做過啦,但嗰次對我黎講又係一次嚴重打擊...雖則事後社工同老師都有講番件事出黎話我仔同嗰位同學仔都有唔啱(基本上係互相攻擊,個同學仔不滿我仔拎佢遮黎睇,佢拎遮打我仔隻腳,我仔以垃圾桶蓋還擊...大致上聽番黎係咁樣),但嗰刻真係無法接受到自己個仔咁樣傷害到人囉!之後我同我朋友雙劍合璧,响嗰三個月既暑假裡面係咁訓練我仔EQ,我同我朋友日日無時無刻咁專登激我仔發癲(模仿緊佢學校班同學平時點激佢),我仔真係有次俾我激到差D想拎支尖既鉛筆掟埋黎我度架!到我望實佢時,佢至剎制,知亞媽唔打得(佢從未打過我),結果俾我地輪流激嬲佢三個月,佢呢年至有番少少EQ.

以前我都真係好擔心個仔食嗰隻葯架,但依家我仔食咗兩年,我至發現,坊間有好多傳言未必係真,就算真係都只係個別小朋友有咁嚴重既副作用囉,好似我朋友個仔咁,佢仔真係食咗隻葯會暴瘦無胃口作嘔失眠同抽筋,但我仔食咗兩年葯照舊食得玩得瞓得,依然會長肉長高(不過呢排瘦咗輕咗),同埋呢期都發現我仔真係要KEEP住日日食,星期六日唔可以唔食葯(Drug Holiday),呢兩個月我日日都KEEP住俾佢食葯,佢又真係好樣又穩定咗好多,好過之前星期六日唔食葯咁食法囉.呢樣我都會同醫生講番...所以我會明點解嗰位家長唔肯俾個仔食葯囉.始終都係一個痛苦既決定黎...

私人傳訊

patpat234


水晶宮

積分: 64091

好媽媽勳章


67#
發表於 10-6-13 14:34 |只看該作者
~仔仔媽咪~,

加油,雖然前面仲有漫漫長路,但你己經好成功

呢個topic 等左你呢個過來人好耐喇...


原帖由 ~仔仔媽咪~ 於 10-6-13 14:22 發表
其實樓主或者學校老師社工有無試下同呢位陳姓家長認真傾過偈呢?又或者學校有無老師、社工、家長甚至校工平時可以同呢位家長傾得埋?

我唔覺得報警就等於可以令嗰位家長可以正視佢囝囝既問題囉.相反只會令件事更加負 ...
「知足者，常樂也；不知足者，富亦憂。」
私人傳訊

~仔仔媽咪~


水晶宮

積分: 51912


66#
發表於 10-6-13 14:22 |只看該作者
其實樓主或者學校老師社工有無試下同呢位陳姓家長認真傾過偈呢?又或者學校有無老師、社工、家長甚至校工平時可以同呢位家長傾得埋?

我唔覺得報警就等於可以令嗰位家長可以正視佢囝囝既問題囉.相反只會令件事更加負面,再者用呢D咁強硬既方法去令一個家長去正視問題,能嗎?如果同一個方法人地用响大家自己身上,你會唔會真係順服去真正正視問題而且理智正面嗎?坦白講,至少我唔會.我只會覺得你地係用呢個方法黎傷害我同個仔囉.跟住只會一大堆負面野充斥住我既感受同諗法.只會覺得"無錯我仔有錯,但您地更錯".咁樣係咪真係真正令個家長正視去幫佢囝囝解決ADHD呢個病?

我個人認為,你要人地家長真真正正去正視呢個問題同俾囝囝食葯去幫囝囝,要人地家長接受現實去面對問題,最基本永遠都係先聽下佢既感受同諗法,連台都未對好,何來溝通亦何來要求人地接受大家既建議同勸告呢?呢個'方法'正是我朋友响大學修讀輔導員時學番黎.你唔先聽下人地講,又何來要人聽你講?

再者,個家長未必真係無正視囝囝既問題,始終ADHD既病帶黎既問題並唔係一時三刻三五六年就可以解決到或者教好個仔.

至於食葯問題,嗰位家長遲遲都唔願意俾個仔食,係咪真係怕食蠢咗個仔咁簡單?雖則我無聽過呢方面既傳言(食咗會變蠢),但確實坊間包括相關書籍甚至BK呢度都會有好多說法話隻葯有幾唔好有幾多副作用甚至食咗會抑鬱甚至成年後有機會有精神分裂...以上呢堆傳言我都係以往既日子裡面聽番黎,比着你係嗰位家長,你真係唔會為此而擔驚受怕嗎?正如樓主囡囡俾嗰位同學日日係咁打,樓主都會心痛同擔心...但作為ADHD小朋友既家長,唔止驚呢D,個心都會好掙扎好無助亦好迷惘,一方面怕自己俾葯囝囝食真係會傷害咗囝囝既健康(唔高唔長肉失眠無胃口抽筋甚至怕個仔大個咗會有精神分裂),但唔食又會怕個仔終有一日會打死人,,,唔知我咁講,大家會唔會理解同感受到當中既痛苦同無助呢?即等同你處於火場裡面,前面火光熊熊,睇唔到前路,又無人救你,你留响度又會怕俾火燒死,冒險跳出眼前個火圈,你又好大機會被燒死.

