夫婦情感

收藏本版
發帖
返回列表
跳至頁

首頁
12

尾頁
   0
29XX86


侯爵府

積分: 24302


1#
發表於 10-8-30 01:55 |只看該作者
(sorry! 好長好亂,不過呢一刻只想抒發情緒)

同老公拍拖6.5結婚,而家結婚差唔多10年,大家一直唔會鬧交,只會冷戰,未有小朋友未發現有問題,因為沒有什麼大分歧,有左小朋友及工人後,意見多左,佢有時既提議,我沒法接受,我就正接拒絶,但一兩日後我都可軟化,但原來佢一直好介意我呢方面性格,但佢唔中意唔講出黎,我鼓勵佢講,佢回應係一講實鬧交,無謂講,佢話一直忍我,佢話有朝一日忍唔到會逼到佢離婚,但我覺得我好無姑,佢唔講嬲我放係心上,喜怒不迎於色,佢成日用忍無可忍便離婚,佢雖然係笑笑口,但我心真係好唔舒服.

好似岩岩發生左一星期既事,老公成日同囡講野都係負面出發,如菲律賓事件,其實阿囡跟本唔明發生咩事佢就會話係咪好驚呀? 我就會話你唔同咁樣同佢講喇,因我只係同囡講係撞車有人死左,另外,囡囡有次我地2公婆放工返黎時,一向我放早少少,老公放遲少少返到屋企,阿囡發緊皮氣,老公就話係咪媽咪遲左返激嬲你呀(但我果日正常時間放工,平時亦小去街)? 我聽到後好火,我即刻話 "你可唔可以唔好聊交鬧呀",因為我覺得你唔可以灌輸呢d錯誤訊息比個女, 我鬧我老公時我地係公園,我話完佢無耐,佢就走左返屋企,到今日差不多一個禮拜我地大家都冇咩秋睬大家,佢都有同我講小小野,但我對佢真係好失望,我唔知佢點先滿意,佢成日覺得我唔好,但佢有冇諗過,既然我唔好,而當你唔中意你唔同我講,我又點知,我唔係你心中既虫,我又點知你幾時中意幾時唔中意.

另外,有件事係我明顯知道有次佢表現比我知佢真係不悅,就係有次同佢屋企人一齊食飯,阿囡食緊炒飯,佢試左少少話冇味,即刻大大樽salt咁沈落阿囡碗飯度,我緊張地大聲左d叫停佢,我話阿囡都冇話唔夠咸,你唔好成日比埋d無益既野佢食喇,佢即刻啤住我,可能佢嬲我係佢家人面前唔比面佢喇,但佢經常比囡試埋d無益既野,阿囡跟本佢係一個唔會問人攞野食既人,但佢就咩無益既野都比佢試,我身為阿媽我都係想個女好啫,但佢就覺得我霸權,我已經解釋比佢聽我既諗法但佢都唔接受.

係呢個禮拜我係度諗,呢段婚姻唔知可以維持幾耐,一有第3者我相信會一點即著,但我唔知可以做d咩,我亦唔想做任何野. 其實,每次都為小事而冷戰,次數亦唔多,但自從佢同我講過話忍無可忍便離婚,我對佢已經好失望,因為我覺得點解大家咁耐感情,佢唔諗挽留/改善就放棄.

[ 本帖最後由 29XX86 於 10-8-30 02:01 編輯 ]
私人傳訊

toffeetong


珍珠宮

積分: 34228

熱血金章


32#
發表於 10-9-4 01:36 |只看該作者
你都識得話係餐廳, 果位溫柔可愛既女士, 好得人喜歡. 所以佢周邊既人和動物, 都係好SOFT.

而你係一個硬撐撐既人, 你又喜歡支配人,和不受制於人, 周邊既野都係硬碰硬, 痛果個就係自己.

又係果句, 珍惜眼前人.
我的格言:  冇記性, 唔緊要. 可以唔記得的, 即係--唔係好緊要既野.
唔係好緊要既野, 咁! 唔記得都唔緊要!!!
私人傳訊

lilybaby8282


子爵府

積分: 10431

好媽媽勳章


31#
發表於 10-9-2 14:00 |只看該作者
原帖由 ndw 於 10-9-1 11:42 發表


你好好老婆啊！ 我學到你0甘就好LOR。 我好多時都照做，但系有時會發住脾氣0甘做。 老公又總系響我發脾氣0既時候問我 LEE 樣 問我過樣，搞到我想蓋住我 D 脾氣唔系語氣上發都好難。我本想把脾氣發系做家務樹，例如 ...



哎.......我不算系一個好老婆.我只不過是體諒他返工辛苦咋.一日做到黑,極辛苦.
我有時都會去跑步發泄.做家務一路做一路鬧.聽歌.......
其實男人返到屋企就要做大爺.何不滿足他?
教養孩童, 使他走當行的道, 就是到老他也不偏離。
私人傳訊

仙子


禁止訪問

積分: 1805


30#
發表於 10-9-1 17:37 |只看該作者
提示: 作者被禁止或刪除 內容自動屏蔽
私人傳訊

cathyor


男爵府

積分: 8789


29#
發表於 10-9-1 16:59 |只看該作者
明白樓主又要返工, 又要照顧個女, 又要管教工人, 壓力甘大, 有脾氣都正常.
看到你2日後心軟就可以照他意思做, 甘即係話你老公既意見吾得吾得, 係吾岩你心水姐.
樓主可吾可以試吓, 吾好下下即時reject你老公既意見, 就算想reject他, 都係甘意扮考慮吓, 婉轉d, 或者反問他如果按他既意思做, 會有甘...既問題, 甘點解決?
有時真係需要做係小女人, 比老公話吓事.
其實同你過人世個個係你老公, 仔女大左就會有自己既生活同家庭. 所以兩夫妻更需要好好經營.
私人傳訊

ndw


子爵府

積分: 13908


28#
發表於 10-9-1 11:42 |只看該作者
原帖由 lilybaby8282 於 10-8-31 17:12 發表
其實不用太介意.好像你話他放鹽系你囡ge 飯上,你大聲喝止他是你不對.在家人面前要比足面他.你可不可以婉轉少少:囡囡吃得好淡.加太多鹽日後會越吃越鹹.小心腎衰竭.你都不要吃太鹹.

其實樣樣都好小事.加在一起就是大 ...


你好好老婆啊！ 我學到你0甘就好LOR。 我好多時都照做，但系有時會發住脾氣0甘做。 老公又總系響我發脾氣0既時候問我 LEE 樣 問我過樣，搞到我想蓋住我 D 脾氣唔系語氣上發都好難。我本想把脾氣發系做家務樹，例如用力插地板，爐頭啊，斬豬肉餅阿等等。
私人傳訊

lilybaby8282


子爵府

積分: 10431

好媽媽勳章


27#
發表於 10-8-31 17:12 |只看該作者
其實不用太介意.好像你話他放鹽系你囡ge 飯上,你大聲喝止他是你不對.在家人面前要比足面他.你可不可以婉轉少少:囡囡吃得好淡.加太多鹽日後會越吃越鹹.小心腎衰竭.你都不要吃太鹹.

其實樣樣都好小事.加在一起就是大事,有幸成為夫妻就要珍惜,

就好像我老公,簡直當我系阿信:老婆.我要水,...老婆.幫我按摸......老婆,.我肚餓........老婆.囡囡尿尿左......老婆..............

我大多數都照做,做左之後就同他講.我的感受.我老公都一樣,樣樣野都收埋收埋.引到他講就講,引5到就算(即系5重要)
教養孩童, 使他走當行的道, 就是到老他也不偏離。
私人傳訊

我愛小魔怪


伯爵府

積分: 19166

環保接龍勳章


26#
發表於 10-8-31 15:36 |只看該作者
其實~ 一家唔知一家事, 睇樓主你所言的,
你老公最大問題係唔願意跟你傾下/ 討論,
還下下用" 忍唔倒就會離婚" 這些說話, 又
你們在對工人 & 女兒的事上, 很多時都各
持己見, 我都唔識教你要點做好, 因為對唔
同性格的人, 可做的, 都唔一樣, 不過~ 有一
件事很想話你知, 就是在基督裹, 只要你相信
你肯同主講, 衪就會幫助, 而且~ 祂沒承諾天
色常藍, 但佢說過會永遠在我們身邊的.....
回轉吧!!!將你的家庭交託給祂吧!!
私人傳訊

iceicecream


複式洋房

積分: 404


25#
發表於 10-8-31 10:55 |只看該作者
我相信好多男人都係要面子嘅，如果你真係珍惜你同你老公嘅感情或者可以先改變下你自己，例如下次你遇到一D同老公意見分歧嘅時候，你先冷靜，不要一輪咀STOP佢，喺個女面前，無論老公對與錯亦不要喺個女面前話佢，可留在你二人單獨相處時慢慢傾，因為畢竟佢都係爸爸，佢都應該喺個月面前有番一定嘅尊嚴。
私人傳訊

sumlam


珍珠宮

積分: 35138

好媽媽勳章


24#
發表於 10-8-31 08:36 |只看該作者
整係睇post都見你寫左唔小次, 好火好火好火~ 你問點解老公唔可以講出心個句, 但你下下咁火, 試問個男人點同你傾? 改下d脾氣啦
自由.自由,多少罪惡假汝之名以行
私人傳訊

Mamamimi2007


民房

積分: 21


23#
發表於 10-8-31 04:28 |只看該作者
樓主, 其實我都agree有Ｄmami話你好似只可接受你老公buy你既意見,當佢有佢既睇法時,而你又唔認同,你就好大反彈.
-炒飯事件-你老公出發點都係認為Ｄ飯太淡,怕個女覺得唔好食. 如果你即刻咁緊張話佢成日比Ｄ冇益野個女食, 比著件事係你娘家發生,身份又調轉,你有咩feeling呢?

-簡小學-我明白做mami都想仔女入間好學校,因為我都係咁, 依方面我老公諗法都一樣,所以目標一致. 但係你退一步諗你老公亦都唔係錯, 入到band 1壓力就大架la,小朋友係咪適應到呢?會唔會你老公睇到你個女可以有其他school更fit for her, 而佢唔想個女or你將來面對咁大pressure.

-sofa事件-如果個賓賓當坐sofa時,係真係takecare個女, 而佢又冇話其他野做唔好, 咁我都想問你,你要一個respect你,見到你時明明幫照顧緊小朋友,都要拖開佢去飯檯,而禳個位比你. 定係一個做得野小朋友又肯跟佢既helper?

我覺得你老公係個好daddy, 諗下點樣用softＤ方法同佢討論問題, 就算唔認同佢, 都唔洗咁緊張reject 佢, 佢都係個女個老豆呀. 驚你長期都係咁,你個女都唔respect個daddy講既野!
私人傳訊

RayEE


大宅

積分: 2861


22#
發表於 10-8-31 00:10 |只看該作者
樓主, 以下係我作為一個爸爸及老公的意見, 由於我沒有和你老公傾過這個問題, 所以只能從你的形容來分析. 如果你看後覺得" 唔啱聽 "那就當沒看過算了, 不要放在心上ok? 我知道妳只是想抒發情緒.....記住, 我不是在批評妳, 只是嘗試代入妳老公心態去想一想這件事....

1. 妳做所有的事都是為兒女著想....難度妳老公就不緊張兒女? 妳認是好的, 就一定是好? 其實好壞沒有絕對, 對與錯真的那麼緊要嗎?...妳覺得的好並不一定是妳老公心中所想的好..

2. 無論意見有多麼不同, 想要共識, 想要談, 第一件事要做不是去想誰是誰非... "亨..今次所有道理都站在我這邊, 仲唔贏番次..." 每次對話一有這個心態, 妳會什麼都聽不進, 就算妳老公說了什麼, 妳也會通通聽不進. 贏左場交, 輸了個老公及兒女的幸福..

3. 無論發生什麼事, 首要" 冷靜 "自己, 控制自己的情緒...如果"火都黎埋"就要想想法子自己先冷靜..真正的冷靜下來... 我見過一對夫婦在餐廳吵架..說正確一點是那女的在破口大罵.. (當然, 我並不知道他們之間發生了什麼事, 也不是說只有女性有脾氣, 男人發脾氣仲差呢).. 那個女的在大叫及怒啤她的老公, 說她現在十分冷靜, 沒有半點發脾氣的情況, 如果你(她老公)覺得她還是在發脾氣, 那純粹是老公自己覺得, 老公的感覺有問題...事實上她是十分十分冷靜, 平心靜氣想跟她老公談..但她老公卻一言不發.... 試想想, 如果樓主妳是她老公, 妳會和她談嗎? 如果我是她老公, 我會

另外, 有時候有些事情是有時間限制的, 要在短時間內決定, 如果每次激怒樓主要等一兩天妳自動"復完" 之後再商討, 恐怕來不及...所以妳老公久而久之便選擇只說一次便"封咀", 以便好壞都有個定案...

如果妳以為以妳老公現在的狀況, 如果一有"妖精"埋身便很危險...我可以告訴妳..就算沒有"妖精"妳也很危險...哀莫大於心死..我希望妳明白我說什麼...男人不一定要有第二個才會離開, 當他發覺這裡已不再需要他, 只要他放下一些心結..."情意結"後, 便會悄悄然離去..只要他覺得"把悲傷留給自己"能令自己太太快樂一些, 便大件事了..

當然, 如果妳不再愛妳老公, 又或者只是不想他被"妖精"搶走, 妳大可當看看笑話便算...

其實, 從妳的字裡行間看到妳老公對妳的愛, 遷就和忍讓..妳知嗎, 男人最喜歡比意見..妳老公忍得住口, 都幾好耐力...

以上純粹個人意見, 如有得罪, 多多包涵
私人傳訊

29XX86


侯爵府

積分: 24302


21#
發表於 10-8-30 21:46 |只看該作者
多謝大家既回覆,搵婚姻輔導我諗暫時都未有需要,但我琴日打完呢個post後,個人都好似釋懷左,我今日都主動打電話比佢,餘下來希望我自己都改下自己既皮氣,既然我自己佢都係一個好老公,亦都知人冇十全十美,呢個係佢既缺點,唯有千就一下就好喇!
私人傳訊

pondlily


大宅

積分: 2236


20#
發表於 10-8-30 16:17 |只看該作者
原帖由 b16b34n 於 10-8-30 14:57 發表
不如樓主你由自己開始做起先, 唔好咩事都先鬧出口, 例如落鹽事件咁，先認同佢既做法, 之後先話不過食太多鹽對小朋友唔好。慢慢幫自己建立呢個習慣，到佢都覺得你唔同o左時, 再同佢攤開o黎講, 表示希望佢唔好咩都擺係心。 ...


同意呀，感覺上樓主都係有脾氣既人，溝通最緊要係平心靜氣，你成日話想同你老公討論，但係你老公一有意見，你就即刻唔係討論，而係用你角度BAND左佢，咁佢梗係唔想再講，以後更加唔會再講，因為講左都無用。

我都曾同老公因為個月升學問題討論，有一次大家都有火，唔同意對方諗法，後來COOL DOWN左後，原來係可以磨合。

我都建議你地搵輔導，呢類溝通問題，都係要你地當面講清楚，有第三者做中介好D，你單方面同我地講係睇唔到成件事，因為由你角度去講嘛，我諗你老公都好願意去見，快D去啦，真係唔好等到有第三者先後悔~
私人傳訊

ume


公爵府

積分: 29804


19#
發表於 10-8-30 15:21 |只看該作者
原帖由 ChammyMAMA 於 10-8-30 13:41 發表
樓主,不如試下揾婚姻輔導,可能對你地有助幫,就因襯未有第三者出現,先要睇下有無辦法補救!


同意！樓主，你與丈夫好明顯係溝通上出現了問題，去找婚姻輔導或者上一些有關夫婦關係的課情上下，你可以學會一些溝通技巧，不要睇少這些看似係人都識既技巧，原來它們有很大的威力！如果你丈夫暫時未想與你一起找輔導或上堂，可以先由你自己做起，真的很有用架！
加油！
私人傳訊

b16b34n


大宅

積分: 1455

好媽媽勳章


18#
發表於 10-8-30 14:57 |只看該作者
不如樓主你由自己開始做起先, 唔好咩事都先鬧出口, 例如落鹽事件咁，先認同佢既做法, 之後先話不過食太多鹽對小朋友唔好。慢慢幫自己建立呢個習慣，到佢都覺得你唔同o左時, 再同佢攤開o黎講, 表示希望佢唔好咩都擺係心。
另外我覺得鬧交只會係傷害感情，唔鬧交, 傾下計係咪好d呢？
私人傳訊

ChammyMAMA


瑪瑙宮

積分: 145167

好媽媽勳章 醒目開學勳章 畀面勳章


17#
發表於 10-8-30 13:41 |只看該作者
樓主,不如試下揾婚姻輔導,可能對你地有助幫,就因襯未有第三者出現,先要睇下有無辦法補救!
緣是天意，份是人為，有緣相遇者，珍惜緣份的來臨
私人傳訊

chair


大宅

積分: 2034


16#
發表於 10-8-30 13:24 |只看該作者
我同你有D地方都好相似，丈夫係個好人，好爸爸。我和丈夫都無鬧交，不過我就係覺得我們中間欠了些甚麼。

我們之間有D忌諱，死穴，一個那個話題就無得傾 (同他的女同事有關)。大家避了那個話題，漸漸連其他野都少講左。個關係進入了死胡同，我也覺得如果一有第三者出現，就糟了。不過有時候居然會想有個第三者出現，也許我們的關係能有點突破。
私人傳訊

MonkeyGirl


大宅

積分: 3229


15#
發表於 10-8-30 12:24 |只看該作者
會唔會寫封信 (自己既感受) 比佢睇會好d 呢 ? 再去bookstore 買d有關夫婦情感既書- For better communication 個 d.. wish your husband 唔好 咁 而放棄...


原帖由 29XX86 於 10-8-30 04:13 發表
菲律賓挾持人質事件,教懂人珍惜身邊人,但我的唔起心肝去主動同老公交談,我暗裡地向神祈禱望主帶引我婚姻既路,我真係好矛盾,心情好差,可能呢個星期除左公事煩,菲律賓事件,再加上同老公感情事,自己都唔知自己想點. ...
私人傳訊

ndw


子爵府

積分: 13908


14#
發表於 10-8-30 12:14 |只看該作者

願你能讓我們主耶穌所賜的平安與你同在

"但我仍然深信有神存在,...."

0甘以經好好啦，起碼你還有信。因為聖經話我知，有你0甘0既信神存在0既心已經系認識真神0既起步了。無乜話背唔背叛0既。 浪子回頭都唔知有幾多。還記得保羅從逼迫基督的門徒，敵擋耶穌基督到被主耶穌親自揀選做使徒嗎？ 耶穌話，沒有什麼罪是耶穌原諒不了我們的，只要耶穌原諒的人，天父也一定接納那人。

希 伯 來 書 11 （和合本）
6 人 非 有 信 ， 就 不 能 得 神 的 喜 悅 ； 因 為 到 神 面 前 來 的 人 必 須 信 有 神 ， 且 信 他 賞 賜 那 尋 求 他 的 人 。
7 挪 亞 因 著 信 ， 既 蒙 神 指 示 他 未 見 的 事 ， 動 了 敬 畏 的 心 ， 預 備 了 一 隻 方 舟 ， 使 他 全 家 得 救 。 因 此 就 定 了 那 世 代 的 罪 ， 自 己 也 承 受 了 那 從 信 而 來 的 義 。

8 亞 伯 拉 罕 因 著 信 ， 蒙 召 的 時 候 就 遵 命 出 去 ， 往 將 來 要 得 為 業 的 地 方 去 ； 出 去 的 時 候 ， 還 不 知 往 那 裡 去 。

9 他 因 著 信 ， 就 在 所 應 許 之 地 作 客 ， 好 像 在 異 地 居 住 帳 棚 ， 與 那 同 蒙 一 個 應 許 的 以 撒 、 雅 各 一 樣 。

10 因 為 他 等 候 那 座 有 根 基 的 城 ， 就 是 神 所 經 營 所 建 造 的 。

11 因 著 信 ， 連 撒 拉 自 己 ， 雖 然 過 了 生 育 的 歲 數 ， 還 能 懷 孕 ， 因 他 以 為 那 應 許 他 的 是 可 信 的 。

12 所 以 從 一 個 彷 彿 已 死 的 人 就 生 出 子 孫 ， 如 同 天 上 的 星 那 樣 眾 多 ， 海 邊 的 沙 那 樣 無 數 。

13 這 些 人 都 是 存 著 信 心 死 的 ， 並 沒 有 得 著 所 應 許 的 ； 卻 從 遠 處 望 見 ， 且 歡 喜 迎 接 ， 又 承 認 自 己 在 世 上 是 客 旅 ， 是 寄 居 的 。

14 說 這 樣 話 的 人 是 表 明 自 己 要 找 一 個 家 鄉 。

15 他 們 若 想 念 所 離 開 的 家 鄉 ， 還 有 可 以 回 去 的 機 會 。

16 他 們 卻 羨 慕 一 個 更 美 的 家 鄉 ， 就 是 在 天 上 的 。 所 以 神 被 稱 為 他 們 的 神 ， 並 不 以 為 恥 ， 因 為 他 已 經 給 他 們 預 備 了 一 座 城 。

我再介紹這首歌給你聽聽，與以上的經文好貼切。

因著信


http://www.youtube.com/watch?v=NrqDzRigLDQ

我都很久沒有固定返任何教派組織的教會團體，所以我話我唔系屬某基督教。我也非某基督教的會員。但籍著耶穌基督為我代的罪，我必此生跟隨耶穌且能跟從耶穌基督到見神的面，不至滅亡，反得永遠回到天父的懷抱裡。

想尋求神的指引就多自己讀聖經啦。 信心增長唔系靠人轉翻來0嫁，系靠自己讀聖經來明白神的心思意念和和體驗與神同行得翻來0嫁。

願你能讓我們主耶穌所賜的平安與你同在。

[ 本帖最後由 ndw 於 10-8-30 12:23 編輯 ]
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy