吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 男朋友媽咪...唉

婆媳關係今日: 2|主題: 27781

收藏本版

發帖

返回列表

跳至頁

查看: 3690 | 回覆: 24

男朋友媽咪...唉 [複製鏈接]

stories

民房

積分: 13

1^#

發表於 10-6-30 11:43 |只看該作者 |正序瀏覽 |打印

你地未嫁入去之前 "男朋友媽咪"會唔會係你考慮嫁唔嫁既因素之一?

我同男朋友拍拖3年大家年紀都唔細而且都認定對方係結婚對方兩年前已經開始一齊儲錢結婚買樓
拍拖一年之後我先開始星期5-6係男朋友到過夜
男友姐姐前年生左BB,比左男友媽咪湊
不過我自己好唔認同男友媽媽既湊法

1.) 姐姐一早買左HighChair比BB食粥仔果時坐, 男友媽咪竟然唔比佢坐,餵粥仔果時由得BB周圍爬周圍走, 好喇而家BB19個月,食粥仔唔會坐定要周屋走, 男友媽咪就鬧佢話點解人地果D咁乖,佢咁曳….

2.) 男友媽咪心情好果時鬧BB就笑笑口咁鬧, 心情唔好就死喇...鬧BB"死/衰女包!","掉你落街!","搵你老母啦!","打死你!"

3.) BB因為少返自已嬤嬤果面, 所以見到嬤嬤會怕, 男友媽咪竟然同BB講"你去搵你阿嬤啦!!!叫佢湊你啦!!" BB話"唔好" 佢就勁happy....

4.) 因為我有個3歲既細佬,而且男友姐姐都知道我屋企人教小朋友好好, 而家BB就黎2歲,有時佢曳我都會出聲話佢教佢, 男友媽咪聽到我話BB 竟然話我"蝦"BB....

仲有好多好多不過太長....
唉我開始擔心結婚生BB之後…同男友媽咪會不和...

0 0 0

私人傳訊

mini_yan

珍珠宮

積分: 32285

25^#

發表於 10-7-6 14:47 |只看該作者

你唔使擔心,相信一定會有磨擦,結婚後,搬出去住同埋唔好俾佢湊is ok~

私人傳訊

jesuslovesyou

男爵府

積分: 5103

育兒性格勳章

24^#

發表於 10-7-6 00:34 |只看該作者

原帖由 stories 於 10-7-5 12:30 發表
多謝大家既意見
我會學下忍住唔出聲

不過而家又有新挑戰
男友媽咪報左唔知咩社區中心果D班
男友家姐同佢Daddy叫我逢星期四五放工返去幫手湊住BB
我想推不過uncle話得男友一個佢地唔放心叫我幫幫手幫兩個月就ok
男 ...

無啦啦搞到妳做左 "磨心".....又真係幾煩

就咁睇你未來99 的呢個反應，你未來 99 已經怕你 "搶" 左佢個孫啦.... ("搶" 左佢湊孫的崇高地位)，開始比下馬威你 ("黎婆婆度..."....)

@@ 不過佢都做得幾明顯wo.... (即低手)

若我是妳，我會覺得
搵你男友家姐傾下la~ 因為她是bb媽，她才是"話事人" (我估大家係女人，佢都應該睇到飯桌呢幕掛...希望佢"明" 啦...

)

同你男友家姐講下你的難處, i.e. 似乎 99 (即她媽媽) 唔太like 喎~ (而且唔明迫自己做唔鍾意既野la, 又要做磨心....而且, 湊BB 可大可少ga

)

若你男友家姐堅持, 咁無計...等她同她的媽 (即你未來99) 傾lor...始終99個女嘛~

再唔係, 諗計仔, 話公司有大project 之類....推左佢...@@

或說一些"好說話" ...丫, 都係 99湊番la~~ BB 跟慣左....

(人都喜歡好說話)

@@ hope 我的建議不會令你撞大板

私人傳訊

stories

民房

積分: 13

23^#

發表於 10-7-5 12:30 |只看該作者

多謝大家既意見
我會學下忍住唔出聲

不過而家又有新挑戰
男友媽咪報左唔知咩社區中心果D班
男友家姐同佢Daddy叫我逢星期四五放工返去幫手湊住BB
我想推不過uncle話得男友一個佢地唔放心叫我幫幫手幫兩個月就ok
男友媽咪擺明唔想
佢提議BB姨婆黎幫手我完全冇所謂
但係男友家姐話姨婆住得遠而且年紀大一黎唔想麻煩到老入家同埋聽佢地講姨婆冇湊過小朋友家姐驚BB會唔跟姨婆

噚晚我係男友屋企吃飯 BB走過黎話要"飯飯飯飯" 我叫BB問下媽咪比唔比先之後家姐話ok 我就用BB既私家匙比左幾粒飯佢食點知男友媽咪就話我做咩比飯BB食, 又話好擔心BB星期四五跟住我唔知會點................最正係佢之後自己叫BB"黎婆婆到~婆婆比飯你食"....
男友睇到就串佢媽咪話BB唔食得飯嫁!
雖然男友幫我出頭但係咁樣應該搞到佢媽咪仲唔鐘意我...........

私人傳訊

jesuslovesyou

男爵府

積分: 5103

育兒性格勳章

22^#

發表於 10-7-3 17:58 |只看該作者

原帖由 ccling69 於 10-7-3 17:38 發表
有d老人家openD你講下野就無所謂, 如果唔係,就當見唔到. 而且你未結婚去人地屋過夜, 都唔係咁好,人地家人會好容易覺得可以食住你,雖然明明是自己阿仔鍾意人都以為你送上門. 掉轉就可能會好d, 因女方家人都會傾向保護 ...

"一段關係最重要係你男友是否可以一生相依到老,好難控制他或自己家人, 其他人只要保持適當距離, 就會易相處."

agree!

私人傳訊

ccling69

大宅

積分: 1287

21^#

發表於 10-7-3 17:38 |只看該作者

有d老人家openD你講下野就無所謂, 如果唔係,就當見唔到. 而且你未結婚去人地屋過夜, 都唔係咁好,人地家人會好容易覺得可以食住你,雖然明明是自己阿仔鍾意人都以為你送上門. 掉轉就可能會好d, 因女方家人都會傾向保護自己個女.

一係如果想結婚, 就早dd搵個地方叫男友搬開, 然後正情結婚啦, 結了婚,你就有大條道理安排自己的生活, 唔好咁傻講自己家事比人聽, 因為他們唔覺得你經驗好過他們,尢其是湊仔, 因為她點都叫湊大你男友, even她湊到呢咁hea. 而且最好你自己做定功課, 第時點湊點教小朋友.

一段關係最重要係你男友是否可以一生相依到老,好難控制他或自己家人, 其他人只要保持適當距離, 就會易相處.

私人傳訊

jesuslovesyou

男爵府

積分: 5103

育兒性格勳章

20^#

發表於 10-7-2 15:44 |只看該作者

原帖由 stories 於 10-6-30 11:43 發表
你地未嫁入去之前 "男朋友媽咪"會唔會係你考慮嫁唔嫁既因素之一?

我同男朋友拍拖3年大家年紀都唔細而且都認定對方係結婚對方兩年前已經開始一齊儲錢結婚買樓
拍拖一年之後我先開始星期5-6係男朋友到過夜
男友姐姐 ...

stories, 我明白你的擔憂，因為我都正面對這種情況。雖然正如其他sisters的回應所說，那些是"人地的家事"，我也認同，妳一日"未嫁入去"，我估心態上你男友的家人和6299都仍當你是"外人"，所以，妳又真的唔方便出聲@@

。

雖是人地家事，但的確可從你對奶奶的"觀察和直覺"，預視到將來你和c6 可能面對的問題...。所以我明白妳的心情，擔憂不是無原因呢。

「"男朋友媽咪"會唔會係你考慮嫁唔嫁既因素之一?」--> 我不會因為男友媽咪難頂，而決定"唔嫁"or "分手"。(拍拖, 唔結婚即係分手...呢個係事實。) 若因為一d "外人" 放棄一段姻緣，在這個自由戀愛的年代，其實很可惜也不值，亦難保將來另一位伴侶的 99 不會出現同樣情況。

重要的，你要和男友約法三章︰不與奶奶住，bb自己湊番。(還有其他細節，例如不給key 99....@@ 一把屋企key 給99就好煩ga la....

)。

呢d 野，真的要未結婚前已講清楚。男人對呢d "婆媳問題" 一般都"冷感"，覺得無所謂 / 問題不大，因為那人是 "佢阿媽" (個囝/囡比自己阿媽湊有乜所謂? 條key 比阿媽, 有乜所謂? 阿媽突然上黎? 有乜所謂.....

)，而且他們或多或少有種"裙腳仔" 心理, 依賴阿媽阿媽阿媽...。

到結婚後 "米已成炊"，加上男人婚後 "心態"的改變，妳就更加無say。

我都有同我男友傾呢d 問題啊，佢的態度都係 "到時先算"....唉....

大家傾到好唔開心.....

so 樓主，真的要好好處埋/面對呢d 問題。你的concern 是valid 的啊~

私人傳訊

小魔

別墅

積分: 691

19^#

發表於 10-7-2 13:44 |只看該作者

"咁你要睇清楚你男友係乜類型, 如果佢係理智愛妻型, 咁都ok嘅. 如果佢係愚孝群腳仔, 你就要重新諗下."

極之同意, 如果你男友都係會幫你既, 99諗咩都唔使理佢啦. 你自己個bb邊個湊, 咪plan好先生, 唔好比99湊囉. 相反如果你男友咩都呀媽大晒, 咁就諗過啦. 唔係到時自己無say, 99話要湊就湊, 仔又生埋, 咁真係大件事.

不過我都同意樓上講, 唔關自己事, 我唔會出聲, (雖然你係為個小朋友好, 之但係教仔真係你唔係bb父母, 好多時真係唔理好過理) 唔係個未來99唔喜歡又係煩.

私人傳訊

hellocat0223

男爵府

積分: 8045

18^#

發表於 10-7-2 00:01 |只看該作者

第時都唔一齊住,

怕D咩?就算見都唔會成日見啦,

去改變人地仲難過改變自己,

真心講句,唔一齊住的話,佢既生活習慣關你咩事?又唔會影響到你同男朋友既~

再加上果個係佢個孫,人地阿媽都無出聲,我係你住左係佢度都唔好意思講啦.

私人傳訊

cecichow

禁止訪問

積分: 9193

17^#

發表於 10-7-1 19:19 |只看該作者

提示: 作者被禁止或刪除內容自動屏蔽

私人傳訊

daydaydaisy

子爵府

積分: 14763

16^#

發表於 10-7-1 00:43 |只看該作者

原帖由 anita_yps 於 10-6-30 22:40 發表
樓主有d唔識做囉, 而家你身份係個仔既女朋友, 你根本唔應該出聲話人地個小朋友囉, 雖則你原意想個小朋友好先話, 實則呢個世界好多人唔中意, 所以我係樓主一定唔會出聲。 ...

yes, you cant say anything as an outsider

私人傳訊

anita_yps

侯爵府

積分: 23781

2024年龍年勳章 BK Milk勳章畀面勳章

15^#

發表於 10-6-30 22:40 |只看該作者

樓主有d唔識做囉, 而家你身份係個仔既女朋友, 你根本唔應該出聲話人地個小朋友囉, 雖則你原意想個小朋友好先話, 實則呢個世界好多人唔中意, 所以我係樓主一定唔會出聲。

私人傳訊

五月MaMa

大宅

積分: 2785

14^#

發表於 10-6-30 18:00 |只看該作者

樓主，您打左成100個字，每樣野都好似唔關您事咁war?

原帖由 stories 於 10-6-30 11:43 發表
你地未嫁入去之前 "男朋友媽咪"會唔會係你考慮嫁唔嫁既因素之一?

我同男朋友拍拖3年大家年紀都唔細而且都認定對方係結婚對方兩年前已經開始一齊儲錢結婚買樓
拍拖一年之後我先開始星期5-6係男朋友到過夜
男友姐姐 ...

私人傳訊

abouttttt

大宅

積分: 4043

13^#

發表於 10-6-30 17:16 |只看該作者

原帖由 stories 於 10-6-30 12:10 發表
我已經同男朋友講左結婚之後唔可以同佢媽咪一齊住 BB更加唔可以比佢媽咪湊...

有時我會諗有冇機會改變到佢媽咪既思想, 不過我睇呢到咁多post都冇咩邊個成功..... ...

咁既然你都同你男朋友決定左2個人搬出去住仲煩d乜姐?
況且,人人都有自己思想諗法,唔明點解你講到話要改變人地媽咪思想,可能你男朋友媽咪係有d地方做得唔係太岩或者不合情理,但係掉返轉頭人地去改變你平時做開o個一套,你又如何?其實我唔係想搵交嗌,我同我6299感情都好好,只係我覺得一家人相處係要大家互相遷就,唔係話要去改變屋企人d乜野,況且第時生左bb,就算你唔係同你99一齊住,你都無可能永遠唔帶個bb比你6299見ga~係咪?既然始終都要見面ge,咁點解唔睇開少少呢.....

私人傳訊

蕾蕾6382

大宅

積分: 1358

12^#

發表於 10-6-30 17:08 |只看該作者

原帖由 stories 於 10-6-30 11:43 發表
你地未嫁入去之前 "男朋友媽咪"會唔會係你考慮嫁唔嫁既因素之一?

我同男朋友拍拖3年大家年紀都唔細而且都認定對方係結婚對方兩年前已經開始一齊儲錢結婚買樓
拍拖一年之後我先開始星期5-6係男朋友到過夜
男友姐姐 ...

我現在的 99 是以前男友的媽咪 ,
我 99 一向都是有她說你沒有得說的
所以好小同她講野 , 以前是現在是
不過好彩我老公好好 , 如果是 99不啱 , 老公一定出聲丙她, 因為老公好小出聲 , 如果老公出得聲62 99 都會怕
我現在 BB 都是比 62 99 湊的 , 其實一定有湊發不同 , 不過你唸 , BB 是她們的親人 , 她們一定不會害BB , 只是不是自己的湊法 , 所以我都好小理 , 只要BB健康便可 , 其實我都是一個執著的人, 不過結婚十年令到我孌到好多事不是太過份便算啦 , 因為62 99 都是老公的家人