要解開嗰位家長心裡面個死結,唔係夾硬扯同掹就解得開架!你夾硬剪斷條繩,個結都仲响度.

我係一個有ADHD小朋友既亞媽,我仔正是樓主講嗰位陳姓同學既style黎,我仔由一歲半打到人瞓低出血打到佢小三,今年小四至無再打人(至少學校呢一年無投訴過佢打人啦).無錯,我同個仔就係一個人辦黎.就係俾人話我唔教仔或者話我仔有爺生無乸教既亞媽黎.

我囝都係小二至開始食葯,之前醫生無叫我囝食葯,而我囝治療師亦唔提倡食葯,我仔小一之前成日打到人出血瞓低又COOL同學頸,我同醫生反映,醫生都係話我仔既行為只係出於佢唔識表達(言語發展遲緩+自閉傾向),自問咁多年我都一心一意去搵方法解決呢個問題,所以我從未教到我仔學術上或其他知識,只係一心教佢:"唔好打人",去到小二,我仔情緒同行為嚴重咗好多,嗰時我都仲係掙扎緊好無俾個仔食葯,我老公又勁反對,我又好無助又聽埋好多呢隻葯既負面評價,上網search個葯名,又list咗一大堆副作用出黎,但個仔又日日响學校情緒失控,我又一日幾個投訴係咁接,,,

去到最後,有個無份教過我仔學科既老師有日放學走黎同我傾偈,我唔識佢,但都知佢同幾個老師係同我仔玩開關心開我仔,佢好似朋友咁同我傾偈,又無鬧我仔D咩,同我仔依然好似朋友仔咁講野,至少,嗰一刻我係暫時覺得舒服又無咗個高牆起响度隔住我同呢位老師,嗰下我已經好自然咁講哂我心裡面既憂慮同唔開心俾佢知,跟住佢我有同佢講話見到有媽咪話佢小朋友食咗隻葯後變成有抑鬱,我話我個仔依家已經成個人好唔開心,唔想個仔食咗隻葯會更唔開心,跟住個老師劈頭一句話:"如果你仔再唔食葯,佢再日日係咁俾人蝦,佢唔抑鬱都變抑鬱啦!"呢句咁簡單又無咩特別既說話係反而叫醒咗我同俾到條清析D既路我睇到囉.個老師都講番我仔平時既情況,佢都講,D同學就係見佢咁'好反應'就係咁日日專登激我仔發癲,跟住就向老師投訴我仔又打佢地,老師就會罰我仔同處理我仔D情緒,咁嗰日佢地就可以唔駛上堂,因為老師要搞掂我仔D情緒.個老師都話,至少食咗葯後,我仔無咁易俾人激,EQ好D,至少俾人蝦都蝦少D啦.之後又俾咗好多建議我,包括集中教叻我仔一科學科,等個仔有樣野可以叻俾同學睇,有番D自信.結果我係完全聽哂呢位老師講既每一項建議囉.

之後我要求醫生俾葯我仔食,依家雖則唔係真係樣樣問題都解決到,但至少我仔反而係開心番好多,小二嗰年嗰大舊烏雲係散咗,至少我教到我仔讀書寫字,個仔今年無再打人(查實小三嗰年已經少咗好多),,,

我原本真係想打字簡短D...但自己又真係無咁既能力打短D回應...始終我真係希望大家理解同明白呢D事,試下從嗰位ADHD媽咪角度去諗,佢係咪真係好似我之前咁,因為聽埋睇埋太多關於食葯既負面野太多,屋企人反對,引致佢先至對隻葯咁顧忌,你要佢去接受,真係無得夾硬黎,就好似我老公咁,嗰時佢真係嬲咗我,仲話嗰D係傻仔葯黎,話個仔根本唔需要食,但嗰刻我已經身心俱疲,直頭想個仔去死,我老公唔信邪走去親自教個仔兩個月(全面嗰隻),結果佢都接受到個現實,最後放手俾個仔去食葯...

所以都係嗰句,想解決問題點都要先好好同人地溝通好先,正如當年嗰位老師主動走埋黎同我傾偈一樣,你要同人傾到偈要人聽你建議,就先令人無壓迫感先,少咗面高牆,就算人地唔係即時接受你既建議,但都會聽入耳先囉.

