夫婦情感 今日: 0 | 主題: 42733

積分: 21

1^#

發表於 10-9-22 09:52 |只看該作者 |正序瀏覽 |打印

生左個幾月, 有一日發現老公叫雞.....
問佢, 佢話其實我陀住BB既時候開始既, 都有2-3個月間. 而家我先知, 係我生左之後, 湊仔湊到好攰既時候, 佢話要見客, 點知區然去左叫雞....
我好嬲好嬲, 佢話佢知錯, 以為都唔會. 但而家佢連返工我都提心吊膽, 唔知佢幾時又去叫雞...唉....
好唔開心, 好唔開心. 好難接受老公對自己不忠. 離婚又好似太嚴重, 而且BB剛出世, 佢又話會改. 繼續一齊我又對佢無晒信心, 覺得佢講咩都係大話.....
一段婚姻, 無左信任, 以後點行.....

有時諗返, 真係好HURT, 佢以前成日話放左工好攰, 可以一個月至兩個月先行埋一次, 佢情願比錢都唔掂我....自問有BB前身材都OK, 而家生左, 身型走晒樣, 佢仲會唔會更加出去滾呢? 佢話佢好愛我...咁又做D咁既野黎HURT我??做個陣唔見佢諗下我既感受? 唔諗下個D女人可能會有病, 有機會傳染我既咩?

我好想原諒佢, 但又好嬲佢...好想同佢好返, 又好唔想見到佢...而家好矛盾呀.....

0 0 0

私人傳訊

積分: 21

38^#

發表於 10-9-29 09:30 |只看該作者

好之前都好似2地咁諗, 無可能接受到, 睇到有D人既老公只係不忠一次, 就覺得唔得, 無理由繼續; 不忠係一次都唔得, 更唔可以為左個細路而夾硬一齊....

當呢件事發生係我身上, 我竟然選擇原諒, 係我自己都估唔到(我個人都幾剛烈, 1就1, 2就2)...我開始明白同佢一齊唔係為左個bb, 亦唔係為左頭家, 原來純粹既愛可以係咩都唔理, 如果佢唔會再犯, 我真係可以原諒.

私人傳訊

8938

男爵府

積分: 7617

37^#

發表於 10-9-28 19:36 |只看該作者

我現在都有bb...因為胎盤低不能行埋...但如果c6因為呢個原因去滾...我真的不能接受...我有bb都係因為大家,辛苦都唔緊要...但我就不能接受男人需要呢個原因...人不同狗...人應有佢既控制能力...唔好講有無bb呢個問題...就算去滾都係唔得...一次不忠百次不用...我好深信這個道理...

私人傳訊

eelenomis

男爵府

積分: 6783

36^#

發表於 10-9-28 17:48 |只看該作者

其實唔單只有bb時要擔心,有d為事業而拚搏,為家庭同孩子日夜操勞既,都一樣要留心呀!!!! 唔好到頭黎冇左個家~
女人睇住頭家都辛苦,又要返工,依家仲要睇實個老公....唉.......

私人傳訊

joeylin1017

大宅

積分: 1547

醒目開學勳章

35^#

發表於 10-9-24 22:30 |只看該作者

老實說,我覺得是你們溝通不夠,

我覺得全為愛在前一頁的post說得很好
1) 男人及女人各自在婚姻當中都有自己的需要，希望能從配偶那處獲得這些需要的滿足；一旦這些需要不獲滿足，婚姻就有可能出現危機，而不獲滿足的一方會以不同的方式去表達不滿，亦會用不同的方式企圖去獲得滿足。根據婚姻專家的一些統計，in general，男人的其中一項他們很重視的需要就是性滿足 sexual fulfillment。先請不要覺得很dirty，或者太用道德清高的眼光去看這回事，我們要尊重男人的確 in general 都較重視和需要這方面，就好像女人較需要關愛 affection 一樣，兩者並沒高低之分，同樣皆是一種情感需要 emotional needs，同樣皆須獲得同等的尊重。由於人類有著這個 sexual fulfillment 的需要，所以有 "性生活是美滿婚姻的很重要的一部分" 的說法，這是的而且確很真實的。

如果你們是溝通得夠..怎會連老公是性慾強的人也不知道呢? 可能他在你面前是另一個人,如果是這樣的話,那可以說的是一係他怕了你, 二也是怕,是怕你怎樣看他,你不能給你安全感,可是10個月的時間可算真的長喔,不過怎樣說他也是錯,
我覺得就算佢影幾多張相比你睇佢係做緊野都冇用
亦都無為再去諗佢d野
不停咁去諗
只會不停咁回憶返唔開心既事,
老套d , 擲銀仔決定
係好兒嬉,但係最少可以比個天話事

我睇完真係覺得好難過,sis加油!

私人傳訊

ken9989

禁止發言

積分: 169

34^#

發表於 10-9-24 21:58 |只看該作者

提示: 作者被禁止或刪除內容自動屏蔽

私人傳訊

worthy

珍珠宮

積分: 43482

33^#

發表於 10-9-24 17:30 |只看該作者

原帖由 iamkk 於 10-9-22 09:52 發表
生左個幾月, 有一日發現老公叫雞.....
問佢, 佢話其實我陀住BB既時候開始既, 都有2-3個月間. 而家我先知, 係我生左之後, 湊仔湊到好攰既時候, 佢話要見客, 點知區然去左叫雞....
我好嬲好嬲, 佢話佢知錯, 以為都唔會 ...

吓? 老婆大肚唔係滾嘅籍口喎. 天下間女人多數都會大肚生仔架啦, 點解其他男人忍到佢忍唔到呀?! 不可原諒.:;pppp:

私人傳訊

積分: 21

32^#

發表於 10-9-24 17:05 |只看該作者

全為愛:

多謝你既方法, 或者我可以試下...
其實之前, 我一諗既畫面, 我個心就好似比火燒咁, 一同老公嘈, 我又會諗起個畫面, 我直頭難頂到要按住個頭fing, 想fing走佢地....

至於諗老公既好野....我都有, 不過一諗起佢以前既好就覺得婉惜, 以前既野永遠都會返黎, o個個對我從一而終既男人, 永遠咁走左kala, 取而代之既係一個呃過我, 同第2個女人(唔只一個la)肉帛相見既男人, 好無矣, 我又依然愛佢....

2個人相愛係一件好甜蜜好幸福既事, 如果中間多左一個半個(就算只係路過), 呢段感情就永遠都痛苦. 或者男人覺得過左去la, 無野kala, 但以女人承受住既, 係以後人生一世既痛, 同對之前一直對自己好好o個個男人一世既掛念....

老公成日話當年既佢會返黎, 佢會變返以前咁對我好....其實, 我已經無咩祈望, 只求佢唔好再有第2個女人, 佢對我點, 我都唔敢點望la.

私人傳訊

JoeyJoey

子爵府

積分: 12982

31^#

發表於 10-9-24 17:00 |只看該作者

所謂"一次不忠,就百次不容"相信妳e條刺,好難先可以攞番出黎....

私人傳訊

積分: 57875

30^#

發表於 10-9-24 16:33 |只看該作者

原帖由 iamkk 於 10-9-24 13:50 發表
... 有時佢去滾既畫面又會彈出黎,令我好嬲同覺得佢根本唔信得過...

iamkk：

要療癒這麽一個大的創傷，是需要很多時間的；要重建對c6的信任，是需要看他長期的表現。

有很多方法可以幫助你去釋懷的，這裏我提供幾個給你参考：
1) 那個畫面其實不是真實的，是你想像出來的，事情已過去了，它該只停留在歴史裏，可是你卻把它帶到當下這一刻來擾亂你自己。所以，當那畫面再浮現時，你就試著對它說："我知道你只是我的一個想像，並不是當下發生的事實，此刻已沒有這件事發生，不好的已過去了，你不屬於此刻的，也不屬於將來的，你回到過去吧，你消失吧！"
2) 閱讀其他女人是如何走過這段黑暗日子的故事 (internet有很多呀)，令你不至感到孤單，也可参考她們的方法
3) 常懷感恩，每天試著數一下你c6好的一面，每天試著讚美一件你c6做得好的事或你要感謝他的事 (但你仍可以嬲他做錯的事呀，直至你覺得不再嬲 or 不值得嬲)

加油呀！

私人傳訊

積分: 21

29^#

發表於 10-9-24 16:29 |只看該作者

不過事情發生左, 真係好傷心, 我成日都諗, 有咩方法可以無左個日既記憶呢? 睇MIB吒套戲,佢地有枝棒可以較時間日子, 可以忘記指定時間既野....
我老公知我咁傷心, 佢都覺得自己好錯(當然佢自己係咁講LA).
如果時間可以倒流, 去返佢滾之前就好LA. 我諗過: 如果無BB佢唔會去滾同而家有BB但佢去過滾, 比我揀, 我諗我情原一世都無BB......

而家有D成日好想要BB又未有既朋友同我講起佢地真係好想要BB, 我好有衝動想同佢地講我地發生左咩事(我當然唔講LA, 我又唔係同老公離婚, 男人又要面子...)....因為個時我地都係好想有BB KA....估唔到會發生D咁既事...

私人傳訊

積分: 57875

28^#

發表於 10-9-24 15:38 |只看該作者

原帖由 iamkk 於 10-9-24 13:50 發表
... 我唔認為男人有需要/得唔到滿足, 有壓力, 男人本性或者其他其他理由佢地就可以對老婆不忠; 不忠就係不忠, 無野可以做籍口, 就算個老婆唔肯做, 婚姻都係不能存在不忠. 但我承認自己都有做得唔夠既時候, 可能係大女人, 可能係唔夠溫柔(當然呢D都唔可以成為佢去滾既籍口)...

iamkk：

Very good！你清楚不忠是沒有藉口可言的，這個你可以很firm的向c6表明立場；此外，你亦看到自己做得不夠的地方，這一點很重要，這有助你去原諒對方及重建婚姻。

另外，我想在這裏釐清一個concept：男人有需要/得唔到滿足、有壓力、男人本性、老婆做得唔夠、唔肯做、大女人、唔夠溫柔 ... etc 等等的理由，都只是不忠的contributing factors，並不等同不忠的藉口，亦不表示可以因此而不忠。

私人傳訊

miemiemie

公爵府

積分: 29149

27^#

發表於 10-9-24 14:15 |只看該作者

但D男人真係太自私,
陀BB生BB好易咩!!!
咁都唔體諒下老婆。

私人傳訊

積分: 21

26^#

發表於 10-9-24 13:50 |只看該作者

事情發生後, 一直都覺得自己好似走左入一個別人既故事入面, 一D無可能發生既事無聽無色咁就發生左, 但帶黎既震撼同傷害好大. 我以後自己會選擇離開呢個人, 我以後我唔會為左個仔而同一個對自己不忠既人繼續, 原來我都係幾唔了解自己...又或者我低估左自己對佢既愛....
事實係, 我選擇原諒(雖然未做到, 雖然唔甘心, 雖然心裡面有千萬個唔原意), 當然佢亦有作出承諾(雖然我既信心仍未建立返).. 或許, 呢個係一個機會.

我唔認為男人有需要/得唔到滿足, 有壓力, 男人本性或者其他其他理由佢地就可以對老婆不忠; 不忠就係不忠, 無野可以做籍口, 就算個老婆唔肯做, 婚姻都係不能存在不忠. 但我承認自己都有做得唔夠既時候, 可能係大女人, 可能係唔夠溫柔(當然呢D都唔可以成為佢去滾既籍口).

到左而家, 對於佢既承諾, 我只可以選擇相信, 唔係呢條路真係行唔到落去....但有時佢去滾既畫面又會彈出黎,令我好嬲同覺得佢根本唔信得過...
今日我同我老公講, 如果有一日, 佢'唔小心'鐘意左第2個女人, 唔該佢話我知, 成日估估下, 又無信心既日子真係好辛苦, 好疲累....當然佢話一定唔會有咁既事發生LA....

睇到呢到有D老公有左第2個女人, 真係睇到喊, 好登D太太傷心, 女人鐘意一個人就會一心一意, 全心全意, 點解D男人要咁樣做呢? 當初大家一齊唔係就係因為愛對方先結婚咩? 點解男人之後又會愛上第2個? 同臺2個一齊既時候, 有無諗過老婆係屋企喊既樣, 心既痛?

私人傳訊

積分: 57875

25^#

發表於 10-9-24 13:19 |只看該作者

原帖由 iamkk 於 10-9-24 09:34 發表
...我望住佢, 個心就會諗, 呢個究竟係咪以前對我好好O個個男人黎KA? 究竟我係識佢定係唔識佢? 以前既佢會返黎嗎?...

iamkk：

根據一些婚姻專家的見解，每個男人的骨子裏也有不忠的傾向 (sorry，男士們不喜勿插)，只是看 "天時地利人和" 是否配合到 (e.g.為了兩餐忙到身心疲乏的人、外型條件不夠好的、對方無意思的 ... etc 也就搞不成不忠了)，當然還要看這個人最後的控制力，而且也有程度之分 (e.g.思想型出軌、行動型出軌、one night stand、婚外情、婚外性)。有時那些未出軌的，有可能只是時機及對像未配合到而已，有些人一生也踫不上這些時機和對像，所以也就一直是好好先生了。不過，我仍是相信這世上有定力足夠、拒絕出軌的男人的，只是似乎已經很少數了。但不要忘記男人去滾在古代社會已有記載(那些青樓妓女呢)，亦不要忘記以前是三妻四妾的呀，婚外情也是一夫一妻制之下的產物呢！

所以，你c6有可能一直也沒變(sorry，我這樣說很殘酷呀)，只是情況及環境改變了而剛巧製造了這個機會，又或者是我上面提到的可能是性需要一直未獲滿足至爆煲了把他的最後防線也攻破了。因此，倒不如不去期望那個骨子裏的他有任何改變，而是去做功夫去制止那個骨子裏的他有機可乘，去預防他再犯。

姊妹們，現今社會男人出軌偷食不忠的情況已像流行性感冒般嚴重和普遍 (他們當然是不對啦，但事實確是已很普遍了)，大家做足預防措施及調整自己的心理吧！不幸遇上了，也不要太驚訝及悲傷，上來BK吧，這裏有很多mami會支持你及安慰你，陪你走過這人生的傷痛。

私人傳訊

積分: 57875

24^#

發表於 10-9-24 11:51 |只看該作者

原帖由 iamkk 於 10-9-24 09:34 發表
其實我都明白, 男人有自己既需要, 但點解永遠都只係要女人去諒解佢地, 去原諒佢地?
事發後, 我問佢:如果有一日比佢發現我去叫鴨，咁佢會點做？佢當然接受唔到, 咁點解女人做錯事就接受唔到, 男人做錯事女人就要原諒, 要 ...

iamkk：

你現在內心充滿悲傷和憤怒，如果要你諒解和原諒犯錯的一方，你會感到不公平、不甘心，所以，我認為如果你現在不想原諒或未ready原諒，甚至根本不打算原諒，你完全有自主權不去作出妥協或容忍的。記著：你永遠有選擇權的，也沒有人能夠強迫你的。

希望你在平靜過後，再回看你上述自己寫的，細想一下你是否也有做錯事而c6是從來沒有去接受你、諒解你和原諒你的情況 (我是指已經發生了的而不是假設如果發生了你c6會怎樣的，因為未發生的，有誰敢肯定自已到時的真正反應)。如果你c6真的是個只能自己犯錯卻不容許女人犯錯的人，那麽，我會認為這個婚姻關係已失衡，要處理的問題又多一項了。

iamkk，人都會犯錯，c6犯了不忠，我們也犯了其他錯 (可能是說謊、不孝、貪心、講是非、忽略了別人的感受和需要......etc)，誰能決定那宗錯誤嚴重些、那宗錯誤輕微些呢？誰有本事敢去定準則呢？既然我們都沒有本事去審判，既然我們都犯過錯，那為什麽不能去原諒別人呢？

Anyway，以上只是我個人見解。記著，你可以選擇不原諒不諒解，你可以因為不滿永遠要女人去諒解男人的錯及認為男人永遠都不會接受女人的錯，而選擇你認為令你感到舒服的方式去面對和處理今次的事件，但請容許我提醒你，永遠記著：無論你選擇怎樣，大前提都一定是要令自己感到較開心舒服、以及必定要是認為 "這個選擇是最好的或較好的" 呀、還有就是要連帶接受那個選擇的附帶品及因而產生的情況，不要怨不要後悔，勇敢及安然地走下去。否則，就是辛苦了自己、令自己陷入困局中、久久不能快樂，那就無謂了。

希望經過一段時間的平復和思考，你能選擇到你認為對自己最好的呀！祝福你！

私人傳訊