婆媳關係 今日: 0 | 主題: 27780

積分: 2770

1^#

發表於 10-8-31 17:44 |只看該作者 |正序瀏覽 |打印

我大仔2歲，細仔6星期大。

1. 99話要餵大仔食飯，亞仔檸黎檸去，攪到成身都係，但係個口係冇飯既。
2. 食完飯之後，99比我個大仔爬左上張冇靠背既摺凳度，我一見到都未走得及埋去，亞仔已經向後趺仲要頭落地！
3. 叫左99 N咁多次入屋之後D鞋要收好，因為大仔會拎黎玩，但係次次佢都係求其塞埋一二邊，以為我個仔搵唔到。卒之次次都係我幫佢「挽鞋」，頂！
4. 唔提佢，佢係唔會洗完手先至同D孫玩。
5. 佢試過一次臨走時著好鞋，即刻行入廁所 (我屋企既廁所響走廊尾，即係佢著住鞋由門口行到幾乎去到主人房個位咁滯！)，我同佢講去廁所著拖鞋得勒，你咁行法，工人一陣要拖多次地呀！
6. 細仔響度「依依丫丫」，唔係扭食奶又唔係扭換片，只係自己同自己講下野姐，99呢頭叫我唔好抱慣哂 (我當然唔會成日抱住佢啦，明知BB響度唱下歌仔之嘛)，果頭佢即刻走左去抱。仲要扮人肉搖籃係咁搖，我仲要叫佢坐響度抱得勒，唔好行黎行去同埋唔好搖，費事個仔搖慣哂我地就大鑊勒。
7. 大仔響屋企度走黎走去，有時會自己跌低。我地會叫佢自己起返身，但係99會走去踩個地下，仲會鬧個地下唔岩，即係鼓勵個仔「賴地硬」，呢D係咩家教呀？
8. 佢成日叫我煲D粥水開奶比呀仔飲，佢話佢以前都係咁沖奶。我解釋左好多次比佢知，而家D奶粉改良左好多，同幾十年前好唔同，唔駛專登煲粥水去開奶，但係講左N次都唔明。

仲有好多，不能盡錄…

我99咁湊孫法，點敢比個BB佢湊？

0 0 0

私人傳訊

積分: 5103

育兒性格勳章

35^#

發表於 10-9-6 12:08 |只看該作者

原帖由 HerKing 於 10-9-6 01:00 發表

我99同你99既行為差唔多，今日抱住小B，竟然教小B用腳踢大B！我唔理咁多，即刻喝住佢，咁即係教D小朋友打交？真係咩家教呀！佢仲話咁細個唔知喎，點會唔知呀？我個仔2歲勒，我地只會教佢錫細佬，有乜可能教佢地打交呀！

之後99走既時候問我個大仔去唔去街，仲叫佢去著鞋。其實佢唔係真係想帶佢去街，只係當撩佢玩，我又忍唔住話佢，如果你唔係同佢去街就唔好咁講，佢會以為大人成日講野唔算數，即係教識佢咩叫「冇信用」，同埋佢會以為你作弄佢，咁佢就會好快學識作弄人，咁佢就會好難教了。

唔好話唔會比我99湊孫咁簡單，連佢地講咩我都要及實，費事佢地教壞左我個仔仲要走黎賴我唔識做人阿媽教唔好個仔呀。...

唔怪得依家的細路好多都無"家教"
從前我會怪父母...
但now 我知.....父母都係受害者~
太多無謂人例如99, 姑9 果d...阻頭阻勢啦!!!!
真係好煩呀!!!

私人傳訊

HerKing

積分: 2770

34^#

發表於 10-9-6 01:00 |只看該作者

原帖由 jamie_gd 於 10-9-5 15:47 發表
3) 99屋企入屋唔除鞋, 仲可以著到入房, 超dirty, 我諗阿囝開始爬真係要考慮再少D返去
佢嚟到我屋企, 係入到屋先除鞋, 激到我生蝦咁跳, 阿太呀, 我特登抹好地俾你嚟架

4) 佢唔洗手我係唔會俾佢掂阿囝, 我 ...

我99同你99既行為差唔多，今日抱住小B，竟然教小B用腳踢大B！我唔理咁多，即刻喝住佢，咁即係教D小朋友打交？真係咩家教呀！佢仲話咁細個唔知喎，點會唔知呀？我個仔2歲勒，我地只會教佢錫細佬，有乜可能教佢地打交呀！

之後99走既時候問我個大仔去唔去街，仲叫佢去著鞋。其實佢唔係真係想帶佢去街，只係當撩佢玩，我又忍唔住話佢，如果你唔係同佢去街就唔好咁講，佢會以為大人成日講野唔算數，即係教識佢咩叫「冇信用」，同埋佢會以為你作弄佢，咁佢就會好快學識作弄人，咁佢就會好難教了。

唔好話唔會比我99湊孫咁簡單，連佢地講咩我都要及實，費事佢地教壞左我個仔仲要走黎賴我唔識做人阿媽教唔好個仔呀。

私人傳訊

jamie_gd

別墅

積分: 748

33^#

發表於 10-9-5 15:47 |只看該作者

3) 99屋企入屋唔除鞋, 仲可以著到入房, 超dirty, 我諗阿囝開始爬真係要考慮再少D返去
佢嚟到我屋企, 係入到屋先除鞋, 激到我生蝦咁跳, 阿太呀, 我特登抹好地俾你嚟架

4) 佢唔洗手我係唔會俾佢掂阿囝, 我唔會出聲, 好醒咁打眼色俾c6, c6就會出聲叫佢洗
但噚日真係頂頂頂佢唔順呀, 我揹住阿囝, 同佢上樓搭life嗰陣佢撞到熟人, 佢同夠膽用條鎖匙襟底阿囝條紗巾
入到屋c6拎完嘢走, 佢又用佢嗰隻無洗過嘅手嚟襟多次條紗巾
好彩佢無掂到阿囝咋, 唔係我真係當場同阿囝洗架啦
一出到門, 我即刻拎起條紗巾俾c6袋番, 仲同佢講好dirty呀

8) 佢無叫煲粥水或者開奶茶, 呢D我自己搞嘅
但我好唔鍾意佢响我餵梗個囝嗰時講呢樣講嗰樣
個囝識拎奶樽自己飲, 佢同衫姑9好煩咁講咗N咁多次話咁重, 佢邊拎到呀, 佢好辛苦喎
又話戴姑9同易姑9嗰D無咁快識自己拎奶樽架喎
大佬呀, 咁佢自己識拎, 咪俾佢自己拎囉, 有咩問題啫, 學嘢啦嘛, 仲係初生咩
最好笑同我爸講99佢哋咁講, 話d外甥未咁快識, 阿爸話佢哋蠢啫, 哈哈, 真係笑c我
到噚日俾粥仔佢食, 阿囝食慢D都唔得架, 所以我要好快手, 咁99又喱又路, 又話熱
咁我有一啖真係熱咗我知衰, 辣到阿囝, 佢即刻起身想走埋嚟驚c我對佢個孫有乜傷痛咁

我知老人家係會擔心個孫, 但講真我做阿媽唔會擔心過你緊張過你
阿囝初生嗰時扭計喊, 佢响電話聽到都問長問短
你無嚟睇過孫就唔好要求多多, 唔好問喱問路, 我好唔鍾意架
當時我無再餵人奶, 又一樣問喱問路係咪唔夠奶, 問完c6, 仲打電話嚟煩我

如果俾佢湊, 我諗會c過我自己湊多多聲呀, 都唔知佢响屋企可以點行架, 成日仆親, 整親手腳, 如果阿囝佢抱緊, 咁咪一句唔該就飛鬼咗佢落地
著鞋入屋係好唔衛生, 我成日諗去完公廁D菌超級的毒, 仲踩入屋
佢唔抹地唔抹塵, 唔洗浴缸, 廚房D萬年蹟真係難清理
間屋咁dirty, 咁唔衛生, 我點放心個囝响喥呀
如果唔係婆婆可以湊, 我同c6講我寧願俾個囝去育嬰院啦
幾年前, 外甥女想食一啖就食晒嗰D啫喱, 其實我唔多鍾意俾小朋友嗰D啫喱, 好唔安全, 好易'近'到令到小朋友窒息
我同c6係咁叫99唔好俾佢哋食, 99係要俾佢哋食, 講真唔係我仔女, 你'近'到我理唔到咁多
事後同99講食呢D啫喱好危險, 佢先知c, 但無用, 咪一樣D孫要乜咪俾乜佢哋食囉
阿囝跟佢, 真係病痛都多過人呀

私人傳訊

姑姑

積分: 2712

32^#

發表於 10-9-4 17:54 |只看該作者

我個女細個時我奶奶都有教佢賴地硬....唔止,仲要話爹哋曳曳,媽咪曳曳跌親xx(我個女個名),我開頭冇話佢,'尤'佢亂嗡,點知我個女大大吓開始識賴地硬,唔肯認錯,跟住我就嚴厲執行,我奶奶一咁講我就補番句: 自己唔小心跌低唔好賴人,唔係我專登kick跌佢嘅...... 試多幾次我奶奶就冇再咁同個孫講啦.....

私人傳訊

cBsing

積分: 1743

31^#

發表於 10-9-3 14:47 |只看該作者

妳唔算慘
我同我3叔前妻仲可憐仲慘
呢個99 1個哀真係累3代

私人傳訊

Sayuri_Li

積分: 3913

30^#

發表於 10-9-2 16:32 |只看該作者

point 4、5、6、8 我99都係

，唉，我幾時可以搬走呀？

私人傳訊

積分: 5103

育兒性格勳章

29^#

發表於 10-9-2 16:00 |只看該作者

原帖由 Natlam 於 10-9-2 15:55 發表
你99真係好堅!!!

我都最怕自己個女, 竟然自己會無SAY!!
我初初都有諗過俾99揍, 但係坐完月之後就改變注意, 因為我發覺如果係佢揍我唔會有SAY同埋佢一定會用 "想當年"既方法去揍我個女.. 我肯定接受唔到!!

...

我真係好討厭 d 99 話要 "抱BB 去佢屋企"!:;pppp:
成日想將BB 據為己有咁.....
超煩!!

說真, 我真係唔會放心,
比一個老人家抱住個BB 週街走.....
老人家連自己都顧唔掂, 仲要抱住個細既 (仲要, 始終not 自己囝囡......無阿媽咁緊)

有時o係街見到呢d 畫面
都有少少......厭惡

諗起...係咪你迫個新抱比個B 你ga.......
(ha, 好變態)

[ 本帖最後由 jesuslovesyou 於 10-9-2 16:02 編輯 ]

私人傳訊

Natlam

積分: 1503

28^#

發表於 10-9-2 15:55 |只看該作者

回覆 22# mamagering 的文章

你99真係好堅!!!

我都最怕自己個女, 竟然自己會無SAY!!

我初初都有諗過俾99揍, 但係坐完月之後就改變注意, 因為我發覺如果係佢揍我唔會有SAY同埋佢一定會用 "想當年"既方法去揍我個女.. 我肯定接受唔到!!

都係自己AR媽易話為!! 起碼自己有SAY! 我99之前都有話朝朝過黎接BB去佢屋企, 但係我叫我C6推左佢話怕佢辛苦日日騰黎騰去...

不過我每個星期都會多D返99到食飯!!
其實老人家都係想多D見下個孫啫

私人傳訊

積分: 5103

育兒性格勳章

27^#

發表於 10-9-2 15:18 |只看該作者

原帖由 mamagering 於 10-9-1 17:01 發表

唉~星期六晚bb o向佢度訓我已經好唔安心
星期日一早就叫我老公打過去睇睇阿B點
果陣係9點半左右
99話同阿B飲完茶返緊屋企
今日唔過來我O地果邊wor
c6就立即話做咩唔返o黎呀?
我唔駛見o下個女呀?佢要返過來沖涼架
9 ...

你99 真係無得頂呀!!!
真係當左個b 係自己既咁
當個b 係公仔, 要佢醒就醒...妖!
最憎D 老人家咁.....

沖涼果幕真係.......哇...係人都知, 個身有水吹風扇會病啦!!!!!!!

所以, 我唔會容許自己個囡不在視線範圍....

不會容許個B 在99 家過夜......

私人傳訊

積分: 5103

育兒性格勳章

26^#

發表於 10-9-2 15:16 |只看該作者

原帖由 HerKing 於 10-9-2 14:43 發表

嘩！一山還有一山高呀！你99仲恐怖過我果個！

我亞媽係做陪月既，佢話未讀培訓課程之前都以為自已都湊大左3個，實識湊BB啦，到佢讀完培訓課程之後先至知道以前D人湊仔係幾咁危險！好多上一輩以為佢食SALT多過你食米，湊仔點會叻唔過你？但係佢地既安全意識係薄弱到應付唔到現今既社會環境。...

exactly!!!

成日想當年想當年...
以為自己湊大3個就好勁咁.......
:;pppp: 其實係個BB 自己生命力頑強ja!!

所以我都打算, 將來讀陪月/湊B 課程
打足底~~
起碼有料同果d 冷醒既 99 bargain!:;pppp:

私人傳訊

HerKing

積分: 2770

25^#

發表於 10-9-2 14:43 |只看該作者

原帖由 mamagering 於 10-9-1 17:01 發表

唉~星期六晚bb o向佢度訓我已經好唔安心
星期日一早就叫我老公打過去睇睇阿B點
果陣係9點半左右
99話同阿B飲完茶返緊屋企
今日唔過來我O地果邊wor
c6就立即話做咩唔返o黎呀?
我唔駛見o下個女呀?佢要返過來沖涼架
9 ...

嘩！一山還有一山高呀！你99仲恐怖過我果個！

我亞媽係做陪月既，佢話未讀培訓課程之前都以為自已都湊大左3個，實識湊BB啦，到佢讀完培訓課程之後先至知道以前D人湊仔係幾咁危險！好多上一輩以為佢食SALT多過你食米，湊仔點會叻唔過你？但係佢地既安全意識係薄弱到應付唔到現今既社會環境。

私人傳訊

pig_tiger

積分: 8805

24^#

發表於 10-9-2 11:55 |只看該作者

見大家喺度呻, 我都想呻吓呀!!!
本身我唔係同99住, 但好近, 同一個屋苑但唔同座, 未生阿b前, 我同c6每晚都番99度同99食飯, 生左阿b之後 (而家兩個月), 唔想阿b行來行去, 所以改左喺我地屋企煮飯, 99過來食.
結果99每日神咁早就上黎, 明明7,8點至開飯, 佢3點左右就上黎, 守喺阿b床邊, 阿b稍為依依哦哦, 就叫我抱佢; 阿b訓訓下郁, 佢又係咁拍佢心口, 結果拍醒左佢; 阿b喊又話名b肚餓, 明明剛剛至食完......當然佢亦唔會先洗手先同阿b玩la, 總之見到佢就超煩!!!

私人傳訊

cocoleung666

禁止發言

積分: 2266

23^#

發表於 10-9-1 19:13 |只看該作者

提示: 作者被禁止或刪除內容自動屏蔽

私人傳訊

mamagering

積分: 1110

22^#

發表於 10-9-1 17:01 |只看該作者

原帖由 jesuslovesyou 於 10-9-1 13:47 發表

哇...你99 好煩呀~ 想要但又冷係客氣

比著我, 阿B 訓著，我就抱番阿b，話︰好喇...返屋企訓la, 阿B 訓唔慣"生普" 床.......

dunno, 我係好憎人咁樣ga
有野就講, 有屁就放, 唔好冷係婉轉咁
我係唔比你, 吹呀! ...

唉~星期六晚bb o向佢度訓我已經好唔安心
星期日一早就叫我老公打過去睇睇阿B點
果陣係9點半左右
99話同阿B飲完茶返緊屋企
今日唔過來我O地果邊wor
c6就立即話做咩唔返o黎呀?
我唔駛見o下個女呀?佢要返過來沖涼架
99:我幫佢沖囉(我未生時99同我講佢乜都唔識,所以我一聽到c6重覆99話幫阿b沖涼時我即刻做哂口形話唔得,一定要返過o黎呢邊先沖)
c6:唔好啦,你帶佢返o黎啦,你果邊都冇盤
講完,收線!! 15mins左右99帶住我未訓醒o既阿囡過來
一入屋就叫我快d,
我問佢咩快d呀99?
佢串串共話:又係你叫我帶佢返來沖涼?快d沖啦,沖完我帶佢返去..............
我: o下???沖完帶佢返去???出面熱辣辣唔好四圍行喇
99: 得喇得喇,我果邊開行個冷氣比阿b架喇
講完之後又吹吹吹咁我咪開水囉
我見到自己個女個樣係好好好眼訓,
根本佢就想訓教,為什麼夾硬摷佢起身過來沖涼呢?
我閂水問99阿b今早幾點起身?
99: 你話佢6-7要起身食奶丫嗎(前一晚99問我佢朝早幾點食奶,我答佢6-7阿b會自己醒就比佢食囉,冇講過要尊登摷佢起身食) 我咪摷佢起身食囉,食完同佢落街飲茶,你o地就打o黎喇

我:阿b食完奶要再訓架wor,訓到10點零先起身架,佢宜家超眼訓呀你睇o下對眼都矇哂!!!

99:頭先佢o向茶樓訓o左一陣啦,又訓?邊訓得咁多呀???

我個女聽住我同99講o野又野性,醒哂仲搭咀ee un un
所以我就幫佢沖涼喇,
點知一落水就喊到拆天
99又o向我隔離ee哦哦
廁所已經細仲走入o黎....我流到成身汗,
拿拿林幫阿b沖完去出著衫
點知99白痴到開住架風扇吹住阿b
我即刻閂o左佢同99講咁樣會凍親阿b架
99仲覺得冇唔o岩~~話出面咁熱唔會凍親..
我都費q事同佢講o野
幫阿b著衫抹頭
一著好哂99又開番把風扇抱住我個女話好熱.....
我自己都流哂汗都未話熱啦,咁o既常識都唔識??
仲同我講話幫BB吹乾個頭............
我最憎佢係死唔認錯
講多兩句就話番番過去自己度,
同我say goodbye

1點零左右我打比99問o下阿b o向度做乜
佢講到自己屋企好似天堂咁人潔地靈
99: 阿b [前所未有] 訓得咁淋呀,o向你o地果邊成日訓o下醒o下訓o下醒o下,o黎到我呢邊幾好訓呀!!!!未起過身呀,有鼻寒聲添呀.......(我心諗你唔好再誇d)

我唔抵得佢咁得戚,用對阿b o既聲氣同佢講 : 梗係好訓啦,今朝比麻麻摷醒宜家仲唔訓番夠本咩~~咁冇咩o野喇!! byebye ====收鬼佢線囉

3點幾99打比我老公話阿b all o左好大篤屎
大得好緊要wor, all到落大脾wor........
不過清潔o左喇
我同老公都比佢嚇親以為乜事

到6點幾我o地過去,
我抱o下阿b條片脹哂咪幫佢換囉
一打開我立即火滾,
前後都紅哂!!!!!!!!!!!!!!!!!!!!!!!!!!
我同我阿媽湊o左咁耐都未試過紅o既
當時超唔開心,好後悔比佢湊
我叫c6過o黎睇,睇完就同99講
99仲聲大大話換得好密唔知點解會紅o左.......
事實就係琴晚10pm拿o左6條片過去
到今晚7點都仲有3條片o向度
又飲水又飲奶冇尿all o既?
咁就叫換得好密.....我今拜下風你仲要死撐

