自由講場

收藏本版
發帖
返回列表
跳至頁

首頁
12

尾頁
   0
yan511229


子爵府

積分: 13195

畀面勳章


1#
發表於 10-9-24 18:54 |只看該作者
本人於9月20天澤商場之實惠分店訂了一個五層mdf面板膠櫃(即係有層仿木面果隻),到今天9月24日到門市取貨,當時想檢查有否損壞,但店員說"拆了包裝包唔返",我在看表面似乎沒問題加上真係好驚包唔返,因為仲要湊女放學,之後有個男店員幫我手綁好在行李車上就取回家;回家後拆開頂面的紙皮包裝及膠索帶後發現膠板面多處爆裂,頂部柱位更爆到不能砌入板面之內,細看之下發現膠櫃筒有一格側面更是裂開,本人致電天澤分店店員說什麼"陳列品冇得換",但本人買的不是陳列品!單上也有列明的,究竟是否錯俾陳列品?我一再追問,他們只係好晦氣比了CS的電話號碼我更說"你打去自己搞掂,我地都幫你唔到!"打去CS打左15MINS先有人聽,店員及CS堅持我要取回該爛貨到門市親自更換,但索帶拆了,板面與膠櫃爛得根本不能砌在一起,我又怎麼能原個取回店換呢?個櫃高109CM,頭先湊埋阿女包裝完整時我先可乘的士回來,但現在拆了膠索帶個膠櫃如散件一樣!試問我怎能將它原整拿回去換?簡直為難我!天澤店的店員態度惡劣,未搞清楚就先說一句"陳列品冇得換"如果如他們所說我買的是陳列品我一定會到銷委會投訴,我以一個新貨價錢買一個陳列品??mouth:mouth:" /> 咁做等同欺騙顧客!如果只係表面爛及花我也可以接受,但現在是根本用不了,我只是要求上門替我換新貨而已,不算為難丫?但店員的貨物出門恕不退換態度令我對實惠極度失望囉!而家對住個爛櫃都唔知點算...我問CS可唔可以分2日拎返個櫃佢地都話唔得呀大佬...散晒成109CM高60CM闊點拎呀!真係好嬲呀

[ 本帖最後由 yan511229 於 10-9-30 02:05 編輯 ]
私人傳訊

yoma1975


珍珠宮

積分: 30287

開心吸收勳章 認識瑞士牛牛第一回 畀面勳章 2011至尊種植勳章 環保接龍勳章


39#
發表於 10-9-30 02:25 |只看該作者
間嘢真敎笑.

