吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 為何見婚姻輔導會愈見愈差

夫婦情感今日: 1|主題: 42751

收藏本版

發帖

返回列表

跳至頁

查看: 24662 | 回覆: 34

為何見婚姻輔導會愈見愈差 [複製鏈接]

小愛力

洋房

積分: 77

1^#

發表於 10-8-28 13:02 |只看該作者 |正序瀏覽 |打印

我想同大家分享吓我D經歷 ......

首先，各婚姻輔導員，唔好意思，如果踩著你，懇請原諒、不喜勿插。我出呢個post都係想提醒各mami，見婚姻輔導要留意D嘜，花咗錢唔緊要呀，最致命係愈見愈搞差夫婦關係 ......

另外，各BK mami，事先聲明，呢個係我個人感受同經歷，千其要自己消化吓，唔好睇完就直接 apply 响自己 case上。

我c6幾年前有婚外情，我發現咗之後，好傷心，諗過度過，決定挽救，於是去見社工。見咗一年，c6仲末回頭，仲話要搬走 ...... 咁我更傷心啦，轉咗去見心理治療師(clinical psychologist)，見咗半年，心理情緒方面好咗，但係同c6嘅關係冇突破 ...... 於是又轉咗去見家庭及婚姻治療師，漸漸咁，我同c6關係好咗，開心咗，我靚咗、佢多咗陪我左右 ...... 我响度諗，點解之前兩個唔work，呢個輔導員又work呢？

我唔係覺得社工、clinical psychologist 或者家庭治療師邊一種好D，犀利D，而係佢地係咪同我同一陣線呢下好緊要，仲有佢地能唔能夠診斷到問題根源都同樣重要。我舉我例子說明一下：

1) 我想挽救婚姻，我講明我想c6回頭，但1st and 2nd counselors 嘅 focus 响我個人身上，叫我要愛自己、同點樣搞好D情緒，佢地係啱，我唔咁做，我只會唔可愛，我c6唔會愛我。但係，淨係咁係唔夠架，佢地冇睇到我自身嘅邊D特質令到我將c6推去個第三者度、又冇睇到我c6响呢段婚姻嘅需要同埋呢D需要我冇fulfill到。3rd counselor 嘅 focus 係响段 relationship 上，我要挽救婚姻嘛，咁又點能夠唔响段關係上面落工夫呢？

2) 1st counselor 叫我同c6一齊見，但c6根本唔想同
陌生人講自己私事，呢下就令我同c6之間有唔愉快。c6都有去見幾次，但counselor就講一D人生道理同道德，佢揾唔出個精結所在。見咗成年，我覺得 counselor 個人nice and warm，不過只係做咗個好好嘅聆聽者。

3) 2nd counselor，佢嘅專長係幫我搞好D情緒，work架，但佢 tends to 叫我保護自己、愛自己，唔好再比c6傷害，arm架！但我係想c6返黎，同我唔係同一方向，所以對我嘅婚姻冇明顯幫助，仲令我猛focus响c6點傷害我，我要點為自己，令到我將c6愈推愈遠。

4) 3rd counselor，focus响段relationship，又work on 段relationship上，令我明白c6出軌原因，又教我方法 (從個人同c6方面入手都有教) 點去挽救 (其實應該係話點去經營關係)，原來自己一直都唔識，又一直睇唔到自己性格同待人接物點影響婚姻同埋c6同我嘅互動。work呀，我同c6關係好咗，大家都開心咗好多。

各位mami，揾輔導員，要搞清楚自己想要嘜，再睇吓輔導員係咪focus响同一方向，同埋佢能力係咪可以診斷出問題所在(very very important)，仲有佢建議嘅方法有冇成效，正所謂開藥之前都要個診斷正確至得架，甘用嘜野藥都好重要嘅。

[ 本帖最後由小愛力於 10-8-28 13:51 編輯 ]

0 0 0

私人傳訊

CMLF

複式洋房

積分: 244

35^#

發表於 10-10-30 15:19 |只看該作者

我都想要,可否pm我?

私人傳訊

habibiheian

複式洋房

積分: 278

34^#

發表於 10-10-29 01:13 |只看該作者

我都想要呀。。。THX！不過好貴呀。。。

私人傳訊

catcat11

複式洋房

積分: 231

33^#

發表於 10-10-25 13:46 |只看該作者

如果老公唔肯見, 自己一個見有沒有幫助 ?
另可否PM第3個的資料給我呀?? 謝謝!!

私人傳訊

sansanhappy

洋房

積分: 68

32^#

發表於 10-10-24 07:13 |只看該作者

可否pm 第3位 counselor的資料比我,thanks

原帖由 小愛力 於 10-8-28 13:02 發表
我想同大家分享吓我D經歷 ......

首先，各婚姻輔導員，唔好意思，如果踩著你，懇請原諒、不喜勿插。我出呢個post都係想提醒各mami，見婚姻輔導要留意D嘜，花咗錢唔緊要呀，最致命係愈見愈搞差夫婦關係 ......

另外，各BK mami，事先 ...

私人傳訊

gutB

洋房

積分: 41

31^#

發表於 10-10-24 00:23 |只看該作者

可否pm 第3位 counselor的資料比我,thx~

私人傳訊

yuen2626

男爵府

積分: 8107

30^#

發表於 10-9-26 22:29 |只看該作者

can you pm the details of the 3rd counselor to me?

私人傳訊

cammylam

大宅

積分: 1567

29^#

發表於 10-9-25 11:32 |只看該作者

為何見婚姻輔導會愈見愈差

我都想要...PLS PM ME, THX

私人傳訊

cammylam

大宅

積分: 1567

28^#

發表於 10-9-25 11:32 |只看該作者

為何見婚姻輔導會愈見愈差

我都想要...PLS PM ME, THX

私人傳訊

小愛力

洋房

積分: 77

27^#

發表於 10-9-22 23:30 |只看該作者

原帖由 sezsuet 於 10-9-22 22:58 發表
我覺得唔可以話無用, 要睇個人需要, 我諗到我有事嗰陣, 而我又無乜朋友, 都想有人輔導我, 不過我無諗過要咁貴......... mouth:mouth:" />

其實都係，諗番個陣時，揾得朋友太多都怕阻住人地正常生活，而且仲要係D負面傾訴，個時都有抱住 "當比錢揾人陪傾計、順便聽吓專業意見" 嘅諗法。不過，真係要自己分析同思考判斷下個輔導員嘅質素同佢比嘅意見。

私人傳訊

sezsuet

伯爵府

積分: 18809

畀面勳章 BK Milk勳章

26^#

發表於 10-9-22 22:58 |只看該作者

我覺得唔可以話無用, 要睇個人需要, 我諗到我有事嗰陣, 而我又無乜朋友, 都想有人輔導我, 不過我無諗過要咁貴.........

mouth:

私人傳訊

Joyfuljoyce

複式洋房

積分: 493

25^#

發表於 10-9-22 11:07 |只看該作者

在考慮離婚時，我也見過明愛的社工，每小時600元，非辦公時間就更貴。

我只看了一次，我當時覺得很有用，因為我見完她後就知道自己想點；於是，我就準備離婚。

不過，世事難料，在離婚過程中發生了完全是意料之外的事，使我徹底崩潰。所以我生完後有點產後抑鬱，於是，母嬰健康院就安排我見精神科專科護士。但這個護士令我啼笑皆非，因為她不但不安慰我，還說我天真呀、想法單純等，更說如果她是那個明愛的社工，一定不會叫我離婚云云，唉，激死！

我第一次見她時可能情況真的不很好，所以她堅持要多見我一次。其實我不想見她，因為見都無用，自己已經面對很大壓力，仲要俾人話自己蠢。不過，第二次見她時，我已經回復了很多，就不用再見她了。

雖然我經歷了人生最黑暗的時期，當時真的很後悔離婚，不過終於熬過去了，現在漸入佳境。我現在沒有後悔離婚的決定，因為，不捨，就不得迎接更好的未來。

私人傳訊

FullOfBlessing

珍珠宮

積分: 43012

大廚勳章

24^#

發表於 10-9-12 02:09 |只看該作者

社工質數真的非常非常參差, 係呢方面強的社工真的不多...

我個人認為家庭及婚姻治療師比較有質數(私人開辨的)．因為私人開的輔導中心，裡面的輔導員的資歷同經驗都好強, 當然1分錢1分貨...通常呢D都要$800-$1,000 50分鐘，不過真係值得的.

私人傳訊

mini_cc

子爵府

積分: 10215

23^#

發表於 10-9-9 02:18 |只看該作者

其實我自己都係過來人,見婚姻輔導並唔係咩醜事,但我可以好肯定咁講如無必要真係唔多想比人知囉,事關真係好似將自己o既傷口比人睇咁,老實講係有問題先會去見ga o者,好地地唔通錢痕咩!!我自己覺得要o係輔導員面前將自己身上發生o既事講出o黎其實真係好辛苦.....我自己都見過醫生....社工...婚姻輔導員....臨床心斑學家,每一次見都要將自己o既事從新講一次,姑且勿論功效如果,因為無人可以保證一定好,但o個一刻真係好似自己親手用刀再刺舊傷口咁.....真係好痛好痛
所以我相信樓主只係想真心分享,o係香港其實婚姻有問題o既人好多,但到抵有幾多對願意攞個心出o黎去搵人輔導去解決問題又有幾多個......我相信真係唔太多~~因為見輔導員要做的第一件事就係"review",到抵有幾多個人能夠對住個第三者講自己的"不是"or當住第三者面前告訴別人自己做o左"弱者"or"被出賣者"
其實呢d事如果未曾發生在自己身上真係會好難明,但當自己遇上時人就會變得敏感起來,因為怕再受傷害......本人只係有感而發,希望大家見諒

私人傳訊

6299

珍珠宮

積分: 46460

22^#

發表於 10-9-8 18:04 |只看該作者

我都想要...PLS PM ME, THX

原帖由 carton514 於 10-9-7 17:40 發表
可否PM第3個的資料給我呀?? 謝謝!!

私人傳訊

全為愛

水晶宮

積分: 58008

21^#

發表於 10-9-7 22:54 |只看該作者

原帖由豆丁於 10-9-7 21:11 發表
網上既野有人信,有人5信~我無(嘩)苦你,無講風凉話~我無講過乜野踩你傷口,究竟你想要我講d乜???

豆丁又確實沒有挖苦樓主，又沒說什麼過份的說話。我相信只因是發出 "覺得樓主所post的不似真實個案" 的言論，而樓主似乎自問用心良苦，所以她大概覺得hurt到她、踩著她吧！

樓主，你願意分享，已經對某些人是一個很大的幫助，她們會很多謝你的！而這個forum也有言論自由的吧！不要太介懷呀！

私人傳訊

豆丁

子爵府

積分: 11206

20^#

發表於 10-9-7 21:11 |只看該作者

網上既野有人信,有人5信~我無(嘩)苦你,無講風凉話~我無講過乜野踩你傷口,究竟你想要我講d乜???

原帖由 小愛力 於 10-9-7 20:52 發表
回應 15# and 18#

請問你地覺得似什麼？

雖然呢度唔使出真名，但我出post講自己係外遇受害者，要去見輔導，我都要鼓起勇氣架，個心好痛架！我經歷過，明白受害人嘅痛苦，知道佢地可能會响絕望中冀望專業輔導可以打救佢地，所以至出po ...

私人傳訊

小愛力

洋房

積分: 77

19^#

發表於 10-9-7 20:52 |只看該作者

回應 15# and 18#

請問你地覺得似什麼？

雖然呢度唔使出真名，但我出post講自己係外遇受害者，要去見輔導，我都要鼓起勇氣架，個心好痛架！我經歷過，明白受害人嘅痛苦，知道佢地可能會响絕望中冀望專業輔導可以打救佢地，所以至出post講出自己經歷，希望佢地留意。

點解會諗到人地D野唔係真嘅？
咁你地認為我出呢個post係為咗嘜？