唔講太多...但真心希望大家理解而正面去睇去處理呢個問題.
私人傳訊

701003


水晶宮

積分: 62984

畀面勳章


65#
發表於 10-6-13 11:58 |只看該作者
原帖由 edea 於 10-6-12 20:52 發表
我想問...報警有用嗎? 個小朋友咁細, 法律上不能入罪, 只可以嚇一嚇個小朋友,除此之外仲有咩用呢..?

唔係嚇小朋友呀 係警告佢父母，要佢哋正視小朋友ge特殊問題，對症下藥 報警已証明係work過投訴/申訴上教局！！！
私人傳訊

yiu526


禁止訪問

積分: 710


64#
發表於 10-6-13 03:55 |只看該作者
提示: 作者被禁止或刪除 內容自動屏蔽
私人傳訊

kittytai


禁止訪問

積分: 2579


63#
發表於 10-6-12 21:53 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

ivory0915


珍珠宮

積分: 39762

開心吸收勳章 醒目開學勳章


62#
發表於 10-6-12 21:52 |只看該作者
原帖由 janet 於 10-6-12 19:34 發表
我會先要求學校協助同對方家長作一次對話!!給他們一個警告,話俾佢地知,如果再有下一次,你一定會報警!!好老實而家唔教等幾時??之前有個跳樓既學生,我個人認為只係一個特別例子,學校同埋家長都有責任!!我個仔以前都要 ...


我都會咁做, 有問題係要處理, 唔通真係要出事先黎做野?

我小朋友學校都有個咁極品嘅, 家長覺得小朋友無問題, 話咩男仔係咁, 佢係三代單傳, 校方成日想大事化小, 佢平時已經推人撞人, 係喺後面推到你成個pa低嗰隻, 點知早前推咗個男仔落樓梯, 攪到人地亞媽報警, 學校先話做d野, 搵個姑娘follow.

老實講, 出事先肯做野, 咩都遲啦 ~
私人傳訊

patpat234


水晶宮

積分: 64091

好媽媽勳章


61#
發表於 10-6-12 21:00 |只看該作者
yes....

所以真正有需要o既小朋友得唔到適當的幫助.


原帖由 sc221913 於 10-6-12 20:54 發表
我知現實很多學校用呢舊 錢拔尖,不是用在弱兒身上
「知足者，常樂也；不知足者，富亦憂。」
私人傳訊

sc221913


大宅

積分: 1964

好媽媽勳章


60#
發表於 10-6-12 20:54 |只看該作者
我知現實很多學校用呢舊 錢拔尖,不是用在弱兒身上
原帖由 patpat234 於 10-6-12 18:34 發表
由於小一係統一派位,所以依家間間學校都有呢D小朋友.
就算有冇融合教育都一樣有呢D小朋友.
學校有融合教育只係學校會有額多資源($$$)...但實際上呢舊$$學校係咪真係用來幫助有特殊學習需要o既學生.
曾經聽過有d學校 ...
私人傳訊

edea


王國長老

積分: 119115

王國長老


59#
發表於 10-6-12 20:52 |只看該作者
我想問...報警有用嗎? 個小朋友咁細, 法律上不能入罪, 只可以嚇一嚇個小朋友,除此之外仲有咩用呢..?
我唔係經常上BK, 想搵我嘅朋友請email: [email protected]
私人傳訊

patpat234


水晶宮

積分: 64091

好媽媽勳章


58#
發表於 10-6-12 20:50 |只看該作者
其實就算仲有大量special schools存在,一般主流小學都一樣有咁o既小朋友.

依家唔係冇special school,但依家o既 special school,真係比好嚴重o既人.

而樓主個女同學呢類通街都係,如果全部去晒special,會有好多主流要殺校喇....

佢個case真係唔算嚴重,而且依家先小一,再嚴重d都仲有....最大問題係佢父母唔去面對.....佢又唔係無父無母,如果係就話姐......
我仔果班都有個咁o既小朋友,成日郁手郁腳,由幼稚園時期已經係咁,佢父母又係好經典,佢仔打就得,人地打佢個仔佢會用自己個身檔住人地.....成日就比籍口自己個仔細時做過幾次手術,所以好多野都會好就佢....
直到小一,佢先發覺個仔真係有問題,先帶佢去做評估....


