吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 有冇自己媽媽幫你陪月要收$??

大仔大女媽媽會今日: 0|主題: 177861

收藏本版

發帖

返回列表

跳至頁

查看: 1919 | 回覆: 20

[2011年] 有冇自己媽媽幫你陪月要收$?? [複製鏈接]

lu_man

大宅

積分: 2189

1^#

發表於 10-9-27 12:41 |只看該作者 |正序瀏覽 |打印

有冇自己媽媽幫你陪月要收$???
我媽媽有日問我俾幾多 $$佢幫我陪月呀...
仲問我俾幾 $$佢湊
我心有d唔開心~~

0 0 0

私人傳訊

Piggy-Baby

大宅

積分: 2301

21^#

發表於 10-10-1 13:25 |只看該作者

我同99住，無講明陪月時會唔會照顧我，不過c6就話佢會，因為99同62無收入，我地個個月俾家用同零用錢。所以99唔會再問我地拎，而我媽咪就會自己上嚟陪我，佢都無提過話要錢，可能我地平時都有俾零用錢佢。我d花膠一食晒佢仲會自己買俾我，反而我99你唔額外俾錢佢唔叫佢買，佢都唔會理你。
至於揍b，c6一早問咗我99話要佢揍，佢話ok，咁可以唔使請工人。如果唔係就真係好重負擔啦!!不過我媽咪都唔係好放心，佢話到時可能叫佢個賓賓上嚟幫吓。不過好似法例唔俾，到時先再算。

私人傳訊

caramelpudding

伯爵府

積分: 16822

20^#

發表於 10-9-30 13:35 |只看該作者

我覺得睇下自己有冇能力俾啦, 如果自己家庭收入都係moun moun緊, 咁咪同媽咪傾下自己能力可以俾到幾多囉, 等佢都了解下你經濟方面的分配問題; 但如果自己又搵到下, 媽媽生活環境又唔算好好, 咁咪儘量俾多少少佢囉.

會唔會佢以為你地仔女大晒, 個個搬出去住私樓大屋, 剩低阿媽住公屋都唔理?

可能你阿媽又要受埋d e媽姑姐閑言閑語, 都好煩架.

咁佢養大你地都冇計用左幾多錢啦, 除非你好細個就要自力更生甚至抛個身出黎養屋企..

[ 本帖最後由 caramelpudding 於 10-9-30 13:36 編輯 ]

私人傳訊

babibobo

大宅

積分: 1390

19^#

發表於 10-9-29 12:51 |只看該作者

我生大仔時返亞媽到坐月, 佢無問我要錢, 但由馱仔到生之後, 所有補品我都比錢佢買, 咁煲湯都要石油氣同佢心機時間, 比錢係好理所當然啦!!

今次搬近咗亞媽, 佢已經叫做半搬咗上黎, 佢夜晚都係我到瞓架喇(因為佢幫手湊大仔), 咁我今次坐月係屋企, 佢都好方便照顧, 錢一樣會比, 我既比錢宗旨係: 我既用品, 補品一定係自己比, 再加上佢既心機時間都要比多少錢架! 湊nb真係好辛苦架, 我上次見佢根本全日無停過手, 每朝係我起身前就已經做好抄米茶, 早飯, 湯水..........., 仲要煲ginger水比我沖涼, 仲要take care bb沖涼, 食奶..........嘩, 真係小啲精神心機都唔掂呀!

媽媽做陪月, 點計都平過請陪月ga la, 同埋放心好多. 所以, 錢, 自己有能力就比多少少, 大家開心啦!

私人傳訊

戲如人生

侯爵府

積分: 22131

叻叻勳章畀面勳章環保接龍勳章陪月勳章 BK Milk勳章

18^#

發表於 10-9-28 16:37 |只看該作者

每人都有每人唔同的性格同諗法
你阿媽係比較緊張錢GE...無計喎
有人住公屋....得三個人住
都可以話六七千家用邊夠?
我住公屋...幾千已經覺得好OK
錢...睇你點駛GE O者
如果你媽已經係背後咁話你
其實你應該考慮俾第二個湊
或者係放係育嬰園好了
因為你就算俾七千一個月你媽
佢可能都覺得你係欠左佢的

仲有我想講, 你MA話叫你出手唔好咁低
如果佢真係幫你陪月..我諗佢肯定想收你萬六七以上
如果佢真係出得口GE...我係你實串佢
萬六七係星級陪月價黎, 你有無咁GE資歷先?
人地萬五蚊請個人返黎, 可能當佢妹仔咁駛
又要洗屎片, 又要服侍我呢樣果樣...
問下你媽到時會唔會送幾廿個黑面俾你
先決定搵唔搵你媽幫你坐月啦

原帖由 lu_man 於 10-9-28 12:43 發表
我阿媽有次見我堂姐請左個萬五既陪月...
佢有同我講"咁你唔好出手咁低"
當時佢上緊政府既陪月課程...但最後fail左3科...
而家我想食d花膠...都係自己買返堅屋企架ja~~~
之後有次有問我俾幾$$佢湊...我有俾家用架... ...

私人傳訊

戲如人生

侯爵府

積分: 22131

叻叻勳章畀面勳章環保接龍勳章陪月勳章 BK Milk勳章

17^#

發表於 10-9-28 16:28 |只看該作者

原帖由 kangaroomama 於 10-9-28 09:20 發表
咁我又覺得,如果阿媽一心諗住要收錢,梗係早d講好啦,等你有個預算
唔係佢第時湊完朦朦下無比錢or比少左,實講你一世啦(我99係d咁既人)

所以先小人後君子都好既~
同埋你比左錢,就有道理駛佢做野麻... ...

你打得出呢句
証明你太天真太傻

到時你就知咩事了

mouth:

私人傳訊

果夫人

別墅

積分: 709

好媽媽勳章

16^#

發表於 10-9-28 16:11 |只看該作者

從d朋友口中得知, 由結婚禮金開始媽媽已經開大口lu... 婚後家用有增無減, 仲要年年review, 到生仔肯幫佢揍呀, 但一定要請埋工人先肯揍... 真係唔明架...

我要好感激我媽媽啦... 佢無諗過收我人工喎, 只係實報實銷咁... 當然, 做女既要識做, 辛苦咗阿媽要識令佢開心... 趁未生, 老公仔請爸爸媽媽去旅行賀佢哋30年結婚記念~~ 難怪阿媽咁錫呢個女婿, 老公今次加唔少分呀

!!!
老公竟然答我係為咗阿b好... 哈哈

~~~

私人傳訊

bebedidi

大宅

積分: 1950

15^#

發表於 10-9-28 13:57 |只看該作者

其實我覺得如果阿媽開得口問你攞陪月錢, 我唔會俾佢做low
我自己會一個人坐月. 講真, 當你迫住要一個人坐月個陣, 個d 野都要自己做ga la. 我都唔想阿媽辛苦.
如果講佢做陪月辛苦要俾返錢佢, 我生bb 唔辛苦既?又唔見有人俾錢我生仔?
呢d 野大家合作姐, 買野錢呢d 當然要俾返, 如果為阿媽好, 我會請人黎做.
佢唔like 既咪大不了唔好請自己做返.
錢呢d 野, 一係你就俾好多, 俾得少佢, 日日煩你俾說話你聽咪又係自己攞黎煩.
我其實睇到你地呢到人人都話請陪月, 有阿媽陪,我都好妒忌

私人傳訊

lu_man

大宅

積分: 2189

14^#

發表於 10-9-28 12:43 |只看該作者

我阿媽有次見我堂姐請左個萬五既陪月...
佢有同我講"咁你唔好出手咁低"
當時佢上緊政府既陪月課程...但最後fail左3科...
而家我想食d花膠...都係自己買返堅屋企架ja~~~
之後有次有問我俾幾$$佢湊...我有俾家用架...我都唔知講幾多好...多我又辛苦...少又怕佢講...我曾經係我親戚到知道佢話我俾好少家用..><
仲有...有次我阿妹...問佢"你幫家姐湊bb收唔收$$"
之後佢連阿妹都話埋 "你估你地俾好多家用呀"
其實佢收緊3個人既家用...同埋我娘家係住公屋既...
之前我買樓...佢都係咁叫我買居屋話平d...
我都想可以申請居屋or公屋啦...但唔得ma
居屋白表都要補地價...同我而家買既單位差幾萬ja...咁我都要買啦
佢都成日講我做咩要買樓 ><
我買既時候已經係低位買 ><