興趣嗜好 今日: 12 | 主題: 124507

積分: 2409

1^#

發表於 10-7-27 17:18 |只看該作者 |正序瀏覽 |打印

我一直單純地以為，為小動物進行「人道毀滅」就是替牠們注射長眠針 (毒針) 而令牠們用最短的時間死去，免受太多的痛苦。原來我錯了，而且是大錯特錯。

昨日的集會上，主持人為大家 ”介紹” 了漁護署慣常會用到的「”人道” 毀滅」方法有三種，聽後真令人心寒心痛；

一. 注射過量劑量的麻醉藥（俗稱打毒針）。
是三種方法中成本最高的一種，不過原來打毒針已經是很 ”人道” 的方法了，高成本但低效率，漁護署會不會用這方法？我不知道.....。

二. 注射空氣到小動物的血管裡，令其痛苦地慢慢死去。
空氣嘛，不用錢，但到底要抽搐多久才會死去，我不敢想…..。

三. 將一群要被處決的小動物困在密室裡，用毒氣 / 二氧化炭將牠們焗死，牠們死之前會神志不清、失禁、互相撕殺，最後所有小動物氣絕身亡。

還有太多太多殘暴不仁的例子….不多講了…..唉!

「人道毀滅」是最荒天下之大謬的一個詞彙。

既是毀滅，何人道之有?

0 0 0

私人傳訊

積分: 3343

27^#

發表於 10-8-2 10:31 |只看該作者

原帖由 sotei 於 10-8-2 09:17 發表
lamlambaba, 係你眼中="可能係妳地眼中, 人同狗都係無分別, 不過大部份的香港人, 都明白到人同狗係唔同的, 狗之所以係呢到出現, 都係因為人將佢當為寵物; 正如豬一樣, 如果無人養佢黎食, 佢地係唔會出現架"

所有生 ...

sotei, '所有生命都係由神創造出黎'架講法, 相信唔係有好多人會接受, 香港係一個包容性頗大的社會, 少數人的意見, 大家都唔會排斥, 不過遊戲規則係小數服從多數, 現實就係大多許養狗的人都係狗當係寵物, 當係玩具, 所以很多狗被玩厭左之後就會被遺棄, 而我針對呢個現況, 提出解決方法, 就係用發牌制度減少人養狗, 只有增加狗主的負擔, 把狗當玩具的人自然會大大減少, 剩下來的才是真正愛狗的人, 廣州就係用呢個方法去控制狗隻的數目.

另外, 昨天有單新聞說漁護的人用食物誘惑方法去捉一隻馬騮, 結果攪左成日都捉唔到; 以前有一班人都嘗試去捉馬騮絕育再放生, 攪左幾年, 結果馬騮的數目有增無減, 那些巨型捉馬騮器, 荒廢在山頭. 所以幾好的想法, 如果配合唔到實際的情況, 空喊口號, 無限上綱, 大家又點會支持妳地呢!

或者妳覺得我好討厭, 因為我講架野妳地唔啱聽, 不過我並沒有惡意, 只是以事論事, 無人身攻擊. 不過既然妳地唔喜歡的話, 我諗我言盡于此, 唔再出現在寵物區了!

私人傳訊

積分: 2409

26^#

發表於 10-8-2 09:17 |只看該作者

lamlambaba, 係你眼中="可能係妳地眼中, 人同狗都係無分別, 不過大部份的香港人, 都明白到人同狗係唔同的, 狗之所以係呢到出現, 都係因為人將佢當為寵物; 正如豬一樣, 如果無人養佢黎食, 佢地係唔會出現架"

所有生命都係神創造出來, 絕對唔係你所講"如果無人養佢黎食, 佢地係唔會出現架" 你估你人類真係有咁大權力? 只係人類既智慧比其他動物高, 但唔代表人類有權侵害動物生存既權利.
'不過大部份的香港人, 都明白到人同狗係唔同的" 你咪係其中一個囉. 其實你地個批人根本只當動物係寵物, 係玩具, 根本唔會明白愛寵物如子女一樣既心情, 大家好難再講落去. 希望你都要諒解. THANKS!

私人傳訊

積分: 10165

25^#

發表於 10-7-31 23:26 |只看該作者

UM......not really

今次消滅既係"白色波波"同上次果條毛毛本身係一體的, 但好早已經比佢分屍了, 毛毛上次搵到之後又不見了, 決定放棄...

至於白色波波今日向個吸塵機入面蚊返出黎, 污jo 到死

.... pat 鬼左.

所以你果條今日可以剪綵了. 但係唔知可以玩幾耐.

原帖由 lauretta 於 10-7-31 22:02 發表

咁快就消滅左條舊既(係咪果次搵果條白色毛毛?) ,似乎買玩具比佢地玩都係一個幾大既開支

私人傳訊

積分: 14165

好媽媽勳章醒目開學勳章睛靈勳章

24^#

發表於 10-7-31 22:02 |只看該作者

原帖由 zozozo 於 10-7-31 16:35 發表
HI, 你送比丁丁既玩具今天要開封了, 因為........ 舊既已被毀滅...

咁快就消滅左條舊既(係咪果次搵果條白色毛毛?)

,似乎買玩具比佢地玩都係一個幾大既開支

私人傳訊

積分: 3343

23^#

發表於 10-7-31 20:20 |只看該作者

原帖由 lauretta 於 10-7-31 08:33 發表

以佢既論點,人唔養人都會絕種

妳地啲邏輯好犀利, 我講緊係香港養狗的問題; 如果狗主唔買隻狗返屋企養, 隻狗係唔會出現! 同狗呢種動物絕種係無關係架, 至於人類絕種的問題, 就更加離曬題了!

養狗所帶來的問題, 要用者自付的建議, 唔係出師無名. 私家車係一個例子, 而另一個例子就係外傭稅(合唔合理又係一個問題, 不過事實就係有呢個政策!)

政府的資源有限, 納稅人的錢用于照顧納稅人係理所當然, 但要照顧埋納稅人架狗, 甚至連佢地都唔要架狗, 就似乎有好多人會唔同意, 畢竟養狗係一種奢侈行為(導盲犬例外), 用政府架錢去補貼市民養狗, 即係話'妳養狗happy, 而要我付鈔', 市民自然會有異議! 用者自付, 合情合理, 狗隻又可以得到善終, 將來唔會有流浪狗問題, 更唔會有所謂不人道對待流浪狗問題了!

或者到時狗義工的愛心, 可以用係其他更有意義架事情上面!

私人傳訊

積分: 10165

22^#

發表於 10-7-31 16:35 |只看該作者

HI, 你送比丁丁既玩具今天要開封了, 因為........ 舊既已被毀滅...

原帖由 lauretta 於 10-7-31 08:31 發表

係呀 ,佢地仲食得好開心添

私人傳訊

積分: 14165

好媽媽勳章醒目開學勳章睛靈勳章

21^#

發表於 10-7-31 08:33 |只看該作者

原帖由 zozozo 於 10-7-30 23:41 發表
貓狗不是死物, 人唔養狗, 佢地係唔會出現? 唔通D 狗會絕種?

以用者自負.. 私家車... 等等的理論來比喻D人養狗.....

以佢既論點,人唔養人都會絕種

私人傳訊

積分: 14165

好媽媽勳章醒目開學勳章睛靈勳章

20^#

發表於 10-7-31 08:31 |只看該作者

原帖由 zozozo 於 10-7-30 23:44 發表
我冇出力, 但係都有出糧幫D 貓貓架......

係呀

,佢地仲食得好開心添

私人傳訊

積分: 10165

19^#

發表於 10-7-30 23:44 |只看該作者

我冇出力, 但係都有出糧幫D 貓貓架......

原帖由 lauretta 於 10-7-30 20:35 發表
唔知點解,漁護處一響呢度比人出post呢,呢位人兄就走出黎嫁喇,唔知佢同漁護處有咩關係呢?人人見到都覺得唔人道既事,佢都覺得好正常wor,陰謀論d咁諗就覺得佢可能係果d職員,都習以為常,有咩咁唔人道..老實講,冇不負責任 ...

私人傳訊

積分: 10165

18^#

發表於 10-7-30 23:41 |只看該作者

貓狗不是死物, 人唔養狗, 佢地係唔會出現? 唔通D 狗會絕種?

以用者自負.. 私家車... 等等的理論來比喻D人養狗.....

原帖由 lamlambaba 於 10-7-30 22:16 發表

我乜野身份同職業, 同我講架說話有沒有道理係沒有關係的; 因為呢個係公開的討論區, 應該可以容計狗義工以外的人發言掛!

我唔介意妳地將我擬狗化, 可能係妳地眼中, 人同狗都係無分別, 不過大部份的香港人, 都明白 ...

私人傳訊

積分: 3343

17^#

發表於 10-7-30 22:16 |只看該作者

原帖由 lauretta 於 10-7-30 20:35 發表
唔知點解,漁護處一響呢度比人出post呢,呢位人兄就走出黎嫁喇,唔知佢同漁護處有咩關係呢?人人見到都覺得唔人道既事,佢都覺得好正常wor,陰謀論d咁諗就覺得佢可能係果d職員,都習以為常,有咩咁唔人道..老實講,冇不負責任 ...

我乜野身份同職業, 同我講架說話有沒有道理係沒有關係的; 因為呢個係公開的討論區, 應該可以容計狗義工以外的人發言掛!

我唔介意妳地將我擬狗化, 可能係妳地眼中, 人同狗都係無分別, 不過大部份的香港人, 都明白到人同狗係唔同的, 狗之所以係呢到出現, 都係因為人將佢當為寵物; 正如豬一樣, 如果無人養佢黎食, 佢地係唔會出現架!

依我愚見, 要解決流浪狗問題, 就要減少人養狗, 就好似政府控制私家車的數目的方法一樣:
1. 養狗要攞許可証, 而費用約一萬, 一樣名種狗的價錢
2. 狗牌要比年費, 每年5000.

本着用者自付原則, 政府可以將收回來的錢, 成立一個基金, 去飼養那些流浪狗.

私人傳訊

積分: 14165

好媽媽勳章醒目開學勳章睛靈勳章

16^#

發表於 10-7-30 20:35 |只看該作者

唔知點解,漁護處一響呢度比人出post呢,呢位人兄就走出黎嫁喇,唔知佢同漁護處有咩關係呢?人人見到都覺得唔人道既事,佢都覺得好正常wor,陰謀論d咁諗就覺得佢可能係果d職員,都習以為常,有咩咁唔人道..老實講,冇不負責任既人,就唔會有流浪貓狗,有流浪貓狗,政府就應該負起責任,因為政府既教育不足,配套做得唔夠,先有流浪動物既問題,叫政府養佢地過世都不為過囉,邊個叫政府既政策同刑罰做得唔好,令d衰人遺棄動物呀..,香港政府咪好彩囉,有我地d貓狗義工不計酬勞不怕辛苦去幫佢照顧d流浪動物(我唔係要計酬勞呀,唔好誤會,我只要求政府善待佢地姐),比野佢地食,有病又同佢地去睇醫生,又帶佢地去絕育,我地個個都想佢地有個家,但唔係隻隻都咁好彩有人肯要,我地做既野,付出既唔多個政府咩(我指全香港義工同動物慈善組織計埋),而家只係要求佢人道d,同埋可以既唔好再捉佢地番黎殺佢地,做tnr計劃姐,咁都唔好咩?一隻流浪動物生命好短咋,只係幾年姐,你地d人都唔肯放過佢地,因住收尾果幾年報應呀

越講越嬲添...唔好意思呀咁多位..有句說話我好贊同,地球係屬於所有生命.唔該d懶高高在上,自以為萬物之靈既人類反省一下,地球已經因為你地既開墾同濫殺(唔好話唔關你事,只要你地有咁既需求,就會有其他人去供應,所以,我都覺得我都係有份間接做成今日既局面),已經病入膏肓喇,再係咁落去,自然生態就會更嚴重失衡(其實而家已經嚴重失衡),地球就會再度進入冰河時期(科學家解釋過地球係會藉住咁樣而自我修復),到時萬物都會滅絕,就連你地d高高在上既人都唔會再響度....
自己諗下啦,你咁樣去教下一代(不負責任,玩完就算...etc),你既下一代可以變成一個咩人?咪一個不負責任既人囉,我希望你到老年有病需要依靠既時候,你既下一代唔會諗住幫你脫苦海,殺左你,又或者,當你係玩厭左既玩具咁遺棄左你就算.

[ 本帖最後由 lauretta 於 10-7-30 20:43 編輯 ]

私人傳訊

積分: 2409

15^#

發表於 10-7-30 14:10 |只看該作者

原帖由 lamlambaba 於 10-7-30 13:51 發表

係妳地架立場, 可能覺得我架講法好無情義; 不過, 我講架都係人性, 所謂狡兔死, 走狗烹, 現實就係咁殘酷, 接唔接受佢都係存在.

泰國同香港係好唔同, 係人口密度同城市化方面都有好大差距, 而且文化背景亦有着唔少 ...

" 所謂狡兔死, 走狗烹, 現實就係咁殘酷" 依D說話咪係D不負責任既人先會講囉. 唔怪之得依家愈來愈多人生咗D細路出黎又唔養, 又虐待, 等佢地自生自滅啦! 因為係佢地心目中, 都唔知係勿野? 咪又係生之前無想清楚囉!
相反, 唔識教只係識縱既, 個細仔咪勿都唔識做, 淨係識得打機, 要零用錢, 要去玩, 打父鬧母, 不知所謂. 唔通又係可以掉咗佢地就算? 人真係愈來愈冷血...
唉~ "春水薄, 人情更薄" .

私人傳訊

積分: 3343

14^#

發表於 10-7-30 13:51 |只看該作者

原帖由 zozozo 於 10-7-30 13:03 發表

呢D 係咩野道理, 狗都係地球上既生物, 唔係呢個世界所有野都屬於人類擁有的, 人類都沒有權去毀滅佢地架
玩厭左就可以水毀滅了嗎? 何謂在所難免? ...

係妳地架立場, 可能覺得我架講法好無情義; 不過, 我講架都係人性, 所謂狡兔死, 走狗烹, 現實就係咁殘酷, 接唔接受佢都係存在.

泰國同香港係好唔同, 係人口密度同城市化方面都有好大差距, 而且文化背景亦有着唔少的差異, 佢地整個社會對動物架接受程比較高, 或者同好多人信佛有關.

香港的環境比較特殊, 人多車多; 妳將一隻狗流放係市區, 其實係折磨緊佢, 妳諗下, 佢係唔容易到搵緊食架! 就算有野食, 都唔衛生同健康, 每日都在捱餓, 又要食垃圾, 病左又無人理, 又隨時比車撞倒, 所以捉佢地返黎人道毀滅其實都係幫佢地脫苦海啦!

私人傳訊

積分: 10165

13^#

發表於 10-7-30 13:05 |只看該作者

原帖由 sotei 於 10-7-29 18:01 發表
希望你將來唔會比人遺棄, 唔好比人當係一件玩厭咗既玩具一樣, 被人毀滅.

私人傳訊

積分: 10165

12^#

發表於 10-7-30 13:03 |只看該作者

原帖由 lamlambaba 於 10-7-29 17:45 發表
被人遺棄的時候, 佢架生存價值就完結了, 就好似玩厭左架玩具一樣, 被人毀滅在所難免!

呢D 係咩野道理, 狗都係地球上既生物, 唔係呢個世界所有野都屬於人類擁有的, 人類都沒有權去毀滅佢地架

玩厭左就可以水毀滅了嗎?

何謂在所難免?

私人傳訊

rubyplk

水晶宮

積分: 70794

玩具勳章好媽媽勳章醒目開學勳章畀面勳章有「營」勳章貢獻勳章 2011精緻種植勳章環保接龍勳章大廚勳章 hashtag影視迷勳章

11^#

發表於 10-7-30 12:51 |只看該作者

私人傳訊

積分: 2409

10^#

發表於 10-7-30 11:43 |只看該作者

原帖由 lamlambaba 於 10-7-29 18:34 發表

sotei, 等我教下妳數學, 帶隻狗去做絕育都係幾百元, 而帶隻狗去絕育之前係要捉佢返黎, 所以帶隻狗去做絕育架總成本係2千幾蚊! 之後, 如果要養住佢, 就算唔計地方同人工, 食同醫療費, 一年一萬幾千走唔甩, 如果計埋 ...

傻妹, 我地義工帶D流浪狗去做絕育, 點計都唔駛用$2000去捉一隻, 漁記捉狗既設備一早都係到, 依$2000都唔知佢點計出黎, 唔通佢地無薪咩? 分明係呃納稅人既錢. 根本無需用$2000捉一隻狗. 所以你應該只計絕育費用先岩. 你估我地係傻既咩? 義工無捉過狗去做絕育咩? 大家一路都做緊, 義工無薪都做到啦.
勿你唔知泰國一早都做緊"流浪動物絕育後放回計劃"咩? 泰國都不知做得幾好, 人狗都能和平共處, 流浪貓狗既數量都被控制中, 點解香港有錢過泰國都做唔到? 原因好簡單, 因為泰國政府好用"心"去做好去囉, 唔似香港政府咁, 無錢搵既事就唔去做, "貪錢", "怕衰", "偷懶". 不知所謂.
相反, 養一個漁護處既人先係最浪費納稅人既錢. 仲要額外比佢地咁多福利同埋呃返黎既錢, 真係肥仔. 唔知政府係咪都有得分.
如果你想搵多D快錢養老, 你不如考慮入漁記做啦!
咁我都唔希望見到你將來會比屋企人遺棄, 當你係件玩具, 玩完就掉出街.

[ 本帖最後由 sotei 於 10-7-30 11:58 編輯 ]

私人傳訊