好喇~到食飯佢又係都要抱住佢食
又爆今日下午(我同c6唔o向度)比阿b試'lam'哈密瓜!!!!!!!!!!!!!!!!仲話阿b好like.......
我話咁細個唔好再比佢lam喇
4個月以上先開始食少少有味o野架咋
99就一味話唔怕唔怕....
食食o下阿b打乞chi有少少透明鼻涕出o左o黎
99就問佢個仔駛唔駛睇醫生?
我話無lala做乜睇醫生o者,無必要都唔好食藥啦o下話
佢就話唔係wor,阿b又有痰又有鼻水,睇睇好d wor
我hea住佢先話睇埋聽日先算啦
仲有!!!! 我睇住個奶咀跌o左落地,
99就咁用熱水沖沖想比番阿女食
我即刻話:99我幫你洗o左先再用熱水洗多次啦!!
你o地話我驚唔驚丫~~~
當晚佢又想我留低個b o向佢度訓
我就唔理咁多,抱住唔放,
我行去邊99就跟住我尾行........
我同c6打哂眼色話走喇,
99就問聽日幾點過來
我話我可以湊阿b去你度先返工,
佢又話唔好,8點佢自己上來
好喇,星期一早上8點05分佢上來
一入門口砰砰彭彭又大聲講o野
我同佢講阿b訓緊,佢冇細聲不凸只仲直入我o地間房
大大聲講:BB早呀,起身喇喂~~
夾硬叫醒同抱起我個女..........
我老公話佢做bb訓得好好地又摷醒人o地做咩o者?
99睬我o地都傻想即刻走頭.....

我番到公司9點幾打o左幾次比99都冇人聽
屋企又冇手機又冇
12點幾先覆番電話比我話阿b o岩o岩食完奶
已經沖o左涼!! 我話:咪話o左等我o地返來先沖囉!!
99話我買哂盤架喇,我耐冇湊唔代表唔識o既
bb宜家扭緊眼訓,又有鼻水,係咪要睇醫生呢?

當時我陰謀論諗,99可能驚琴日用風扇吹親bb攪到佢流鼻
所以不停咁叫我同佢睇醫生
咁我就順勢話帶番bb出婆婆度睇啦咁

就係咁~~我當晚就帶番阿女番番安全o既地方喇!

私人傳訊

B媽-Blue

用戶要求終止服務

積分: 42699

好媽媽勳章

21^#

發表於 10-9-1 15:48 |只看該作者

7. 大仔響屋企度走黎走去，有時會自己跌低。我地會叫佢自己起返身，但係99會走去踩個地下，仲會鬧個地下唔岩，即係鼓勵個仔「賴地硬」，呢D係咩家教呀？

一定要教呀，如果唔係第時俾人撞到就打人點算？？

私人傳訊

積分: 5103

育兒性格勳章

20^#

發表於 10-9-1 13:47 |只看該作者

原帖由 mamagering 於 10-9-1 12:29 發表
4. 唔提佢，佢係唔會洗完手先至同D孫玩。

中哂!!! 但99一定會死撐 : 我o岩o岩都諗住洗架喇.....吹佢唔脹:;pppp:

6. 細仔響度「依依丫丫」，唔係扭食奶又唔係扭換片，只係自己同自己講下野姐，99呢頭叫我唔好抱慣 ...

哇...你99 好煩呀~ 想要但又冷係客氣

比著我, 阿B 訓著，我就抱番阿b，話︰好喇...返屋企訓la, 阿B 訓唔慣"生普" 床.......

dunno, 我係好憎人咁樣ga
有野就講, 有屁就放, 唔好冷係婉轉咁
我係唔比你, 吹呀!

:;pppp:

我唔會比阿B o係人地地方訓過夜
仲會話︰始終唔係屋企, 唔好啦....

私人傳訊

積分: 5103

育兒性格勳章

19^#

發表於 10-9-1 13:45 |只看該作者

到底d 99..可以點對付佢地呢.........?

私人傳訊

kitty328