吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 自閉症係唔係等於弱智?

自由講場今日: 1604|主題: 1355360

收藏本版

發帖

返回列表

跳至頁

查看: 9835 | 回覆: 71

自閉症係唔係等於弱智? [複製鏈接]

12 3 4

小木偶媽咪

珍珠宮

積分: 38742

我的育兒心得勳章好媽媽勳章醒目開學勳章畀面勳章環保接龍勳章

1^#

發表於 10-9-29 23:29 |只看該作者 |正序瀏覽 |打印

唔好意思先,完全冇冒犯,歧視之意
只係岩岩睇完"香港事.情",但都係圍繞講個媽媽既努力
只係片面睇到佢個仔小小既行為,又同弱智人士一起,所以唔清楚

但...睇完之後我好慚愧...因為我根本對呢類小朋友好陌生
曾經好自私咁想...我自己果個都冇呢個問題,駛咩理
所以之前都冇去留意過,亦冇意思想去了解佢地
但睇完之後,我忍唔住喊...成日覺得自己好偉大
原來要照顧呢類小孩既媽咪先叫做偉大,
佢地既辛酸...根本係別人唔會諒解到既
我好慶幸自己睇左呢個節目,在街上遇到自閉症小朋友
可以明白到佢地只係有病,應該要體諒
希望大家都可以多包容,大家都係媽咪,明白到
仔女叻唔叻唔可以選擇,但都係自己既寶貝,天賜既禮物
自閉症小孩既家長加油,希望愈來愈多人接納到
你地係最偉大既媽媽

[ 本帖最後由小木偶媽咪於 10-9-29 23:30 編輯 ]

0 0 0

私人傳訊

minamina

男爵府

積分: 6662

72^#

發表於 10-10-1 10:50 |只看該作者

原帖由 小木偶媽咪 於 10-9-29 23:29 發表
唔好意思先,完全冇冒犯,歧視之意
只係岩岩睇完"香港事.情",但都係圍繞講個媽媽既努力
只係片面睇到佢個仔小小既行為,又同弱智人士一起,所以唔清楚

但...睇完之後我好慚愧...因為我根本對呢類小朋友好陌生
曾經好自 ...

要照顧這些孩子的人(父母/兄弟姊妹/親戚)真係好偉大!

私人傳訊

rose-mag

王國長老

積分: 174245

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

71^#

發表於 10-10-1 07:15 |只看該作者

睇完你地講咁多，仲有之前好多Topics講有關自閉症，我好懷疑我姑仔個仔有呢個問題，不過我都唔會同佢講，因為喺佢眼中佢個仔係完美，比任何人都優秀，連佢都覺得自己係教仔專家，佢只得一個仔咁大把，但佢就走嚟教我點可以令兩個小朋友相親相愛。我同老公講過，老公又同另一個姑仔講過，佢兩個都知道呢個小朋友將來會有好多問題，因為佢唔識同同齡小朋友相處，佢覺得自己果套先係啱，從不妥協，唔會容許別人逆佢意，我親眼見過佢情緒失控，明明佢自己錯，佢唔接受仲大發脾氣，但姑仔居然去附和佢，過後亦都冇話俾個仔聽自己錯，反而去鬧人地激嬲佢個仔，搞到個仔唔開心，類似例子仲有好多。

老公同佢妹講過但姑仔唔接受我地意見，反而話我地唔識教仔，雖然都有d覺得可惜但又冇辦法，個仔係佢嘅，而家個小朋友剛剛滿六歲，有時同佢講嘢都唔知佢講緊咩，佢出世時有好多敏感症仲有語言delay，4歲前去做咗好多語言治療架啦，而家佢媽咪只係覺得佢太瘦，因為佢有嚴重偏食，而且唔會覺得肚餓，你唔逼佢，佢可以一日都唔叫食嘢。

[ 本帖最後由 rose-mag 於 10-10-1 07:16 編輯 ]

私人傳訊

~仔仔媽咪~

水晶宮

積分: 51912

70^#

發表於 10-10-1 01:14 |只看該作者

原帖由 BoscoChow 於 10-10-1 00:35 發表
我個仔都係....佢由朝都晚都要睇財經, 學寫第一個字係六合彩, 爛賭2上身咁但安慰的是佢暫時未有情緒問題....