原帖由 藍貓仔 於 10-6-12 20:32 發表
偉大d就係融合教育,實情係香港政府想慳錢,摺左d special schools,我以前幫我做香芬按摩嘅按摩師嫁左個special school嘅鬼佬校長,special school closed 左就返左英國老家

可以試下報警和要求入院驗傷,執正來做 ...
「知足者，常樂也；不知足者，富亦憂。」
私人傳訊

anita_yps


侯爵府

積分: 23771

2024年龍年勳章 BK Milk勳章 畀面勳章


57#
發表於 10-6-12 20:46 |只看該作者
我小學時都有一個咁既同學, 我當時真係日日返學都好驚, 以呢事黎睇, 攪大件事絕對不是小題大做, 攪人者要停學就話冇人權, 咁其他同學就白白俾人剝奪上堂學習冒基本權利, 時時刻刻要防備佢, 咁對其他學生公平嗎?
私人傳訊

藍貓仔


大宅

積分: 4693


56#
發表於 10-6-12 20:32 |只看該作者
偉大d就係融合教育,實情係香港政府想慳錢,摺左d special schools,我以前幫我做香芬按摩嘅按摩師嫁左個special school嘅鬼佬校長,special school closed 左就返左英國老家

可以試下報警和要求入院驗傷,執正來做

[ 本帖最後由 藍貓仔 於 10-6-12 20:34 編輯 ]
私人傳訊

sfll


版主

積分: 80849

2025中秋節勳章 母親節2025勳章 2025勳章蛇年勳章 2024年龍年勳章 虎到金來勳章 好媽媽勳章 醒目開學勳章 畀面勳章 版主 環保接龍勳章 大廚勳章 BK猜猜猜慶中秋


55#
發表於 10-6-12 20:00 |只看該作者
唯今之計,應該係趁學期完結之前去信學校投訴孩子受到不必要的暴力騷擾,俾壓力學校處理此事,並註明孩子已因此事受到很大困擾,會影響學業成績,對學校寄予信心能解決你的担憂,希望能適當處理云云.
這樣應能利己而不會為難到學校的處理方法.
生離死別, 並不可怕, 可怕的是自私的靈魂
私人傳訊

crystal媽咪


寶石宮

積分: 345623

馬年勳章 2025中秋節勳章 2025勳章蛇年勳章 2024年龍年勳章 2023年兔年勳章 虎到金來勳章 2021可愛聖誕B勳章 2018復活節勳章 2018母親節勳章 2018父親節勳章 牛年勳章 BK Milk勳章 畀面勳章 環保接龍勳章


54#
發表於 10-6-12 19:48 |只看該作者
有無放學時同囡囡的同學家長傾過,
既然你想聯署寫信比教育局,
不如問下同學仔有無人有受傷的問題先,
如果都有幾個同學仔被陳同學整傷過,
你地一齊聯署寫信比校長.
校長/ 主任 / 社工可能唔知件事呢 !!
可能老師以為小事唔同校長講,
當你地咁多位家長寫信比校長,
相信佢會做下野, or 會同家長傾下.

以為我有學生過度活躍, 4歲時醫生話要食藥,
但都小一家長都唔肯比小朋友食,
點知搭校長時不停在車的走廊又跑又跳,
司機同校方講, 最後老師警告家長,
如果唔食藥, 活躍的情況無改善,
就唔可以坐校車, 因為咁樣會危害他人安全.
最後家長乖乖就範, 比小朋友食藥.

現階段教小朋友繼續忍讓, 如果受左傷就影低相keep record先.
等埋其他家長一齊寫信, 祝盡快解決問題.

[ 本帖最後由 crystal媽咪 於 10-6-12 19:49 編輯 ]
私人傳訊

花王潔霸


男爵府

積分: 8523

醒目開學勳章 畀面勳章


53#
發表於 10-6-12 19:40 |只看該作者
x 2.


原帖由 janet 於 10-6-12 19:34 發表
我會先要求學校協助同對方家長作一次對話!!給他們一個警告,話俾佢地知,如果再有下一次,你一定會報警!!好老實而家唔教等幾時??之前有個跳樓既學生,我個人認為只係一個特別例子,學校同埋家長都有責任!!我個仔以前都要 ...
私人傳訊

janet


伯爵府

積分: 15905

hashtag影視迷勳章 大廚勳章 畀面勳章 BK Milk勳章


52#
發表於 10-6-12 19:34 |只看該作者
我會先要求學校協助同對方家長作一次對話!!給他們一個警告,話俾佢地知,如果再有下一次,你一定會報警!!好老實而家唔教等幾時??之前有個跳樓既學生,我個人認為只係一個特別例子,學校同埋家長都有責任!!我個仔以前都要係監管下食藥,我個仔都覺得OK冇問題!!佢仲話多個人提醒自己仲好!!我個仔之前個間仲要係BANG1尾既學校!!從來冇標籤我個仔!!當然我個仔又唔會打人,但亦都有行為問題!!我自己做家長既亦都支持報警!!因為要俾佢知道咁做係錯既!!有病唔係一個藉口!!要對自己做既野負責任!!我唔認為需要轉校,如果每一次有咁既事發生,轉得幾多次??同埋根本唔係完全係學校既問題,係個小朋友既爸爸媽媽都有問題!!絕對要正視!!
眾裡尋他千百度，驀然回首，那人卻在燈火闌珊處!!
生死有命，富貴由天
私人傳訊


首頁
1234

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy