吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 工人令我越來越激氣 (頗長)

論盡家傭今日: 0|主題: 134091

收藏本版

發帖

返回列表

跳至頁

查看: 2719 | 回覆: 26

工人令我越來越激氣 (頗長) [複製鏈接]

lady++

男爵府

積分: 5323

1^#

發表於 10-8-23 12:44 |只看該作者 |正序瀏覽 |打印

一星期前開始覺得工人唔多掂，同bk媽咪呻完，本來諗住同佢當晚傾，點知佢又正常返。但係呢2日又有野我睇唔過眼！c6仲要爭住個工人，令我更加激氣。以下係過去2日發生既事︰

case 1: 星期六晚朋友一家黎我家玩，已經唔駛佢煮飯，我地叫外賣，我已比平時煑多左飯，但都唔夠食(已每人一碗，我同工人每人半琬，我地一向食開呢個份量，而我幫工人裝飯亦有問佢夠唔夠)，咁工人食完c6係咁叫佢再食多d，一陣等d新煮既飯好後再食多d，工人在c6面前就話唔駛啦夠飽(ps.佢係同我地同枱食飯)。到等飯熟時c6同朋友落街買野飲，d飯呢個時後煮好，點知工人又走返去廚房拎碗筷出黎坐在我同朋友太太面前食過，唔點知解我好反感。到c6佢地買野飲返黎，原來預埋工人都有一份，俾佢照舊連句thank you 都無。

食完我地睇電視，10點工人走去沖涼，10:15 入左房瞓，客人都未走佢死入去瞓(全部動作無問過我)，我個b那晚夜左瞓，仲同朋友b玩緊，都未瞓，朋友又有2件細b，原來佢無諗過幫手....

case 2: 星期六同佢去食kfc 又唔駛佢煮，買完返黎先同我講佢同朋友明天又係kfc 慶祝生日，仲對住d kfc 苦笑，咁我咪好心話我有一大張kfc coupons，俾佢又係連thank you 都無句。

case 3: 星期日放假佢同佢d fd 補慶祝佢生日，我早几日正日同佢慶祝左。佢竟然遲返，以往佢唔會早返過5分鐘，但一定唔會遲過9點，點知原來生日大晒，9:21分先返，又無個電話，雖唔係話好遲，但我好嬲... 我入左房陪b瞓，c6等佢門，佢入黎只對c6講sorry 遲左，無講原因，佢以為我瞓左，今朝無同我講佢遲到，以為我唔知。

同c6講佢話返我轉頭，幫住晒工人，係咪我咁麻煩？我真係覺得工人好無禮貌... 我係咪要同工人講佢遲返等佢知我care？我有人質在佢手唔敢話佢亦從無話佢，但屈住我真係好唔開心!

0 0 0

私人傳訊

yuffieyip

子爵府

積分: 10489

醒目開學勳章

27^#

發表於 10-8-25 22:23 |只看該作者

原來咁多c6都係咁, 我c6又係好多野自己做都唔會叫工人做, 但我最唔鐘意呢幾樣野~
1:之前bb細, 次次食飯時間佢都會喊, 但就次次都係c6去睇bb, 我餐餐都同工人撐枱腳

2:工人買餸好好好貴......3人晚餐,$100左右1餐, $500煮4餐晚飯, 同c6講, 佢就話覺得佢買得貴就我自己去買, 但我不嬲都唔買餸煮飯
3:工人做少少野, c6就會係咁唔該佢, 仲會話辛苦晒你啦, 我心唸, 我今日做既野仲多過佢呀, 點解你又唔唔該我呀, 我都辛苦ga > <, 如果我講出黎佢又會話我小氣

私人傳訊

hinghing22

複式洋房

積分: 198

26^#

發表於 10-8-25 17:25 |只看該作者

你個工人突然變差, 唔知會唔會好似我之前果個咁, 唔想湊2個, 想你妙佢. 我個仲差, 明知我4月頭生(第2個),3月尾話唔做, 我地都唔留佢, 佢又唔係好, 仲要玩野, so 我只比要平機票佢走, 佢仲話想我幫佢轉其他airline, 佢自己補差價, 我更唔理佢la, 叫agent 同佢講, 最多我比平機票錢佢, 佢要點轉自己攪, 仲理佢. 攪倒我連坐月都咩都要做. :;pppp:

私人傳訊

lady++

男爵府

積分: 5323

25^#

發表於 10-8-25 15:46 |只看該作者

原帖由 queenie_lty 於 10-8-25 13:24 發表
點解d男人會咁架, 幫住工人~
緊係要幫返自己老婆先係..

明明工人係外人, 話得工人的不是, 當然係工人錯啦.

唉...

我覺得樓主重點係覺得連自己老公都唔企自己果邊, 反幫工人而十分激氣!

但係, 都要小心自己 ...

多謝咁多位媽咪~ 我依家咩都唔理，叫c6理晒佢，工人咁聽佢話，以後我咩都叫c6同工人講，唔知work 唔work。

私人傳訊

lady++

男爵府

積分: 5323

24^#

發表於 10-8-25 15:44 |只看該作者

原帖由 小宝貝 於 10-8-24 23:25 發表
日日沖浴缸. 水電煤日用品超貴. 攪到我c6好嬲先冇再幫佢講好話.

但我件賓好慳水的，其他日用品佢都唔會好浪費咁用。

私人傳訊

queenie_lty

禁止訪問

積分: 1504

23^#

發表於 10-8-25 13:24 |只看該作者

提示: 作者被禁止或刪除內容自動屏蔽

私人傳訊

小宝貝

洋房

積分: 222

22^#

發表於 10-8-24 23:25 |只看該作者

日日沖浴缸. 水電煤日用品超貴. 攪到我c6好嬲先冇再幫佢講好話.

私人傳訊

yoyo8066

別墅

積分: 863

21^#

發表於 10-8-24 23:17 |只看該作者

回覆 12# sophielau 的文章

私人傳訊

BBTWIN

大宅

積分: 4226

20^#

發表於 10-8-24 17:48 |只看該作者

樓主,

其實好多c6都會幫住工人, 果時我件c6咪又係一樣. 仲要連我媽咪都幫住口話我工人冇問題, 係我有問題, 我條氣一樣頂到上心口. 我媽咪係幾個月先見佢一次果種, 知得幾多野呢? 不過就硬係幫住佢. 好彩後來個衰賓係甘浪費我屋企資源, 日日沖浴缸. 水電煤日用品超貴. 攪到我c6好嬲先冇再幫佢講好話.

私人傳訊

kingkingmui

大宅

積分: 4673

19^#

發表於 10-8-24 16:48 |只看該作者

樓主,

保重身體! 工人的事, 你可以同c6講好, 係你負責, 工人食/飲/餵bb食反...都是你去安排. 工人見到你同c6對住佢有意見不合, 佢就係你同c6之間搵著數(專揀對自己有利的方式去做事).

私人傳訊

pig_2006

大宅

積分: 1051

18^#

發表於 10-8-24 15:31 |只看該作者

若然你未生得嘅, 就揾過個工人啦, 睇佢都好想多做架啦, 亦唔聽你支笛, 何必要自己辛苦呢, 男人就係咁架啦, 咩都唔理, 放工回家只想可以靜靜地relax, 唔想為些少事而煩, 所以做老婆亦要體諒老公嘅, 若你有權話事, 咁咪揾新人, 然後炒舊工人吧

私人傳訊

lady++

男爵府

積分: 5323

17^#

發表於 10-8-24 15:17 |只看該作者

原帖由 Vinell 於 10-8-24 12:24 發表
lady++, 你注意身體為重, 盡量同自己講為了肚裡孩子,唔好太唔開心...得閒同人呻下, 總之唔好覺得自己處理有問題.

咁就唔放星期日, 放星期六比佢, 佢要求放星期日時, 就同佢講發覺佢放星期日返來之後表現差了,所以 ...

多謝你。我會在呢個月出糧時同佢傾，如無改善，我只有另覓人選。我都唔想為左工生個脾氣b/苦瓜b出黎。

私人傳訊

Vinell

別墅

積分: 845

16^#

發表於 10-8-24 12:24 |只看該作者

lady++, 你注意身體為重, 盡量同自己講為了肚裡孩子,唔好太唔開心...得閒同人呻下, 總之唔好覺得自己處理有問題.

咁就唔放星期日, 放星期六比佢, 佢要求放星期日時, 就同佢講發覺佢放星期日返來之後表現差了,所以只有表現好才可放星期日...

請佢食嘢, 唔識多謝無禮貌, 就只包三餐...其餘唔包..我會要求工人主動同我講早晨
晚安.(晚安都真係睇佢心情)..但早晨唔記得講, 我出糧時或週末會提佢注意...同佢講：我要你作孩子的好榜樣有禮貌,所以我都會要求孩子早上見到你時同你講早晨..晚安.

工人真係唔可以太縱, 我現在呢件賓都係碰著她來上工時,我唔係度一星期...返到來, 完全唔似樣..C6原來都唔出聲要求佢..佢初來時間屋仲亂過無工人(無工人我地會自己做).我返家後三四日都仲亂, 忍無可忍問佢究竟我們返工佢做什麼? 佢一面無奈講做了這樣那樣,無樣跟我時間表,做完又唔多覺(幫我間房抹塵),囝囝衣服三天都無洗.通屋都掛滿衫無收衫....所以現在執都好煩, 佢覺得多野做...這星期尾我放假自已執"佢"...>_<

我都試過以前個賓同我講, 先生話....我立即好惡回佢: "先生means nothing!".因為佢覺得先生好,所以都唔擔心佢會唔理老公的東西..

工人的野男人唔會明白, 除非無我們佢同佢地對於一星期, 只得佢同亞B, 佢可能有機會feel 到....但我同自己講無理由因為C6同工人問題而犧牲囝囝...總之唔好比工人覺得先生大聲過你. 佢要對工人好我們無辦法, 但點都要工人知道邊個先話得事, I mean 佢的去留好福利.

私人傳訊

lady++

男爵府

積分: 5323

15^#

發表於 10-8-24 11:58 |只看該作者

我真係被工人激到喊

琴晚一返到屋企，我入房放低野，聲到廳傳出拍枱聲，係工人在bb面前拍張bb膠枱打拍子玩拷撃樂，拍到嘭嘭聲懶有節奏咁，我即刻在房叫出去:" xxx(佢個名) stop stop stop! don't teach bb hitting the table"

跟住叫佢入廚房煮飯先，跟住平時佢煮左白飯會問我沖唔沖涼先，點知佢入左去好耐開始準備晚飯，我又見bb塊片濕到好鬼重都唔換，咪叫佢出黎幫bb 玩左片先。

跟住佢成晚無表情，我同佢講野唔會回應我，咁我咪唔同佢講野囉。同c6講被工人激，都未講咩事，佢第一句就話"係你將小事化大"，跟住唔聽去左返工。我真係被佢2個激到喊

私人傳訊

lady++

男爵府

積分: 5323

14^#

發表於 10-8-24 11:45 |只看該作者

原帖由 pig_2006 於 10-8-23 17:21 發表
既然你明知佢係一個唔會say thank you嘅人, 又唔helpful, 咁點解唔炒佢呢, 就算唔炒, 又點解要同佢celebrate生日, 又比kfc coupon佢咁好呢, 咪自己囉來唔開心, 對呢d工人唔使對佢咁好喎, 佢當你無到, 你咪當佢透明囉 ...

因為我有個bb在佢手，依家又大肚，佢可能以為我無左佢唔得… 唔知佢係咪想我抄佢。

我唔明點解啱啱先做滿一年，就即刻變晒，以前唔駛我操心既事，依家要我忍唔住話佢。唔知關唔關佢呢個月出左3個星期日事，因為星期日佢會約佢d fd 去街，星期六就去boarding house休息....

[ 本帖最後由 lady++ 於 10-8-24 12:12 編輯 ]