吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 現在正在哭

夫婦情感今日: 2|主題: 42780

收藏本版

發帖

返回列表

跳至頁

查看: 7937 | 回覆: 51

現在正在哭 [複製鏈接]

12 3

豬兒公主

民房

積分: 10

1^#

發表於 10-9-3 01:19 |只看該作者 |正序瀏覽 |打印

今日知道咗好多嘢.......希望得到一D意見.比較長,但希望你們明白,我一路一路打呢篇......
03年,我同呢個男人一齊,識佢時,佢爭人約20萬.約10萬幾係卡數,其他係萬應錢等等.咁當然D錢就洗喺佢同佢個EX一齊.
咁到一齊三個月我就熔鑽戒,佢話唔夠錢供車喎!到一齊七個月就借財仔,三萬幾倒,大部份係比佢用,錢我還.
之後佢賣咗架車,比首期再買過另一部車,我供.每個月二千八左右,點知唔夠五個月比佢撞解埋.中間有多錢千幾二千咁借比佢,我冇MARK底..唔記得咯.跟住幚佢借過兩條萬應錢,一條每個月還三千幾,佢係自己還哂,一條每個月千五,還咗一半,餘下的我問咗另一間銀行借錢COVER落去,咁就不了了知啦...佢
其實嗰時都覺得想走.因為成日咁借法唔係咁掂.
好喇.06年7月左右,我識咗另一個男仔.嗰時個男人還剩8萬蚊左右卡數,因為中間有時我哋食飯嗰D都會碌吓卡,所以唔上唔落咯.
咁分開咗後,半年我同返個男人一齊返,佢嗰時變咗38萬卡數左右.佢話佢唔開心喎!

咁之後我哋結咗婚,我就冇做嘢,我自己都有錢爭.因為我都有碌卡同埋之前未講過問咗另一間銀行借錢,借咗13萬去還自己嘅卡數同埋不了了知嘅萬應錢.

但我老公有38萬卡數.佢都死咁濟.咁卡數始終狼d.,所以決定搞佢條數先,我就熔哂d嫁妝,同埋呃返d強x金出嚟嗰度約12萬左右,嫁妝就13萬左右,佢亞媽又出手幚d.終於佢冇債.但我就仲有.

慢慢亞囡08年出世,我又有做嘢,大家好好咁過,上年年頭佢又撞車要賠萬幾蚊,咁我就續借嗰間銀行....搞到條數要從新計起.又還13萬.....

總之一句到尾係錢啦!我真係唔記得借過幾多比佢,中間幚佢分期買吓電話....一千幾百.太多
唔好話我傻,亦都唔好話我做咩生個囡出嚟.
我冇後悔呢樣嘢.
只係因為....我一直同佢同亞媽關係唔好.我又覺得我咁幚你個仔你咁對我,佢又覺得我個仔對你咁好,你仲想點.

問題係,今年年頭我見我轉咗工,d糧未好定,我就喺自己份保險draw咗d錢出嚟,萬幾蚊左右,我同我老公講d錢我留嚟還分期嗰條數.可能我都買咗千幾蚊嘢,咁交租不嬲我老公比,大家洗費,工人呀嗰d我比,總之邊個有錢邊個比.
我老公可能嗰時d錢唔夠轉,佢竟然暪住我,問我個妹個男朋友借錢,仲要話:我拎咗萬幾蚊出嚟(佢講嗰d保險錢,但份保險係我自己份保險)比老婆洗哂.買哂嘢

我個妹個男友覺得奇怪就同我個妹講,我個妹知道佢姐夫洗哂我d嫁妝梗係奇怪就打比我問.

嗰次,係我第一次咁失望......

之後我都當無事,算......
點知,我啱啱同佢亞媽(我99講電話)比我聽倒一d嘢....同佢傾話我哋近期好唔掂,我99都唔好聲氣,我唔係想問佢借,不過我講開之前老公嗰38萬卡數,我話我哋一齊幚你個仔搞,嗰d錢我冇用過.佢話點解你話你冇用過.....我一聽,奇怪,佢唔係一直以上我有用吓.....我未話我嗰時同你個仔分咗手.點用???

我等我老公瞓醒,我好冷靜咁問佢:你係咪當日碌嗰38萬,你同你亞媽講話我有份一齊用???