我囝都係有呢種癖好...不過佢唔係財經,而係卡通片、電影ending謝幕嗰堆升上黎嗰堆字,,,佢真係記得哂嗰D配音員D名...到我地睇其他卡通片show'聲之演出'(配音員列表),佢就會話到我地知邊D配音員响之前睇過邊套卡通係配邊個角色音...睇卡通、電影真係汁都撈埋...O咀...

除此之外,佢都極之好睇玩具同DVD包裝盒背既說明,佢就係咁自己學成日文平假名同片假名五十音,仲要識得拼出黎(片假名)...

所以我依家都唔係好信佢有語障...廣東話玩delay,日文英文反而無事...玩野.

[ 本帖最後由 ~仔仔媽咪~ 於 10-10-1 01:15 編輯 ]

私人傳訊

BoscoChow

大宅

積分: 2081

69^#

發表於 10-10-1 00:35 |只看該作者

我個仔都係....佢由朝都晚都要睇財經, 學寫第一個字係六合彩, 爛賭2上身咁

但安慰的是佢暫時未有情緒問題....

私人傳訊

小倩

王國長老

積分: 144524

2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章玩具勳章畀面勳章叻叻勳章有「營」勳章趣教勳章好媽媽勳章醒目開學勳章 2011至尊種植勳章環保接龍勳章大廚勳章 wyeth冷知識勳章睛靈勳章王國長老遊學勳章 BK猜猜猜慶中秋冬日勳章春季勳章炎夏勳章秋日勳章 hashtag影視迷勳章

68^#

發表於 10-9-30 22:52 |只看該作者

原帖由 BH_2 於 10-9-30 16:00 發表
我教小朋友的畫的, 見有不少有自閉傾向的小朋友, 有些已確定是自閉症, 如果高功能的可能是情緒固執, 不專注為主, 所以不太易被察覺, 低功能的就很易被認做低能, 一般的inclusive school 其實好難對佢有好大的幫助, ...

阿仔咪呢隻囉~
佢畫圖畫真係固執到哩

私人傳訊

~仔仔媽咪~

水晶宮

積分: 51912

67^#

發表於 10-9-30 22:44 |只看該作者

原帖由 BH_2 於 10-9-30 16:00 發表
我教小朋友的畫的, 見有不少有自閉傾向的小朋友, 有些已確定是自閉症, 如果高功能的可能是情緒固執, 不專注為主, 所以不太易被察覺, 低功能的就很易被認做低能, 一般的inclusive school 其實好難對佢有好大的幫助, ...

如果教有自閉傾向或ADHD既小朋友畫畫,我個人會建議俾佢地自由發揮,主題同畫法由佢地自己渣主意,等佢地畫完至'俾意見'佢地可以點樣再畫靚D,始終大多數既特殊兒童,佢地最能表達自己既方法正是畫畫,所以可以既話唔好限制住佢地,俾佢地從呢方面發展跟着自己意思去畫,效果會好好多.

私人傳訊

~仔仔媽咪~

水晶宮

積分: 51912

66^#

發表於 10-9-30 22:40 |只看該作者

原帖由 B媽-Blue 於 10-9-30 15:17 發表
~仔仔媽咪~

我有難題呀,阿仔而家k1,開始有功課,但佢真係好冇耐性,eg,圈大的物件,佢可以不停咁自己講而唔理我(都係講返呢份功課既內容),我有俾其他exercise佢做,但都係冇耐性,寫左個1字幾次,又睇後面2,3,4....又話唔 ...

呢個年紀小朋友係無咩耐性架喇,但有D野真係要堅持,要佢明白話事人係亞媽唔係佢囉,否則你俾佢得逞咗一次,之後就會好難叫佢聽你指令/意思行事架喇.

我都有學生情況似您囝囝,我會先俾佢講埋佢想講既說話先,但俾既時間同次數唔會多,安靜咁等佢滿足埋佢講野既慾望先,佢講完之後,你至好清楚簡單易明咁講番俾佢知份功課要做D乜野,記住一定要簡短,千祈唔好好似我咁長氣同CHUM...否則佢一定聽唔明.講既時候,用多少少body language黎表達番佢睇,再示範一次俾佢睇,佢會易理解D既,始終佢地呢類小朋友,都係慣咗用body language同人溝通,因為佢地言語方面唔叻.

至於佢寫字時多心要睇&寫後面未開始寫既生字,你要即時好FIRM咁同佢講到明要先寫完'1'字先,先至可以寫'2',佢扭就真係要即刻當住佢面前收埋佢本簿,要佢安靜先,佢冷靜落黎後,你好簡單問佢仲要唔要寫,佢話要時,就同佢講:"要寫就先寫完個'1',我就俾你寫'2'啦,D字'要排隊',唔可以'打尖'架!"

睇佢明唔明同跟唔跟,否則如果堅持咗一段日子佢都仲硬頸過你既,你試下轉下形式同佢寫字囉,同佢講話可以試下呢次跟番佢既意思去做,但如果見到佢唔合作唔乖或者唔識寫之前寫既字時,就要跟番媽咪意思去做架喇,睇佢應唔應承囉.如果佢唔係好肯寫隻字,你試下同佢玩下輪流寫遊戲,媽咪寫隻字一次先,然後同佢講:"輪到你喇!",引下佢寫,大家一人一次,佢會開心D,因為好似玩咁,二黎媽媽有參與.

私人傳訊

BH_2

別墅

積分: 544

65^#

發表於 10-9-30 16:00 |只看該作者

我教小朋友的畫的, 見有不少有自閉傾向的小朋友, 有些已確定是自閉症, 如果高功能的可能是情緒固執, 不專注為主, 所以不太易被察覺, 低功能的就很易被認做低能, 一般的inclusive school 其實好難對佢有好大的幫助, 但早期的專業訓練的確可以幫到一些中間位置的小朋友. 只是家長都未必識, 忽略了.

私人傳訊

B媽-Blue

用戶要求終止服務

積分: 42697

好媽媽勳章

64^#

發表於 10-9-30 15:17 |只看該作者

~仔仔媽咪~

我有難題呀,阿仔而家k1,開始有功課,但佢真係好冇耐性,eg,圈大的物件,佢可以不停咁自己講而唔理我(都係講返呢份功課既內容),我有俾其他exercise佢做,但都係冇耐性,寫左個1字幾次,又睇後面2,3,4....又話唔寫1,要寫其他,我唔俾佢就發脾氣,有時我火起黎收左佢唔俾佢寫

私人傳訊

~仔仔媽咪~

水晶宮

積分: 51912

63^#

發表於 10-9-30 15:00 |只看該作者

原帖由甜芋於 10-9-30 14:34 發表

兩晚,我要求佢重寫.佢做除法又唔寫式.或者寫到我睇唔到.不過,叫佢重新做,好彩佢又肯.但係要吵下交咁嘍.佢閙我,我已經唔出聲.總之,功課重新寫份靚0既出黎就得.等佢寫完.我仲要讚佢大0固仔啦,肯為自己0既過錯而改正. ...

最緊要佢都聽你話,佢地始終係細路,發下炆嘈下都好正常既...至緊要多D讚佢,等佢知佢永遠係媽咪心中既叻仔好仔黎,呢樣好重要.至少媽咪覺得佢最好最叻係正面既.

私人傳訊

~仔仔媽咪~

水晶宮

積分: 51912

62^#

發表於 10-9-30 14:52 |只看該作者

原帖由 pipi331 於 10-9-30 14:25 發表

無錯. 做人唔識轉彎, 死牛一邊頸, 覺得自己一定啱唔識多角度思考, 就系a仔ge 最大問題.

所以有時教到無哂墨水時,我唯有以一句'This is an order'咁既態度叫佢跟我意思去做,叫佢唔好問點解,總之一定要係咁樣行就係咁行,要佢完全跟,唔好諗其他...呢樣,就係我之前所講咁,跟番佢地條tone黎教佢地...佢地好A時,亞媽更A.

私人傳訊

2009_SHW

民房

積分: 49

61^#

發表於 10-9-30 14:51 |只看該作者

你無食錯野架放心，好多野係天生，唔係我地可以教出黎，能陪佢一齊成長已係莫大既福氣，加油加油！

原帖由甜芋於 10-9-30 13:12 發表

如果老爺莽失,由得佢.當聽唔到.
我仔仔想死時,7歲多小小.佢想死0固幾晚,我同老豆攬住佢瞓.佢中意打邊爐,中意溫暖,老豆灼俾佢喂佢食.連妹妹都氹佢開心.我地同妹妹解釋咗.因為哥哥0固心唔舒服.
唔返學就唔返.大不了 ...

私人傳訊

kikiboy

珍珠宮

積分: 37571

60^#

發表於 10-9-30 14:51 |只看該作者

各位自閉兒的媽媽,

請你們不要用"發癲"呢個詞來形容小朋友和自己, 我明白你們講"發癲"的意思, 但不了解的人以為真的是"發癲", 少不免會引起歧視或疏離佢哋, 試諗吓遇到真的"癲"人你會回避嗎? 況且係佢媽媽親口話佢"發癲"喎.

請用"情緒失控"來形容吧.

(P.S.我兒言語delay, 沒有情緒問題)

大家加油!

[ 本帖最後由 kikiboy 於 10-9-30 14:52 編輯 ]

希望一家人每日開開心心返工(返學)去, 平平安安放工(放學)來!
全世界可以睇小佢,但佢亞媽我一定唔可以!
以平常心對待無常事~~~試問有多少人能做到呢!?

私人傳訊

~仔仔媽咪~

水晶宮

積分: 51912

59^#

發表於 10-9-30 14:49 |只看該作者

原帖由 sjmama 於 10-9-30 13:21 發表
這篇報導的標題是誤導了，有些自閉症人士有"特異功能"，但不等於是天才。他們在學習上、生活上要面對很大的困難。

有人這樣描述自閉症孩子：
"他們有語言但難以溝通，有視力卻不能與你對視，有聽力但對你的問話充耳不聞，有智力 ...

基本上一般人同我地呢班仔既天才定義係唔同,常人眼中既天才係範範都好掂嗰隻,而我地班仔既'天才',只係源於佢地自己對某樣事物特別有興趣,所以至集中去往嗰一方面發展,所以佢地咪零零舍舍有一方面叻過常人囉.

但嗰班所謂天才或資優,又確實會有自閉、亞氏保加或讀寫等問題,唔會係完美的.

我都覺得高錕都有自閉傾向,講真一般人又會唔會日日專登渣架車去超市,入去為既係將所有既價錢牌逐一去研究去搵左邊既數目字同右邊嗰幾隻數目字既關係...?當年睇新聞節目專訪佢,睇住佢滿滿足足咁去玩數字,佢太太苦笑地話佢老公就係咁樣.外人覺得佢天才,但睇得細微些卻不難發現佢D自閉特徵囉.只係呢班自閉人士,佢地所'專注'既野,會否令佢日後發揚光大,造福到社會,如做到,佢地便是天才.天才既定義就係咁樣黎.

就算我囝,就算响七歲做既IQ TEST都評佢為有限發展智能,但响TEST度,每一項都只係剛啱响正常線位下面,有耐都未去到弱智啡色線位,所以醫生唔評佢係弱智,但同時佢砌積木嗰一項卻高於常人兩倍...我囝又確實四歲左右已經可以自行砌模型,連說明書都唔睇已經砌到半個出黎...

我覺得現今既人都係一直研究自閉同其他特殊問題,所以都未必能下定論,自閉=天才定弱智,只要翻一翻書本,已經講出多種不同類型既自閉症,有D仲要係mix住咁黎,所以又唔能夠推翻某些報導既.

至於人地描述的自閉孩子,我覺得佢地未明白呢班自閉孩子所出既誤解,你同佢講野,佢唔望你唔俾feedback你,唔代表佢無用心去聽,只係佢唔能夠好似常人咁會自然地表達出黎俾人知佢係聽緊;佢聽唔代表佢對眼會望或會有任何身體語言俾到人睇,佢可以好似聽唔到一樣無任何表示反應;佢聽完無言語上既表達回應,只係佢地既特色係咁,但佢地真係有用心去聽的.呢樣至少我仔會係咁...有次老師又係見我仔唔望黑板自己自言自語哩枱底,老師好勞氣咁走去問我仔佢剛教既詞語係咩,要佢讀出黎(以為佢無聽書,黎考佢),誰知我仔又係唔望黑板,好自然地手指老師寫嗰個生字既地方指咗一下,然後又係無望人無望黑板隻字咁讀啱咗嗰個詞語...原來,佢真係有聽,只係接收同反應都比人特別.我地無法理解佢點樣接收同俾反應.

私人傳訊

vicky

伯爵府

積分: 17273

熱血金章好媽媽勳章畀面勳章

58^#

發表於 10-9-30 14:41 |只看該作者

依家睇返,不過套嘢好似講好多年前嘅事咁嘅?
同埋,片中嗰啲係咪病情好嚴重架?因為個樣都真係好唔同咁...
我有朋友個仔都有自閉,但佢喺某一啲事係她叻,甚至係資優...
我都要鼓勵吓各位有自閉症小朋友嘅媽咪,因為你地要付出及犧牲真係好多好多,你地她叻啊,加油!

[ 本帖最後由 vicky 於 10-9-30 14:49 編輯 ]