夫婦情感 今日: 0 | 主題: 42709

積分: 2540

1^#

發表於 10-7-12 02:59 |只看該作者 |正序瀏覽 |打印

我讀書時都有好多架!有時諗返都幾好笑

講住其中既三段先~

以前F.2時有個男仔,佢好鍾意同我一齊坐,成日叫我隔離的同學同佢交換位上堂,又每日買早餐俾我,有時上上0下堂會遞封情信俾我,但我對佢冇FEEL,試過當住佢面撕爤封信,有時覺得好煩,我有次忍無可忍,叫左我個FRIEND同佢講清楚,點知佢竟然係我面前喊........

都唔知點算好,有時拒絕人都幾HURT

記得小四有一次有個第二班的男同學,佢每日都鍾意等我放學,佢同我都有傾計的,佢問過我攞電話,我話由於我搬屋,會改電話,所以未有新電話俾佢,有一次我上校車時,佢送了一個公仔俾我,連埋佢0既電話號碼,由於太突然,我還未接住,校車已經開左

第二日佢再等唔到我啦!我已經唔再讀啦!由於我搬左屋呀!

就咁.....我0地真係冇緣啦!:mrgreen:

我每年運動會都會做啦啦隊,有一年竟然有個男仔佢叫我同佢打氣,佢話佢係F.5A 0既同學,佢留意左我好耐,佢將要落場跑男子100,想我支持佢,我其實都識佢的,當然答應佢幫佢打氣啦!點知當時唔知係咪緊張得濟,定係因為我.....佢竟然跑包尾

我走去佢到想安慰佢,點知佢怕樣衰得濟,唔敢見我.....

[ 本帖最後由 juliet 於 10-7-16 09:37 編輯 ]

0 0 0

親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.

私人傳訊

chingbbchingbb

禁止訪問

積分: 5028

畀面勳章

23^#

發表於 10-7-31 01:30 |只看該作者

提示: 作者被禁止或刪除內容自動屏蔽

私人傳訊

Freshener

積分: 6559

醒目開學勳章

22^#

發表於 10-7-16 19:30 |只看該作者

睇到你地d 情史都開心ar..
等我都講下la...

我f.2 個陣暗戀個男仔, 直到 f.4先有机會同班... ^^
個陣我先知我起呢個男仔玩開個班人口中的花名係"ar 嫂" , 原來個男仔都係一直對我有嘢, 但一直冇行動...扮哂cool, 同班后我坐佢前面, 成日扮跌嘢, 叫我幫佢執返..!! 但到升f.5個summer 佢就退學la...!!!
但有一次好深刻

, 話說個陣都有學兄表明對我有好感, 咁呢d 學兄成日都比佢地d fds 推出走走廊, 目的係想撞到啱啱起走廊行緊的我...有一次個男仔還好大聲叫"xxx (即係我) 你味行, ar xxx (學兄名) 好穜意你" 咁跟手有個人比人推出來.....點知我暗戀的男仔係我后面咩都睇到聽到哂, 佢推開果個人, 咁跟住用手扶住我手踭示意我行...還邊行邊眼厲厲個學兄...佢真係好型ar

...!! 雖然跟住係冇同佢開始, 但到掛左佢幾年ar...!!

私人傳訊

happypiano

積分: 24395

醒目開學勳章

21^#

發表於 10-7-16 16:16 |只看該作者

我都鐘意呢個topic, 諗番d 開心野都幾好呀!!

私人傳訊

你好嗎

積分: 20329

20^#

發表於 10-7-15 19:14 |只看該作者

中學時期~有個男同學鍾意我(當時我有男朋友),已經同佢講清楚,但佢都日日等我放學,重話會等我,唔介意同人爭

,我知道佢等我,我就搵人同我一齊放學,我個FD見佢無跟就同我分開行,點知佢走去兜路見我,果時得我一個嚇到我C,佢重因為跑得太急'扯蝦'添

私人傳訊

juliet

積分: 2540

19^#

發表於 10-7-15 18:35 |只看該作者

原帖由 hellomag 於 2010/7/15 04:19 發表
個男仔約我去街，揸車接我，紅燈停車時，佢走出車係車尾箱攞咗扎花出嚟送比我。

好sweet喎!