佢唔出聲,等咗一陣,佢話咁嗰時同我分手都仲有8萬,你都有份用........

明哂.

第二次失望.
我只係講:你可以話我有份用嗰8萬...一半啦.行街睇戲食飯呢d係錢嚟嘅.但你又有冇諗過我同你嗰次分手之前,我借比你嘅錢遠超過4萬甚至8萬......我終於明白點解我同你亞媽永遠都咁差喇d關係.佢一直認為幚緊我還錢,咁嘅關係邊會好.

完.
我宜家個肚就嚟生第二個,我對住我老公,我無嘢好講,只係一直以嚟,佢冇溝女,對我係專一嘅.所以我同佢結婚.窮,我唔介意捱,錢,係身外物.但我最hurt係比人屈,比人抵毁.
我想問,如果係離婚.(因為我身上仲有佢借落嘅蘇州屎)每個月還都死咁濟,起碼要還六千幾.咁我照離婚去搞破產好,定忍住錢,等還哂錢再離婚.

0 0 0

私人傳訊

ken9989

禁止發言

積分: 169

52^#

發表於 10-9-24 23:12 |只看該作者

提示: 作者被禁止或刪除內容自動屏蔽

私人傳訊

annmummy

大宅

積分: 4612

51^#

發表於 10-9-23 16:26 |只看該作者

don't understand why such people still want baby???

what can you give the baby? can't image baby grow up in such a family

私人傳訊

sezsuet

伯爵府

積分: 18809

畀面勳章 BK Milk勳章

50^#

發表於 10-9-18 16:53 |只看該作者

我睇咗頭一兩段都無心機睇,

太過過份, 條條數都咁鬼大....

先洗未來錢, 千萬唔好結婚生仔!

[ 本帖最後由 sezsuet 於 10-9-18 16:55 編輯 ]

私人傳訊

abercrombie_bbb

大宅

積分: 4872

49^#

發表於 10-9-17 17:20 |只看該作者

好典型嘅洗腳唔抹腳嘅人，妳同妳另一半咁大使，我唔擔心妳兩個大嘅，因為妳哋嘅做法係自討苦吃。反而我真係好擔心妳個細嘅，個小朋友要跟住一對咁嘅父母，佢而家可能細，唔識，但到佢大大吓就會有問題。如果小朋友本性係乖，仲慘，因為佢會有好大壓力，無安全感，父母成日要周圍撲水,心理會好難平衡。相反，如果個小朋友同妳兩個大嘅一樣，社會第時就會多一個以借錢度日嘅人。妳哋做大人嘅真係要好好反省自己做過嘅野。唔好教壞下一代。

私人傳訊

blagk1227

大宅

積分: 1145

48^#

發表於 10-9-9 03:15 |只看該作者

原帖由 beterapp 於 10-9-3 14:48 發表
加加埋埋都買到層樓了

讚成

私人傳訊

alice44

男爵府

積分: 7623

47^#

發表於 10-9-8 16:30 |只看該作者

樓主兩公婆可以說是天生一對. 兩公婆好似怕比對方洗多過自己會唔著數, 一於鬥洗錢. 已經欠了咁大筆數, 見過鬼都唔怕黑, 仲要再欠卡數.
如果唔改變思想, 可以話死路一條.

私人傳訊

worthy

珍珠宮

積分: 44769

馬年勳章

46^#

發表於 10-9-7 16:24 |只看該作者

原帖由 豬兒公主 於 10-9-3 01:19 發表
今日知道咗好多嘢.......希望得到一D意見.比較長,但希望你們明白,我一路一路打呢篇......
03年,我同呢個男人一齊,識佢時,佢爭人約20萬.約10萬幾係卡數,其他係萬應錢等等.咁當然D錢就洗喺佢同佢個EX一齊.
咁到一齊三 ...

真係接受唔到喎, 理財方面一團遭, 俾我唔會同一個咁嘅男人一齊, 因為生活太無保障喇. 但仍然可以生第二個, 點解?
供養一個小朋友唔簡單架! 真係有辦法?