希望件事真係完.唔係真比X
私人傳訊

yan511229


子爵府

積分: 13195

畀面勳章


38#
發表於 10-9-30 02:01 |只看該作者
星期日實惠打黎話星期一12點-3點來送返個新櫃比我,咁我問3點前一定到嗎?我4點有野要做,佢話西貢黎,早極都應該到都要12點,咁我話ok啦,佢地肯來已經好開心都廢事要求咁多了
到晏d又有個話實惠的女仔打黎問:星期一送返個櫃黎有冇問題?
我話:你有同事打左黎了,我話了冇問題,不過唔好遲過3點呢!
到星期一早上9點多又再有女仔打黎話:小姐我地實惠架!明天(星期二)早上送返個櫃比你有冇問題?對一對地址先...
我即刻叫停佢:小姐你地唔係玩野丫嘛?你地之前已經2個同事打過黎話今日會送來,我仲叫佢唔好晏過3點你地仲話西貢黎......你而家話改聽日?我專登係度等你地黎架!你估我日日唔使做可以隨時係度等你地架?
果個小姐:但張單係話明天wo
我: (學之前有個媽咪咁話發癲大叫)你話咩話??聽日?我理得你張單點寫,你地的確係打過黎2次約我今日,你今日唔黎我就去告你地賣陳列品呃我!
果個小姐:你等等...你等等
果個小姐:可能搞錯左,今日送返比你
我:記得準時呀
佢粒聲唔出收左線
到3點3見佢地仲未黎,我又真係要整野出門口,就諗住跟返來電打去,長響冇人接,到打到等4次左右好明顯聽到接電話之後cut我線我火滾到丫 冇計,心諗等到3:30我就一定走,3:27電話響問有冇人而家送來...
3:45來到我就要求佢唔好走,企定定等我拆開睇晒先,一拆個面板又係2條裂痕,同我之前果個一樣,同一位置tim,我就再睇其他位有冇爛,見佢櫃筒冇爛d柱身冇爛就算...廢事再同呢間野掙持啦,咁煩!個運輸就叫我簽返張單
我問佢:係咪幫我收返走?
佢:張單只係送冇話收wo!
我:幫幫手啦,唔通要我拎返落去門市?你睇下爛成咁我點拎?
運輸個人一望就話:係wo爛成咁...(佢一手掂個板面想拎起,成個板甩左落黎同個櫃完全分開)
我:咁即係點?
佢: (show單比我睇)張單真係冇寫收走(我驗貨期間佢電話響左2次比人催佢走)小姐推一推出去好易ja
我:咁我自己掉啦,我都趕時間走...
佢就拎埋架板車走左...
咁去完做野返來我就拆件一D一D咁拎左去垃圾房,諗住件事告一段落啦!
點知今日29號星期三佢地又有人打黎:我地實惠架,明天送返個櫃比你有冇問題?
我:又送?唔使喇...多謝晒先
佢:即係點?唔使?
我:你地星期一送左黎啦
佢:係?!我睇睇先......係搞錯左,係收返個櫃先o岩
我:收?收咩呀?掉左喇!柱又爛個板面成個甩,d櫃筒唔開唔知原來3個裂架!你地個運輸都知架,果日講明佢唔收我掉架!
佢:下..你掉左?公司話要收返架!
我:我唔知你地想點囉!我唔得閒應酬你(之後收佢線)
之後隔左一個鐘佢地公司又打黎:我地係實惠總部果邊,想問返今日收返個櫃有冇問題?
我:梗係有問題啦!我點嘔返個櫃比你呀?我掉左喇!
佢:點解會掉左?公司係話要收返
我:你地個櫃我初時返來見表面傷痕拆開面上紙皮同膠袋影左相比你地之後冇郁過,到果日運輸來一郁成個板面甩出黎,你地又唔幫我收走,又話咩張單冇寫,如果留件野係度揼到我小朋友咁點?你知唔知個板幾重?起碼有8,9磅架!個櫃成百幾CM高架!睇清先知原來3格櫃筒都爛,上面4條柱都爆晒隨時"林"架,比著你丫人地運輸都話唔收你仲會唔會留件垃圾係屋企先,事隔兩日先打黎話收返?你自問講唔講得通先?
佢:咁你令我好難做
我:你都令我好難做,我唔知點嘔返比你!
佢:咁我問一問運輸果邊情況係咪咁先
我:張單果日我睇過的確係叫佢送個櫃冇寫收個櫃,所以唔關個送貨人員事呢!所以我地大家都認為係冇需要收,仲有你地批貨睇睇係咪全部板面都係有裂,因為我兩個見都係裂在同一個位置!
佢:一定唔會,我地所有貨都有QC過
我: (我心諗講多都無謂佢地一定唔認啦)哦~係呀咁好啦!我唔得閒同你地玩,唔好再因為呢樣野煩我,你地D小姐態度真係好差好惡劣,byebye
呢間野真係好不知所謂,就咁睇應該係物流果邊d人亂到不堪...出張單都有問題,未確實單內容又電話打比客...真係唔會再幫襯佢地!9唔搭8!未試過買一件咁簡單野會咁激氣
(呻完~好長篇...唔好意思,真係好鬼激氣呀!)

[ 本帖最後由 yan511229 於 10-9-30 02:03 編輯 ]
私人傳訊

yan511229


子爵府

積分: 13195

畀面勳章


37#
發表於 10-9-26 00:28 |只看該作者
原帖由 yoma1975 於 10-9-25 21:06 發表

在邊間店買嘢,檢貨時啲店員唔比你馬上檢貨,就最好不要買.由其同你講"拆了包裝包唔返"這句.件貨一定有問題,所以不比拆.

我試過幾次買嘢啲店員話"拆了包裝包唔返",但我話自己會包番,一定要檢貨,啲店員就推推拉拉講好 ...

其實我一聽到咁都仲更加想拆架...
不過今次因為件貨真係好巨所以真係比佢大到我
諗緊仲要湊女放學,如果拆左真係包唔返可以好難拎,加上佢地男店員又幫我拿拿聲放上車仔用繩綁好似好周到...搞到冇諗咁多
中蕉...

私人傳訊

yan511229


子爵府

積分: 13195

畀面勳章


36#
發表於 10-9-26 00:21 |只看該作者
原帖由 SmileFoReVeR 於 10-9-25 22:47 發表
樓主你試吓致電實惠既投訴電話, 如果打唔通, 叫分店幫你e-mail(不過你話分店咁差, 佢哋唔知肯唔肯幫你?), 佢哋有專人跟進(記得問佢攞直線電話), 睇吓有冇用?

多謝你意見先~
我打過去分店(<<佢地d態度仲差過街市d阿嬸)同埋CS Hotline,但當時都5點幾了,我問有冇投訴部電話佢地話5點已經收左叫我星期一先打,我仲問佢有冇直線因為打入去打左我成15分鐘有多...但佢話冇喎!咁我自己就上網搵下有冇其他聯絡方法,比我搵到佢地總部個fax同埋email,就試一試send去,仲在佢地個網頁留言位度留左言,睇睇星期一點,而家見到件垃圾都火火地...阻住晒咁放係度

[ 本帖最後由 yan511229 於 10-9-26 00:23 編輯 ]
私人傳訊

yan511229


子爵府

積分: 13195

畀面勳章


35#
發表於 10-9-26 00:16 |只看該作者
原帖由 T-bone 於 10-9-25 22:26 發表
我上兩星期都係買同款的三桶櫃，因為已經砌好，中間係透明包裝，上下紙皮，加兩條索帶！所以我都無拆來睇！mouth:mouth:" />mouth:" />

yes!!係已經砌好上下紙皮中間透明加4條索帶,我就係蠢見中間望落ok冇堅持要拆黎睇清上下...咁就出事
私人傳訊

SmileFoReVeR


公爵府

積分: 25174


34#
發表於 10-9-25 22:47 |只看該作者
其實我成日覺得買呢D大件傢俬有時都係撞手神, 有時好有時激氣, 有時店員好但送貨差....
我都有好多實惠買野既經驗, 有好有唔好, 先講自取貨, 我買過好多, 包括電腦椅, 多用途檯, 櫃仔, 膠櫃桶......多數喺新都會分店買, 佢地次次都係自動自覺拆開比我哋Check, 然後幫我哋pack番(有時老公仲會唔好意思幫手pack埋一份), 試過有個經理啱啱行過, 聽到我哋正商量緊點樣拎番屋企(當時減價期間,買咗好多嘢), 就話可以借架手推車比我哋, 但要落$200按金.
又試過喺青衣城買傢俬, 店員都好好, 試過買咗衣櫃, 送貨前又睇啱吉吉島個款, 於是番去換貨, 佢哋都好好禮貌......只係原來唔同牌子既貨, 送貨服務係相差非常大的, 我買apple既電視組合櫃, 送貨服務好好, 預計不能準時會先打電話嚟通知, 快手, 唔多聲氣, 有耐性.
但試過買玻璃鞋櫃嗰個牌子送貨個人就奇差, 約咗下午2-4點, 結果11點至到, 仲唔通知, 要我自己打電話去追, 送到嚟就話仲有貨趕住送唔幫我砌, 後尾幫我砌完又話我既牆身唔實淨, 唔幫我哋安上牆, 叫我哋另外搵五金師傅安, 我哋堅持要佢安, 佢就鑽錯位, 搞到安唔到, 仲借D意同我哋哎交, 我哋堅持唔讓步但講道理同容忍佢, 最後終於搞掂, 但好唔愉快囉.
又試過訂造衣櫃既頂櫃, 係apple牌子, 度門做錯方向.......要搞到去投訴組.......再送嚟又做錯, 搞咗4個月先至搞掂, 期間激氣到喊.......雖然後來送咗D優惠比我, 但都補唔番
另外幫襯吉吉島買餐檯, 沙發同衣櫃, 好彩冇出過問題.
樓主你試吓致電實惠既投訴電話, 如果打唔通, 叫分店幫你e-mail(不過你話分店咁差, 佢哋唔知肯唔肯幫你?), 佢哋有專人跟進(記得問佢攞直線電話), 睇吓有冇用?
私人傳訊

T-bone


大宅

積分: 2243

畀面勳章


33#
發表於 10-9-25 22:26 |只看該作者
我上兩星期都係買同款的三桶櫃，因為已經砌好，中間係透明包裝，上下紙皮，加兩條索帶！所以我都無拆來睇！mouth:mouth:" />
私人傳訊

NatalieMaMa


子爵府

積分: 12159

畀面勳章


32#
發表於 10-9-25 21:54 |只看該作者
我試過係實惠買sofa 同床褥, 兩次都係半夜12點幾先送貨嚟...
個送貨紋身大漢要收我地$200棄置舊床褥費用, 但實惠(樂富分店)做緊promotion, 免收棄置舊床褥費, 佢叫我打電話去實惠問, 但半夜三更點會有人聽電話...我最後都比咗$200佢, 但要係單度寫明, 再寫埋佢名同電話, 第二日即刻去實惠問清楚, 職員話冇理由收$200, 仲打電話比個紋身大漢, 點知個電話號碼係假ga, 最後個職員自掏腰包比番$200我.
私人傳訊

yoma1975


珍珠宮

積分: 30287

開心吸收勳章 認識瑞士牛牛第一回 畀面勳章 2011至尊種植勳章 環保接龍勳章


31#
發表於 10-9-25 21:06 |只看該作者
當時想檢查有否損壞,但店員說"拆了包裝包唔返",我在看表面似乎沒問題加上真係好驚包唔返,

在邊間店買嘢,檢貨時啲店員唔比你馬上檢貨,就最好不要買.由其同你講"拆了包裝包唔返"這句.件貨一定有問題,所以不比拆.

我試過幾次買嘢啲店員話"拆了包裝包唔返",但我話自己會包番,一定要檢貨,啲店員就推推拉拉講好多嘢.我一話唔買就由可檢貨,但一拆開件貨一定有問題,換另一件一開都有問題,我就明白其實個件貨或全批貨都有問題,但因一啲原因無得退番公司,所以找人要.
私人傳訊

twins312


大宅

積分: 3747


30#
發表於 10-9-25 16:48 |只看該作者
呢間野，試過一次佢的送貸安排同服務，永世都唔會再幫襯！:;pppp:
補充一句，有時真係要惡先得！

[ 本帖最後由 twins312 於 10-9-25 16:51 編輯 ]
私人傳訊

lalababe520


伯爵府

積分: 18707

好媽媽勳章 畀面勳章


29#
發表於 10-9-25 15:29 |只看該作者
原帖由 yan511229 於 10-9-25 13:53 發表

嗯...好似癲婆咁在電話狂鬧cs一輪佢地係話比我換,但要我拎返落去門市,問題係我唔想再白比車錢同埋太大件散晒拎唔到嘛...而家寫晒信去係等佢地回覆,好似noodles9112002咁講的方法睇下人家肯唔 ...



......唔合理囉, 佢地比件爛野比你, 仲要你搭4程的士

樓主....我覺得你一定唔似癲婆咁鬧人
(我真係試過對住個電話叫出黎, 123唔比我cut 電話, 搞左幾個, 比多左2個月錢, 仲send 多張單收數, 我打佢淨係鬧, 仲要超大聲, 佢先幫我真係真係真係cut, 我cut 左5次都cut 唔到)
私人傳訊

gucci_ha


子爵府

積分: 10098

好媽媽勳章 醒目開學勳章


28#
發表於 10-9-25 14:18 |只看該作者
我不嬲覺得實惠幾好架WO!!
試過買個一個地拖把 只係29.9咋
用1次 甩色GA.........扲番去 佢肯退錢 仲好好禮貌添

試過一次買梳花 999 唔夠1000要俾70蚊送貨費...
之後講講下同我個仔玩玩下 就話唔收70蚊送貨費添!

仲試過1次 買5桶櫃 點知得陳列品 我地CHECK好晒 佢地仲主動打8折......個員工仲幫我地推埋落停車場搬埋上私家車添

真係可能間間分店唔同 係我D面黎講 我感覺實惠好過日本城!

[ 本帖最後由 gucci_ha 於 10-9-25 14:22 編輯 ]
私人傳訊

yan511229


子爵府

積分: 13195

畀面勳章


27#
發表於 10-9-25 13:53 |只看該作者
原帖由 noodles9112002 於 10-9-25 10:14 發表
樓主有講e家可以換但要樓主自己送返去, 比我就嘈佢比方法佢揀一) 佢地攞個新黎換走件垃圾 二)我自己攞返去但退錢

嗯...好似癲婆咁在電話狂鬧cs一輪佢地係話比我換,但要我拎返落去門市,問題係我唔想再白比車錢同埋太大件散晒拎唔到嘛...而家寫晒信去係等佢地回覆,好似noodles9112002咁講的方法睇下人家肯唔肯...
如果自己拎去當搵人幫手拎到,回來的士$2x→call van $4x →再回來的士$2x 咁樣無啦啦就要比多成百蚊車錢了,個膠櫃先係$599咋
私人傳訊

noodles9112002


公爵府

積分: 26701

畀面勳章


26#
發表於 10-9-25 10:14 |只看該作者
樓主有講e家可以換但要樓主自己送返去, 比我就嘈佢比方法佢揀一) 佢地攞個新黎換走件垃圾 二)我自己攞返去但退錢
私人傳訊

eelenomis


男爵府

積分: 6783


25#
發表於 10-9-25 09:48 |只看該作者
佢地好睇你係咩野人黎蝦架!
樓主,你印d相出黎,再拎埋張單落門市,企在收銀位置叫佢地叫個經理出黎! 叫佢自己擘大眼睇清楚有冇得換!!!!
樓主,你記住唔好咁好聲氣對佢地呀!!! 唔係話要你潑婦罵街咁,只係好串咀咁同佢地講野!! 如果佢地話冇,叫佢地寫明比你係因咩原因唔換比你,唔係就報警!!
當然啦,佢地寫完比你話唔換,你都係報警處理!!
$599買個櫃冇得換?!
我在英皇娛樂廣場買過一個6xx的書櫃,折實4xx,要玥加多一件野夠600先可以送貨~ 咁因為個櫃冇貨,咁我就拎左另外個有轆推既架返屋企先,因為又係包得好好地,c6話唔好拆開喇,拆左包唔番好難拎,我問定佢係咪返到去發現有問題可以換,佢仲話7日內有問題包退包換,點知返到屋企拆開左,c6話唔like,因為d邊好界手,怕整傷bb,所以就拎番去退錢! 開頭佢地都話唔可以退錢,叫我揀其他野,咁我問點解,佢地話係只可以換野,我就問,咩野叫包退包換呀?如果只係可以換其他野,就唔好大大隻字話包退!!! 個收銀去問經理,經理又話唔得,個收銀再同佢講,我係vip,個經理先話退錢比我!!! :;pppp:
計番張單唔夠600,都係仲肯送貨比我!!! 仲招呼我坐低,話麻煩我等一陣添呀!!
私人傳訊

四眼雞丁


子爵府

積分: 11191


24#
發表於 10-9-25 07:15 |只看該作者
原帖由 yan511229 於 10-9-25 04:06 發表

有keep單,單上都寫明"非陳列品",我嬲在係佢d店員呢個推果個,仲要查都未查聽到我話爛成點點點,想耍走我收線就話陳列品,我話單上有寫明"非陳列品"架!係咪你地真係比錯左陳列品我所以爛成咁?佢就話比CS電話我自己搞掂, ...
同報紙佬講.佢地會幫你
私人傳訊

NBMOM


子爵府

積分: 12025


23#
發表於 10-9-25 07:11 |只看該作者
實x買一般都有得換的
上年我買時[未俾錢]
問員工,有咩問題/或5岩,可以換嗎
佢話可以有單就得,佢地仲話佢地自己有包裝材料,可以包返的.
果次我買左無問題

樓主今次,明俾人蝦囉 !!!
私人傳訊

yan511229


子爵府

積分: 13195

畀面勳章


22#
發表於 10-9-25 04:20 |只看該作者
原帖由 sissy0531 於 10-9-24 21:59 發表
真系唔明白，實惠咁大間公司，點解員工態度可以咁差！
私人傳訊

yan511229


子爵府

積分: 13195

畀面勳章


21#
發表於 10-9-25 04:16 |只看該作者
原帖由 chc404 於 10-9-24 22:17 發表
奇喎???? 我試過將軍澳店又唔係咁差!!!

我於今年年初在將軍澳實惠買過一個地柜(要自行安裝), 回家安裝時, 發覺其中一塊柜筒板錯了(兩塊板的"路鬼"同時向右,應是一左一右才對), 於是我打電話去該店找負責的Sales 說 ...

其實我幾年前在元朗大馬路分店買過一部國產名牌,回家後拆開發現冇隔塵網,因為係自取貨所以當時打落去門市店員都話叫我成部拎去換,但抽濕機真係好重的,當時我大住肚我問可唔可以幫我換,一係補返個網比我就算啦!當時店員話幫我問問,呢間店經理聽完就幫我一星期內上門成部換過,雖然送貨的人都係態度惡劣,因為我怕又少左D配件加上只可換一次,所以話比我睇清楚先走...佢地就目露凶光咁款,但最後都叫換得返丫...而家天澤店咁真係超失望!本來我由上次呢件事起都極少再幫襯,不過平心而論佢地D膠櫃筒真係款同價錢OK的...但一唔睇真又中蕉
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy