婆媳關係

收藏本版
發帖
返回列表
跳至頁

首頁
12345

尾頁
   0
applewingyi411


男爵府

積分: 6669

好媽媽勳章


1#
發表於 10-6-16 23:18 |只看該作者
係呢度睇到個post ..
講到先大肚後結婚好似好cheap咁 ..
又唔可以有要求 ..簡直賤過地底泥咁 ..
我自己都係有左先結婚 ..而家同6299一齊住 ..
同佢地d關係都唔係幾好(係因為湊bb既問題) ..
其實而家好多人都係有左而結婚 ..
我唔會覺得有咩問題(當初我99知道我有左都講而家好多人係咁 ..冇咩問題 ) ..
最緊要係點去plan結婚係既生活問題 ..bb出世之後既事 ..一家人開開心心咁生活咪ok囉 ..
再去講大肚先嫁又有咩謂 ..
結婚要同6299一齊住 ..有時都係迫不得意 ..
有邊個唔想自己一家幾口住 ..
原本大家都係唔同既生活環境長大 ..
磨擦就一定會有 ..
6299對新抱有所要求 ..唔通就一定要接受??
新抱唔接受就有問題??
其實我係睇到果個post講既野 ..我覺得d人講得好難聽(話咩老泥妹 ..又冇屋企訓) ..
都係有感而發 ..!!
私人傳訊

toby1357


別墅

積分: 932


89#
發表於 10-7-3 00:03 |只看該作者
你係強勢......有經濟能力
係咪奉子承婚都冇所謂
冇經濟能力....遇著個好奶奶開通奶奶
都冇所謂...

但如果奶奶係衰人...
自己又衰結婚前大肚
被奶奶口實真係冇辦法

其實我諗好多user同我諗法一樣...
想d女仔一齊醒目d
何必被人口實

避孕套好平架ja...
如果連要求男朋友做安全措施呢個控制權都做唔到...

婚後好易被奶奶蝦...
只係想奉勸d女仔...想有尊嚴冇咁易被人蝦, 就要保護自己

愛自己既人先值得人愛, 先至可以愛人
私人傳訊

我愛Corina


瑪瑙宮

積分: 139412

2025勳章蛇年勳章 2024年龍年勳章 好媽媽勳章 醒目開學勳章 環保接龍勳章


88#
發表於 10-7-2 23:59 |只看該作者
原帖由 cmancman 於 10-6-25 16:19 發表
大肚先結婚我覺得無問題丫,最緊要係養得起唔洗靠人姐

哈哈!!最緊要有冇錢

我自己既經驗..
我細姨家境ok,老公有生意做,有幾間屋(香港,國內,外國都有物業)..佢有3個仔女..
細仔20歲同個大6妹(25歲)奉子成婚..但因為細姨屋企有錢,無人出聲..仲話好呀好呀...好幸福呀..有錢,有屋,而家仲有孫抱呀~
佢大女,23歲結婚(唔係有bb既)...d親戚就話,好幸福咁後生就結婚~

到我啦..我只係小康之家,係我媽外家中,我地係最窮既一家...我同我老公23歲有左先結婚,大家都大學畢業,我老公亦有一份正當職業...我媽外家d人唔係個個都知我老公咩家底..其中一個口嗅亞姨,講到有幾衰得幾衰..eg話太早結婚,有左先結婚等等....

我一直都無理..我夫家d人對我好好..老爺奶奶真係當我女咁錫....其他人,我需要理會嗎?

但同我好好既表姐,睇唔過眼..就同d親戚講,我老公好有錢..有好多物業係hk+外國(其實係誇大)
而家半句難聽既說話都無聽過....由於之前既事,我一直都唔比我個女見果個人...但果個人竟然同我媽講,我個女好得意 又成日問我媽我地有幾多間屋係香港 好明顯,佢真係以為我地大把錢啦...
私人傳訊

游泳寶寶


大宅

積分: 2989


87#
發表於 10-7-2 13:24 |只看該作者
好悶, 撘下咀先. 未婚大肚最好唔好啦, 但意外既真係防不勝防, condom都唔係100%安全. 唔好話未婚大肚啦, 我都有朋友生完 BB冇耐未plan生第二個又有左! 有冇尊嚴呢樣野我覺得又控制唔到人地點睇架喎, 你俾多D自信, 努力工作, 扮靚D, 湊BB俾心機, 邊個敢唔尊重你呢? 你有錢有樣貌, 人地見到你地兩公婆羡慕都羡慕唔切啦. 直頭邊個唔尊重你就同邊個絕交(每個人都值得被人尊重的, 是嗎?).

P.S 我係結左婚先Plan 有 BB的.

私人傳訊

cutieb


禁止訪問

積分: 30


86#
發表於 10-7-2 12:28 |只看該作者
提示: 作者被禁止或刪除 內容自動屏蔽
私人傳訊

littlecarey


男爵府

積分: 8097

育兒性格勳章 畀面勳章


85#
發表於 10-6-30 14:42 |只看該作者
原帖由 Siuchoi 於 10-6-17 10:51 發表
老實講, "人地"奉子承婚, 我冇咩感覺~

但我會教自己個女, 唔好咁樣~


這正正就是大部份香港人的價值觀,me too
私人傳訊

CrabPincers


珍珠宮

積分: 30377

好媽媽勳章 醒目開學勳章 畀面勳章 大廚勳章


84#
發表於 10-6-30 12:12 |只看該作者
原帖由 Siuchoi 於 10-6-17 10:51 發表
老實講, "人地"奉子承婚, 我冇咩感覺~

但我會教自己個女, 唔好咁樣~


wahaaaaaaaaaa 好句, 我都係甘諗
我只會教自己個女, 要識保護自己
私人傳訊

littlecarey


男爵府

積分: 8097

育兒性格勳章 畀面勳章


83#
發表於 10-6-30 11:54 |只看該作者
每個年代都有唔同既價值觀同道德標準,係發自每個人既內心
每個人做每件事心裡都好清楚,如果同大部份人既價值觀唔同,就預咗有閒言閒語
妳要做少數人咪提升一下自己d EQ, 唔好理其他人講咩攞
生活唔如意,係因果關係,兩公婆無錢要靠人,仲要無錢結婚,無錢生bb,自然會比人話點解要大肚啦,點解去人屋企客家佔地主啦
如果妳兩公婆有錢(好似徐子淇),大肚結婚仲會有大把人恭喜妳雙喜臨門添,

[ 本帖最後由 littlecarey 於 10-6-30 14:42 編輯 ]
私人傳訊

yly2


子爵府

積分: 12476

畀面勳章 環保接龍勳章 BK Milk勳章


82#
發表於 10-6-29 17:22 |只看該作者
我唔係要插人, 只係覺得你話個女仔跟個男仔返屋企訓, 係個女仔唔啱, 但有冇諗過點解個女仔會可以人地度訓先, 咪係個男仔帶人返去囉, 如果個男仔無要求到, 好小女仔會咁主動話去囉, 要話個女仔, 首先, 男家的家長應該要好好教育自己個仔, 唔可以將責任推晒係個女仔度, 如果你要睇唔起個女仔, 即係睇唔起自己個仔, 即係男方家教問題
原帖由 VKwan 於 10-6-24 02:15 發表
係，全對！呢度個個都以女仔媽咪角度發言，我就以男家家長發表自己睇法。

我供書教學，用盡心機栽培個仔，我不計較身家學歷，我想佢搵個女仔至少都自愛矜持，有家教，我絕唔接受跟男仔返屋企住既女仔，我會睇佢同佢家人唔起架！

真心話 ...
私人傳訊

cmancman


大宅

積分: 1638


81#
發表於 10-6-26 00:19 |只看該作者
大肚先結婚我覺得無問題丫,最緊要係養得起唔洗靠人姐
私人傳訊

hellocat0223


男爵府

積分: 8045


80#
發表於 10-6-25 16:46 |只看該作者
我個FD即頭同我講唔似有生添~

似係小小肚朒

我去馬鐵、九龍果D地方先有人讓坐,

去到上環,中環就無~

原帖由 applewingyi411 於 10-6-24 22:37 發表
你都好丫 ..都起碼有人讓過座位比你坐 ..
我9個月果時有d人都唔知我有左 ..
從來未試過有人讓座
私人傳訊

hellocat0223


男爵府

積分: 8045


79#
發表於 10-6-25 16:43 |只看該作者
我稔個奶奶係好想抱孫&睇佢肯唔肯生仔&唔知生唔生到仔


因為家下好多人都唔肯生仔,寧願2人世界~

原帖由 sumlam 於 10-6-25 01:50 發表
我都覺得大肚結婚冇問題, 最緊要係經濟能力負擔得起下, 先好去生, 最怕一D係生完出黎養唔起個D父母!

估唔到呢度咁多媽媽仲係遺傳以前既思想, 唔希望未婚生子!
不過我有個朋友, 佢奶奶同佢講, 叫佢一定要大住肚先好 ...
私人傳訊

prettymoon


別墅

積分: 799


78#
發表於 10-6-25 10:35 |只看該作者
好簡單一句說話, 兩個人係為愛情而結婚, 而唔係為BB 而結婚~~

我做囡既, 一直都唔比自己未婚懷孕, 就係唔想女家果邊既人冇面, 睇唔起自己! 我要自己嫁得風光, 唔會有人對我指指點點~~

到第時做人媽咪, 如果係囡既, 我都唔比佢去男仔度過夜, 唔比佢咁早拍拖, 我都想自己個囡好矜貴咁嫁出去~~

如果係仔既, 佢帶個女仔番來, 喺我屋企訓, 我會睇唔起個女仔既屋企人, 我覺得唔關個女仔事, 只會覺得佢冇家教~~
私人傳訊

sumlam


珍珠宮

積分: 35139

好媽媽勳章


77#
發表於 10-6-25 01:50 |只看該作者
我都覺得大肚結婚冇問題, 最緊要係經濟能力負擔得起下, 先好去生, 最怕一D係生完出黎養唔起個D父母!

估唔到呢度咁多媽媽仲係遺傳以前既思想, 唔希望未婚生子!
不過我有個朋友, 佢奶奶同佢講, 叫佢一定要大住肚先好入門, 如果唔係一定唔準佢嫁佢個仔!!! 所以真係人人睇法唔同, 冇絶對的~
私人傳訊

applewingyi411


男爵府

積分: 6669

好媽媽勳章


76#
發表於 10-6-24 22:37 |只看該作者
你都好丫 ..都起碼有人讓過座位比你坐 ..
我9個月果時有d人都唔知我有左 ..
從來未試過有人讓座

原帖由 hellocat0223 於 10-6-24 15:57 發表
我果陣5個月先見到少少肚

到11個月先明顯有人讓座畀我坐
私人傳訊

mother904


翡翠宮

積分: 82093

畀面勳章


75#
發表於 10-6-24 17:12 |只看該作者
原帖由 VKwan 於 10-6-24 11:07 發表
其實今時今日大肚結婚好普遍，唔係咩唔見得光，問題係有好多香港人始終係有中國傳統觀念/想法，始終女性角色都係限制，我地唔能夠控制別人把口，只能夠做事前多些保護自己。

旁人點睇唔緊要，夫家點睇好影響自己既自尊，平時好多婆媳都相處唔來，無謂自己主動蝕章比人啦，一開始就處下風，第日真係有排受呀！咁當然一定會有女人遇到好夫家既，但未必個個好彩囉。


都係果句，如果有獨立經濟能力，可以自給自足唔駛同夫家一齊住，擇酒自己搞掂，分分鐘有能力要仔唔要公，大肚結婚有乜所謂？問題係好多女仔根本得十零二十歲，老公都係咁上下年紀，書未讀完或者賺到既錢唔足以養家，要靠男家支持，咁有乜辧法唔駛睇人面色，唔俾人睇低？

大肚結婚唔係冇尊嚴既原因，冇能力又要搞出人命，然後又要靠男家支援，先係俾人白眼既致命傷!!!!
私人傳訊

petunia


大宅

積分: 1235


74#
發表於 10-6-24 16:50 |只看該作者
做女仔的，一定要珍惜自己。
更要聰明的認清楚那一個男人是真的珍惜自己。
大住個肚嫁，都要睇下故事背景。如果....
是大家都有很穩定感情基礎，男家女家都認定只是懶去行禮的，有左是一件高興事！

可是，如果是大左肚先至俾99知道你的存在，就一定讓人睇唔起。因為....你確實不懂得自愛，不懂得自愛就不值得被人尊重。
私人傳訊

hellocat0223


男爵府

積分: 8045


73#
發表於 10-6-24 15:57 |只看該作者
我果陣5個月先見到少少肚

到11個月先明顯有人讓座畀我坐


原帖由 waitsuncheng 於 10-6-24 11:04 發表
大肚結婚冇問題呀，有經濟能力&呢個係固定既咪ok囉，我都係大肚結婚，結婚前都係同男友(即老公)屋企人一齊住，我地可以搬出去住架，不過男友孝順，喜歡同佢爸&媽(即6299)一齊住，咁我都冇所謂，佢爸&媽成日叫我地結婚我都冇理，唔係話 ...
私人傳訊

VKwan


珍珠宮

積分: 38391


72#
發表於 10-6-24 11:07 |只看該作者
原帖由 unicath 於 10-6-24 09:42 發表

係囉...我mami都講過佢一早就買好買嫁妝,諗住我嫁得風風光光...點知我就o係我同老公plan好結婚既日子早年半有左,結果早左年半結婚...mami都覺得好失望! 因為咁突然,註冊可以趕到o係未見肚之前,知道有左就即去 ...
其實今時今日大肚結婚好普遍，唔係咩唔見得光，問題係有好多香港人始終係有中國傳統觀念/想法，始終女性角色都係限制，我地唔能夠控制別人把口，只能夠做事前多些保護自己。

旁人點睇唔緊要，夫家點睇好影響自己既自尊，平時好多婆媳都相處唔來，無謂自己主動蝕章比人啦，一開始就處下風，第日真係有排受呀！咁當然一定會有女人遇到好夫家既，但未必個個好彩囉。

如果我有女，我真係唔希望佢因為大肚結婚，而比夫家蝦。每個媽媽都想個女幸福！
私人傳訊

waitsuncheng


子爵府

積分: 10149

好媽媽勳章


71#
發表於 10-6-24 11:04 |只看該作者
大肚結婚冇問題呀，有經濟能力&呢個係固定既咪ok囉，我都係大肚結婚，結婚前都係同男友(即老公)屋企人一齊住，我地可以搬出去住架，不過男友孝順，喜歡同佢爸&媽(即6299)一齊住，咁我都冇所謂，佢爸&媽成日叫我地結婚我都冇理，唔係話間屋好大生個bb出黎都好夠住，就話都拍左咁耐係時候結啦，我話睇下點先算，後尾真係有左，咁咪結囉，可能我係第一胎而我本身個人又廋，我都有擺酒、有著掛、有影結婚相，3個月內做足全部野(我結婚時係有左3個半月BB)，d親戚朋友個個都話睇唔出我有左，到生完亞女之後我地都搬左出去住，我老公就一星期有2、3晚返6299屋企訓(佢真係勁鍾意同6299一齊住 )，所以唔好話大肚結婚就好cheap，要睇下自己有冇能力，係咪可以承擔責任，所以各位姊妹努力啦
不過話分2頭...我叔仔就真係當6299間屋係時鐘酒店，成日唔係帶女朋友(成日換畫)就係帶D男性朋友上黎訓，一係就成個星期都唔番黎訓....唉
原帖由 applewingyi411 於 10-6-16 23:18 發表
係呢度睇到個post ..
講到先大肚後結婚好似好cheap咁 ..
又唔可以有要求 ..簡直賤過地底泥咁 ..
我自己都係有左先結婚 ..而家同6299一齊住 ..
同佢地d關係都唔係幾好(係因為湊bb既問題) ..
其實而家好多人都係有左而 ...
私人傳訊


首頁
12345

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy