吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› (朋友的煩惱) 曾經都是對方的第三者, 十多年後的今日... ...

夫婦情感今日: 4|主題: 42762

收藏本版

發帖

返回列表

跳至頁

查看: 4389 | 回覆: 26

(朋友的煩惱) 曾經都是對方的第三者, 十多年後的今日..... [複製鏈接]

wife

子爵府

積分: 14859

1^#

發表於 10-9-24 01:35 |只看該作者 |正序瀏覽 |打印

(呢對男女我都識)事情發生二十年前, 當時佢哋大家都未婚, 但雙方都有一個同居男/女朋友, 地下情發展咗4年, 之後因男方女朋友同個女仔(我朋友)講咗D嘢, 個女仔信以為真, 所以就無聲無色咁離開咗個男人, 大家一直都無聯絡...!
直到上年八月, 個女人終於第一次喺街撞見個男人, 個男人同佢打招呼, 大家問候吓對方, 之後個男人同個女人講, 我太太上年過咗身, 個女人都來不及比反應, 個男人已經攬住佢喊....仲話最愛係佢, 搵咗佢好耐..!
其實, 男女方都已經係單身, 不過女方剛剛離婚, 仲有一個三歲嘅囡; 其實佢仲好愛呢個男人, 不過佢有幾個問題諗吾通; 1. 個男人死咗老婆未夠兩年, 點解咁快可以同另一個人一齊. 2. 個男人十幾年後到底變成咩人呢? 3. 個男人會吾會可以同個囡相處到呢? 4. D人點睇佢, 因為人哋死老婆, 咁快就同個男人一齊...!
其實我諗佢仲有好多問題, 不過無講比我知, 請問各位, 你哋可吾可以比D意見佢...!

0 0 0

私人傳訊

asyura

複式洋房

積分: 455

27^#

發表於 10-9-28 15:11 |只看該作者

所謂"最愛"其實都只係一種感覺
好似樓上網友講, 做住朋友先啦, 你朋友諗得太多太遠了
畢竟十幾年冇見, 雙方既思想都變左唔少啦
個男人只係"最愛"當日既佢而已, 唔代表今天既佢
你朋友亦都可能只係忘記唔到當日既男人, 而唔係今日既佢
淨係睇你朋友面對當日四角關係同今日局面既處理手法, 就知你朋友變左啦
你朋友亦都唔可以再任性, 畢竟已經有女兒, 凡事要以女兒為依歸

同埋我都好懷疑當日佢地既最愛係有幾? 有幾咁深? 又有幾了解?
男既最愛女方, 但都仲係同自己女朋友結婚
女既最愛男方, 但就可以問都唔問只信晒其他人講既野就消失

所以繼續做朋友, 繼續加深了解, 順其自然啦, 係你既始終係你既 (雖然我對第三者/ 對伴侶不忠既人真係冇乜好感)

私人傳訊

wife

子爵府

積分: 14859

26^#

發表於 10-9-28 14:03 |只看該作者

原帖由 eelenomis 於 28-9-2010 11:43 發表
算吧啦樓主,冇謂理呢d人,總會有呢d人存在~

TKS !

我係奇怪啫....! 跟本都無必要咁講...!

私人傳訊

eelenomis

男爵府

積分: 6783

25^#

發表於 10-9-28 11:43 |只看該作者

算吧啦樓主,冇謂理呢d人,總會有呢d人存在~

原帖由 wife 於 10-9-27 18:17 發表

請睇清楚先回應, 吾係我....係我個朋友! 另外, 你講"遊艇女"呢幾個字都幾有問題......!
PS: 其實你初到BK, 點解講嘢咁有攻擊性...????

私人傳訊

wife

子爵府

積分: 14859

24^#

發表於 10-9-27 18:17 |只看該作者

原帖由 zuluzulu4 於 27-9-2010 15:25 發表
樓主, 人哋死老婆無耐, 想搵個快可以開始, 唔駛估唔駛浪費時間既'你'頂住悶和孤獨, 日記既野--甘都信??? 幾時寫都得, 無理由甘多年他死鬼老婆都唔知! 直覺博唔過, 未計你有個遊艇女, 問題複雜好多好多! 初則咪都 ...

請睇清楚先回應, 吾係我....係我個朋友! 另外, 你講"遊艇女"呢幾個字都幾有問題......!
PS: 其實你初到BK, 點解講嘢咁有攻擊性...????

私人傳訊

eelenomis

男爵府

積分: 6783

23^#

發表於 10-9-27 17:51 |只看該作者

得唔到既一定係最愛啦!!! 唔好傻~
得到既到頭來一係結婚一係分手,係咪?
睇定d好~

原帖由 wife 於 10-9-25 14:29 發表

其實我朋友一離開呢個男人之後, 佢好快就同自己男朋友分手, 因為佢話最愛果個都無咗, 吾係咁愛呢個都吾想要, 之後就去咗加拿大, 斷斷續續都有一兩年失蹤咗, 其實佢果陣都係二十四五歲, 佢話自己太幼稚....想一走了 ...