親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.

私人傳訊

hellomag

積分: 20620

18^#

發表於 10-7-15 15:19 |只看該作者

讀中學時，我地F.2生好興向隔離班嘅學友借書，我嗰時好怕醜，多數都係同學幫我借，嗰時隔離班有個同學，係本書度寫詩傳情囉，佢由F.1已經開始暗戀我，畢咗業幾年佢都依然鐘意我，不過我吾鐘意佢。

讀書時有個師兄追我，佢個樣鬼鬼地，佢同人講，想追我，我已經拒絕咗，咁有一日我撘巴士返屋企，佢突然上車坐係我隔離，我又怕醜喎，佢係咁同我講嘢，我全程都吾敢望佢同答佢嘢，食咗咁大個Lemon，之後佢都無行動LU。

又係讀書時，有個吾同校，又細個我嘅男仔想追我，佢識得我同村嘅士多仔，所以攞到我電話，打嚟約咗我幾次去街，我更係吾去啦，都吾知你係乜水，之後我知道佢識得士多仔，我咪同士多仔講叫佢吾好再打嚟，之後無咗影LU。

仲係讀書時，不過就吾關同學事，係我姐夫個細佬，想追我，不過佢臉皮好薄，食一次Lemon就打退堂豉。

讀書時家教比較嚴，而且我係一個好怕醜嘅人，所以一一都比我拒絕。

出嚟做嘢都有，一個追緊我，一個想追我，兩個男仔掙風呷醋打交。

個男仔約我去街，揸車接我，紅燈停車時，佢走出車係車尾箱攞咗扎花出嚟送比我。

私人傳訊

unicath

積分: 5995

好媽媽勳章

17^#

發表於 10-7-15 14:16 |只看該作者

有好多次,但其中3次係幾得意既~~得意,唔係難忘,因為難忘既,始終都係同最愛果個既先會係難忘~~即係而家既老公

中二時,係屋企會所既自修室溫書...
因為考試季節,好多人,我隔離坐左個男仔~個男仔無啦啦傳紙仔俾我,我冇點理佢~~之後,有一日,我又去自修室啦,又見到佢,果日少人d,佢竟然出聲搔我講野,仲話自己dadi做消防,又show自己d肌肉俾我睇.......

可惜,佢萬萬估唔到,我係勁唔鍾意肌肉型,甚至我係覺得核突tim架~~再有幾次係自修室撞到,佢又捉住我講野,果次得我同佢,佢又買野食俾我(你知啦,溫書,要食零食架ma~不過我冇要到~),佢話佢鍾意我,我同佢講我已經有男朋友啦....點知,佢話佢唔介意wor...佢話只要我俾佢鍾意我就得,我唔需要鍾意佢架wor............:;pppp: 原來有個傻人想痴埋黎.........

之後我有一段時間都冇再落去會所luuu~

預科時,同幾個女仔frd被邀去某名男校既end of term ball, 有d朋友做左wallflower,但自己好多人invite to dance,d朋友事後話,你就好啦...不過事實係,我因為唔識點拒絕人,又覺得跳隻舞jei,又唔係要拍拖/做人世...咁都拒絕人都好冇禮貌....

有好多個,我一邊同佢跳,一邊就暗地裡好想首歌快d完!!!!!!

到之後,有一個男仔,我同佢跳左幾隻歌呀~因為一來,佢完左首歌就即刻同我講,好想同我跳多幾首,話首歌咁快完...二來,我真係唔想冒險同其他男仔跳喇~

事實上,果個男仔都ok既...果日,好多人問我拎電話,我淨係俾左果個男仔,不過之後都好後悔.........

佢之後約左我出黎,果陣約左o係火車站等,我離遠見到個好似佢既人,已經嚇左一跳,因為我見到一札好大札既花...........

之後,原來佢真係送俾我,我拎住既時候係要雙手拎住,然後俾札花遮住左我上半身架囉.......

之後,睇戲...睇睇下戲,我見凍,佢即刻把握時機捉住我隻手...睇完戲,一出戲院第1句就係,可唔可以做我女朋友.......我呆左!!會唔會快左d?!?!

因為,其實我果陣岩岩散左冇耐...仲未放得低...個心仲等緊之前果個,所以我拒絕左佢
之後,佢每日都打黎要同我傾電話,我用各式各樣理由收佢線,又同佢講,如果佢再係咁樣,連朋友都冇得做,佢先正常返d,有一晚,佢又打黎,而且聽到佢把聲飲到好醉...佢話佢忍唔到喇,佢真係好掛住我...又嗌又喊...我諗如果我真係鍾意既人咁樣,我會覺得好心痛同埋想即刻撲出去見佢,但我冇咁既感覺,我淨係想收線收線...

到中七考完高考時,有一個補習識既,幾岩傾,我地會約出黎去coffee shop傾計,行街,睇風景...佢又會請我食野,其實之前好多時補完習都好夜,佢明明住o係補習果頭,佢都會送我去搭車,等到我搭既車黎先走,又或者直情陪我行返屋企...有時仲會同我食埋野先送我返去~~

所以關係都叫幾好,不過佢俾我既感覺好神秘,有時佢講野會講d唔講d,雖然對佢都有好感,但認真d諗,佢係唔會俾到安全感我...好唔適合我,因為我係極需要安全感既人~~有幾次,佢路馬路時拖過我手,但之後又鬆返wor,所以我一直都以為佢對我冇野,只係因為過馬路所以覺得拖住安全d掛??(我好天真呀可??

)直至一晚,同佢msn,我要off之時,佢打左句love u,我先知原來.........(但果時我已經拍緊拖了...

不過個"男朋友'我都唔係太鍾意,可能怕孤獨所以先一齊掛??同埋佢又追左我好耐...)果時太細個,我唔識點處理,因為明明我都鍾意佢,但佢應該唔適合我,我就打左句thanks

然後off了,深呼吸~~之後再睇返佢blog,原來打左篇英文俾我(我地補英文識既,因為想英文更上一層樓,成日都用英文溝通,出街同埋傾電話都係講英文),大概係,佢愛我,但佢之前都受過情傷,佢都覺得自己有D怪,佢愛我但又唔想occupy我...我睇到都有d可惜,可夠大家都唔夠愛掛,不過同佢一齊成日出街行下,傾計,歎下coffee果段時間又真係幾開心o既~~

到大學,year 1 spr sem已經同左而家既老公一齊luuuu~果d仲難忘,不過下次先講~~

[ 本帖最後由 unicath 於 10-7-15 14:25 編輯 ]

私人傳訊

chrislpy

積分: 9185

畀面勳章陪月勳章

16^#

發表於 10-7-14 23:22 |只看該作者

哈哈哈,多謝樓主開呢個題呀,咁我又可以回味吓,我情史就唔多,不過就好深刻,我個EX同我拍拖個陣叫我做皇后,對我真係100個細心,不過就衰在佢好有辦法令身邊既女人愛上佢,佢讀心理學既,好知道女人既心理,所以最後我地無結果,不過好在我無堅持忍佢,因為到依家,10年後,佢都仲未肯同女友結婚,我就知道佢唔係我杯茶,我依家只會響煲劇既時候,當個男主角係佢(因為佢都會同我講呢D對白),回味吓就算,總之有甜蜜既回憶,都係好既

私人傳訊

juliet

積分: 2540

15^#

發表於 10-7-14 00:11 |只看該作者

大家講多D哩聽0下!諗返以前比人追時,都幾有趣.....

親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.

私人傳訊

funpucca

積分: 8001

大廚勳章

14^#

發表於 10-7-13 17:12 |只看該作者

最難忘係讀書時, 有個同學話鍾意我, 我無理佢
點知佢每日係我屋企出面等我一齊返學, 果時仲要係冬天, 凍到死, 我地又唔係住得近, 我叫佢唔好咁樣等我, 佢唔聽, 堅持朝朝係咁等, 最後都俾佢感動左, 雖然結局係分開

另外一次, 係搭巴士俾人追, 我feel到有個男仔成日望實我, 突然有一日, 佢落車時同我講bye bye, 第2日仲俾左封情信我

讀書時, 有一次係超攪笑, 有一個我完全唔識亦無見過面嘅男仔因為係我朋友喲相見到我就話要追我, 仲寫左封情信&畫埋我個樣, 不過, 我當然無理佢啦

私人傳訊

CALVEN

水晶宮

積分: 64826

好媽媽勳章醒目開學勳章畀面勳章環保接龍勳章

13^#

發表於 10-7-13 16:27 |只看該作者

我就無物,
家姐就大把,婚前不同時間有數十個人追,以前佢愛情大過天,而家$大過天,我都想知點解.

私人傳訊

lovelykitty

珍珠宮

積分: 42987

12^#

發表於 10-7-13 16:01 |只看該作者

記得中學既時候有個男仔係同學男朋友既朋友...
好多時一齊行街食飯...對佢印象麻麻啦...
聽講佢係黑社會人仕冇正職...!
後來先知原來佢會同我地一齊行街食飯係因為鍾意我!

記得有次佢黎接我地放學..
突然落起大雨黎...佢當然冇拎遮啦...
點知佢走左去離開學校成20分鐘路程既地方買左把遮..一直拎住都冇開黎遮住先...直至見我放學出黎至開遮比我用!....都可以話係幾感動既..(當時)!!

佢住O係離島既...每次佢想我入離島玩...
佢都會先搭船出黎香港..接我再搭船返入去...
到走既時候佢又會搭船出黎送我返屋企..
之後再自己返入去..一日坐船都坐左4粒鐘...

雖然佢係一個黑社會人仕..
不過佢同我拍拖既時候真係待我如珠如寶...
我SAY NO既事..佢唔會有異議...!
記得當時我得18歲...佢有要求想咩咩咩啦...
我同佢講..一定要21歲之後至可以...佢之後都冇提過喇..

私人傳訊

綿綿雨

積分: 7080

畀面勳章 BK Milk勳章

11^#

發表於 10-7-13 15:31 |只看該作者

我最懷念比人追時 (後生果陣)
我C6追我時同時間仲有幾個架
我間左C6 佢比較接近我想既類形
好懷念做女時候呀 ^^~

[ 本帖最後由綿綿雨於 10-7-13 15:33 編輯 ]

私人傳訊

等運到

積分: 3197

好媽媽勳章

10^#

發表於 10-7-13 00:29 |只看該作者

好多人追, 但冇乜邊d特別難忘!
大雨突登系我屋企樓下企足幾個中等我, 每日接一粒星星比我....為左我學都唔返丫...什至有d等足我幾年都c唔放手(討厭!

)..etc..

我只系對自己中意ge人做ge野難忘

, 其他人就算做一百樣野我都唔會上心!

私人傳訊

premum2006

積分: 20738

好媽媽勳章醒目開學勳章

9^#

發表於 10-7-12 18:15 |只看該作者

冇特別某位難忘
不過我覺得有幾次幾攪笑
分別係1X歲&3X歲
1X歲時俾D uncle狀男人追
到3X歲時又試過有D under20歲嘅dee dee追
硬係冇D對台D嘅埋身
整定我冇得變心
注定嫁俾哩個老公

放低自己，尊重別人
提升內蘊，不為別人為自己

私人傳訊

dbbp

積分: 8888

8^#

發表於 10-7-12 18:03 |只看該作者

以前幫哥哥看舖，有日坐坐下有個男仔行埋黎遞個學生證俾我睇，話係浸會大學學生，想我幫佢填份問卷。填完之後，佢話下次可唔可以約我食飯，我見佢斯斯文文，就同佢食左一次lunch，佢真係好開心，之後佢都有特登去舖頭搵下我，但我只係當佢朋友，然後就不了了之喇，幾年之後喺街見到，佢仲認得我，但我真係已經無乜印象lu~

私人傳訊

smileemily