吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 29 :"Delete !!!!!- 此話題"

夫婦情感今日: 1|主題: 42774

收藏本版

發帖

返回列表

跳至頁

查看: 3721 | 回覆: 37

29 :"Delete !!!!!- 此話題" [複製鏈接]

ificould

侯爵府

積分: 24979

馬年勳章 2025勳章蛇年勳章 2024年龍年勳章 2023年兔年勳章畀面勳章環保接龍勳章

1^#

發表於 10-8-6 04:23 |只看該作者 |正序瀏覽 |打印

阿29，你覺得你好唔順氣？你覺得你係度忍？你覺得呢啲日子唔好過？呢個男人好差？你覺得你同個男人一齊就大哂？三年好長？

呢個男人係你勾番嚟架！！！你破壞人哋家庭時，大婆啲日子就好過？知唔知佢哋嘅日子係點過？我同我fd嘅婚姻都係俾你呢啲超賤嘅29破壞，我哋除面對被拋棄之痛，仲要俾愛咗十幾二十年的丈夫及29設計欺負！你三年搞掂嗰大婆，你本事亦够狠！我近乎八年抗戰最後落得一身病痛，而我fd自殺，依家更傷心遠走他鄉。你哋呢啲29不但令我哋辛苦建立的家庭被摧毀、生活出現問題，亦令我哋背後的娘家同樣蒙上傷痛和擔憂。你去搶人老公，同人哋老公上床時，知唔知個正室係幾受傷，佢哋個心係痛到滴血，痛到想即時去死。報應！依家睇你男友對前妻同個女嘅態度，就知佢後悔了，同前妻仲餘情未了。或者，依家你個男友都有同佢前妻有番夫妻之實，係你唔知你唔去諗啫。你都應有此報！！

我相信佢前妻當年受嘅苦你拍馬都未追得上，不過，天有眼嘅話，你嘅報應應該會陸續來緊。

我唔認為你有小朋友就要對你口下留情，29啲仔女就無辜，咁大婆啲仔女又點？出咗世就無辜？咁大婆果啲出唔到世嘅唔係更可憐？用吓你個
狐狸腦啦，你男友嘅大女係佢同前妻嘅愛情結晶，而同你嘅係通奸嘅證據，你男友唔想要，唔想成日見到自己通奸嘅證據，唔想被提醒自己下流賤格抛妻棄女！係你咁厚顏啫，唔該照下鏡，睇清自己個動物樣，兼收好條狐狸尾巴！唔係出街會俾人唾罵！

你後生，所以可以成功勾人老公！但凡事又有另一面── 你後生，所以你啲報應都會有排來，你大把時間慢慢等個天收你！

各位在痛苦中掙扎嘅大婆、正室，好好愛自己，個天會還你公道！加油！

打倒、歧視、杯葛、詛咒所有破壞別人家庭嘅狐狸精！

原帖由 CL-Christy 於 10-8-3 14:06 發表

如果你地好似我咁, 姊妹們, 你們會點做? (有點長)

我跟c6沒有正式註冊, 但已經一起差不多3年, 小女兒都剛剛一歲. 無錯, 我的c6是因為我, 而跟她的ex-wife離婚. 當日, c6跟我說了一些很感人說話, 我就決定與他一起. 往後的幾個月, 我都覺得很幸福. 但自從有左bb之後, 所有事情都改變了. 當他知道我有左, 他告訴我, 他不想要bb, 因為無錢. 但事實是他覺得對不起他的ex-wife和大女. 我跟他吵了一場, 我說當日你為我而離婚, 你不是想得很清楚嗎? 不是可以承受任何後果, 才有這個決定嗎? 你現在竟然覺得對不起你ex-wife和大女, 所以唔想要我肚裡面的bb, 你會不會過份左呢? 最終, 我都決定生這個小朋友出來. 但由我有左到現在, 所有開支和洗費都只有我一個人去承擔, 連買張bb床都是我自己比錢, 但我都沒有跟c6計較. 但最令我唔開心, 就是c6每星期都會帶佢大女周圍去, 會預早同大女去慶祝X'MAS, 帶大女去影相, 帶大女去一些比較好餐廳食飯. 相反, c6從不會帶我和我個女去一些比較好地方吃東西, 就算有, 都是我提意去, 當然, 最後比錢嗰個當然又係我啦.
大約係兩個月前, 我跟c6說, 不如我們註冊? 但c6的答案是話"無錢", 一時又說沒有"時間", 姊妹們, 你們聽到這樣回覆, 你們有什麼感覺?
大約一個月前, 我跟c6食飯, 我好直接地說, 如果你仍然咁愛你ex-wife, 你返去同ex-wife一齊, 我同個女先係你嘅現在式, 但你做過啲咩呢?? 你唔係應該take care我地嘅咩? 你同ex-wife已經係past-tense, 已經過去左, 如果你仲好愛佢, 你返去.
我覺得我唔知仲可以忍到幾時? 點解呢個世上會有啲咁嘅男人?

0 0 0

私人傳訊

ex-g

大宅

積分: 2356

38^#

發表於 10-8-12 03:14 |只看該作者

講得好

私人傳訊

ificould

侯爵府

積分: 24979

馬年勳章 2025勳章蛇年勳章 2024年龍年勳章 2023年兔年勳章畀面勳章環保接龍勳章

37^#

發表於 10-8-8 19:44 |只看該作者

好似前幾年係大陸真係有啲大婆成立咗啲互助社，專捉姦同帮啲大婆........

good idea

原帖由 unicath 於 10-8-8 14:58 發表

其實我有個諗法,不過可能太過激喇...

~~建議可以成立一個捉姦小組~~

通姦係犯法,但好似而家29 ...

私人傳訊

anan3388

大宅

積分: 4418

36^#

發表於 10-8-8 15:35 |只看該作者

原帖由 eclat 於 10-8-7 00:18 發表
大家都係女人,唔好話人地係fox.啲男人係用下半身諗嘢無辦法...一家唔知一家事,兩個人生活唔開心何必一齊呢?再者呢啲男人拾到都喊三聲啦......一隻手永遠拍唔響.
點解啲男人上大陸揾女人?因為人地夠温柔,善解人意,男 ...

咁大家都係人, 係咪強姦犯都唔好捉佢坐監先?
人有好多種, 女人都有好多種~
破壞人地家庭那種, 咪就係會俾人話 lor!
唔想俾人話, 好簡單, 唔好做lor! 唔做第三者咪唔駛俾人話!
某些男人用下半身諗野, 唔等於某些 fox 物體就可以助長佢地, 幫佢地繼續用下半身諗野ga! 咁 d fox 物體自己走出黎呢度, 想話扮人要人去理解同情佢喎, 當然係俾人罵到唔見左影既下場啦!(需知道佢自己唔講, 人地又點知?可見佢完全唔覺得自己有問題)
我覺得無論個老婆係點, 個男人都要同老婆兩人解決先, 真係解決唔到先去分手(當初又唔係有人拿槍指住佢要娶個老婆, 最憎d男人結完婚先黎話老婆乜唔好乜唔好而要搵第二個!!!), 離完婚再去發展另一段感情, 咁先係正路做法~ 唔係用老婆唔好做藉口出去搞三搞四搞fox類物體!

私人傳訊

pingmum

男爵府

積分: 5031

35^#

發表於 10-8-8 15:21 |只看該作者

原帖由 ificould 於 10-8-7 04:03 發表
我對你嘅觀點不能苟同:-

1. 如果你認為"大家都係女人"就唔好譴責佢哋，咁請問去破壞人哋家庭時，有幾多個29女人會咁諗而收手？人都有好多種，何況係女人，而我係呢度只係針對摧毀人家庭的29，支持受傷嘅大婆。如果按你講法，殺人 ...

私人傳訊

unicath

男爵府

積分: 5995

好媽媽勳章

34^#

發表於 10-8-8 14:58 |只看該作者

原帖由 ificould 於 10-8-7 00:22 發表
你好似唔係睇劇噃，你會唔會出街都好咸濕咁周圍"昅"？

今日睇咗壹週刋，內文重提二十九歲前亞視藝員破壞人家庭，令原本好好感情的夫妻關係破裂，妻子自殺死亡.......好多時睇到呢啲消息，同埋睇到呢個網好多因為29而妻離 ...

其實我有個諗法,不過可能太過激喇...

我覺得...拿,通姦應該係犯法架??警察係執法人員,如果連違例parking都要被抄牌罰$$,應該都要抄下果d包29既男人既"牌"~~建議可以成立一個捉姦小組~~

通姦係犯法,但好似而家29成群...好似已經唔係犯法咁,點解冇人執法架.................?!!!

私人傳訊

lihomahk

子爵府

積分: 13326

33^#

發表於 10-8-8 12:46 |只看該作者

原帖由 ificould 於 10-8-7 04:03 發表
我對你嘅觀點不能苟同:-

1. 如果你認為"大家都係女人"就唔好譴責佢哋，咁請問去破壞人哋家庭時，有幾多個29女人會咁諗而收手？人都有好多種，何況係女人，而我係呢度只係針對摧毀人家庭的29，支持受傷嘅大婆。如果按你講法，殺人 ...

私人傳訊

已刪除用戶

已刪除用户

積分: 6280

好媽媽勳章醒目開學勳章畀面勳章

32^#

發表於 10-8-8 00:43 |只看該作者

提示: 作者被禁止或刪除內容自動屏蔽

私人傳訊

牛精仔

琥珀宮

積分: 157928

玩具勳章好媽媽勳章醒目開學勳章畀面勳章叻叻勳章 2011精緻種植勳章環保接龍勳章 BK猜猜猜慶中秋 BK Milk勳章

31^#

發表於 10-8-7 11:08 |只看該作者

原帖由 jesuslovesyou 於 10-8-6 22:43 發表

(不過我覺得, 套劇入面, 影到陳自瑤好靚~ 對奶又大..... (不過之後應該無佢戲份)

好少見女人會用呢d字眼, 阿港女 ....

[ 本帖最後由牛精仔於 10-8-7 11:10 編輯 ]

港英餘孽生活態度~係咁牛精架喇~點吖

私人傳訊

牛精仔

琥珀宮

積分: 157928

玩具勳章好媽媽勳章醒目開學勳章畀面勳章叻叻勳章 2011精緻種植勳章環保接龍勳章 BK猜猜猜慶中秋 BK Milk勳章

30^#

發表於 10-8-7 11:02 |只看該作者

原帖由 eclat 於 10-8-7 00:18 發表
大家都係女人,唔好話人地係fox.啲男人係用下半身諗嘢無辦法...一家唔知一家事,兩個人生活唔開心何必一齊呢?再者呢啲男人拾到都喊三聲啦......一隻手永遠拍唔響.
點解啲男人上大陸揾女人?因為人地夠温柔,善解人意,男 ...

大家都係女人, 先分得出咩係fox呀新會員 !

港英餘孽生活態度~係咁牛精架喇~點吖

私人傳訊

happypiano

侯爵府

積分: 24395

醒目開學勳章

29^#

發表於 10-8-7 10:55 |只看該作者

有幾多個29係覺得自己有問題既啫??!! 29邊度需要付責任架, 鐘意就去搶去偷架啦, 駛mug同你客氣呀!! 報應呢家野, 黎到先算啦!!

同佢地講道理, 慳番d氣好過啦, 放長雙眼仲好啦.

原帖由 alicemic 於 10-8-7 08:30 發表

真係曲線！恕我直言，呢個見解比我既感覺好有29feel！點解個29無責任既？個男人用下半身諗野你就除褲比佢架啦？自己無良知既咩？既然大家係女人，點解明知個男人有家庭都仲要死埋去？唔通性慾大過理志？男人要 ...

私人傳訊

uranus852

民房

積分: 41

28^#

發表於 10-8-7 09:49 |只看該作者

完全同意...
.....我都可以如果我唔使做...唔使憂柴憂米....我都可以好似小鳥依人﹑打扮到成隻"雀"咁同老公去happy....

其實兩公婆有乜事...應該開心見誠...而唔係將呢d野作為婚外情既藉口...如果一個男人下下用下面黎諗黎....冇理智既....咁同狗公﹑畜牲有分別呢....

唔好再搵藉口啦....成年人黎架喇!!!!

原帖由 ificould 於 10-8-7 04:03 發表
我對你嘅觀點不能苟同:-

1. 如果你認為"大家都係女人"就唔好譴責佢哋，咁請問去破壞人哋家庭時，有幾多個29女人會咁諗而收手？人都有好多種，何況係女人，而我係呢度只係針對摧毀人家庭的29，支持受傷嘅大婆。如果按你講法，殺人 ...

私人傳訊

alicemic

翡翠宮

積分: 92568

2025勳章蛇年勳章好媽媽勳章醒目開學勳章畀面勳章環保接龍勳章大廚勳章 BK Milk勳章

27^#

發表於 10-8-7 08:30 |只看該作者

原帖由 eclat 於 10-8-7 00:18 發表
大家都係女人,唔好話人地係fox.啲男人係用下半身諗嘢無辦法...一家唔知一家事,兩個人生活唔開心何必一齊呢?再者呢啲男人拾到都喊三聲啦......一隻手永遠拍唔響.
點解啲男人上大陸揾女人?因為人地夠温柔,善解人意,男 ...

真係曲線

！恕我直言，呢個見解比我既感覺好有29feel！點解個29無責任既？個男人用下半身諗野你就除褲比佢架啦？自己無良知既咩？既然大家係女人，點解明知個男人有家庭都仲要死埋去？唔通性慾大過理志？男人要滾有千萬個理由，一定挑到對方有毛病，世上邊位人會係零缺點呢？夫妻之間有問題唔識解決，淨係識得逃避北上搵女人，一D擔當能力都無，係FOX或性慾強既女人先會當佢寶隨手執件既啫！:;pppp:

唔好將責任推晒係個男人同大婆身上，你講得啱呀！正正係一家唔知一家事，人哋兩公婆有問題唔代表29可以叉隻腳落去，呢樣野點都講唔通！正常女人都唔會有你呢個諗法，除非.............

私人傳訊

ificould

侯爵府

積分: 24979

馬年勳章 2025勳章蛇年勳章 2024年龍年勳章 2023年兔年勳章畀面勳章環保接龍勳章

26^#

發表於 10-8-7 04:59 |只看該作者

係噃，你係唔係果嗰原樓主？改咗名？

原帖由 eclat 於 10-8-7 00:18 發表
大家都係女人,唔好話人地係fox.啲男人係用下半身諗嘢無辦法...一家唔知一家事,兩個人生活唔開心何必一齊呢?再者呢啲男人拾到都喊三聲啦......一隻手永遠拍唔響.
點解啲男人上大陸揾女人?因為人地夠温柔,善解人意,男 ...

私人傳訊

等運到

大宅

積分: 3197

好媽媽勳章

25^#

發表於 10-8-7 04:51 |只看該作者

原帖由 eclat 於 10-8-7 00:18 發表
大家都係女人,唔好話人地係fox.啲男人係用下半身諗嘢無辦法...一家唔知一家事,兩個人生活唔開心何必一齊呢?再者呢啲男人拾到都喊三聲啦......一隻手永遠拍唔響.
點解啲男人上大陸揾女人?因為人地夠温柔,善解人意,男 ...

我成日都話, 就算兩個人之間有問題都唔系去滾GE藉口來, 第三者梗加冇資格出聲, 如果他日你老公有女人唔知你會點, 阿新會員!

私人傳訊

ificould

侯爵府

積分: 24979

馬年勳章 2025勳章蛇年勳章 2024年龍年勳章 2023年兔年勳章畀面勳章環保接龍勳章

24^#

發表於 10-8-7 04:03 |只看該作者

我對你嘅觀點不能苟同:-

1. 如果你認為"大家都係女人"就唔好譴責佢哋，咁請問去破壞人哋家庭時，有幾多個29女人會咁諗而收手？人都有好多種，何況係女人，而我係呢度只係針對摧毀人家庭的29，支持受傷嘅大婆。如果按你講法，殺人犯同受害人都係女人嘅話，個殺人犯係唔係應該無罪或輕判感化？做人應有所為，有所不為，呢個同性別無關。我知好多人依家都無勿道德底線，只要鐘意唔理會傷害其他人。另外，我係譴責29，但有時啲29唔係女人，唔好以為29一定係女人先得架！！

2. "男人係用下半身諗嘢無辦法...點解啲男人上大陸揾女人?因為人地夠温柔,善解人意,男人被騙都心甘情願,我地啲太大女人了......"

依家啲家庭大部分應該二種，其一為男主外女主內，妻子全職照顧家庭及小朋友，無收入......呢種情況嘅家庭會有大女人妻子？??除非呢個女人本身有錢，否則，仰人鼻息可以有幾惡啊？有都係少數。其二，公一份婆一份，呢堆人係20 -55歲，係社會大水塘裡浸淫緊，而現代社會對夫妻角色扮演亦相當多合理又聰明嘅教育，老虎毑相信真係唔多。大陸女人温柔又善解人意？係，同意！因為佢哋唔使湊仔、買餸、做家務、照顧婆家安排娘家嘅煩瑣事務，唔會同c6講家庭支出，仔女使費，如何慳錢等.....佢哋淨係扮靚同花心思點樣同人哋啲老公去浪漫去風花雪月，我唔係下半身諗嘢我都嗒糖啦，何況係果啲男人？你幾時見個男人會找一個成個心係晒嗰家同仔女身上嘅黃臉婆29？有嘅，不過罕見啲啫！

3. "一家唔知一家事,兩個人生活唔開心何必一齊呢?"
同意！正如你所講，係一家啊嘛，咁一家入面點會有個第三者係度？如果唔啱，係應該佢哋自己去解決，而唔係由第三者製造難以彌補的裂痕。你見幾多有29而離婚嘅案例係因為性格不合而唔係因為不忠呢嗰理由？即使最後復合，問吓果啲太太，事過境遷後，外遇事件係唔係佢哋心中依然係最難忘最傷痛嘅事？如果有人話：如果婚姻無問題咁第三者根本無可能破壞得到。呸！咁樣講，等於啲駭客入侵銀行系統偷咗你啲錢後，同你講：如果你嗰系統唔係有問題，點會俾我攞到你啲錢啊？偷錢係犯法，偷人唔犯法？! 無論人性、婚姻，都會有缺點有起伏，唔等於咁就成為被攻擊被破壞嘅理由同借口。身為當事人嘅男人同29一樣，點會不被唾罵？男子漢大丈夫？xxyz@#$yxxyz@#%！係啊......丈夫，丈夫，一丈之內就是你的夫。超出一丈了就..............

我唔識古文，相信好多29啲文化都好我好多，我好虛心咁請教佢哋下面啲文字點解？唔係好明！果啲白話我就明明哋，唔使解了！

《孟子》︰“惻隱之心，人皆有之；羞惡之心，人皆有之；恭敬之心，人皆有之；是非之心，人皆有之。”

婚姻從誕生那天起，就是一個“性”和“經濟”的聯合體。所謂“性”是指它屬于生命本能的部分，也就是兩個生物體之間的互相吸引，感性在其中佔的比例很大，屬于我們通常說的愛情的範疇；所謂“經濟”則屬于社會的那部分屬性，它承擔的更多的是社會的一份契約和責任，同時保證你享有權利，它的最根本的原則就是公平，其中理性的比例要大一些.......

原帖由 eclat 於 10-8-7 00:18 發表
大家都係女人,唔好話人地係fox.啲男人係用下半身諗嘢無辦法...一家唔知一家事,兩個人生活唔開心何必一齊呢?再者呢啲男人拾到都喊三聲啦......一隻手永遠拍唔響.
點解啲男人上大陸揾女人?因為人地夠温柔,善解人意,男 ...

私人傳訊

jesuslovesyou

男爵府

積分: 5103

育兒性格勳章

23^#

發表於 10-8-7 01:04 |只看該作者

原帖由 ificould 於 10-8-7 00:22 發表
你好似唔係睇劇噃，你會唔會出街都好咸濕咁周圍"昅"？

今日睇咗壹週刋，內文重提二十九歲前亞視藝員破壞人家庭，令原本好好感情的夫妻關係破裂，妻子自殺死亡.......好多時睇到呢啲消息，同埋睇到呢個網好多因為29而妻離 ...

@@nononono!! 我係女人呀~~
無"昅" 呀~
係果集呢~ cash 太咪送條裙比陳自瑤(stephy), 佢咪學周秀娜 "撕" 衫既...@@~~~
果幕睇到佢個心口咁大...=.=~~ 平時睇真係唔覺...XDDDDDD

大婆club~~
@@ bk 呢度都係一個唔錯既平台啦XD
你睇大家幾激動.......

私人傳訊

ificould

侯爵府

積分: 24979

馬年勳章 2025勳章蛇年勳章 2024年龍年勳章 2023年兔年勳章畀面勳章環保接龍勳章

22^#

發表於 10-8-7 00:22 |只看該作者

你好似唔係睇劇噃，你會唔會出街都好咸濕咁周圍"昅"？

今日睇咗壹週刋，內文重提二十九歲前亞視藝員破壞人家庭，令原本好好感情的夫妻關係破裂，妻子自殺死亡.......好多時睇到呢啲消息，同埋睇到呢個網好多因為29而妻離子散，就真係好難受。好多時都諗：如果有人成立大婆club去帮吓佢哋，或者有一個地方俾佢哋去坐吓、發洩吓，又俾佢地去帮番同樣問題的人，因為相似的遭遇，相信會更好咁互相扶持地站起來，重新生活，好多自殺可能都可避免。雖然有唔少團體機構去帮婦女，但係點及過來人明白、理解及有共鳴，有自殺經歷嘅，都會比較容易發現唔對路嘅情況而去阻止悲劇。自己經歷過都明白，果啲無助及情緒上嘅反覆都會維持好一段時間，除咗好有耐性同埋真係過來人先會理解，會俾出適當嘅帮助。

如果有日真有人成立大婆俱樂部，應該好多過來人會參加。唉.....

原帖由 jesuslovesyou 於 10-8-6 22:43 發表

字眼唔一模一樣, 但內容都中左9成~~

勁wo sister! 你可以加盟TVB 啦~~

套劇好唔好睇?
umm...我會覺得又係果d "女人爭爭爭鬥鬥鬥" 既主線lor~~ 唔敢話好正~~ 但TVB 已無戲好睇~ 咪睇下lor....: ...