私人傳訊

zuluzulu4

民房

積分: 1

22^#

發表於 10-9-27 15:25 |只看該作者

樓主, 人哋死老婆無耐, 想搵個快可以開始, 唔駛估唔駛浪費時間既'你'頂住悶和孤獨, 日記既野--甘都信??? 幾時寫都得, 無理由甘多年他死鬼老婆都唔知! 直覺博唔過, 未計你有個遊艇女, 問題複雜好多好多! 初則咪都願意承受, 他又未有個小朋友, d煩野都未試過, 點都唔及親生父母, 除非你自己單身要縱落去. 留作記憶算吧了!

私人傳訊

ah-kam

複式洋房

積分: 324

21^#

發表於 10-9-25 15:41 |只看該作者

呢d就是緣份, 遇得返就做朋友, 用個平常心相處下, 等個天安排, 樓主朋友不要先入為主, 作太多期望, 當年林憶蓮&陳輝雄都是十多年後再戀愛, 但最後都唔work, 世上不是太多人有2nd chance, 順其自然, 看下你們的做化

私人傳訊

wife

子爵府

積分: 14859

20^#

發表於 10-9-25 14:29 |只看該作者

原帖由 eelenomis 於 25-9-2010 12:58 發表
同個男人對証一下當年佢女朋友講既野~
慢慢睇清楚一下呢個人依家變成點囉~
btw,樓主, 你朋友改左電話咩? 點解個男的搵佢唔到?

其實我朋友一離開呢個男人之後, 佢好快就同自己男朋友分手, 因為佢話最愛果個都無咗, 吾係咁愛呢個都吾想要, 之後就去咗加拿大, 斷斷續續都有一兩年失蹤咗, 其實佢果陣都係二十四五歲, 佢話自己太幼稚....想一走了之解決, 所以真係無人搵到佢...!
其實我個朋友對於當年嘅事..佢咁講: "個女人都去咗, 就算大話又好, 咩都好, 都吾會諗, 只可以當係..有緣無份", 不過我覺得佢係睇完個男人D日記之後先開始對佢有返感覺, 我都叫佢拍吓拖先, 吾洗咁急要認定佢, 始終相隔十幾年, 可能佢已經吾係當年咁, 不過佢好似好怕比人知佢同返呢個男人一齊....但又話感覺依然最愛係佢, 以前要放喺心入面, 而家其實可以追返以前應有開心嘅日子喎....!!! 難明!

私人傳訊

eelenomis

男爵府

積分: 6783

19^#

發表於 10-9-25 12:58 |只看該作者

同個男人對証一下當年佢女朋友講既野~
慢慢睇清楚一下呢個人依家變成點囉~
btw,樓主, 你朋友改左電話咩? 點解個男的搵佢唔到?

私人傳訊

ChammyMAMA

瑪瑙宮

積分: 145072

好媽媽勳章醒目開學勳章畀面勳章

18^#

發表於 10-9-25 10:42 |只看該作者

做番朋友,等大家深入了解咗先,同埋女方有個小朋友,都要顧及小朋友感受架,又要睇埋男方接唔接受到個小朋友呢!!

緣是天意，份是人為，有緣相遇者，珍惜緣份的來臨

私人傳訊

janeleung

公爵府

積分: 27683

17^#

發表於 10-9-25 10:20 |只看該作者

覺得你個fd好攪笑, 20年前大家關係咁亂倫反而可以接受, 而家單身仲咁多顧忌, 諗咁多做咩呢不如順其自然發展la

原帖由 wife 於 10-9-24 01:35 發表
(呢對男女我都識)事情發生二十年前, 當時佢哋大家都未婚, 但雙方都有一個同居男/女朋友, 地下情發展咗4年, 之後因男方女朋友同個女仔(我朋友)講咗D嘢, 個女仔信以為真, 所以就無聲無色咁離開咗個男人, 大家一直都無 ...

私人傳訊

Nancy20090615

瑪瑙宮

積分: 137145

16^#

發表於 10-9-25 02:40 |只看該作者

如果比我就 1/2 - 1 年都ok, 別人說甚麼太早, 係諸事怪, 難道任何人可以追求自己的幸福, 這個女人/男人就唔可以嗎? 人是要有 '盆' 的動物, 人生苦短, 如果真係有果種 FEEL, 就可以考慮一齊. 咁梗係要再睇清楚呢個人, 畢竟分開了咁耐, 佢又曾接納第 3 者, SEEMS 都唔專一喎. 而家o既佢係點係未知之數, 了解下先, 或者遲 d 再有一個更適合人選呢, 何必咁快又走進墳墓. 同埋佢對個小朋友好唔好好重要.