私人傳訊

canies

翡翠宮

積分: 97279

45^#

發表於 10-9-7 13:55 |只看該作者

5年前與老公結婚時，佢都欠2x個。。今日冇欠之餘我地仲換左樓添。。

根據樓主提供數字，可見兩公婆都有一定收入先可以頂到今日。其實只要兩人只要下決心，戒除過度消費，量入為出。。錢最終都可以償還。破產未必是你們最佳選擇。

私人傳訊

A.C.C.

大宅

積分: 3786

44^#

發表於 10-9-4 16:05 |只看該作者

提議:
1. 剪卡, 未還清欠款前只用現金生活
2. 將所有欠款集中至一間最低息的銀行
3. 與銀行商量, 是否可以延長還款期及至可以承受的還款金額(約1/3收入)
4. 其餘2/3收入, 與老公重新計算生活開支,

開支分為2 part, 固定與非固定, 固定指水電煤租仔女學費工人差餉, 除非大屋搬細屋, 此部份能慳不多
非固定指"衣""食""行", 可減則減, 衫儘量少買或留意打折, 食可以plan好一星期嘅餸, 一星期去一次超市或街市入貨, 架車成日撞, 就唔好再自己揸車
另有3~5%為貯備金, 防發生急事用, 例如BB要睇醫生

[ 本帖最後由 A.C.C. 於 10-9-4 16:14 編輯 ]

私人傳訊

amysnlee

伯爵府

積分: 15270

好媽媽勳章畀面勳章環保接龍勳章親子達人勳章陪月勳章

43^#

發表於 10-9-4 09:01 |只看該作者

正常一個人又點會欠幾十萬架,除非做生意周轉唔到啦,有無同c6傾過d錢用左去邊,點解會借落咁多錢?不過你而家真係要為bb諗吓,將來佢地要洗好多錢,到時你去邊c番黎比佢呀?唔通又去借?唔得架咁樣,咁樣係一個無底深淵,你都唔想咁就一世架,離開佢搵自己既新生活啦,可能咁樣對你對bb好過而家咁辛苦啦,唔好再幚佢還錢啦,你再係咁,佢永遠都唔會改,佢會覺得佢借幾多,洗幾多都有老婆幚佢還架,決絕d啦

私人傳訊

淋魚魚

大宅

積分: 3922

42^#

發表於 10-9-4 05:39 |只看該作者

原帖由 豬兒公主 於 10-9-4 03:45 發表
頭先我睇完你寫的分析.好冷靜去計下我同我老公D數同埋收入.去試著點解決件事.
今次這件事,我的確對我老公很失望.但亦都有得著.因為我算是解開了我跟99的心結.當我知道我老公這樣抵毁我時,很嬲,但終於明白之前為何我 ...

過左去由佢過去la~~

而家要唸ge野係點去補救..
and 補救完就唔好再重濤覆轍la..

其實d mami 問得你岩ge~生仔女就要為仔女著想下..
我知你係冇後侮生d仔女出黎..
我係怕你d 仔女第日埋怨你地生佢出黎..
有邊個仔女想跟住兩個負債ge 父母ar?

學下理財..唔止係為左自己..為左將來仔女著想...
希望你同你老公呢件事可以早d 解決la~
加油~~

私人傳訊

daydaydaisy

子爵府

積分: 14763

41^#

發表於 10-9-4 04:33 |只看該作者

其實我識我C6的時候..他都是欠財仔廿幾個..我那時用自己SAVING 還了80K
之後就按月還..月月8K 但是c6之後一直都不再大洗..

私人傳訊

豬兒公主

民房

積分: 10

40^#

發表於 10-9-4 03:45 |只看該作者

回覆 2# 明天更好的文章

頭先我睇完你寫的分析.好冷靜去計下我同我老公D數同埋收入.去試著點解決件事.
今次這件事,我的確對我老公很失望.但亦都有得著.因為我算是解開了我跟99的心結.當我知道我老公這樣抵毁我時,很嬲,但終於明白之前為何我跟我99的關係不太好.這一刻很想同99講一句,放心,我們會努力解決及跟她說句對不起.我們兩個好似細路一樣要佢為我哋煩.

至於小朋友,我再一次跟大家講,我由始至終沒有講過放棄他們.你們一些提問例如:為何生小朋友出來?要好好開護小朋友等說法,我只能跟你們說心領了.我從一開始也沒有忘記過,謝謝了.在小朋友面前,我們從來沒有嘈過亦沒有哭過,星期日亦有家庭日,縱使不是大購物也會去沙灘的.相信大家很多都是媽媽,才會那麼為小朋友設想.十分謝謝.
至於離婚,我承認我作最壞打算,但就要看我跟著跟我老公傾成點.當然都是以小朋友為大前提.
至於工人,我之前是要工作,所以請工人,兩家人母親都要工作.所以才會請工人.我有跟我老公說不要工人.因為我想自己揍.宜家有了第二個.我更加想揍.但請工人三千幾,如果我工作就可以搵多萬幾蚊,我老公想我出來做嘢.所以先要請工人揍小朋友.及生完約一個月左右我會再出去工作.希望大家諒解.

基本上,我已經了解如何行條路.亦都十分多謝你們的意見.如果有關:為何生小朋友出嚟這類回覆. 我只能說心領了.

明天更好,謝謝你.一陣我會跟我老公傾.希望會PLAN倒.謝謝.

私人傳訊

Png

伯爵府

積分: 15106

2024年龍年勳章

39^#

發表於 10-9-4 02:08 |只看該作者

根本佢講大話你預左啦, 欠人咁多錢梗係要不斷用好多藉口去令自己好過點啦.咁咪話你有份用囉, 唔明點解樓主咁大反應, 又話心死,又要離婚.根本自己都想逃避責任.

有冇想過下一代? 無錢生完一個又一個, 又車又工人,真係慮左下一代.重講到自己好慘.
你而家應該開源節流, 好好愛護子女,維繫家庭, 你同你先生都咁任性, 做事不顧後果,日日都欠人錢,要鬧醒你.

私人傳訊

明天更好

洋房

積分: 46

38^#

發表於 10-9-4 01:44 |只看該作者

樓主現時應做和注意的:
1.即時決心停止自已可控制的過度消費(節流),並計
算每月可使用的必須開支和衡量實制收入, 而計
自已的還款能力,做合身的還款分期.
2. 如你所說貸款13萬, 每月還6k多, 即是分24期
(約年息10厘),為什麼不預算好自已的還款能力
去做的還的期數(如分4年每月是3k多)和找些利
息低的銀行轉按貸款減低成本, 現在銀行水浸,
利息巳是歷年最低的, 只要即時取消所有信用卡,
決心捱過這段還款期, 可以重新過回正常的生活了。
3. 破產後你的信貸記錄就一世了, 以後就算有能力
買樓買車貸款都有影響, 還要過著四年的破產
生活, 如非欠債是無底深潭破產絕非上策。
4. 離婚? 是看c6是否正視這個理財問題, 有否會愛
這個家, 而決心和你一起捱過(先甜後苦)這段日子。
5. 過去c6說過的和做過的都是過去式,無需太上心令自已
不開心,做人看未來最實際, 要跟c6冷靜去計劃這個家和小朋友的將來, c6和自已目標一致去為家努力, 困難很快就過去了,否則黑暗是永遠的, 路不同各有各走。
否則就為自已。
希望樓主能早日找到合適自已生活和為小朋友努力！

私人傳訊

Nancy20090615

瑪瑙宮

積分: 138075

37^#

發表於 10-9-3 23:57 |只看該作者

點解爭落咁多咭數, 真係睇到我嚇親. 我家姐都係破產人士, 事關佢搵到錢, 但亦係洗錢狂, 買到一屋都係野, 飲飲食食, 化粧置裝, 做老板o既佢都時不時同我度水, 一萬幾千咁. 您離婚或者係好, 但係離左婚o既您都要改下生活態度, 咁您的下一代至會有保障 d.

私人傳訊

tchu

子爵府

積分: 10881

環保接龍勳章

36^#

發表於 10-9-3 23:27 |只看該作者

I totally agree ah! Please be responsible to your childs and youself.

原帖由 ah-kam 於 10-9-3 10:33 發表
對唔住, 樓主, 看完你的故事, 我認為你&你老公都爭唔落

洗錢從冇節制, 仲要生仔, 買車, 一生人都未必儲到數十萬, 但你們就數十萬數十萬咁去借, 我一年都係用几萬咋!!!!!!!

1要離開這個男人, 不會做佢的人肉atm
2改 ...