吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 可以教我怎樣令老公愛自己?

夫婦情感今日: 6|主題: 42773

收藏本版

發帖

返回列表

跳至頁

查看: 17529 | 回覆: 151

可以教我怎樣令老公愛自己? [複製鏈接]

12 3 4 5...8

AAA-Mom

複式洋房

積分: 399

1^#

發表於 10-9-3 13:49 |只看該作者 |正序瀏覽 |打印

近來和老公的關係好差...我們結婚差不多10年, 2個小朋友....老公是一個好錫小朋友的爸爸...

老公的工作是要上大6, 通常2-3天/星期, 有時有些即日來回...如太夜要留宿就住老闆家. update下BK mama, 我之前寫過些故事, 大致上是如何不信任老公, 如何管他, check 他等....受了一些指導, 近末已改变了好多, 但反而好像他有点得寸進尺...

我盡量中肯公平地說...

我是改變了, 他工作時不打电話不發口信(從前很強勢的我, 电話口信不斷打), 他會自动到時到候打來, 也取消了电話追縱功能, 但有吋仍会偷看他手機, 他當然不知, 但什広也查不到啦, 關係好轉過, 好地地時他始終是較就我的, 所以錢仍由我管, 他户口永不多過1000元, 而他每次上大陸都只会帶幾百元, 因為除了買煙外, 他所有駛費都由公司付的. 但不知為何, 他每次上大6我還是不開心, 也不放心, 又擔心他去滚(但他強調冇$點滾?), 又怕他識到弟個女人, 所以軟硬兼施(但發覺温柔時比較易迫到佢)要他給我安全感, 而他有時, 尤其夜晚就会借老闆电話打比我, 等我知他真的和老闆一起..又或証明他真的在他家等....有時他都有點反抗咁做, 他說好冇面但為了令我安心都照做...但長遠他真的常去大6, 難道我除了咁才信他真的工作中嗎? 次次問老闆借电話都不是好辦法...但我不知怎樣才能有support我去信佢...我知好多人話:婚姻的基礎是信任, 但信任是憑空就有的嗎?我唔知点為之"信"....

有時在大6拿着电話冇セ嘢講的, 他又開始有点發脾氣, 說我打电話去不是想關心他, 只是想check佢...其實單憑电話可以check到セ吖, 我真係想知佢每分每秒做緊咩啫....

他又說我不體貼, 他在hk應酬時, 我常"吹"佢走得末? 有時去到半夜, 我又不肯睡先, 但每早我們要送小朋友上学, 試過大家只睡３小時就要起身, 他想睡多會, 叫我自己送, 但我会認為送小朋友是責任, 他不能因應酬夜返就不做, 我也和他一樣夜訓, 我夠要返工啦!但他就覺得我其實應該早D訓, 明知老公夜返, 弟朝自己夠精神可以讓他睡多會, 而非特登唔訓, 迫佢第朝几辛苦都要起身! 但不知我內心就真的不肯"體貼"佢, 覺得唔公平囉, 點解要我做咁多去就佢?

早几天兒子生日, 他一早開火, 因兒子好過份地不止一次虐待小猫, 我當然護兒心切, 始終他生日嘛, 但他更火, 說他教仔時我專登落佢面....但仔仔only 5, 他發癲咁發我脾氣, 嚇得子女上学都愁眉苦臉...我內心好痛好痛, 覺得他好過份, 什至我用當日的5年前是我為他生仔而要他就範對我好, 但他都不肯, 更說自己冇錯, 個仔做錯生日都要打, 因什広今日不教他將來害了他等...

跟著几天他都冇"多謝"我為他生仔...我覺得自己做女人好慘!跟着有晚他告訴我老闆叫他咋天上大6見客, 我又立即黑面炸形, 之後又嘈過, 他說他收入來源就是要見客做成生意, 冇客見=冇收入, 因他是0底薪, 而每月家庭開支好大, 所以他好大壓力....

然後我会嘈佢, 成日上大陸, 有2奶呀?咁冇セ親子時間la, 養狗呀?.....etc....
他又說: 你好清楚我收入是靠這樣, 難道日日在家, 你下個月冇$又煩過!

又說現在我常煩他, 令他不放去工作, 又說我成日情情愛愛, 我明他要求我放心他上大6工作, 但我也有要求, 想他關心我, 事事以我為先, 多陪子女....但他總說我令他好反感, 我開心否他冇感覺, 又話要提要迫佢關心我是好假他不想做些非出自真心的事...

我有点失控, 他越對我差我越不斷打电話他....

各位, 是否他巳不愛我了,為了自尊,好想分開...但我為了子女, 很難離開.... 有好多書教女人點討好老公...點解要女人"討好"男人...

0 0 0

私人傳訊

ning..

珍珠宮

積分: 34002

2018復活節勳章好媽媽勳章醒目開學勳章畀面勳章 BK Milk勳章親子王國15週年勳章

152^#

發表於 10-9-22 10:25 |只看該作者

樓主,我諗你性格應該控制慾好強, 唔係你唔信任你老公,只係佢要上大陸工作,令你覺得佢 not under control,而且是不在自己控制範圍內的地區,搞到成個人癲晒...

你不如將老公的生產力(收入) set低d,叫佢返來香港工作,之後就會無晒事!

你後半部的內容好嚇人,雖然你話講來嚇下佢去就範,假如....佢唔就範, 以你諗下就當真的思想,....

努力幫佢搵份(香港工)啦~

私人傳訊

hk430

男爵府

積分: 7289

151^#

發表於 10-9-22 05:01 |只看該作者

好想知有無人識佢老公呀?
我好想同佢講,快D離婚,
帶埋D 仔女有咁遠時走咁遠啦
呢個女人唔知幾時會因為佢"出面有女人"而斬死佢地成家

佢成日口口聲聲話愛D 仔女,
死都唔會唔理D仔女~
但我覺得佢對仔女好可憐,

佢地亞媽真係痴得好緊要!
又話想佢地係一個健康既家庭長大,
但不停咁去破壞頭家,仲要覺得自己好岩..

.
真係好恐怖! 我唔想遲D 見到佢地一家上A1呀

私人傳訊

loveannis

大宅

積分: 4168

150^#

發表於 10-9-22 02:27 |只看該作者

你話無證據佢包29/上床等等，
而你又改好左，
我唔明你果句‘甘而家个老婆都肯改, 又温柔左, 仲要求咁多做セ?’
佢仲要求你D乜野啊？唔系只有你要求佢比你隨時搵到人咩？

私人傳訊

leanna~

禁止訪問

積分: 32957

149^#

發表於 10-9-22 01:03 |只看該作者

提示: 作者被禁止或刪除內容自動屏蔽

私人傳訊

timing

男爵府

積分: 8459

148^#

發表於 10-9-21 18:43 |只看該作者

原帖由 qqsasa 於 10-9-4 01:21 發表
回應呢個TOPIC既會員都算厚道, 呢兩日睇到樓主寫既野, 佢唔會改到架喇, 我只係想講, 呢個女人真係好恐怖, 好似太皇太后, 佢老公就好似佢身邊既小桂子咁, 完全唔似男人!!!!!! 一個成年男人, 全副身家加埋都唔夠$1000 ...

私人傳訊

annie929

禁止訪問

積分: 4116

147^#

發表於 10-9-21 16:52 |只看該作者

提示: 作者被禁止或刪除內容自動屏蔽

私人傳訊

chuiiris

大宅

積分: 1507

146^#

發表於 10-9-21 15:02 |只看該作者

over, over, 青山你有個病人走左出來, 請你快些帶她返去,

死啦, 我都學緊日文, 你係邊區, 等我避開下.

好驚呀!

[ 本帖最後由 chuiiris 於 10-9-21 15:05 編輯 ]

私人傳訊

AAA-Mom

複式洋房

積分: 399

145^#

發表於 10-9-21 13:16 |只看該作者

多謝咁多位...我現在最大改变是, 我專心學日文, 老公上大陸吋自己睇日劇, 感覺自在了...不過, 講到信任2字, 還是不太明....始終我末親眼見過他去"玩"去"應酬"的樣子/情景, 因他說他工作應酬的都是45-60歲男人多, or 45+的太太不定....不過我諗暫時佢應該末有人approach佢掛....貿貿然我"估"(not信)佢都不會咁容易去和女人上床吧....所以問題只是几吋有一个"真實机会"去令他出軌吧了!到吋就算我改好了又如何...新的永遠是美好的...我成日諗, 如果揾c+跟佢, 可能有好恐佈的証據我見到...我又末能接受....所以現在選擇"逃避'好過.....而且他過往原來坐過几次監..男童院等, 雖然都是些打架之類...但我是生了大女才知他的過去...他咁多年都冇セ責任心, 同前妻又是...拋妻棄子...後期識到我就黏住不放, 反而我同佢个仔及ex 關係仲好, 都傾過計, 知道以前佢个人点, 点樣自私冇責任等....个吋都好震驚, 原來老公係咁...不過我憑住知道他本性不壞, 心地善良, 才願意用無限愛去給他安穩温暖的家扎根,讓他做回正常人, 近几年是变得正常了, 似个男人有責任了, 又努力揾$又多吋间陪子女, 所以好多人心中他是好老公好爸爸...但講真如我不是一直control佢, 佢边有今日! 所以我好不甘心...有吋都諗, 呢个男人有セ好, 也怕小朋友大个知道daddy以前咁....他唯一好, 是錫仔女, 顧家, 又聽我話, (我所講的都是啱架, 所以咁多年佢先会聽我講啫)不過而家唔知生活圈子不同了, 成日以為就發達, 開始變....呢3个月明明他自己有D古怪, 只是我末confirm 是什広..女人?還是エ作問題?....比我迅速發現就倒轉發我圍....好...我都知自己呢10年相處方式都有唔啱, 好好好, 我改, 我忍.....我而家都係為了仔女才力保呢頭家....如果我夠狠心...我真係会一走了之....

你地知嘛, 有吋嗌交佢話離婚吋, 我話對仔女點呀? 他說:我一樣会好愛錫佢地, 会辛苦D每朝接佢地上學...我不會变..我話, 你咁唔捨得不如我走...他就話不會自私咁要佢地冇媽媽等等...

哦..我突然叮一聲..離婚原來是他"離開", 咁就day day自由, 做セ又好,有冇女人都好, 從此自由哂, 不用向任何人交待, 而"養育"子女就交給我, 因他知道我一定好好培育他們成長, 哇! 即刻冇晒憂慮, 佢只需每月付$(都non guarantee), 久不久weekend帶去玩下就以為好盡責, 咁佢咪好着數? 怪不得男人都"响住"亦不怕離婚la...

所以, 我打算同佢講清楚, 究竟離婚的真正picture是怎樣先, 唔好以為咁輕易: 第一...不是你"離開", 而是我離開(等佢知什広是拍拍屁股行左去, 同埋睇住另一半可以唔要對仔女的感受傷害有多大). 第ニ..仔女跟你走, 因為你拋棄我, 我要療傷, 再講帶住仔女我好難再找男人, 但我会付一半養育費(他就知道一个人要凑2个小朋友有几咁難, 揾屋搬, 請エ人..睇功課学業..課外活動....仲要变單親的心理轉变呢....等你仲話上大6?). 第三, 過兩年我会接番个女, 一人養一个(他一定心痛兩姐弟感情咁好要分開成長)...拿拿拿, 離婚就係咁,唔好以為對小朋友冇傷害!!! 我就係要佢知道講就易..現實要佢孭起真是非一个人的能力做到的!我就唔信佢大責任感到願意承担!!!!從來只有"媽媽"才會咁偉大! 等佢自己衡量下, 明白下, 如果真係錫小朋友, 就明白呢个家点解要2夫妻一起撑! 明白下什広是犧牲小我, 完成大我! 小我是自己的感受, 大我是小朋友的幸福! 當然我不会真係咁做...我就是死都唔会放棄子女的mama! 只不過我咁講, 等佢知道"離婚"的後果和須負的責任...同埋等佢諗清楚一步天堂一步地獄...是否真的為了(如果有) 另一个"女人"要搞咁多事(他好怕煩)...如果不是為了女人, 甘而家个老婆都肯改, 又温柔左, 仲要求咁多做セ?倒不如大家好地地, 合力湊大對仔女重好啦! 你講到人生唯一啫好是桌球, 我都尤你去打, 遲D間屋起好仲話買張波枱在家...到時老婆温柔, 仔女聰明聽話, 生活舒適, 仲想点? 仲為セ離婚? 我就是要試驗佢...真係打死都唔信佢会咁偉大! 如果真係怕負責任而一走了之, 咁就為之'拋妻棄子', 甘我会警告佢, 以我的精神狀況, 可能会一屍三命喎, 又可能我自殺或痴左線呢...後果点知架, 係咪?

你地實話我, 咁咪要脅佢? 冇錯, 我就係要嚇佢, 做"陳健康"的後果....當然大家放心, 由一開始我已預咗佢一走了之我都会撑起个家, 可能佢都咁諗才咁輕易話離婚就離婚....反正如要發生結果一樣, 我都要嚇嚇佢, 比番D責任同後果佢自己去諗....

私人傳訊

Catvole

男爵府

積分: 7184

144^#

發表於 10-9-21 10:53 |只看該作者

回覆 137# AAA-Mom 的文章

Good Start and keep it up!!!!

Give yrself and hubby more time to adapt the change. Just take it easy and dun force (u know men hate pressure)

Get yrself be a lovely adorable lady and I believe yr relationship with hubby can be improved very soon.....

私人傳訊

sezsuet

伯爵府

積分: 18809

畀面勳章 BK Milk勳章

143^#

發表於 10-9-19 17:02 |只看該作者

你對你老公都無咗信任, 咁佢講乜都無用啦...

同埋你有啲任性同小朋友...

私人傳訊

loveannis

大宅

積分: 4168

142^#

發表於 10-9-19 02:29 |只看該作者

樓主話：

''老公咋晚回來, 睡前我成日覺得叫佢欖下錫下佢好唔自在咁...以前都唔係咁...之後突然扎醒不見了佢...原來去了樓下睇电視, 下去問佢, 佢話失眠睡不著, 胃有些不舒服, 叫我訓先一陣他會上來訓...我有些不願但都聽話....之後訓了feel到他上床了, 我半醒中"扭"佢攬住我訓吖...佢就好牽強咁攬咗20秒, 然後又背著我了...我哦哦話佢好"full衍", 佢又轉過來好大動作咁抱住, 仲加一句: 迫出來的你就覺得滿足了?

聽到後醒哂, 我好hurt...原來老公對自己已经甘差....我不斷問, 我做老婆冇見你几日嗲下你有セ錯? 是否你已不愛我?...而他則不斷說: 咪攬咗你囉, 我エ作壓力大失眠都唔得?自己蚊憎又唔得...反身訓又唔得....''

以上簡直同我老公一摸一樣，成日話累，對話過程都系咁，總之佢有佢訓，我有我訓，叫佢陪下都唔得既，攬完20秒就一系話唔就手一系話我壓住佢隻手，再唔系就轉身，完全都唔明白人地只系想有‘兩公婆既感覺’唉，我都好明白你感受。

私人傳訊

sze1977

別墅

積分: 754

畀面勳章

141^#

發表於 10-9-17 11:04 |只看該作者

我覺得你都係要去睇睇心理醫生, 因為我聽你咁覺你都真係有好大問題, 我真係怕你有日控制唔到的話, 會發生慘劇. 因為你可能有妄想症or抑鬱症.
我有幾樣野要忠告下你:
1. 你成日話唔想將來會變單親, 想小朋友開開心心咁成長, 但係你而家只係慢慢咁破壞你既家庭, 我相信你再係咁落去, 你會把你老公迫瘋.
2. 唔好再無中生有喇, 我係你都知道, 男人如果係要滾, 你點check 佢, 佢都有方法去滾, 有知唔知有句說話叫物極必反? 你成日將驚佢有女人既事掛係咀邊, 真係遲早原來無都變有.
3. 你老公唔係你隻狗, 唔係你叫佢行就行, 坐就坐, 佢都係一個人, 佢都要人關心, 你成日話你要佢好多關心, 但係點解你覺得佢又唔需要呢? 莫非佢唔係人? 做人公平d好.
4. 如果你咁唔放心佢上大陸, 咁不如你同佢調轉角色, 你搵份工要上大陸又可以搵多d錢既工, 而佢就係hk做份朝9晚6既工, 咁你咪唔使擔心佢上大陸滾囉.
5. 你唔好再將你幫佢生仔講到係好偉大, 同埋唔好將你仔女當成一個注碼, 唔好成日同你老公提住你幫佢生左仔女,你老公就要聽哂你話,係呢度有咁多人生仔, 但係我相信個個都係真心同個老公生,亦唔會覺得自己生左就要個老公當自己係神咁拜,
6. 我知道你有過唔愉快既經歷, 但係唔幸運既唔只你, 每個人都有唔同背景, 你唔可以將呢個作為你既藉口, 咁會對你老公好唔公平.
7. 講真你老公已經算係咁,你知唔知呀, 佢要用佢boss個電話打比你報到, 真係都幾無面架, 我頭先同我老公講你呢單case, 佢第一反應即刻話你再咁顛咁迫你老公既話, 就算你老公唔去滾, 都會迫到佢跳樓...
8. 你話過你睇菲律賓慘劇你都會將自己代入去, 攪到自己好唔開心, 但係如果你真係代左入去, 我相信你會更加珍惜眼前既一切...你成日擔心你老公去滾, 但係點解你唔會擔心你老公成日係大陸比人搶野? 有意外? 你真係擔心佢既外遇問題多過佢既安全問題?
9. 真心想提一提你, 幸福呢朵花已經係你手, 只係差在睇你點樣去營運同灌溉, 如果你不停去踩踏佢, 唔加水, 呢朵花終有一日會死. 但係你不停為呢朵花加水, 施肥, 呢朵花一定一定會開得好靚好靚.
希望你真心想通

私人傳訊

OneTwoThree

男爵府

積分: 5598

140^#

發表於 10-9-17 11:04 |只看該作者

原帖由 AAA-Mom 於 10-9-17 09:47 發表
多謝你關心啊....

近來我試著放鬆點, 最近一次老公上大陸, 咋天剛回來, 今次我表現得很好很"正常", 他這次上去我都冇成日打电話/sms佢,咁樣反而佢都如常一天sms / tel 我4、5次, 而每晚也会說5-10分鈡电話才睡.... ...

樓主,

你進步左好多呀, 繼續keep住啦, 唔好氣妥, 可能你老公見你反反覆覆, 所以先會咁反感, 另有本書想介紹給係看, 「會撒嬌的女人最好命」, 羅夫曼著, 是我的朋友借給我看的, 真是一本神奇的書, 可以教女人怎樣憑自己的口改變不良婚姻的命運, 我只看了五十幾頁就有''叮''一聲既感覺, 完完全全的反省自己以往的種種, 去書局搵吓有無啦, 好過你上嚟問一千次一萬次呀。

私人傳訊

Amytell

別墅

積分: 712

139^#

發表於 10-9-17 10:53 |只看該作者

推介書本:

與幸褔有約 - 美滿家庭7習慣

天下文化出版

不妨看看那7個習慣,可能有d厚及有些內容未必體會得到(文化關係),但整體所推崇的理念,就每個人都適用,不至對家庭/夫妻/子女,其實人與人之間的相處,處事生活態度也需要的.

如果已看過,再看看吧!直接用心明白固中理念.

請堅持凡事向正面想,時好時懷係冇效果的.

一杯清水(心靈),只要滴一丁點墨水(惡言),不論有心無意,已可令整杯水變濁,要變回清澈,就要用好多好多水才可稀釋......

好好控制自己的情緒:凡事不要過於敏感,過度管制,苛刻,眨抑,專橫或前後不一.

缺乏安全感,人變得小心眼,小心眼+凡事負面思想,人變得討厭嘮叨,有意無意常把小事化大/小題大作,時時刻刻都感到不滿,過份懷疑憂慮,變得家噪屋閉......咁樣嘅屋企....咁樣嘅伴侶....係人都唔想對啦!

安全感個人心態問題,也可說知足感問題.

好似快唔快樂咁,打個比例:

有人一家人齊齊整整,有屋住就感安全快樂.

仍有人很多人,有間屋只有2房無clubhouse,便整天埋怨居住理境不理想,如果可以住邊邊邊就好啦!.......返到屋企就諸多不滿,空間太少,無設施....

但其實這樣的當真的搬到3房有clubhouse,又會有另一種不滿...哎呀!無海照景,無套房,無工人房,無室內泳池.....可以不停再數的

即使別人怎說"其實現在真的不錯呢!",這些人的日子都只係只有埋怨,根本享受唔到當下已擁有的....其實則有很多人已感羨慕的了.

所以要調較的是自己心態,快不快樂,全是決定於自己的生活態度.

就算對方凡事做到自己要求所想,人始終都會得寸進尺貪心的,向上向更好向更完美.....直至不設實際地追求.....最終把自己趕入窮巷,無彎轉,跌入深淵,牛角尖裡生活,日日埋怨,忘記了自己其實已擁有了不少,只是自未懂感恩享受.

祝願你有清醒一天,惜緣惜褔.

如果真的得了抑鬱症,不要怕,尋求專業意見,為了自己/兒女/家庭,要好好尋求解決方法,把自己從怨婦般的生活跳出來啊!

私人傳訊

rainbowhere

大宅

積分: 1329

138^#

發表於 10-9-17 10:23 |只看該作者

原帖由 AAA-Mom 於 10-9-17 09:47 發表
仲加一句: 迫出來的你就覺得滿足了?

太多版, 唔想睇

"迫"字既寫法係 ~ 白走 ~ 明唔明?

亦不是叫妳忍, "忍"字既寫法係 ~ 心頭上一把刀.

what you need to do right now

chanGe --> chanCe

邊個幫到妳呢? 妳自己囉. 自己好好思考吧!

私人傳訊

AAA-Mom

複式洋房

積分: 399

137^#

發表於 10-9-17 09:47 |只看該作者

多謝你關心啊....

近來我試著放鬆點, 最近一次老公上大陸, 咋天剛回來, 今次我表現得很好很"正常", 他這次上去我都冇成日打电話/sms佢,咁樣反而佢都如常一天sms / tel 我4、5次, 而每晚也会說5-10分鈡电話才睡....他都說這樣好多了...不過仍然会話我2句成日話掛住佢...掛掛掛有セ好掛喎...而他今次上去帶了1000元上去, 係最初我知道吋忍不住問仲セ平吋只几百而今次晒1000呀...他有点睥氣說就是專登試我wor, 又話袋定D錢傍身有セ問題, 不如返來吋才睇佢用咗几多$才講la....咁我又衰咗la...唉, 我就係仲末去到咁"高班"羅, 成日抵唔住頸....而最終他只"暢"了100人仔坐大巴. 又入100八達通, 買煙及回家前買咗3條6合彩电腦票, 所以見佢銀包仲有700....不過我之前見佢上去前有成１00人仔, 回來冇咗...就唔知用咗去边啦....我都好衰咁諗過, 会否去邪骨呢....(我知實又比d mama 教訓 ga la...sorry呀, 我係咁意諗咗一陣渣...比之前進步緊la...)覺得自己改变了但老公好似冇セ特別咁...有点sad...唯有上來希望各位旁觀者keep住"指導"我吧....

老公咋晚回來, 睡前我成日覺得叫佢欖下錫下佢好唔自在咁...以前都唔係咁...之後突然扎醒不見了佢...原來去了樓下睇电視, 下去問佢, 佢話失眠睡不著, 胃有些不舒服, 叫我訓先一陣他會上來訓...我有些不願但都聽話....之後訓了feel到他上床了, 我半醒中"扭"佢攬住我訓吖...佢就好牽強咁攬咗20秒, 然後又背著我了...我哦哦話佢好"full衍", 佢又轉過來好大動作咁抱住, 仲加一句: 迫出來的你就覺得滿足了?

聽到後醒哂, 我好hurt...原來老公對自己已经甘差....我不斷問, 我做老婆冇見你几日嗲下你有セ錯? 是否你已不愛我?...而他則不斷說: 咪攬咗你囉, 我エ作壓力大失眠都唔得?自己蚊憎又唔得...反身訓又唔得....

但我覺得佢太跨張...我只係嗲下佢吧...如果我是男人, 個老婆咁少的要求, 為何要固執不做好D, 為何我要學tum佢, 但佢又不会掉番轉? 1人行1步...所以我在哭...因為感到自己老公好似不愛自己了....